PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

തോടകാഷ്ടകമ്

വിദിതാഖില ശാസ്ത്ര സുധാ ജലധേ
മഹിതോപനിഷത്-കഥിതാര്ഥ നിധേ |
ഹൃദയേ കലയേ വിമലം ചരണം
ഭവ ശംകര ദേശിക മേ ശരണമ് ‖ 1 ‖

കരുണാ വരുണാലയ പാലയ മാം
ഭവസാഗര ദുഃഖ വിദൂന ഹൃദമ് |
രചയാഖില ദര്ശന തത്ത്വവിദം
ഭവ ശംകര ദേശിക മേ ശരണമ് ‖ 2 ‖

ഭവതാ ജനതാ സുഹിതാ ഭവിതാ
നിജബോധ വിചാരണ ചാരുമതേ |
കലയേശ്വര ജീവ വിവേക വിദം
ഭവ ശംകര ദേശിക മേ ശരണമ് ‖ 3 ‖

ഭവ എവ ഭവാനിതി മെ നിതരാം
സമജായത ചേതസി കൌതുകിതാ |
മമ വാരയ മോഹ മഹാജലധിം
ഭവ ശംകര ദേശിക മേ ശരണമ് ‖ 4 ‖

സുകൃതേഽധികൃതേ ബഹുധാ ഭവതോ
ഭവിതാ സമദര്ശന ലാലസതാ |
അതി ദീനമിമം പരിപാലയ മാം
ഭവ ശംകര ദേശിക മേ ശരണമ് ‖ 5 ‖

ജഗതീമവിതും കലിതാകൃതയോ
വിചരംതി മഹാമാഹ സച്ഛലതഃ |
അഹിമാംശുരിവാത്ര വിഭാസി ഗുരോ
ഭവ ശംകര ദേശിക മേ ശരണമ് ‖ 6 ‖

ഗുരുപുംഗവ പുംഗവകേതന തേ
സമതാമയതാം ന ഹി കോഽപി സുധീഃ |
ശരണാഗത വത്സല തത്ത്വനിധേ
ഭവ ശംകര ദേശിക മേ ശരണമ് ‖ 7 ‖

വിദിതാ ന മയാ വിശദൈക കലാ
ന ച കിംചന കാംചനമസ്തി ഗുരോ |
ദൃതമേവ വിധേഹി കൃപാം സഹജാം
ഭവ ശംകര ദേശിക മേ ശരണമ് ‖ 8 ‖