PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

উমা মহেশ্বর স্তোত্রম্

নমঃ শিবাভ্যাং নবযৌবনাভ্যাং
পরস্পরাশ্লিষ্টবপুর্ধরাভ্যাং |
নগেংদ্রকন্যাবৃষকেতনাভ্যাং
নমো নমঃ শংকরপার্বতীভ্যাং ‖ 1 ‖

নমঃ শিবাভ্যাং সরসোত্সবাভ্যাং
নমস্কৃতাভীষ্টবরপ্রদাভ্যাং |
নারাযণেনার্চিতপাদুকাভ্যাং
নমো নমঃ শংকরপার্বতীভ্যাং ‖ 2 ‖

নমঃ শিবাভ্যাং বৃষবাহনাভ্যাং
বিরিংচিবিষ্ণ্বিংদ্রসুপূজিতাভ্যাং |
বিভূতিপাটীরবিলেপনাভ্যাং
নমো নমঃ শংকরপার্বতীভ্যাং ‖ 3 ‖

নমঃ শিবাভ্যাং জগদীশ্বরাভ্যাং
জগত্পতিভ্যাং জযবিগ্রহাভ্যাং |
জংভারিমুখ্যৈরভিবংদিতাভ্যাং
নমো নমঃ শংকরপার্বতীভ্যাং ‖ 4 ‖

নমঃ শিবাভ্যাং পরমৌষধাভ্যাং
পংচাক্ষরীপংজররংজিতাভ্যাং |
প্রপংচসৃষ্টিস্থিতিসংহৃতাভ্যাং
নমো নমঃ শংকরপার্বতীভ্যাং ‖ 5 ‖

নমঃ শিবাভ্যামতিসুংদরাভ্যাং
অত্যংতমাসক্তহৃদংবুজাভ্যাং |
অশেষলোকৈকহিতংকরাভ্যাং
নমো নমঃ শংকরপার্বতীভ্যাং ‖ 6 ‖

নমঃ শিবাভ্যাং কলিনাশনাভ্যাং
কংকালকল্যাণবপুর্ধরাভ্যাং |
কৈলাসশৈলস্থিতদেবতাভ্যাং
নমো নমঃ শংকরপার্বতীভ্যাং ‖ 7 ‖

নমঃ শিবাভ্যামশুভাপহাভ্যাং
অশেষলোকৈকবিশেষিতাভ্যাং |
অকুংঠিতাভ্যাং স্মৃতিসংভৃতাভ্যাং
নমো নমঃ শংকরপার্বতীভ্যাং ‖ 8 ‖

নমঃ শিবাভ্যাং রথবাহনাভ্যাং
রবীংদুবৈশ্বানরলোচনাভ্যাং |
রাকাশশাংকাভমুখাংবুজাভ্যাং
নমো নমঃ শংকরপার্বতীভ্যাং ‖ 9 ‖

নমঃ শিবাভ্যাং জটিলংধরাভ্যাং
জরামৃতিভ্যাং চ বিবর্জিতাভ্যাং |
জনার্দনাব্জোদ্ভবপূজিতাভ্যাং
নমো নমঃ শংকরপার্বতীভ্যাং ‖ 10 ‖

নমঃ শিবাভ্যাং বিষমেক্ষণাভ্যাং
বিল্বচ্ছদামল্লিকদামভৃদ্ভ্যাং |
শোভাবতীশাংতবতীশ্বরাভ্যাং
নমো নমঃ শংকরপার্বতীভ্যাং ‖ 11 ‖

নমঃ শিবাভ্যাং পশুপালকাভ্যাং
জগত্রযীরক্ষণবদ্ধহৃদ্ভ্যাং |
সমস্তদেবাসুরপূজিতাভ্যাং
নমো নমঃ শংকরপার্বতীভ্যাং ‖ 12 ‖

স্তোত্রং ত্রিসংধ্যং শিবপার্বতীভ্যাং
ভক্ত্যা পঠেদ্দ্বাদশকং নরো যঃ |
স সর্বসৌভাগ্যফলানি
ভুংক্তে শতাযুরাংতে শিবলোকমেতি ‖ 13 ‖