PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |
This stotram is in ಶುದ್ಧ ಕನ್ನಡ. View this in ಸರಳ ಕನ್ನಡ, with simplified anuswaras for easy reading.

ಗಾಯತ್ರೀ ಕವಚಮ್


ನಾರದ ಉವಾಚ

ಸ್ವಾಮಿನ್ ಸರ್ವಜಗನ್ನಾಧ ಸಂಶಯೋಽಸ್ತಿ ಮಮ ಪ್ರಭೋ
ಚತುಷಷ್ಟಿ ಕಳಾಭಿಜ್ಞ ಪಾತಕಾ ದ್ಯೋಗವಿದ್ವರ

ಮುಚ್ಯತೇ ಕೇನ ಪುಣ್ಯೇನ ಬ್ರಹ್ಮರೂಪಃ ಕಥಂ ಭವೇತ್
ದೇಹಶ್ಚ ದೇವತಾರೂಪೋ ಮನ್ತ್ರ ರೂಪೋ ವಿಶೇಷತಃ

ಕರ್ಮತ ಚ್ಛ್ರೋತು ಮಿಚ್ಛಾಮಿ ನ್ಯಾಸಂ ಚ ವಿಧಿಪೂರ್ವಕಮ್
ಋಷಿ ಶ್ಛನ್ದೋಽಧಿ ದೈವಞ್ಚ ಧ್ಯಾನಂ ಚ ವಿಧಿವ ತ್ಪ್ರಭೋ

ನಾರಾಯಣ ಉವಾಚ

ಅಸ್ಯ್ತೇಕಂ ಪರಮಂ ಗುಹ್ಯಂ ಗಾಯತ್ರೀ ಕವಚಂ ತಥಾ
ಪಠನಾ ದ್ಧಾರಣಾ ನ್ಮರ್ತ್ಯ ಸ್ಸರ್ವಪಾಪೈಃ ಪ್ರಮುಚ್ಯತೇ

ಸರ್ವಾಙ್ಕಾಮಾನವಾಪ್ನೋತಿ ದೇವೀ ರೂಪಶ್ಚ ಜಾಯತೇ
ಗಾಯತ್ತ್ರೀ ಕವಚಸ್ಯಾಸ್ಯ ಬ್ರಹ್ಮವಿಷ್ಣುಮಹೇಶ್ವರಾಃ

ಋಷಯೋ ಋಗ್ಯಜುಸ್ಸಾಮಾಥರ್ವ ಚ್ಛನ್ದಾಂಸಿ ನಾರದ
ಬ್ರಹ್ಮರೂಪಾ ದೇವತೋಕ್ತಾ ಗಾಯತ್ರೀ ಪರಮಾ ಕಳಾ

ತದ್ಬೀಜಂ ಭರ್ಗ ಇತ್ಯೇಷಾ ಶಕ್ತಿ ರುಕ್ತಾ ಮನೀಷಿಭಿಃ
ಕೀಲಕಞ್ಚ ಧಿಯಃ ಪ್ರೋಕ್ತಂ ಮೋಕ್ಷಾರ್ಧೇ ವಿನಿಯೋಜನಮ್

ಚತುರ್ಭಿರ್ಹೃದಯಂ ಪ್ರೋಕ್ತಂ ತ್ರಿಭಿ ರ್ವರ್ಣೈ ಶ್ಶಿರ ಸ್ಸ್ಮೃತಮ್
ಚತುರ್ಭಿಸ್ಸ್ಯಾಚ್ಛಿಖಾ ಪಶ್ಚಾತ್ತ್ರಿಭಿಸ್ತು ಕವಚಂ ಸ್ಸ್ಮುತಮ್

ಚತುರ್ಭಿ ರ್ನೇತ್ರ ಮುದ್ಧಿಷ್ಟಂ ಚತುರ್ಭಿಸ್ಸ್ಯಾತ್ತದಸ್ರ್ತಕಮ್
ಅಥ ಧ್ಯಾನಂ ಪ್ರವಕ್ಷ್ಯಾಮಿ ಸಾಧಕಾಭೀಷ್ಟದಾಯಕಮ್

ಮುಕ್ತಾ ವಿದ್ರುಮ ಹೇಮನೀಲ ಧವಳ ಚ್ಛಾಯೈರ್ಮುಖೈ ಸ್ತ್ರೀಕ್ಷಣೈಃ
ಯುಕ್ತಾಮಿನ್ದು ನಿಬದ್ಧ ರತ್ನ ಮಕುಟಾಂ ತತ್ವಾರ್ಧ ವರ್ಣಾತ್ಮಿಕಾಮ್ |
ಗಾಯತ್ತ್ರೀಂ ವರದಾಭಯಾಂ ಕುಶಕಶಾಶ್ಶುಭ್ರಂ ಕಪಾಲಂ ಗದಾಂ
ಶಙ್ಖಂ ಚಕ್ರ ಮಥಾರವಿನ್ದ ಯುಗಳಂ ಹಸ್ತೈರ್ವಹನ್ತೀಂ ಭಜೇ ‖

ಗಾಯತ್ತ್ರೀ ಪೂರ್ವತಃ ಪಾತು ಸಾವಿತ್ರೀ ಪಾತು ದಕ್ಷಿಣೇ
ಬ್ರಹ್ಮ ಸನ್ಧ್ಯಾತು ಮೇ ಪಶ್ಚಾದುತ್ತರಾಯಾಂ ಸರಸ್ವತೀ

ಪಾರ್ವತೀ ಮೇ ದಿಶಂ ರಾಕ್ಷೇ ತ್ಪಾವಕೀಂ ಜಲಶಾಯಿನೀ
ಯಾತೂಧಾನೀಂ ದಿಶಂ ರಕ್ಷೇ ದ್ಯಾತುಧಾನಭಯಙ್ಕರೀ

ಪಾವಮಾನೀಂ ದಿಶಂ ರಕ್ಷೇತ್ಪವಮಾನ ವಿಲಾಸಿನೀ
ದಿಶಂ ರೌದ್ರೀಞ್ಚ ಮೇ ಪಾತು ರುದ್ರಾಣೀ ರುದ್ರ ರೂಪಿಣೀ

ಊರ್ಧ್ವಂ ಬ್ರಹ್ಮಾಣೀ ಮೇ ರಕ್ಷೇ ದಧಸ್ತಾ ದ್ವೈಷ್ಣವೀ ತಥಾ
ಏವಂ ದಶ ದಿಶೋ ರಕ್ಷೇ ತ್ಸರ್ವಾಙ್ಗಂ ಭುವನೇಶ್ವರೀ

ತತ್ಪದಂ ಪಾತು ಮೇ ಪಾದೌ ಜಙ್ಘೇ ಮೇ ಸವಿತುಃಪದಮ್
ವರೇಣ್ಯಂ ಕಟಿ ದೇಶೇತು ನಾಭಿಂ ಭರ್ಗ ಸ್ತಥೈವಚ

ದೇವಸ್ಯ ಮೇ ತದ್ಧೃದಯಂ ಧೀಮಹೀತಿ ಚ ಗಲ್ಲಯೋಃ
ಧಿಯಃ ಪದಂ ಚ ಮೇ ನೇತ್ರೇ ಯಃ ಪದಂ ಮೇ ಲಲಾಟಕಮ್

ನಃ ಪದಂ ಪಾತು ಮೇ ಮೂರ್ಧ್ನಿ ಶಿಖಾಯಾಂ ಮೇ ಪ್ರಚೋದಯಾತ್
ತತ್ಪದಂ ಪಾತು ಮೂರ್ಧಾನಂ ಸಕಾರಃ ಪಾತು ಫಾಲಕಮ್

ಚಕ್ಷುಷೀತು ವಿಕಾರಾರ್ಣೋ ತುಕಾರಸ್ತು ಕಪೋಲಯೋಃ
ನಾಸಾಪುಟಂ ವಕಾರಾರ್ಣೋ ರಕಾರಸ್ತು ಮುಖೇ ತಥಾ

ಣಿಕಾರ ಊರ್ಧ್ವ ಮೋಷ್ಠನ್ತು ಯಕಾರಸ್ತ್ವಧರೋಷ್ಠಕಮ್
ಆಸ್ಯಮಧ್ಯೇ ಭಕಾರಾರ್ಣೋ ಗೋಕಾರ ಶ್ಚುಬುಕೇ ತಥಾ

ದೇಕಾರಃ ಕಣ್ಠ ದೇಶೇತು ವಕಾರ ಸ್ಸ್ಕನ್ಧ ದೇಶಕಮ್
ಸ್ಯಕಾರೋ ದಕ್ಷಿಣಂ ಹಸ್ತಂ ಧೀಕಾರೋ ವಾಮ ಹಸ್ತಕಮ್

ಮಕಾರೋ ಹೃದಯಂ ರಕ್ಷೇದ್ಧಿಕಾರ ಉದರೇ ತಥಾ
ಧಿಕಾರೋ ನಾಭಿ ದೇಶೇತು ಯೋಕಾರಸ್ತು ಕಟಿಂ ತಥಾ

ಗುಹ್ಯಂ ರಕ್ಷತು ಯೋಕಾರ ಊರೂ ದ್ವೌ ನಃ ಪದಾಕ್ಷರಮ್
ಪ್ರಕಾರೋ ಜಾನುನೀ ರಕ್ಷೇ ಚ್ಛೋಕಾರೋ ಜಙ್ಘ ದೇಶಕಮ್

ದಕಾರಂ ಗುಲ್ಫ ದೇಶೇತು ಯಾಕಾರಃ ಪದಯುಗ್ಮಕಮ್
ತಕಾರ ವ್ಯಞ್ಜನಂ ಚೈವ ಸರ್ವಾಙ್ಗೇ ಮೇ ಸದಾವತು

ಇದನ್ತು ಕವಚಂ ದಿವ್ಯಂ ಬಾಧಾ ಶತ ವಿನಾಶನಮ್
ಚತುಷ್ಷಷ್ಟಿ ಕಳಾ ವಿದ್ಯಾದಾಯಕಂ ಮೋಕ್ಷಕಾರಕಮ್

ಮುಚ್ಯತೇ ಸರ್ವ ಪಾಪೇಭ್ಯಃ ಪರಂ ಬ್ರಹ್ಮಾಧಿಗಚ್ಛತಿ
ಪಠನಾ ಚ್ಛ್ರವಣಾ ದ್ವಾಪಿ ಗೋ ಸಹಸ್ರ ಫಲಂ ಲಭೇತ್

ಶ್ರೀ ದೇವೀಭಾಗವತಾನ್ತರ್ಗತ ಗಾಯತ್ತ್ರೀ ಕವಚಮ್ ಸಮ್ಪೂರ್ಣಂ