PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |
This stotram is in plain english. View this in romanized english according to IAST standard.

shreemad bhagavad geeta dvaadasho.adhyaayaH

atha dvaadasho.adhyaayaH |


arjuna uvaacha |
evaM satatayuktaa ye bhaktaastvaaM paryupaasate |
ye chaapyakshharamavyaktaM teshhaaM ke yogavittamaaH ‖ 1 ‖


shreebhagavaanuvaacha |
mayyaaveshya mano ye maaM nityayuktaa upaasate |
shraddhayaa parayopetaaste me yuktatamaa mataaH ‖ 2 ‖

ye tvakshharamanirdeshyamavyaktaM paryupaasate |
sarvatragamachintyaM cha kooTasthamachalaM dhruvam ‖ 3 ‖

saMniyamyendriyagraamaM sarvatra samabuddhayaH |
te praapnuvanti maameva sarvabhootahite rataaH ‖ 4 ‖

klesho.adhikatarasteshhaamavyaktaasaktachetasaam |
avyaktaa hi gatirduHkhaM dehavadbhiravaapyate ‖ 5 ‖

ye tu sarvaaNi karmaaNi mayi saMnyasya matparaaH |
ananyenaiva yogena maaM dhyaayanta upaasate ‖ 6 ‖

teshhaamahaM samuddhartaa mRRityusaMsaarasaagaraat |
bhavaamina chiraatpaartha mayyaaveshitachetasaam ‖ 7 ‖

mayyeva mana aadhatsva mayi buddhiM niveshaya |
nivasishhyasi mayyeva ata oordhvaM na saMshayaH ‖ 8 ‖

atha chittaM samaadhaatuM na shaknoshhi mayi sthiram |
abhyaasayogena tato maamichChaaptuM dhanaMjaya ‖ 9 ‖

abhyaase.apyasamartho.asi matkarmaparamo bhava |
madarthamapi karmaaNi kurvansiddhimavaapsyasi ‖ 10 ‖

athaitadapyashakto.asi kartuM madyogamaashritaH |
sarvakarmaphalatyaagaM tataH kuru yataatmavaan ‖ 11 ‖

shreyo hi gnyaanamabhyaasaajgnyaanaaddhyaanaM vishishhyate |
dhyaanaatkarmaphalatyaagastyaagaachChaantiranantaram ‖ 12 ‖

adveshhTaa sarvabhootaanaaM maitraH karuNa eva cha |
nirmamo nirahaMkaaraH samaduHkhasukhaH kshhamee ‖ 13 ‖

saMtushhTaH satataM yogee yataatmaa dRRiDhanishchayaH |
mayyarpitamanobuddhiryo madbhaktaH sa me priyaH ‖ 14 ‖

yasmaannodvijate loko lokaannodvijate cha yaH |
harshhaamarshhabhayodvegairmukto yaH sa cha me priyaH ‖ 15 ‖

anapekshhaH shuchirdakshha udaaseeno gatavyathaH |
sarvaarambhaparityaagee yo madbhaktaH sa me priyaH ‖ 16 ‖

yo na hRRishhyati na dveshhTi na shochati na kaankshhati |
shubhaashubhaparityaagee bhaktimaanyaH sa me priyaH ‖ 17 ‖

samaH shatrau cha mitre cha tathaa maanaapamaanayoH |
sheetoshhNasukhaduHkheshhu samaH sangavivarjitaH ‖ 18 ‖

tulyanindaastutirmaunee saMtushhTo yena kenachit |
aniketaH sthiramatirbhaktimaanme priyo naraH ‖ 19 ‖

ye tu dharmyaamRRitamidaM yathoktaM paryupaasate |
shraddadhaanaa matparamaa bhaktaaste.ateeva me priyaaH ‖ 20 ‖


oM tatsaditi shreemadbhagavadgeetaasoopanishhatsu brahmavidyaayaaM yogashaastre shreekRRishhNaarjunasaMvaade

bhaktiyogo naama dvaadasho.adhyaayaH ‖12 ‖