PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

ଶ୍ରୀମଦ୍ ଭଗଵଦ୍ ଗୀତ ପନ୍ଚଦଶୋଽଧ୍ଯାଯଃ

ଅଥ ପଂଚଦଶୋଽଧ୍ଯାଯଃ |


ଶ୍ରୀଭଗଵାନୁଵାଚ |
ଊର୍ଧ୍ଵମୂଲମଧଃଶାଖମଶ୍ଵତ୍ଥଂ ପ୍ରାହୁରଵ୍ଯଯମ୍ |
ଛଂଦାଂସି ଯସ୍ଯ ପର୍ଣାନି ଯସ୍ତଂ ଵେଦ ସ ଵେଦଵିତ୍ ‖ 1 ‖

ଅଧଶ୍ଚୋର୍ଧ୍ଵଂ ପ୍ରସୃତାସ୍ତସ୍ଯ ଶାଖା ଗୁଣପ୍ରଵୃଦ୍ଧା ଵିଷଯପ୍ରଵାଲାଃ|
ଅଧଶ୍ଚ ମୂଲାନ୍ଯନୁସଂତତାନି କର୍ମାନୁବଂଧୀନି ମନୁଷ୍ଯଲୋକେ ‖ 2 ‖

ନ ରୂପମସ୍ଯେହ ତଥୋପଲଭ୍ଯତେ ନାଂତୋ ନ ଚାଦିର୍ନ ଚ ସଂପ୍ରତିଷ୍ଠା|
ଅଶ୍ଵତ୍ଥମେନଂ ସୁଵିରୂଢମୂଲମସଂଗଶସ୍ତ୍ରେଣ ଦୃଢେନ ଛିତ୍ତ୍ଵା ‖ 3 ‖

ତତଃ ପଦଂ ତତ୍ପରିମାର୍ଗିତଵ୍ଯଂ ଯସ୍ମିନ୍ଗତା ନ ନିଵର୍ତଂତି ଭୂଯଃ|
ତମେଵ ଚାଦ୍ଯଂ ପୁରୁଷଂ ପ୍ରପଦ୍ଯେ ଯତଃ ପ୍ରଵୃତ୍ତିଃ ପ୍ରସୃତା ପୁରାଣୀ ‖ 4 ‖

ନିର୍ମାନମୋହା ଜିତସଂଗଦୋଷା ଅଧ୍ଯାତ୍ମନିତ୍ଯା ଵିନିଵୃତ୍ତକାମାଃ|
ଦ୍ଵଂଦ୍ଵୈର୍ଵିମୁକ୍ତାଃ ସୁଖଦୁଃଖସଂଜ୍ଞୈର୍ଗଚ୍ଛଂତ୍ଯମୂଢାଃ ପଦମଵ୍ଯଯଂ ତତ୍ ‖ 5 ‖

ନ ତଦ୍ଭାସଯତେ ସୂର୍ଯୋ ନ ଶଶାଂକୋ ନ ପାଵକଃ |
ଯଦ୍ଗତ୍ଵା ନ ନିଵର୍ତଂତେ ତଦ୍ଧାମ ପରମଂ ମମ ‖ 6 ‖

ମମୈଵାଂଶୋ ଜୀଵଲୋକେ ଜୀଵଭୂତଃ ସନାତନଃ |
ମନଃଷଷ୍ଠାନୀଂଦ୍ରିଯାଣି ପ୍ରକୃତିସ୍ଥାନି କର୍ଷତି ‖ 7 ‖

ଶରୀରଂ ଯଦଵାପ୍ନୋତି ଯଚ୍ଚାପ୍ଯୁତ୍କ୍ରାମତୀଶ୍ଵରଃ |
ଗୃହୀତ୍ଵୈତାନି ସଂଯାତି ଵାଯୁର୍ଗଂଧାନିଵାଶଯାତ୍ ‖ 8 ‖

ଶ୍ରୋତ୍ରଂ ଚକ୍ଷୁଃ ସ୍ପର୍ଶନଂ ଚ ରସନଂ ଘ୍ରାଣମେଵ ଚ |
ଅଧିଷ୍ଠାଯ ମନଶ୍ଚାଯଂ ଵିଷଯାନୁପସେଵତେ ‖ 9 ‖

ଉତ୍କ୍ରାମଂତଂ ସ୍ଥିତଂ ଵାପି ଭୁଂଜାନଂ ଵା ଗୁଣାନ୍ଵିତମ୍ |
ଵିମୂଢା ନାନୁପଶ୍ଯଂତି ପଶ୍ଯଂତି ଜ୍ଞାନଚକ୍ଷୁଷଃ ‖ 10 ‖

ଯତଂତୋ ଯୋଗିନଶ୍ଚୈନଂ ପଶ୍ଯଂତ୍ଯାତ୍ମନ୍ଯଵସ୍ଥିତମ୍ |
ଯତଂତୋଽପ୍ଯକୃତାତ୍ମାନୋ ନୈନଂ ପଶ୍ଯଂତ୍ଯଚେତସଃ ‖ 11 ‖

ଯଦାଦିତ୍ଯଗତଂ ତେଜୋ ଜଗଦ୍ଭାସଯତେଽଖିଲମ୍ |
ଯଚ୍ଚଂଦ୍ରମସି ଯଚ୍ଚାଗ୍ନୌ ତତ୍ତେଜୋ ଵିଦ୍ଧି ମାମକମ୍ ‖ 12 ‖

ଗାମାଵିଶ୍ଯ ଚ ଭୂତାନି ଧାରଯାମ୍ଯହମୋଜସା |
ପୁଷ୍ଣାମି ଚୌଷଧୀଃ ସର୍ଵାଃ ସୋମୋ ଭୂତ୍ଵା ରସାତ୍ମକଃ ‖ 13 ‖

ଅହଂ ଵୈଶ୍ଵାନରୋ ଭୂତ୍ଵା ପ୍ରାଣିନାଂ ଦେହମାଶ୍ରିତଃ |
ପ୍ରାଣାପାନସମାଯୁକ୍ତଃ ପଚାମ୍ଯନ୍ନଂ ଚତୁର୍ଵିଧମ୍ ‖ 14 ‖

ସର୍ଵସ୍ଯ ଚାହଂ ହୃଦି ସନ୍ନିଵିଷ୍ଟୋ ମତ୍ତଃ ସ୍ମୃତିର୍ଜ୍ଞାନମପୋହନଂ ଚ|
ଵେଦୈଶ୍ଚ ସର୍ଵୈରହମେଵ ଵେଦ୍ଯୋ ଵେଦାଂତକୃଦ୍ଵେଦଵିଦେଵ ଚାହମ୍ ‖ 15 ‖

ଦ୍ଵାଵିମୌ ପୁରୁଷୌ ଲୋକେ କ୍ଷରଶ୍ଚାକ୍ଷର ଏଵ ଚ |
କ୍ଷରଃ ସର୍ଵାଣି ଭୂତାନି କୂଟସ୍ଥୋଽକ୍ଷର ଉଚ୍ଯତେ ‖ 16 ‖

ଉତ୍ତମଃ ପୁରୁଷସ୍ତ୍ଵନ୍ଯଃ ପରମାତ୍ମେତ୍ଯୁଧାହୃତଃ |
ଯୋ ଲୋକତ୍ରଯମାଵିଶ୍ଯ ବିଭର୍ତ୍ଯଵ୍ଯଯ ଈଶ୍ଵରଃ ‖ 17 ‖

ଯସ୍ମାତ୍କ୍ଷରମତୀତୋଽହମକ୍ଷରାଦପି ଚୋତ୍ତମଃ |
ଅତୋଽସ୍ମି ଲୋକେ ଵେଦେ ଚ ପ୍ରଥିତଃ ପୁରୁଷୋତ୍ତମଃ ‖ 18 ‖

ଯୋ ମାମେଵମସଂମୂଢୋ ଜାନାତି ପୁରୁଷୋତ୍ତମମ୍ |
ସ ସର୍ଵଵିଦ୍ଭଜତି ମାଂ ସର୍ଵଭାଵେନ ଭାରତ ‖ 19 ‖

ଇତି ଗୁହ୍ଯତମଂ ଶାସ୍ତ୍ରମିଦମୁକ୍ତଂ ମଯାନଘ |
ଏତଦ୍ବୁଦ୍ଧ୍ଵା ବୁଦ୍ଧିମାନ୍ସ୍ଯାତ୍କୃତକୃତ୍ଯଶ୍ଚ ଭାରତ ‖ 20 ‖


ଓଂ ତତ୍ସଦିତି ଶ୍ରୀମଦ୍ଭଗଵଦ୍ଗୀତାସୂପନିଷତ୍ସୁ ବ୍ରହ୍ମଵିଦ୍ଯାଯାଂ ଯୋଗଶାସ୍ତ୍ରେ ଶ୍ରୀକୃଷ୍ଣାର୍ଜୁନସଂଵାଦେ

ପୁରୁଷୋତ୍ତମଯୋଗୋ ନାମ ପଂଚଦଶୋଽଧ୍ଯାଯଃ ‖15 ‖