PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

ગાયત્રી કવચમ્


નારદ ઉવાચ

સ્વામિન્ સર્વજગન્નાધ સંશયોઽસ્તિ મમ પ્રભો
ચતુષષ્ટિ કળાભિજ્ઞ પાતકા દ્યોગવિદ્વર

મુચ્યતે કેન પુણ્યેન બ્રહ્મરૂપઃ કથં ભવેત્
દેહશ્ચ દેવતારૂપો મંત્ર રૂપો વિશેષતઃ

કર્મત ચ્છ્રોતુ મિચ્છામિ ન્યાસં ચ વિધિપૂર્વકમ્
ઋષિ શ્છંદોઽધિ દૈવંચ ધ્યાનં ચ વિધિવ ત્પ્રભો

નારાયણ ઉવાચ

અસ્ય્તેકં પરમં ગુહ્યં ગાયત્રી કવચં તથા
પઠના દ્ધારણા ન્મર્ત્ય સ્સર્વપાપૈઃ પ્રમુચ્યતે

સર્વાંકામાનવાપ્નોતિ દેવી રૂપશ્ચ જાયતે
ગાયત્ત્રી કવચસ્યાસ્ય બ્રહ્મવિષ્ણુમહેશ્વરાઃ

ઋષયો ઋગ્યજુસ્સામાથર્વ ચ્છંદાંસિ નારદ
બ્રહ્મરૂપા દેવતોક્તા ગાયત્રી પરમા કળા

તદ્બીજં ભર્ગ ઇત્યેષા શક્તિ રુક્તા મનીષિભિઃ
કીલકંચ ધિયઃ પ્રોક્તં મોક્ષાર્ધે વિનિયોજનમ્

ચતુર્ભિર્હૃદયં પ્રોક્તં ત્રિભિ ર્વર્ણૈ શ્શિર સ્સ્મૃતમ્
ચતુર્ભિસ્સ્યાચ્છિખા પશ્ચાત્ત્રિભિસ્તુ કવચં સ્સ્મુતમ્

ચતુર્ભિ ર્નેત્ર મુદ્ધિષ્ટં ચતુર્ભિસ્સ્યાત્તદસ્ર્તકમ્
અથ ધ્યાનં પ્રવક્ષ્યામિ સાધકાભીષ્ટદાયકમ્

મુક્તા વિદ્રુમ હેમનીલ ધવળ ચ્છાયૈર્મુખૈ સ્ત્રીક્ષણૈઃ
યુક્તામિંદુ નિબદ્ધ રત્ન મકુટાં તત્વાર્ધ વર્ણાત્મિકામ્ |
ગાયત્ત્રીં વરદાભયાં કુશકશાશ્શુભ્રં કપાલં ગદાં
શંખં ચક્ર મથારવિંદ યુગળં હસ્તૈર્વહંતીં ભજે ‖

ગાયત્ત્રી પૂર્વતઃ પાતુ સાવિત્રી પાતુ દક્ષિણે
બ્રહ્મ સંધ્યાતુ મે પશ્ચાદુત્તરાયાં સરસ્વતી

પાર્વતી મે દિશં રાક્ષે ત્પાવકીં જલશાયિની
યાતૂધાનીં દિશં રક્ષે દ્યાતુધાનભયંકરી

પાવમાનીં દિશં રક્ષેત્પવમાન વિલાસિની
દિશં રૌદ્રીંચ મે પાતુ રુદ્રાણી રુદ્ર રૂપિણી

ઊર્ધ્વં બ્રહ્માણી મે રક્ષે દધસ્તા દ્વૈષ્ણવી તથા
એવં દશ દિશો રક્ષે ત્સર્વાંગં ભુવનેશ્વરી

તત્પદં પાતુ મે પાદૌ જંઘે મે સવિતુઃપદમ્
વરેણ્યં કટિ દેશેતુ નાભિં ભર્ગ સ્તથૈવચ

દેવસ્ય મે તદ્ધૃદયં ધીમહીતિ ચ ગલ્લયોઃ
ધિયઃ પદં ચ મે નેત્રે યઃ પદં મે લલાટકમ્

નઃ પદં પાતુ મે મૂર્ધ્નિ શિખાયાં મે પ્રચોદયાત્
તત્પદં પાતુ મૂર્ધાનં સકારઃ પાતુ ફાલકમ્

ચક્ષુષીતુ વિકારાર્ણો તુકારસ્તુ કપોલયોઃ
નાસાપુટં વકારાર્ણો રકારસ્તુ મુખે તથા

ણિકાર ઊર્ધ્વ મોષ્ઠંતુ યકારસ્ત્વધરોષ્ઠકમ્
આસ્યમધ્યે ભકારાર્ણો ગોકાર શ્ચુબુકે તથા

દેકારઃ કંઠ દેશેતુ વકાર સ્સ્કંધ દેશકમ્
સ્યકારો દક્ષિણં હસ્તં ધીકારો વામ હસ્તકમ્

મકારો હૃદયં રક્ષેદ્ધિકાર ઉદરે તથા
ધિકારો નાભિ દેશેતુ યોકારસ્તુ કટિં તથા

ગુહ્યં રક્ષતુ યોકાર ઊરૂ દ્વૌ નઃ પદાક્ષરમ્
પ્રકારો જાનુની રક્ષે ચ્છોકારો જંઘ દેશકમ્

દકારં ગુલ્ફ દેશેતુ યાકારઃ પદયુગ્મકમ્
તકાર વ્યંજનં ચૈવ સર્વાંગે મે સદાવતુ

ઇદંતુ કવચં દિવ્યં બાધા શત વિનાશનમ્
ચતુષ્ષષ્ટિ કળા વિદ્યાદાયકં મોક્ષકારકમ્

મુચ્યતે સર્વ પાપેભ્યઃ પરં બ્રહ્માધિગચ્છતિ
પઠના ચ્છ્રવણા દ્વાપિ ગો સહસ્ર ફલં લભેત્

શ્રી દેવીભાગવતાંતર્ગત ગાયત્ત્રી કવચમ્ સંપૂર્ણં