PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |
This stotram is in శుద్ధ తెలుగు. View this in సరళ తెలుగు, with simplified anuswaras for easy reading.

ఉమా మహేశ్వర స్తోత్రమ్

నమః శివాభ్యాం నవయౌవనాభ్యాం
పరస్పరాశ్లిష్టవపుర్ధరాభ్యాం |
నగేన్ద్రకన్యావృషకేతనాభ్యాం
నమో నమః శఙ్కరపార్వతీభ్యాం ‖ 1 ‖

నమః శివాభ్యాం సరసోత్సవాభ్యాం
నమస్కృతాభీష్టవరప్రదాభ్యాం |
నారాయణేనార్చితపాదుకాభ్యాం
నమో నమః శఙ్కరపార్వతీభ్యాం ‖ 2 ‖

నమః శివాభ్యాం వృషవాహనాభ్యాం
విరిఞ్చివిష్ణ్విన్ద్రసుపూజితాభ్యాం |
విభూతిపాటీరవిలేపనాభ్యాం
నమో నమః శఙ్కరపార్వతీభ్యాం ‖ 3 ‖

నమః శివాభ్యాం జగదీశ్వరాభ్యాం
జగత్పతిభ్యాం జయవిగ్రహాభ్యాం |
జమ్భారిముఖ్యైరభివన్దితాభ్యాం
నమో నమః శఙ్కరపార్వతీభ్యాం ‖ 4 ‖

నమః శివాభ్యాం పరమౌషధాభ్యాం
పఞ్చాక్షరీపఞ్జరరఞ్జితాభ్యాం |
ప్రపఞ్చసృష్టిస్థితిసంహృతాభ్యాం
నమో నమః శఙ్కరపార్వతీభ్యాం ‖ 5 ‖

నమః శివాభ్యామతిసున్దరాభ్యాం
అత్యన్తమాసక్తహృదమ్బుజాభ్యాం |
అశేషలోకైకహితఙ్కరాభ్యాం
నమో నమః శఙ్కరపార్వతీభ్యాం ‖ 6 ‖

నమః శివాభ్యాం కలినాశనాభ్యాం
కఙ్కాళకల్యాణవపుర్ధరాభ్యాం |
కైలాసశైలస్థితదేవతాభ్యాం
నమో నమః శఙ్కరపార్వతీభ్యాం ‖ 7 ‖

నమః శివాభ్యామశుభాపహాభ్యాం
అశేషలోకైకవిశేషితాభ్యాం |
అకుణ్ఠితాభ్యాం స్మృతిసమ్భృతాభ్యాం
నమో నమః శఙ్కరపార్వతీభ్యాం ‖ 8 ‖

నమః శివాభ్యాం రథవాహనాభ్యాం
రవీన్దువైశ్వానరలోచనాభ్యాం |
రాకాశశాఙ్కాభముఖామ్బుజాభ్యాం
నమో నమః శఙ్కరపార్వతీభ్యాం ‖ 9 ‖

నమః శివాభ్యాం జటిలన్ధరాభ్యాం
జరామృతిభ్యాం చ వివర్జితాభ్యాం |
జనార్దనాబ్జోద్భవపూజితాభ్యాం
నమో నమః శఙ్కరపార్వతీభ్యాం ‖ 10 ‖

నమః శివాభ్యాం విషమేక్షణాభ్యాం
బిల్వచ్ఛదామల్లికదామభృద్భ్యాం |
శోభావతీశాన్తవతీశ్వరాభ్యాం
నమో నమః శఙ్కరపార్వతీభ్యాం ‖ 11 ‖

నమః శివాభ్యాం పశుపాలకాభ్యాం
జగత్రయీరక్షణబద్ధహృద్భ్యాం |
సమస్తదేవాసురపూజితాభ్యాం
నమో నమః శఙ్కరపార్వతీభ్యాం ‖ 12 ‖

స్తోత్రం త్రిసన్ధ్యం శివపార్వతీభ్యాం
భక్త్యా పఠేద్ద్వాదశకం నరో యః |
స సర్వసౌభాగ్యఫలాని
భుఙ్క్తే శతాయురాన్తే శివలోకమేతి ‖ 13 ‖