Collection of Spiritual and Devotional Literature in Various Indian Languages
View this in:
| | English | | Devanagari | | Telugu | | Tamil | | Kannada | | Malayalam | | Gujarati | | Oriya | | Bengali | |
This stotram is in सरल दॆवनागरी(हिंन्दी). View this in शुद्ध दॆवनागरी (Samskritam), with appropriate anuswaras marked.
श्री राम मंगलाशसनम् (प्रपत्ति ऽ मंगलम्)
मंगलं कौसलेंद्राय महनीय गुणात्मने |
चक्रवर्ति तनूजाय सार्वभौमाय मंगलं ‖ 1 ‖
वेदवेदांत वेद्याय मेघश्यामल मूर्तये |
पुंसां मोहन रूपाय पुण्यश्लोकाय मंगलं ‖ 2 ‖
विश्वामित्रांतरंगाय मिथिला नगरी पते |
भाग्यानां परिपाकाय भव्यरूपाय मंगलं ‖ 3 ‖
पितृभक्ताय सततं भातृभिः सह सीतया |
नंदिताखिल लोकाय रामभद्राय मंगलं ‖ 4 ‖
त्यक्त साकेत वासाय चित्रकूट विहारिणे |
सेव्याय सर्वयमिनां धीरोदात्ताय मंगलं ‖ 5 ‖
सौमित्रिणाच जानक्याचाप बाणासि धारिणे |
संसेव्याय सदा भक्त्या स्वामिने मम मंगलं ‖ 6 ‖
दंडकारण्य वासाय खरदूषण शत्रवे |
गृध्रराजाय भक्ताय मुक्ति दायास्तु मंगलं ‖ 7 ‖
सादरं शबरी दत्त फलमूल भिलाषिणे |
सौलभ्य परिपूर्णाय सत्योद्रिक्ताय मंगलं ‖ 8 ‖
हनुंत्समवेताय हरीशाभीष्ट दायिने |
वालि प्रमधनायास्तु महाधीराय मंगलं ‖ 9 ‖
श्रीमते रघुवीराय सेतूल्लंघित सिंधवे |
जितराक्षस राजाय रणधीराय मंगलं ‖ 10 ‖
विभीषणकृते प्रीत्या लंकाभीष्ट प्रदायिने |
सर्वलोक शरण्याय श्रीराघवाय मंगलं ‖ 11 ‖
आगत्यनगरीं दिव्यामभिषिक्ताय सीतया |
राजाधिराजराजाय रामभद्राय मंगलं ‖ 12 ‖
भ्रह्मादि देवसेव्याय भ्रह्मण्याय महात्मने |
जानकी प्राणनाथाय रघुनाथाय मंगलं ‖ 13 ‖
श्रीसौम्य जामातृमुनेः कृपयास्मानु पेयुषे |
महते मम नाथाय रघुनाथाय मंगलं ‖ 14 ‖
मंगलाशासन परैर्मदाचार्य पुरोगमैः |
सर्वैश्च पूर्वैराचार्र्यैः सत्कृतायास्तु मंगलं ‖ 15 ‖
रम्यजा मातृ मुनिना मंगलाशासनं कृतं |
त्रैलोक्याधिपतिः श्रीमान् करोतु मंगलं सदा ‖