PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

ସୌଂଦର୍ଯ ଲହରୀ

ପ୍ରଥମ ଭାଗଃ - ଆନଂଦ ଲହରି

ଭୁମୌସ୍ଖଲିତ ପାଦାନାମ୍ ଭୂମିରେଵା ଵଲଂବନମ୍ |
ତ୍ଵଯୀ ଜାତା ପରାଧାନାମ୍ ତ୍ଵମେଵ ଶରଣମ୍ ଶିଵେ ‖

ଶିଵଃ ଶକ୍ତ୍ଯା ଯୁକ୍ତୋ ଯଦି ଭଵତି ଶକ୍ତଃ ପ୍ରଭଵିତୁଂ
ନ ଚେଦେଵଂ ଦେଵୋ ନ ଖଲୁ କୁଶଲଃ ସ୍ପଂଦିତୁମପି|
ଅତସ୍ତ୍ଵାମ୍ ଆରାଧ୍ଯାଂ ହରି-ହର-ଵିରିନ୍ଚାଦିଭି ରପି
ପ୍ରଣଂତୁଂ ସ୍ତୋତୁଂ ଵା କଥ-ମକ୍ର୍ତ ପୁଣ୍ଯଃ ପ୍ରଭଵତି‖ 1 ‖

ତନୀଯାଂସୁଂ ପାଂସୁଂ ତଵ ଚରଣ ପଂକେରୁହ-ଭଵଂ
ଵିରିଂଚିଃ ସଂଚିନ୍ଵନ୍ ଵିରଚଯତି ଲୋକା-ନଵିକଲମ୍ |
ଵହତ୍ଯେନଂ ଶୌରିଃ କଥମପି ସହସ୍ରେଣ ଶିରସାଂ
ହରଃ ସଂକ୍ଷୁଦ୍-ଯୈନଂ ଭଜତି ଭସିତୋଦ୍ଧୂଳ ନଵିଧିମ୍‖ 2 ‖

ଅଵିଦ୍ଯାନା-ମଂତ-ସ୍ତିମିର-ମିହିର ଦ୍ଵୀପନଗରୀ
ଜଡାନାଂ ଚୈତନ୍ଯ-ସ୍ତବକ ମକରଂଦ ଶ୍ରୁତିଝରୀ |
ଦରିଦ୍ରାଣାଂ ଚିଂତାମଣି ଗୁଣନିକା ଜନ୍ମଜଲଧୌ
ନିମଗ୍ନାନାଂ ଦଂଷ୍ଟ୍ରା ମୁରରିପୁ ଵରାହସ୍ଯ ଭଵତି‖ 3 ‖

ତ୍ଵଦନ୍ଯଃ ପାଣିଭଯା-ମଭଯଵରଦୋ ଦୈଵତଗଣଃ
ତ୍ଵମେକା ନୈଵାସି ପ୍ରକଟିତ-ଵରଭୀତ୍ଯଭିନଯା |
ଭଯାତ୍ ତ୍ରାତୁଂ ଦାତୁଂ ଫଲମପି ଚ ଵାଂଛାସମଧିକଂ
ଶରଣ୍ଯେ ଲୋକାନାଂ ତଵ ହି ଚରଣାଵେଵ ନିପୁଣୌ ‖ 4 ‖

ହରିସ୍ତ୍ଵାମାରଧ୍ଯ ପ୍ରଣତ-ଜନ-ସୌଭାଗ୍ଯ-ଜନନୀଂ
ପୁରା ନାରୀ ଭୂତ୍ଵା ପୁରରିପୁମପି କ୍ଷୋଭ ମନଯତ୍ |
ସ୍ମରୋଽପି ତ୍ଵାଂ ନତ୍ଵା ରତିନଯନ-ଲେହ୍ଯେନ ଵପୁଷା
ମୁନୀନାମପ୍ଯଂତଃ ପ୍ରଭଵତି ହି ମୋହାଯ ମହତାମ୍ ‖ 5 ‖

ଧନୁଃ ପୌଷ୍ପଂ ମୌର୍ଵୀ ମଧୁକରମଯୀ ପଂଚ ଵିଶିଖାଃ
ଵସଂତଃ ସାମଂତୋ ମଲଯମରୁ-ଦାଯୋଧନ-ରଥଃ |
ତଥାପ୍ଯେକଃ ସର୍ଵଂ ହିମଗିରିସୁତେ କାମପି କୃପାଂ
ଅପାଂଗାତ୍ତେ ଲବ୍ଧ୍ଵା ଜଗଦିଦ-ମନଂଗୋ ଵିଜଯତେ ‖ 6 ‖

କ୍ଵଣତ୍କାଂଚୀ-ଦାମା କରି କଲଭ କୁଂଭ-ସ୍ତନନତା
ପରିକ୍ଷୀଣା ମଧ୍ଯେ ପରିଣତ ଶରଚ୍ଚଂଦ୍ର-ଵଦନା |
ଧନୁର୍ବାଣାନ୍ ପାଶଂ ସୃଣିମପି ଦଧାନା କରତଲୈଃ
ପୁରସ୍ତା ଦାସ୍ତାଂ ନଃ ପୁରମଥିତୁ ରାହୋ-ପୁରୁଷିକା ‖ 7 ‖

ସୁଧାସିଂଧୋର୍ମଧ୍ଯେ ସୁରଵିଟ-ପିଵାଟୀ-ପରିଵୃତେ
ମଣିଦ୍ଵୀପେ ନୀପୋ-ପଵନଵତି ଚିଂତାମଣି ଗୃହେ |
ଶିଵକାରେ ମଂଚେ ପରମଶିଵ-ପର୍ଯଂକ ନିଲଯାମ୍
ଭଜଂତି ତ୍ଵାଂ ଧନ୍ଯାଃ କତିଚନ ଚିଦାନଂଦ-ଲହରୀମ୍ ‖ 8 ‖

ମହୀଂ ମୂଲାଧାରେ କମପି ମଣିପୂରେ ହୁତଵହଂ
ସ୍ଥିତଂ ସ୍ଵଧିଷ୍ଟାନେ ହୃଦି ମରୁତ-ମାକାଶ-ମୁପରି |
ମନୋଽପି ଭ୍ରୂମଧ୍ଯେ ସକଲମପି ଭିତ୍ଵା କୁଲପଥଂ
ସହସ୍ରାରେ ପଦ୍ମେ ସ ହରହସି ପତ୍ଯା ଵିହରସେ ‖ 9 ‖

ସୁଧାଧାରାସାରୈ-ଶ୍ଚରଣଯୁଗଲାଂତ-ର୍ଵିଗଲିତୈଃ
ପ୍ରପଂଚଂ ସିନ୍ଞଂତୀ ପୁନରପି ରସାମ୍ନାଯ-ମହସଃ|
ଅଵାପ୍ଯ ସ୍ଵାଂ ଭୂମିଂ ଭୁଜଗନିଭ-ମଧ୍ଯୁଷ୍ଟ-ଵଲଯଂ
ସ୍ଵମାତ୍ମାନଂ କୃତ୍ଵା ସ୍ଵପିଷି କୁଲକୁଂଡେ କୁହରିଣି ‖ 10 ‖

ଚତୁର୍ଭିଃ ଶ୍ରୀକଂଠୈଃ ଶିଵଯୁଵତିଭିଃ ପଂଚଭିପି
ପ୍ରଭିନ୍ନାଭିଃ ଶଂଭୋର୍ନଵଭିରପି ମୂଲପ୍ରକୃତିଭିଃ |
ଚତୁଶ୍ଚତ୍ଵାରିଂଶଦ୍-ଵସୁଦଲ-କଲାଶ୍ଚ୍-ତ୍ରିଵଲଯ-
ତ୍ରିରେଖଭିଃ ସାର୍ଧଂ ତଵ ଶରଣକୋଣାଃ ପରିଣତାଃ ‖ 11 ‖

ତ୍ଵଦୀଯଂ ସୌଂଦର୍ଯଂ ତୁହିନଗିରିକନ୍ଯେ ତୁଲଯିତୁଂ
କଵୀଂଦ୍ରାଃ କଲ୍ପଂତେ କଥମପି ଵିରିଂଚି-ପ୍ରଭୃତଯଃ |
ଯଦାଲୋକୌତ୍ସୁକ୍ଯା-ଦମରଲଲନା ଯାଂତି ମନସା
ତପୋଭିର୍ଦୁଷ୍ପ୍ରାପାମପି ଗିରିଶ-ସାଯୁଜ୍ଯ-ପଦଵୀମ୍ ‖ 12 ‖

ନରଂ ଵର୍ଷୀଯାଂସଂ ନଯନଵିରସଂ ନର୍ମସୁ ଜଡଂ
ତଵାପାଂଗାଲୋକେ ପତିତ-ମନୁଧାଵଂତି ଶତଶଃ |
ଗଲଦ୍ଵେଣୀବଂଧାଃ କୁଚକଲଶ-ଵିସ୍ତ୍ରିସ୍ତ-ସିଚଯା
ହଟାତ୍ ତ୍ରୁଟ୍ଯତ୍କାଞ୍ଯୋ ଵିଗଲିତ-ଦୁକୂଲା ଯୁଵତଯଃ ‖ 13 ‖

କ୍ଷିତୌ ଷଟ୍ପଂଚାଶଦ୍-ଦ୍ଵିସମଧିକ-ପଂଚାଶ-ଦୁଦକେ
ହୁତଶେ ଦ୍ଵାଷଷ୍ଟି-ଶ୍ଚତୁରଧିକ-ପଂଚାଶ-ଦନିଲେ |
ଦିଵି ଦ୍ଵିଃ ଷଟ୍ ତ୍ରିଂଶନ୍ ମନସି ଚ ଚତୁଃଷଷ୍ଟିରିତି ଯେ
ମଯୂଖା-ସ୍ତେଷା-ମପ୍ଯୁପରି ତଵ ପାଦାଂବୁଜ-ଯୁଗମ୍ ‖ 14 ‖

ଶରଜ୍ଜ୍ଯୋତ୍ସ୍ନା ଶୁଦ୍ଧାଂ ଶଶିଯୁତ-ଜଟାଜୂଟ-ମକୁଟାଂ
ଵର-ତ୍ରାସ-ତ୍ରାଣ-ସ୍ଫଟିକଘୁଟିକା-ପୁସ୍ତକ-କରାମ୍ |
ସକୃନ୍ନ ତ୍ଵା ନତ୍ଵା କଥମିଵ ସତାଂ ସନ୍ନିଦଧତେ
ମଧୁ-କ୍ଷୀର-ଦ୍ରାକ୍ଷା-ମଧୁରିମ-ଧୁରୀଣାଃ ଫଣିତଯଃ ‖ 15 ‖

କଵୀଂଦ୍ରାଣାଂ ଚେତଃ କମଲଵନ-ବାଲାତପ-ରୁଚିଂ
ଭଜଂତେ ଯେ ସଂତଃ କତିଚିଦରୁଣାମେଵ ଭଵତୀମ୍ |
ଵିରିଂଚି-ପ୍ରେଯସ୍ଯା-ସ୍ତରୁଣତର-ଶ୍ରୃଂଗର ଲହରୀ-
ଗଭୀରାଭି-ର୍ଵାଗ୍ଭିଃ ର୍ଵିଦଧତି ସତାଂ ରଂଜନମମୀ ‖ 16 ‖

ସଵିତ୍ରୀଭି-ର୍ଵାଚାଂ ଚଶି-ମଣି ଶିଲା-ଭଂଗ ରୁଚିଭି-
ର୍ଵଶିନ୍ଯଦ୍ଯାଭି-ସ୍ତ୍ଵାଂ ସହ ଜନନି ସଂଚିଂତଯତି ଯଃ |
ସ କର୍ତା କାଵ୍ଯାନାଂ ଭଵତି ମହତାଂ ଭଂଗିରୁଚିଭି-
ର୍ଵଚୋଭି-ର୍ଵାଗ୍ଦେଵୀ-ଵଦନ-କମଲାମୋଦ ମଧୁରୈଃ ‖ 17 ‖

ତନୁଚ୍ଛାଯାଭିସ୍ତେ ତରୁଣ-ତରଣି-ଶ୍ରୀସରଣିଭି-
ର୍ଦିଵଂ ସର୍ଵା-ମୁର୍ଵୀ-ମରୁଣିମନି ମଗ୍ନାଂ ସ୍ମରତି ଯଃ |
ଭଵଂତ୍ଯସ୍ଯ ତ୍ରସ୍ଯ-ଦ୍ଵନହରିଣ-ଶାଲୀନ-ନଯନାଃ
ସହୋର୍ଵଶ୍ଯା ଵଶ୍ଯାଃ କତି କତି ନ ଗୀର୍ଵାଣ-ଗଣିକାଃ ‖ 18 ‖

ମୁଖଂ ବିଂଦୁଂ କୃତ୍ଵା କୁଚଯୁଗମଧ-ସ୍ତସ୍ଯ ତଦଧୋ
ହରାର୍ଧଂ ଧ୍ଯାଯେଦ୍ଯୋ ହରମହିଷି ତେ ମନ୍ମଥକଲାମ୍ |
ସ ସଦ୍ଯଃ ସଂକ୍ଷୋଭଂ ନଯତି ଵନିତା ଇତ୍ଯତିଲଘୁ
ତ୍ରିଲୋକୀମପ୍ଯାଶୁ ଭ୍ରମଯତି ରଵୀଂଦୁ-ସ୍ତନଯୁଗାମ୍ ‖ 19 ‖

କିରଂତୀ-ମଂଗେଭ୍ଯଃ କିରଣ-ନିକୁରୁଂବମୃତରସଂ
ହୃଦି ତ୍ଵା ମାଧତ୍ତେ ହିମକରଶିଲା-ମୂର୍ତିମିଵ ଯଃ |
ସ ସର୍ପାଣାଂ ଦର୍ପଂ ଶମଯତି ଶକୁଂତଧିପ ଇଵ
ଜ୍ଵରପ୍ଲୁଷ୍ଟାନ୍ ଦୃଷ୍ଟ୍ଯା ସୁଖଯତି ସୁଧାଧାରସିରଯା ‖ 20 ‖

ତଟିଲ୍ଲେଖା-ତନ୍ଵୀଂ ତପନ ଶଶି ଵୈଶ୍ଵାନର ମଯୀଂ
ନିଷ୍ଣ୍ଣାଂ ଷଣ୍ଣାମପ୍ଯୁପରି କମଲାନାଂ ତଵ କଲାଂ |
ମହାପଦ୍ମାତଵ୍ଯାଂ ମୃଦିତ-ମଲମାଯେନ ମନସା
ମହାଂତଃ ପଶ୍ଯଂତୋ ଦଧତି ପରମାହ୍ଲାଦ-ଲହରୀମ୍ ‖ 21 ‖

ଭଵାନି ତ୍ଵଂ ଦାସେ ମଯି ଵିତର ଦୃଷ୍ଟିଂ ସକରୁଣାଂ
ଇତି ସ୍ତୋତୁଂ ଵାଂଛନ୍ କଥଯତି ଭଵାନି ତ୍ଵମିତି ଯଃ |
ତଦୈଵ ତ୍ଵଂ ତସ୍ମୈ ଦିଶସି ନିଜସାଯୁଜ୍ଯ-ପଦଵୀଂ
ମୁକୁଂଦ-ବ୍ରମ୍ହେଂଦ୍ର ସ୍ଫୁଟ ମକୁଟ ନୀରାଜିତପଦାମ୍ ‖ 22 ‖

ତ୍ଵଯା ହୃତ୍ଵା ଵାମଂ ଵପୁ-ରପରିତୃପ୍ତେନ ମନସା
ଶରୀରାର୍ଧଂ ଶଂଭୋ-ରପରମପି ଶଂକେ ହୃତମଭୂତ୍ |
ଯଦେତତ୍ ତ୍ଵଦ୍ରୂପଂ ସକଲମରୁଣାଭଂ ତ୍ରିନଯନଂ
କୁଚାଭ୍ଯାମାନମ୍ରଂ କୁଟିଲ-ଶଶିଚୂଡାଲ-ମକୁଟମ୍ ‖ 23 ‖

ଜଗତ୍ସୂତେ ଧାତା ହରିରଵତି ରୁଦ୍ରଃ କ୍ଷପଯତେ
ତିରସ୍କୁର୍ଵ-ନ୍ନେତତ୍ ସ୍ଵମପି ଵପୁ-ରୀଶ-ସ୍ତିରଯତି |
ସଦା ପୂର୍ଵଃ ସର୍ଵଂ ତଦିଦ ମନୁଗୃହ୍ଣାତି ଚ ଶିଵ-
ସ୍ତଵାଜ୍ଞା ମଲଂବ୍ଯ କ୍ଷଣଚଲିତଯୋ ର୍ଭ୍ରୂଲତିକଯୋଃ ‖ 24 ‖

ତ୍ରଯାଣାଂ ଦେଵାନାଂ ତ୍ରିଗୁଣ-ଜନିତାନାଂ ତଵ ଶିଵେ
ଭଵେତ୍ ପୂଜା ପୂଜା ତଵ ଚରଣଯୋ-ର୍ଯା ଵିରଚିତା |
ତଥା ହି ତ୍ଵତ୍ପାଦୋଦ୍ଵହନ-ମଣିପୀଠସ୍ଯ ନିକଟେ
ସ୍ଥିତା ହ୍ଯେତେ-ଶଶ୍ଵନ୍ମୁକୁଲିତ କରୋତ୍ତଂସ-ମକୁଟାଃ ‖ 25 ‖

ଵିରିଂଚିଃ ପଂଚତ୍ଵଂ ଵ୍ରଜତି ହରିରାପ୍ନୋତି ଵିରତିଂ
ଵିନାଶଂ କୀନାଶୋ ଭଜତି ଧନଦୋ ଯାତି ନିଧନମ୍ |
ଵିତଂଦ୍ରୀ ମାହେଂଦ୍ରୀ-ଵିତତିରପି ସଂମୀଲିତ-ଦୃଶା
ମହାସଂହାରେଽସ୍ମିନ୍ ଵିହରତି ସତି ତ୍ଵତ୍ପତି ରସୌ ‖ 26 ‖

ଜପୋ ଜଲ୍ପଃ ଶିଲ୍ପଂ ସକଲମପି ମୁଦ୍ରାଵିରଚନା
ଗତିଃ ପ୍ରାଦକ୍ଷିଣ୍ଯ-କ୍ରମଣ-ମଶନାଦ୍ଯା ହୁତି-ଵିଧିଃ |
ପ୍ରଣାମଃ ସଂଵେଶଃ ସୁଖମଖିଲ-ମାତ୍ମାର୍ପଣ-ଦୃଶା
ସପର୍ଯା ପର୍ଯାଯ-ସ୍ତଵ ଭଵତୁ ଯନ୍ମେ ଵିଲସିତମ୍ ‖ 27 ‖

ସୁଧାମପ୍ଯାସ୍ଵାଦ୍ଯ ପ୍ରତି-ଭଯ-ଜରମୃତ୍ଯୁ-ହରିଣୀଂ
ଵିପଦ୍ଯଂତେ ଵିଶ୍ଵେ ଵିଧି-ଶତମଖାଦ୍ଯା ଦିଵିଷଦଃ |
କରାଲଂ ଯତ୍ କ୍ଷ୍ଵେଲଂ କବଲିତଵତଃ କାଲକଲନା
ନ ଶଂଭୋସ୍ତନ୍ମୂଲଂ ତଵ ଜନନି ତାଟଂକ ମହିମା ‖ 28 ‖

କିରୀଟଂ ଵୈରିଂଚଂ ପରିହର ପୁରଃ କୈଟଭଭିଦଃ
କଠୋରେ କୋଠୀରେ ସ୍କଲସି ଜହି ଜଂଭାରି-ମକୁଟମ୍ |
ପ୍ରଣମ୍ରେଷ୍ଵେତେଷୁ ପ୍ରସଭ-ମୁପଯାତସ୍ଯ ଭଵନଂ
ଭଵସ୍ଯଭ୍ଯୁତ୍ଥାନେ ତଵ ପରିଜନୋକ୍ତି-ର୍ଵିଜଯତେ ‖ 29 ‖

ସ୍ଵଦେହୋଦ୍ଭୂତାଭି-ର୍ଘୃଣିଭି-ରଣିମାଦ୍ଯାଭି-ରଭିତୋ
ନିଷେଵ୍ଯେ ନିତ୍ଯେ ତ୍ଵା ମହମିତି ସଦା ଭାଵଯତି ଯଃ |
କିମାଶ୍ଚର୍ଯଂ ତସ୍ଯ ତ୍ରିନଯନ-ସମୃଦ୍ଧିଂ ତୃଣଯତୋ
ମହାସଂଵର୍ତାଗ୍ନି-ର୍ଵିରଚଯତି ନୀରାଜନଵିଧିଂ ‖ 30 ‖

ଚତୁଃ-ଷଷ୍ଟଯା ତଂତ୍ରୈଃ ସକଲ ମତିସଂଧାଯ ଭୁଵନଂ
ସ୍ଥିତସ୍ତତ୍ତ୍ତ-ସିଦ୍ଧି ପ୍ରସଵ ପରତଂତ୍ରୈଃ ପଶୁପତିଃ |
ପୁନସ୍ତ୍ଵ-ନ୍ନିର୍ବଂଧା ଦଖିଲ-ପୁରୁଷାର୍ଥୈକ ଘଟନା-
ସ୍ଵତଂତ୍ରଂ ତେ ତଂତ୍ରଂ କ୍ଷିତିତଲ ମଵାତୀତର-ଦିଦମ୍ ‖ 31 ‖

ଶିଵଃ ଶକ୍ତିଃ କାମଃ କ୍ଷିତି-ରଥ ରଵିଃ ଶୀତକିରଣଃ
ସ୍ମରୋ ହଂସଃ ଶକ୍ର-ସ୍ତଦନୁ ଚ ପରା-ମାର-ହରଯଃ |
ଅମୀ ହୃଲ୍ଲେଖାଭି-ସ୍ତିସୃଭି-ରଵସାନେଷୁ ଘଟିତା
ଭଜଂତେ ଵର୍ଣାସ୍ତେ ତଵ ଜନନି ନାମାଵଯଵତାମ୍ ‖ 32 ‖

ସ୍ମରଂ ଯୋନିଂ ଲକ୍ଷ୍ମୀଂ ତ୍ରିତଯ-ମିଦ-ମାଦୌ ତଵ ମନୋ
ର୍ନିଧାଯୈକେ ନିତ୍ଯେ ନିରଵଧି-ମହାଭୋଗ-ରସିକାଃ |
ଭଜଂତି ତ୍ଵାଂ ଚିଂତାମଣି-ଗୁଣନିବଦ୍ଧାକ୍ଷ-ଵଲଯାଃ
ଶିଵାଗ୍ନୌ ଜୁହ୍ଵଂତଃ ସୁରଭିଘୃତ-ଧାରାହୁତି-ଶତୈ ‖ 33 ‖

ଶରୀରଂ ତ୍ଵଂ ଶଂଭୋଃ ଶଶି-ମିହିର-ଵକ୍ଷୋରୁହ-ଯୁଗଂ
ତଵାତ୍ମାନଂ ମନ୍ଯେ ଭଗଵତି ନଵାତ୍ମାନ-ମନଘମ୍ |
ଅତଃ ଶେଷଃ ଶେଷୀତ୍ଯଯ-ମୁଭଯ-ସାଧାରଣତଯା
ସ୍ଥିତଃ ସଂବଂଧୋ ଵାଂ ସମରସ-ପରାନଂଦ-ପରଯୋଃ ‖ 34 ‖

ମନସ୍ତ୍ଵଂ ଵ୍ଯୋମ ତ୍ଵଂ ମରୁଦସି ମରୁତ୍ସାରଥି-ରସି
ତ୍ଵମାପ-ସ୍ତ୍ଵଂ ଭୂମି-ସ୍ତ୍ଵଯି ପରିଣତାଯାଂ ନ ହି ପରମ୍ |
ତ୍ଵମେଵ ସ୍ଵାତ୍ମାନଂ ପରିଣ୍ମଯିତୁଂ ଵିଶ୍ଵ ଵପୁଷା
ଚିଦାନଂଦାକାରଂ ଶିଵଯୁଵତି ଭାଵେନ ବିଭୃଷେ ‖ 35 ‖

ତଵାଜ୍ଞଚକ୍ରସ୍ଥଂ ତପନ-ଶଶି କୋଟି-ଦ୍ଯୁତିଧରଂ
ପରଂ ଶଂଭୁ ଵଂଦେ ପରିମିଲିତ-ପାର୍ଶ୍ଵଂ ପରଚିତା |
ଯମାରାଧ୍ଯନ୍ ଭକ୍ତ୍ଯା ରଵି ଶଶି ଶୁଚୀନା-ମଵିଷଯେ
ନିରାଲୋକେ ଽଲୋକେ ନିଵସତି ହି ଭାଲୋକ-ଭୁଵନେ ‖ 36 ‖

ଵିଶୁଦ୍ଧୌ ତେ ଶୁଦ୍ଧସ୍ଫତିକ ଵିଶଦଂ ଵ୍ଯୋମ-ଜନକଂ
ଶିଵଂ ସେଵେ ଦେଵୀମପି ଶିଵସମାନ-ଵ୍ଯଵସିତାମ୍ |
ଯଯୋଃ କାଂତ୍ଯା ଯାଂତ୍ଯାଃ ଶଶିକିରଣ୍-ସାରୂପ୍ଯସରଣେ
ଵିଧୂତାଂତ-ର୍ଧ୍ଵାଂତା ଵିଲସତି ଚକୋରୀଵ ଜଗତୀ ‖ 37 ‖

ସମୁନ୍ମୀଲତ୍ ସଂଵିତ୍କମଲ-ମକରଂଦୈକ-ରସିକଂ
ଭଜେ ହଂସଦ୍ଵଂଦ୍ଵଂ କିମପି ମହତାଂ ମାନସଚରଂ |
ଯଦାଲାପା-ଦଷ୍ଟାଦଶ-ଗୁଣିତ-ଵିଦ୍ଯାପରିଣତିଃ
ଯଦାଦତ୍ତେ ଦୋଷାଦ୍ ଗୁଣ-ମଖିଲ-ମଦ୍ଭ୍ଯଃ ପଯ ଇଵ ‖ 38 ‖

ତଵ ସ୍ଵାଧିଷ୍ଠାନେ ହୁତଵହ-ମଧିଷ୍ଠାଯ ନିରତଂ
ତମୀଡେ ସଂଵର୍ତଂ ଜନନି ମହତୀଂ ତାଂ ଚ ସମଯାମ୍ |
ଯଦାଲୋକେ ଲୋକାନ୍ ଦହତି ମହସି କ୍ରୋଧ-କଲିତେ
ଦଯାର୍ଦ୍ରା ଯା ଦୃଷ୍ଟିଃ ଶିଶିର-ମୁପଚାରଂ ରଚଯତି ‖ 39 ‖

ତଟିତ୍ଵଂତଂ ଶକ୍ତ୍ଯା ତିମିର-ପରିପଂଥି-ସ୍ଫୁରଣଯା
ସ୍ଫୁର-ନ୍ନା ନରତ୍ନାଭରଣ-ପରିଣଦ୍ଧେଂଦ୍ର-ଧନୁଷମ୍ |
ତଵ ଶ୍ଯାମଂ ମେଘଂ କମପି ମଣିପୂରୈକ-ଶରଣଂ
ନିଷେଵେ ଵର୍ଷଂତଂ-ହରମିହିର-ତପ୍ତଂ ତ୍ରିଭୁଵନମ୍ ‖ 40 ‖

ତଵାଧାରେ ମୂଲେ ସହ ସମଯଯା ଲାସ୍ଯପରଯା
ନଵାତ୍ମାନ ମନ୍ଯେ ନଵରସ-ମହାତାଂଡଵ-ନଟମ୍ |
ଉଭାଭ୍ଯା ମେତାଭ୍ଯା-ମୁଦଯ-ଵିଧି ମୁଦ୍ଦିଶ୍ଯ ଦଯଯା
ସନାଥାଭ୍ଯାଂ ଜଜ୍ଞେ ଜନକ ଜନନୀମତ୍ ଜଗଦିଦମ୍ ‖ 41 ‖

ଦ୍ଵିତୀଯ ଭାଗଃ - ସୌଂଦର୍ଯ ଲହରୀ

ଗତୈ-ର୍ମାଣିକ୍ଯତ୍ଵଂ ଗଗନମଣିଭିଃ ସାଂଦ୍ରଘଟିତଂ
କିରୀଟଂ ତେ ହୈମଂ ହିମଗିରିସୁତେ କୀତଯତି ଯଃ ‖
ସ ନୀଡେଯଚ୍ଛାଯା-ଚ୍ଛୁରଣ-ଶକଲଂ ଚଂଦ୍ର-ଶକଲଂ
ଧନୁଃ ଶୌନାସୀରଂ କିମିତି ନ ନିବଧ୍ନାତି ଧିଷଣାଂ ‖ 42 ‖

ଧୁନୋତୁ ଧ୍ଵାଂତଂ ନ-ସ୍ତୁଲିତ-ଦଲିତେଂଦୀଵର-ଵନଂ
ଘନସ୍ନିଗ୍ଧ-ଶ୍ଲକ୍ଷ୍ଣଂ ଚିକୁର ନିକୁରୁଂବଂ ତଵ ଶିଵେ |
ଯଦୀଯଂ ସୌରଭ୍ଯଂ ସହଜ-ମୁପଲବ୍ଧୁଂ ସୁମନସୋ
ଵସଂତ୍ଯସ୍ମିନ୍ ମନ୍ଯେ ବଲମଥନ ଵାଟୀ-ଵିଟପିନାମ୍ ‖ 43 ‖

ତନୋତୁ କ୍ଷେମଂ ନ-ସ୍ତଵ ଵଦନସୌଂଦର୍ଯଲହରୀ
ପରୀଵାହସ୍ରୋତଃ-ସରଣିରିଵ ସୀମଂତସରଣିଃ|
ଵହଂତୀ- ସିଂଦୂରଂ ପ୍ରବଲକବରୀ-ଭାର-ତିମିର
ଦ୍ଵିଷାଂ ବୃଂଦୈ-ର୍ଵଂଦୀକୃତମେଵ ନଵୀନାର୍କ କେରଣମ୍ ‖ 44 ‖

ଅରାଲୈ ସ୍ଵାଭାଵ୍ଯା-ଦଲିକଲଭ-ସଶ୍ରୀଭି ରଲକୈଃ
ପରୀତଂ ତେ ଵକ୍ତ୍ରଂ ପରିହସତି ପଂକେରୁହରୁଚିମ୍ |
ଦରସ୍ମେରେ ଯସ୍ମିନ୍ ଦଶନରୁଚି କିଂଜଲ୍କ-ରୁଚିରେ
ସୁଗଂଧୌ ମାଦ୍ଯଂତି ସ୍ମରଦହନ ଚକ୍ଷୁ-ର୍ମଧୁଲିହଃ ‖ 45 ‖

ଲଲାଟଂ ଲାଵଣ୍ଯ ଦ୍ଯୁତି ଵିମଲ-ମାଭାତି ତଵ ଯତ୍
ଦ୍ଵିତୀଯଂ ତନ୍ମନ୍ଯେ ମକୁଟଘଟିତଂ ଚଂଦ୍ରଶକଲମ୍ |
ଵିପର୍ଯାସ-ନ୍ଯାସା ଦୁଭଯମପି ସଂଭୂଯ ଚ ମିଥଃ
ସୁଧାଲେପସ୍ଯୂତିଃ ପରିଣମତି ରାକା-ହିମକରଃ ‖ 46 ‖

ଭ୍ରୁଵୌ ଭୁଗ୍ନେ କିଂଚିଦ୍ଭୁଵନ-ଭଯ-ଭଂଗଵ୍ଯସନିନି
ତ୍ଵଦୀଯେ ନେତ୍ରାଭ୍ଯାଂ ମଧୁକର-ରୁଚିଭ୍ଯାଂ ଧୃତଗୁଣମ୍ |
ଧନୁ ର୍ମନ୍ଯେ ସଵ୍ଯେତରକର ଗୃହୀତଂ ରତିପତେଃ
ପ୍ରକୋଷ୍ଟେ ମୁଷ୍ଟୌ ଚ ସ୍ଥଗଯତେ ନିଗୂଢାଂତର-ମୁମେ ‖ 47 ‖

ଅହଃ ସୂତେ ସଵ୍ଯ ତଵ ନଯନ-ମର୍କାତ୍ମକତଯା
ତ୍ରିଯାମାଂ ଵାମଂ ତେ ସୃଜତି ରଜନୀନାଯକତଯା |
ତୃତୀଯା ତେ ଦୃଷ୍ଟି-ର୍ଦରଦଲିତ-ହେମାଂବୁଜ-ରୁଚିଃ
ସମାଧତ୍ତେ ସଂଧ୍ଯାଂ ଦିଵସର୍-ନିଶଯୋ-ରଂତରଚରୀମ୍ ‖ 48 ‖

ଵିଶାଲା କଲ୍ଯାଣୀ ସ୍ଫୁତରୁଚି-ରଯୋଧ୍ଯା କୁଵଲଯୈଃ
କୃପାଧାରାଧାରା କିମପି ମଧୁରାଽଽଭୋଗଵତିକା |
ଅଵଂତୀ ଦୃଷ୍ଟିସ୍ତେ ବହୁନଗର-ଵିସ୍ତାର-ଵିଜଯା
ଧ୍ରୁଵଂ ତତ୍ତନ୍ନାମ-ଵ୍ଯଵହରଣ-ଯୋଗ୍ଯାଵିଜଯତେ ‖ 49 ‖

କଵୀନାଂ ସଂଦର୍ଭ-ସ୍ତବକ-ମକରଂଦୈକ-ରସିକଂ
କଟାକ୍ଷ-ଵ୍ଯାକ୍ଷେପ-ଭ୍ରମରକଲଭୌ କର୍ଣଯୁଗଲମ୍ |
ଅମୁଂଚଂତୌ ଦୃଷ୍ଟ୍ଵା ତଵ ନଵରସାସ୍ଵାଦ-ତରଲୌ
ଅସୂଯା-ସଂସର୍ଗା-ଦଲିକନଯନଂ କିଂଚିଦରୁଣମ୍ ‖ 50 ‖

ଶିଵେ ଶଂଗାରାର୍ଦ୍ରା ତଦିତରଜନେ କୁତ୍ସନପରା
ସରୋଷା ଗଂଗାଯାଂ ଗିରିଶଚରିତେ ଵିସ୍ମଯଵତୀ |
ହରାହିଭ୍ଯୋ ଭୀତା ସରସିରୁହ ସୌଭାଗ୍ଯ-ଜନନୀ
ସଖୀଷୁ ସ୍ମେରା ତେ ମଯି ଜନନି ଦୃଷ୍ଟିଃ ସକରୁଣା ‖ 51 ‖

ଗତେ କର୍ଣାଭ୍ଯର୍ଣଂ ଗରୁତ ଇଵ ପକ୍ଷ୍ମାଣି ଦଧତୀ
ପୁରାଂ ଭେତ୍ତୁ-ଶ୍ଚିତ୍ତପ୍ରଶମ-ରସ-ଵିଦ୍ରାଵଣ ଫଲେ |
ଇମେ ନେତ୍ରେ ଗୋତ୍ରାଧରପତି-କୁଲୋତ୍ତଂସ-କଲିକେ
ତଵାକର୍ଣାକୃଷ୍ଟ ସ୍ମରଶର-ଵିଲାସଂ କଲଯତଃ‖ 52 ‖

ଵିଭକ୍ତ-ତ୍ରୈଵର୍ଣ୍ଯଂ ଵ୍ଯତିକରିତ-ଲୀଲାଂଜନତଯା
ଵିଭାତି ତ୍ଵନ୍ନେତ୍ର ତ୍ରିତଯ ମିଦ-ମୀଶାନଦଯିତେ |
ପୁନଃ ସ୍ରଷ୍ଟୁଂ ଦେଵାନ୍ ଦ୍ରୁହିଣ ହରି-ରୁଦ୍ରାନୁପରତାନ୍
ରଜଃ ସତ୍ଵଂ ଵେଭ୍ରତ୍ ତମ ଇତି ଗୁଣାନାଂ ତ୍ରଯମିଵ ‖ 53 ‖

ପଵିତ୍ରୀକର୍ତୁଂ ନଃ ପଶୁପତି-ପରାଧୀନ-ହୃଦଯେ
ଦଯାମିତ୍ରୈ ର୍ନେତ୍ରୈ-ରରୁଣ-ଧଵଲ-ଶ୍ଯାମ ରୁଚିଭିଃ |
ନଦଃ ଶୋଣୋ ଗଂଗା ତପନତନଯେତି ଧ୍ରୁଵମୁମ୍
ତ୍ରଯାଣାଂ ତୀର୍ଥାନା-ମୁପନଯସି ସଂଭେଦ-ମନଘମ୍ ‖ 54 ‖

ନିମେଷୋନ୍ମେଷାଭ୍ଯାଂ ପ୍ରଲଯମୁଦଯଂ ଯାତି ଜଗତି
ତଵେତ୍ଯାହୁଃ ସଂତୋ ଧରଣିଧର-ରାଜନ୍ଯତନଯେ |
ତ୍ଵଦୁନ୍ମେଷାଜ୍ଜାତଂ ଜଗଦିଦ-ମଶେଷଂ ପ୍ରଲଯତଃ
ପରେତ୍ରାତୁଂ ଶଂଂକେ ପରିହୃତ-ନିମେଷା-ସ୍ତଵ ଦୃଶଃ ‖ 55 ‖

ତଵାପର୍ଣେ କର୍ଣେ ଜପନଯନ ପୈଶୁନ୍ଯ ଚକିତା
ନିଲୀଯଂତେ ତୋଯେ ନିଯତ ମନିମେଷାଃ ଶଫରିକାଃ |
ଇଯଂ ଚ ଶ୍ରୀ-ର୍ବଦ୍ଧଚ୍ଛଦ\଎ମ୍ଦଶ୍ ପୁଟକଵାଟଂ କୁଵଲଯଂ
ଜହାତି ପ୍ରତ୍ଯୂଷେ ନିଶି ଚ ଵିଘତଯ୍ଯ ପ୍ରଵିଶତି‖ 56 ‖

ଦୃଶା ଦ୍ରାଘୀଯସ୍ଯା ଦରଦଲିତ ନୀଲୋତ୍ପଲ ରୁଚା
ଦଵୀଯାଂସଂ ଦୀନଂ ସ୍ନପା କୃପଯା ମାମପି ଶିଵେ |
ଅନେନାଯଂ ଧନ୍ଯୋ ଭଵତି ନ ଚ ତେ ହାନିରିଯତା
ଵନେ ଵା ହର୍ମ୍ଯେ ଵା ସମକର ନିପାତୋ ହିମକରଃ ‖ 57 ‖

ଅରାଲଂ ତେ ପାଲୀଯୁଗଲ-ମଗରାଜନ୍ଯତନଯେ
ନ କେଷା-ମାଧତ୍ତେ କୁସୁମଶର କୋଦଂଡ-କୁତୁକମ୍ |
ତିରଶ୍ଚୀନୋ ଯତ୍ର ଶ୍ରଵଣପଥ-ମୁଲ୍ଲ୍ଙ୍ଯ୍ଯ ଵିଲସନ୍
ଅପାଂଗ ଵ୍ଯାସଂଗୋ ଦିଶତି ଶରସଂଧାନ ଧିଷଣାମ୍ ‖ 58 ‖

ସ୍ଫୁରଦ୍ଗଂଡାଭୋଗ-ପ୍ରତିଫଲିତ ତାଟଂକ ଯୁଗଲଂ
ଚତୁଶ୍ଚକ୍ରଂ ମନ୍ଯେ ତଵ ମୁଖମିଦଂ ମନ୍ମଥରଥମ୍ |
ଯମାରୁହ୍ଯ ଦ୍ରୁହ୍ଯ ତ୍ଯଵନିରଥ ମର୍କେଂଦୁଚରଣଂ
ମହାଵୀରୋ ମାରଃ ପ୍ରମଥପତଯେ ସଜ୍ଜିତଵତେ ‖ 59 ‖

ସରସ୍ଵତ୍ଯାଃ ସୂକ୍ତୀ-ରମୃତଲହରୀ କୌଶଲହରୀଃ
ପିବ୍ନତ୍ଯାଃ ଶର୍ଵାଣି ଶ୍ରଵଣ-ଚୁଲୁକାଭ୍ଯା-ମଵିରଲମ୍ |
ଚମତ୍କାରଃ-ଶ୍ଲାଘାଚଲିତ-ଶିରସଃ କୁଂଡଲଗଣୋ
ଝଣତ୍କରୈସ୍ତାରୈଃ ପ୍ରତିଵଚନ-ମାଚଷ୍ଟ ଇଵ ତେ ‖ 60 ‖

ଅସୌ ନାସାଵଂଶ-ସ୍ତୁହିନଗିରିଵଣ୍ଶ-ଧ୍ଵଜପଟି
ତ୍ଵଦୀଯୋ ନେଦୀଯଃ ଫଲତୁ ଫଲ-ମସ୍ମାକମୁଚିତମ୍ |
ଵହତ୍ଯଂତର୍ମୁକ୍ତାଃ ଶିଶିରକର-ନିଶ୍ଵାସ-ଗଲିତଂ
ସମୃଦ୍ଧ୍ଯା ଯତ୍ତାସାଂ ବହିରପି ଚ ମୁକ୍ତାମଣିଧରଃ ‖ 61 ‖

ପ୍ରକୃତ୍ଯାଽଽରକ୍ତାଯା-ସ୍ତଵ ସୁଦତି ଦଂଦଚ୍ଛଦରୁଚେଃ
ପ୍ରଵକ୍ଷ୍ଯେ ସଦୃଶ୍ଯଂ ଜନଯତୁ ଫଲଂ ଵିଦ୍ରୁମଲତା |
ନ ବିଂବଂ ତଦ୍ବିଂବ-ପ୍ରତିଫଲନ-ରାଗା-ଦରୁଣିତଂ
ତୁଲାମଧ୍ରାରୋଢୁଂ କଥମିଵ ଵିଲଜ୍ଜେତ କଲଯା ‖ 62 ‖

ସ୍ମିତଜ୍ଯୋତ୍ସ୍ନାଜାଲଂ ତଵ ଵଦନଚଂଦ୍ରସ୍ଯ ପିବତାଂ
ଚକୋରାଣା-ମାସୀ-ଦତିରସତଯା ଚଂଚୁ-ଜଡିମା |
ଅତସ୍ତେ ଶୀତାଂଶୋ-ରମୃତଲହରୀ ମାମ୍ଲରୁଚଯଃ
ପିବଂତୀ ସ୍ଵଚ୍ଛଂଦଂ ନିଶି ନିଶି ଭୃଶଂ କାଂଜି କଧିଯା ‖ 63 ‖

ଅଵିଶ୍ରାଂତଂ ପତ୍ଯୁର୍ଗୁଣଗଣ କଥାମ୍ରେଡନଜପା
ଜପାପୁଷ୍ପଚ୍ଛାଯା ତଵ ଜନନି ଜିହ୍ଵା ଜଯତି ସା |
ଯଦଗ୍ରାସୀନାଯାଃ ସ୍ଫଟିକଦୃଷ-ଦଚ୍ଛଚ୍ଛଵିମଯି
ସରସ୍ଵତ୍ଯା ମୂର୍ତିଃ ପରିଣମତି ମାଣିକ୍ଯଵପୁଷା ‖ 64 ‖

ରଣେ ଜିତ୍ଵା ଦୈତ୍ଯା ନପହୃତ-ଶିରସ୍ତ୍ରୈଃ କଵଚିଭିଃ
ନିଵୃତ୍ତୈ-ଶ୍ଚଂଡାଂଶ-ତ୍ରିପୁରହର-ନିର୍ମାଲ୍ଯ-ଵିମୁଖୈଃ |
ଵିଶାଖେଂଦ୍ରୋପେଂଦ୍ରୈଃ ଶଶିଵିଶଦ-କର୍ପୂରଶକଲା
ଵିଲୀଯଂତେ ମାତସ୍ତଵ ଵଦନତାଂବୂଲ-କବଲାଃ ‖ 65 ‖

ଵିପଂଚ୍ଯା ଗାଯଂତୀ ଵିଵିଧ-ମପଦାନଂ ପଶୁପତେ-
ସ୍ତ୍ଵଯାରବ୍ଧେ ଵକ୍ତୁଂ ଚଲିତଶିରସା ସାଧୁଵଚନେ |
ତଦୀଯୈ-ର୍ମାଧୁର୍ଯୈ-ରପଲପିତ-ତଂତ୍ରୀକଲରଵାଂ
ନିଜାଂ ଵୀଣାଂ ଵାଣୀଂ ନିଚୁଲଯତି ଚୋଲେନ ନିଭୃତମ୍ ‖ 66 ‖

କରଗ୍ରେଣ ସ୍ପୃଷ୍ଟଂ ତୁହିନଗିରିଣା ଵତ୍ସଲତଯା
ଗିରିଶେନୋ-ଦସ୍ତଂ ମୁହୁରଧରପାନାକୁଲତଯା |
କରଗ୍ରାହ୍ଯଂ ଶଂଭୋର୍ମୁଖମୁକୁରଵୃଂତଂ ଗିରିସୁତେ
କଥଂକରଂ ବ୍ରୂମ-ସ୍ତଵ ଚୁବୁକମୋପମ୍ଯରହିତମ୍ ‖ 67 ‖

ଭୁଜାଶ୍ଲେଷାନ୍ନିତ୍ଯଂ ପୁରଦମଯିତୁଃ କନ୍ଟକଵତୀ
ତଵ ଗ୍ରୀଵା ଧତ୍ତେ ମୁଖକମଲନାଲ-ଶ୍ରିଯମିଯମ୍ |
ସ୍ଵତଃ ଶ୍ଵେତା କାଲା ଗରୁ ବହୁଲ-ଜଂବାଲମଲିନା
ମୃଣାଲୀଲାଲିତ୍ଯଂ ଵହତି ଯଦଧୋ ହାରଲତିକା ‖ 68 ‖

ଗଲେ ରେଖାସ୍ତିସ୍ରୋ ଗତି ଗମକ ଗୀତୈକ ନିପୁଣେ
ଵିଵାହ-ଵ୍ଯାନଦ୍ଧ-ପ୍ରଗୁଣଗୁଣ-ସଂଖ୍ଯା ପ୍ରତିଭୁଵଃ |
ଵିରାଜଂତେ ନାନାଵିଧ-ମଧୁର-ରାଗାକର-ଭୁଵାଂ
ତ୍ରଯାଣାଂ ଗ୍ରାମାଣାଂ ସ୍ଥିତି-ନିଯମ-ସୀମାନ ଇଵ ତେ ‖ 69 ‖

ମୃଣାଲୀ-ମୃଦ୍ଵୀନାଂ ତଵ ଭୁଜଲତାନାଂ ଚତସୃଣାଂ
ଚତୁର୍ଭିଃ ସୌଂଦ୍ରଯଂ ସରସିଜଭଵଃ ସ୍ତୌତି ଵଦନୈଃ |
ନଖେଭ୍ଯଃ ସଂତ୍ରସ୍ଯନ୍ ପ୍ରଥମ-ମଥନା ଦଂତକରିପୋଃ
ଚତୁର୍ଣାଂ ଶୀର୍ଷାଣାଂ ସମ-ମଭଯହସ୍ତାର୍ପଣ-ଧିଯା ‖ 70 ‖

ନଖାନା-ମୁଦ୍ଯୋତୈ-ର୍ନଵନଲିନରାଗଂ ଵିହସତାଂ
କରାଣାଂ ତେ କାଂତିଂ କଥଯ କଥଯାମଃ କଥମୁମେ |
କଯାଚିଦ୍ଵା ସାମ୍ଯଂ ଭଜତୁ କଲଯା ହଂତ କମଲଂ
ଯଦି କ୍ରୀଡଲ୍ଲକ୍ଷ୍ମୀ-ଚରଣତଲ-ଲାକ୍ଷାରସ-ଚଣମ୍ ‖ 71 ‖

ସମଂ ଦେଵି ସ୍କଂଦ ଦ୍ଵିପିଵଦନ ପୀତଂ ସ୍ତନଯୁଗଂ
ତଵେଦଂ ନଃ ଖେଦଂ ହରତୁ ସତତଂ ପ୍ରସ୍ନୁତ-ମୁଖମ୍ |
ଯଦାଲୋକ୍ଯାଶଂକାକୁଲିତ ହୃଦଯୋ ହାସଜନକଃ
ସ୍ଵକୁଂଭୌ ହେରଂବଃ ପରିମୃଶତି ହସ୍ତେନ ଝଡିତି ‖ 72 ‖

ଅମୂ ତେ ଵକ୍ଷୋଜା-ଵମୃତରସ-ମାଣିକ୍ଯ କୁତୁପୌ
ନ ସଂଦେହସ୍ପଂଦୋ ନଗପତି ପତାକେ ମନସି ନଃ |
ପିବଂତୌ ତୌ ଯସ୍ମା ଦଵିଦିତ ଵଧୂସଂଗ ରସିକୌ
କୁମାରାଵଦ୍ଯାପି ଦ୍ଵିରଦଵଦନ-କ୍ରୌଂଚ୍ଦଲନୌ ‖ 73 ‖

ଵହତ୍ଯଂବ ସ୍ତଂବେରମ-ଦନୁଜ-କୁଂଭପ୍ରକୃତିଭିଃ
ସମାରବ୍ଧାଂ ମୁକ୍ତାମଣିଭିରମଲାଂ ହାରଲତିକାମ୍ |
କୁଚାଭୋଗୋ ବିଂବାଧର-ରୁଚିଭି-ରଂତଃ ଶବଲିତାଂ
ପ୍ରତାପ-ଵ୍ଯାମିଶ୍ରାଂ ପୁରଦମଯିତୁଃ କୀର୍ତିମିଵ ତେ ‖ 74 ‖

ତଵ ସ୍ତନ୍ଯଂ ମନ୍ଯେ ଧରଣିଧରକନ୍ଯେ ହୃଦଯତଃ
ପଯଃ ପାରାଵାରଃ ପରିଵହତି ସାରସ୍ଵତମିଵ |
ଦଯାଵତ୍ଯା ଦତ୍ତଂ ଦ୍ରଵିଡଶିଶୁ-ରାସ୍ଵାଦ୍ଯ ତଵ ଯତ୍
କଵୀନାଂ ପ୍ରୌଢାନା ମଜନି କମନୀଯଃ କଵଯିତା ‖ 75 ‖

ହରକ୍ରୋଧ-ଜ୍ଵାଲାଵଲିଭି-ରଵଲୀଢେନ ଵପୁଷା
ଗଭୀରେ ତେ ନାଭୀସରସି କୃତସଙୋ ମନସିଜଃ |
ସମୁତ୍ତସ୍ଥୌ ତସ୍ମା-ଦଚଲତନଯେ ଧୂମଲତିକା
ଜନସ୍ତାଂ ଜାନୀତେ ତଵ ଜନନି ରୋମାଵଲିରିତି ‖ 76 ‖

ଯଦେତତ୍କାଲିଂଦୀ-ତନୁତର-ତରଂଗାକୃତି ଶିଵେ
କୃଶେ ମଧ୍ଯେ କିଂଚିଜ୍ଜନନି ତଵ ଯଦ୍ଭାତି ସୁଧିଯାମ୍ |
ଵିମର୍ଦା-ଦନ୍ଯୋନ୍ଯଂ କୁଚକଲଶଯୋ-ରଂତରଗତଂ
ତନୂଭୂତଂ ଵ୍ଯୋମ ପ୍ରଵିଶଦିଵ ନାଭିଂ କୁହରିଣୀମ୍ ‖ 77 ‖

ସ୍ଥିରୋ ଗଂଗା ଵର୍ତଃ ସ୍ତନମୁକୁଲ-ରୋମାଵଲି-ଲତା
କଲାଵାଲଂ କୁଂଡଂ କୁସୁମଶର ତେଜୋ-ହୁତଭୁଜଃ |
ରତେ-ର୍ଲୀଲାଗାରଂ କିମପି ତଵ ନାଭିର୍ଗିରିସୁତେ
ବେଲଦ୍ଵାରଂ ସିଦ୍ଧେ-ର୍ଗିରିଶନଯନାନାଂ ଵିଜଯତେ ‖ 78 ‖

ନିସର୍ଗ-କ୍ଷୀଣସ୍ଯ ସ୍ତନତଟ-ଭରେଣ କ୍ଲମଜୁଷୋ
ନମନ୍ମୂର୍ତେ ର୍ନାରୀତିଲକ ଶନକୈ-ସ୍ତ୍ରୁଟ୍ଯତ ଇଵ |
ଚିରଂ ତେ ମଧ୍ଯସ୍ଯ ତ୍ରୁଟିତ ତଟିନୀ-ତୀର-ତରୁଣା
ସମାଵସ୍ଥା-ସ୍ଥେମ୍ନୋ ଭଵତୁ କୁଶଲଂ ଶୈଲତନଯେ ‖ 79 ‖

କୁଚୌ ସଦ୍ଯଃ ସ୍ଵିଦ୍ଯ-ତ୍ତଟଘଟିତ-କୂର୍ପାସଭିଦୁରୌ
କଷଂତୌ-ଦୌର୍ମୂଲେ କନକକଲଶାଭୌ କଲଯତା |
ତଵ ତ୍ରାତୁଂ ଭଂଗାଦଲମିତି ଵଲଗ୍ନଂ ତନୁଭୁଵା
ତ୍ରିଧା ନଦ୍ଧ୍ମ୍ ଦେଵୀ ତ୍ରିଵଲି ଲଵଲୀଵଲ୍ଲିଭିରିଵ ‖ 80 ‖

ଗୁରୁତ୍ଵଂ ଵିସ୍ତାରଂ କ୍ଷିତିଧରପତିଃ ପାର୍ଵତି ନିଜାତ୍
ନିତଂବା-ଦାଚ୍ଛିଦ୍ଯ ତ୍ଵଯି ହରଣ ରୂପେଣ ନିଦଧେ |
ଅତସ୍ତେ ଵିସ୍ତୀର୍ଣୋ ଗୁରୁରଯମଶେଷାଂ ଵସୁମତୀଂ
ନିତଂବ-ପ୍ରାଗ୍ଭାରଃ ସ୍ଥଗଯତି ସଘୁତ୍ଵଂ ନଯତି ଚ ‖ 81 ‖

କରୀଂଦ୍ରାଣାଂ ଶୁଂଡାନ୍-କନକକଦଲୀ-କାଂଡପଟଲୀଂ
ଉଭାଭ୍ଯାମୂରୁଭ୍ଯା-ମୁଭଯମପି ନିର୍ଜିତ୍ଯ ଭଵତି |
ସୁଵୃତ୍ତାଭ୍ଯାଂ ପତ୍ଯୁଃ ପ୍ରଣତିକଠିନାଭ୍ଯାଂ ଗିରିସୁତେ
ଵିଧିଜ୍ଞେ ଜାନୁଭ୍ଯାଂ ଵିବୁଧ କରିକୁଂଭ ଦ୍ଵଯମସି ‖ 82 ‖

ପରାଜେତୁଂ ରୁଦ୍ରଂ ଦ୍ଵିଗୁଣଶରଗର୍ଭୌ ଗିରିସୁତେ
ନିଷଂଗୌ ଜଂଘେ ତେ ଵିଷମଵିଶିଖୋ ବାଢ-ମକୃତ |
ଯଦଗ୍ରେ ଦୃସ୍ଯଂତେ ଦଶଶରଫଲାଃ ପାଦଯୁଗଲୀ
ନଖାଗ୍ରଚ୍ଛନ୍ମାନଃ ସୁର ମୁକୁଟ-ଶାଣୈକ-ନିଶିତାଃ ‖ 83 ‖

ଶ୍ରୁତୀନାଂ ମୂର୍ଧାନୋ ଦଧତି ତଵ ଯୌ ଶେଖରତଯା
ମମାପ୍ଯେତୌ ମାତଃ ଶେରସି ଦଯଯା ଦେହି ଚରଣୌ |
ଯଯ^^ଓଃ ପାଦ୍ଯଂ ପାଥଃ ପଶୁପତି ଜଟାଜୂଟ ତଟିନୀ
ଯଯୋ-ର୍ଲାକ୍ଷା-ଲକ୍ଷ୍ମୀ-ରରୁଣ ହରିଚୂଡାମଣି ରୁଚିଃ ‖ 84 ‖

ନମୋ ଵାକଂ ବ୍ରୂମୋ ନଯନ-ରମଣୀଯାଯ ପଦଯୋଃ
ତଵାସ୍ମୈ ଦ୍ଵଂଦ୍ଵାଯ ସ୍ଫୁଟ-ରୁଚି ରସାଲକ୍ତକଵତେ |
ଅସୂଯତ୍ଯତ୍ଯଂତଂ ଯଦଭିହନନାଯ ସ୍ପୃହଯତେ
ପଶୂନା-ମୀଶାନଃ ପ୍ରମଦଵନ-କଂକେଲିତରଵେ ‖ 85 ‖

ମୃଷା କୃତ୍ଵା ଗୋତ୍ରସ୍ଖଲନ-ମଥ ଵୈଲକ୍ଷ୍ଯନମିତଂ
ଲଲାଟେ ଭର୍ତାରଂ ଚରଣକମଲେ ତାଡଯତି ତେ |
ଚିରାଦଂତଃ ଶଲ୍ଯଂ ଦହନକୃତ ମୁନ୍ମୂଲିତଵତା
ତୁଲାକୋଟିକ୍ଵାଣୈଃ କିଲିକିଲିତ ମୀଶାନ ରିପୁଣା ‖ 86 ‖

ହିମାନୀ ହଂତଵ୍ଯଂ ହିମଗିରିନିଵାସୈକ-ଚତୁରୌ
ନିଶାଯାଂ ନିଦ୍ରାଣଂ ନିଶି-ଚରମଭାଗେ ଚ ଵିଶଦୌ |
ଵରଂ ଲକ୍ଷ୍ମୀପାତ୍ରଂ ଶ୍ରିଯ-ମତିସୃହଂତୋ ସମଯିନାଂ
ସରୋଜଂ ତ୍ଵତ୍ପାଦୌ ଜନନି ଜଯତ-ଶ୍ଚିତ୍ରମିହ କିମ୍ ‖ 87 ‖

ପଦଂ ତେ କୀର୍ତୀନାଂ ପ୍ରପଦମପଦଂ ଦେଵି ଵିପଦାଂ
କଥଂ ନୀତଂ ସଦ୍ଭିଃ କଠିନ-କମଠୀ-କର୍ପର-ତୁଲାମ୍ |
କଥଂ ଵା ବାହୁଭ୍ଯା-ମୁପଯମନକାଲେ ପୁରଭିଦା
ଯଦାଦାଯ ନ୍ଯସ୍ତଂ ଦୃଷଦି ଦଯମାନେନ ମନସା ‖ 88 ‖

ନଖୈ-ର୍ନାକସ୍ତ୍ରୀଣାଂ କରକମଲ-ସଂକୋଚ-ଶଶିଭିଃ
ତରୂଣାଂ ଦିଵ୍ଯାନାଂ ହସତ ଇଵ ତେ ଚଂଡି ଚରଣୌ |
ଫଲାନି ସ୍ଵଃସ୍ଥେଭ୍ଯଃ କିସଲଯ-କରାଗ୍ରେଣ ଦଦତାଂ
ଦରିଦ୍ରେଭ୍ଯୋ ଭଦ୍ରାଂ ଶ୍ରିଯମନିଶ-ମହ୍ନାଯ ଦଦତୌ ‖ 89 ‖

ଦଦାନେ ଦୀନେଭ୍ଯଃ ଶ୍ରିଯମନିଶ-ମାଶାନୁସଦୃଶୀଂ
ଅମଂଦଂ ସୌଂଦର୍ଯଂ ପ୍ରକର-ମକରଂଦଂ ଵିକିରତି |
ତଵାସ୍ମିନ୍ ମଂଦାର-ସ୍ତବକ-ସୁଭଗେ ଯାତୁ ଚରଣେ
ନିମଜ୍ଜନ୍ ମଜ୍ଜୀଵଃ କରଣଚରଣଃ ଷ୍ଟ୍ଚରଣତାମ୍ ‖ 90 ‖

ପଦନ୍ଯାସ-କ୍ରୀଡା ପରିଚଯ-ମିଵାରବ୍ଧୁ-ମନସଃ
ସ୍ଖଲଂତସ୍ତେ ଖେଲଂ ଭଵନକଲହଂସା ନ ଜହତି |
ଅତସ୍ତେଷାଂ ଶିକ୍ଷାଂ ସୁଭଗମଣି-ମଂଜୀର-ରଣିତ-
ଚ୍ଛଲାଦାଚକ୍ଷାଣଂ ଚରଣକମଲଂ ଚାରୁଚରିତେ ‖ 91 ‖

ଗତାସ୍ତେ ମଂଚତ୍ଵଂ ଦ୍ରୁହିଣ ହରି ରୁଦ୍ରେଶ୍ଵର ଭୃତଃ
ଶିଵଃ ସ୍ଵଚ୍ଛ-ଚ୍ଛାଯା-ଘଟିତ-କପଟ-ପ୍ରଚ୍ଛଦପଟଃ |
ତ୍ଵଦୀଯାନାଂ ଭାସାଂ ପ୍ରତିଫଲନ ରାଗାରୁଣତଯା
ଶରୀରୀ ଶୃଂଗାରୋ ରସ ଇଵ ଦୃଶାଂ ଦୋଗ୍ଧି କୁତୁକମ୍ ‖ 92 ‖

ଅରାଲା କେଶେଷୁ ପ୍ରକୃତି ସରଲା ମଂଦହସିତେ
ଶିରୀଷାଭା ଚିତ୍ତେ ଦୃଷଦୁପଲଶୋଭା କୁଚତଟେ |
ଭୃଶଂ ତନ୍ଵୀ ମଧ୍ଯେ ପୃଥୁ-ରୁରସିଜାରୋହ ଵିଷଯେ
ଜଗତ୍ତ୍ରତୁଂ ଶଂଭୋ-ର୍ଜଯତି କରୁଣା କାଚିଦରୁଣା ‖ 93 ‖

କଲଂକଃ କସ୍ତୂରୀ ରଜନିକର ବିଂବଂ ଜଲମଯଂ
କଲାଭିଃ କର୍ପୂରୈ-ର୍ମରକତକରଂଡଂ ନିବିଡିତମ୍ |
ଅତସ୍ତ୍ଵଦ୍ଭୋଗେନ ପ୍ରତିଦିନମିଦଂ ରିକ୍ତକୁହରଂ
ଵିଧି-ର୍ଭୂଯୋ ଭୂଯୋ ନିବିଡଯତି ନୂନଂ ତଵ କୃତେ ‖ 94 ‖

ପୁରାରଂତେ-ରଂତଃ ପୁରମସି ତତ-ସ୍ତ୍ଵଚରଣଯୋଃ
ସପର୍ଯା-ମର୍ଯାଦା ତରଲକରଣାନା-ମସୁଲଭା |
ତଥା ହ୍ଯେତେ ନୀତାଃ ଶତମଖମୁଖାଃ ସିଦ୍ଧିମତୁଲାଂ
ତଵ ଦ୍ଵାରୋପାଂତଃ ସ୍ଥିତିଭି-ରଣିମାଦ୍ଯାଭି-ରମରାଃ ‖ 95 ‖

କଲତ୍ରଂ ଵୈଧାତ୍ରଂ କତିକତି ଭଜଂତେ ନ କଵଯଃ
ଶ୍ରିଯୋ ଦେଵ୍ଯାଃ କୋ ଵା ନ ଭଵତି ପତିଃ କୈରପି ଧନୈଃ |
ମହାଦେଵଂ ହିତ୍ଵା ତଵ ସତି ସତୀନା-ମଚରମେ
କୁଚଭ୍ଯା-ମାସଂଗଃ କୁରଵକ-ତରୋ-ରପ୍ଯସୁଲଭଃ ‖ 96 ‖

ଗିରାମାହୁ-ର୍ଦେଵୀଂ ଦ୍ରୁହିଣଗୃହିଣୀ-ମାଗମଵିଦୋ
ହରେଃ ପତ୍ନୀଂ ପଦ୍ମାଂ ହରସହଚରୀ-ମଦ୍ରିତନଯାମ୍ |
ତୁରୀଯା କାପି ତ୍ଵଂ ଦୁରଧିଗମ-ନିସ୍ସୀମ-ମହିମା
ମହାମାଯା ଵିଶ୍ଵଂ ଭ୍ରମଯସି ପରବ୍ରହ୍ମମହିଷି ‖ 97 ‖

କଦା କାଲେ ମାତଃ କଥଯ କଲିତାଲକ୍ତକରସଂ
ପିବେଯଂ ଵିଦ୍ଯାର୍ଥୀ ତଵ ଚରଣ-ନିର୍ଣେଜନଜଲମ୍ |
ପ୍ରକୃତ୍ଯା ମୂକାନାମପି ଚ କଵିତା0କାରଣତଯା
କଦା ଧତ୍ତେ ଵାଣୀମୁଖକମଲ-ତାଂବୂଲ-ରସତାମ୍ ‖ 98 ‖

ସରସ୍ଵତ୍ଯା ଲକ୍ଷ୍ମ୍ଯା ଵିଧି ହରି ସପତ୍ନୋ ଵିହରତେ
ରତେଃ ପତିଵ୍ରତ୍ଯଂ ଶିଥିଲପତି ରମ୍ଯେଣ ଵପୁଷା |
ଚିରଂ ଜୀଵନ୍ନେଵ କ୍ଷପିତ-ପଶୁପାଶ-ଵ୍ଯତିକରଃ
ପରାନଂଦାଭିଖ୍ଯଂ ରସଯତି ରସଂ ତ୍ଵଦ୍ଭଜନଵାନ୍ ‖ 99 ‖

ପ୍ରଦୀପ ଜ୍ଵାଲାଭି-ର୍ଦିଵସକର-ନୀରାଜନଵିଧିଃ
ସୁଧାସୂତେ-ଶ୍ଚଂଦ୍ରୋପଲ-ଜଲଲଵୈ-ରଘ୍ଯରଚନା |
ସ୍ଵକୀଯୈରଂଭୋଭିଃ ସଲିଲ-ନିଧି-ସୌହିତ୍ଯକରଣଂ
ତ୍ଵଦୀଯାଭି-ର୍ଵାଗ୍ଭି-ସ୍ତଵ ଜନନି ଵାଚାଂ ସ୍ତୁତିରିଯମ୍ ‖ 100 ‖

ସୌଂଦଯଲହରି ମୁଖ୍ଯସ୍ତୋତ୍ରଂ ସଂଵାର୍ତଦାଯକମ୍ |
ଭଗଵଦ୍ପାଦ ସନ୍କ୍ଲୁପ୍ତଂ ପଠେନ୍ ମୁକ୍ତୌ ଭଵେନ୍ନରଃ ‖
ସୌଂଦର୍ଯଲହରି ସ୍ତୋତ୍ରଂ ସଂପୂର୍ଣଂ