PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

ଶିଵ ଭୁଜଂଗମ୍

ଗଲଦ୍ଦାନଗଂଡଂ ମିଲଦ୍ଭୃଂଗଷଂଡଂ
ଚଲଚ୍ଚାରୁଶୁଂଡଂ ଜଗତ୍ତ୍ରାଣଶୌଂଡମ୍ |
କନଦ୍ଦଂତକାଂଡଂ ଵିପଦ୍ଭଂଗଚଂଡଂ
ଶିଵପ୍ରେମପିଂଡଂ ଭଜେ ଵକ୍ରତୁଂଡମ୍ ‖ 1 ‖

ଅନାଦ୍ଯଂତମାଦ୍ଯଂ ପରଂ ତତ୍ତ୍ଵମର୍ଥଂ
ଚିଦାକାରମେକଂ ତୁରୀଯଂ ତ୍ଵମେଯମ୍ |
ହରିବ୍ରହ୍ମମୃଗ୍ଯଂ ପରବ୍ରହ୍ମରୂପଂ
ମନୋଵାଗତୀତଂ ମହଃଶୈଵମୀଡେ ‖ 2 ‖

ସ୍ଵଶକ୍ତ୍ଯାଦି ଶକ୍ତ୍ଯଂତ ସିଂହାସନସ୍ଥଂ
ମନୋହାରି ସର୍ଵାଂଗରତ୍ନୋରୁଭୂଷମ୍ |
ଜଟାହୀଂଦୁଗଂଗାସ୍ଥିଶମ୍ଯାକମୌଳିଂ
ପରାଶକ୍ତିମିତ୍ରଂ ନମଃ ପଂଚଵକ୍ତ୍ରମ୍ ‖ 3 ‖

ଶିଵେଶାନତତ୍ପୂରୁଷାଘୋରଵାମାଦିଭିଃ
ପଂଚଭିର୍ହୃନ୍ମୁଖୈଃ ଷଡ୍ଭିରଂଗୈଃ |
ଅନୌପମ୍ଯ ଷଟ୍ତ୍ରିଂଶତଂ ତତ୍ତ୍ଵଵିଦ୍ଯାମତୀତଂ
ପରଂ ତ୍ଵାଂ କଥଂ ଵେତ୍ତି କୋ ଵା ‖ 4 ‖

ପ୍ରଵାଳପ୍ରଵାହପ୍ରଭାଶୋଣମର୍ଧଂ
ମରୁତ୍ଵନ୍ମଣି ଶ୍ରୀମହଃ ଶ୍ଯାମମର୍ଧମ୍ |
ଗୁଣସ୍ଯୂତମେତଦ୍ଵପୁଃ ଶୈଵମଂତଃ
ସ୍ମରାମି ସ୍ମରାପତ୍ତିସଂପତ୍ତିହେତୋଃ ‖ 5 ‖

ସ୍ଵସେଵାସମାଯାତଦେଵାସୁରେଂଦ୍ରା
ନମନ୍ମୌଳିମଂଦାରମାଲାଭିଷିକ୍ତମ୍ |
ନମସ୍ଯାମି ଶଂଭୋ ପଦାଂଭୋରୁହଂ ତେ
ଭଵାଂଭୋଧିପୋତଂ ଭଵାନୀ ଵିଭାଵ୍ଯମ୍ ‖ 6 ‖

ଜଗନ୍ନାଥ ମନ୍ନାଥ ଗୌରୀସନାଥ
ପ୍ରପନ୍ନାନୁକଂପିନ୍ଵିପନ୍ନାର୍ତିହାରିନ୍ |
ମହଃସ୍ତୋମମୂର୍ତେ ସମସ୍ତୈକବଂଧୋ
ନମସ୍ତେ ନମସ୍ତେ ପୁନସ୍ତେ ନମୋଽସ୍ତୁ ‖ 7 ‖

ଵିରୂପାକ୍ଷ ଵିଶ୍ଵେଶ ଵିଶ୍ଵାଦିଦେଵ
ତ୍ରଯୀ ମୂଲ ଶଂଭୋ ଶିଵ ତ୍ର୍ଯଂବକ ତ୍ଵମ୍ |
ପ୍ରସୀଦ ସ୍ମର ତ୍ରାହି ପଶ୍ଯାଵମୁକ୍ତ୍ଯୈ
କ୍ଷମାଂ ପ୍ରାପ୍ନୁହି ତ୍ର୍ଯକ୍ଷ ମାଂ ରକ୍ଷ ମୋଦାତ୍ ‖ 8 ‖

ମହାଦେଵ ଦେଵେଶ ଦେଵାଦିଦେଵ
ସ୍ମରାରେ ପୁରାରେ ଯମାରେ ହରେତି |
ବ୍ରୁଵାଣଃ ସ୍ମରିଷ୍ଯାମି ଭକ୍ତ୍ଯା \ଲିନ୆ ଭଵଂତଂ ତତୋ ମେ ଦଯାଶୀଲ ଦେଵ ପ୍ରସୀଦ ‖ 9 ‖

ତ୍ଵଦନ୍ଯଃ ଶରଣ୍ଯଃ ପ୍ରପନ୍ନସ୍ଯ ନେତି
ପ୍ରସୀଦ ସ୍ମରନ୍ନେଵ ହନ୍ଯାସ୍ତୁ ଦୈନ୍ଯମ୍ |
ନ ଚେତ୍ତେ ଭଵେଦ୍ଭକ୍ତଵାତ୍ସଲ୍ଯହାନିସ୍ତତୋ
ମେ ଦଯାଳୋ ସଦା ସନ୍ନିଧେହି ‖ 10 ‖

ଅଯଂ ଦାନକାଲସ୍ତ୍ଵହଂ ଦାନପାତ୍ରଂ
ଭଵାନେଵ ଦାତା ତ୍ଵଦନ୍ଯଂ ନ ଯାଚେ |
ଭଵଦ୍ଭକ୍ତିମେଵ ସ୍ଥିରାଂ ଦେହି ମହ୍ଯଂ
କୃପାଶୀଲ ଶଂଭୋ କୃତାର୍ଥୋଽସ୍ମି ତସ୍ମାତ୍ ‖ 11 ‖

ପଶୁଂ ଵେତ୍ସି ଚେନ୍ମାଂ ତମେଵାଧିରୂଢଃ
କଲଂକୀତି ଵା ମୂର୍ଧ୍ନି ଧତ୍ସେ ତମେଵ |
ଦ୍ଵିଜିହ୍ଵଃ ପୁନଃ ସୋଽପି ତେ କଂଠଭୂଷା
ତ୍ଵଦଂଗୀକୃତାଃ ଶର୍ଵ ସର୍ଵେଽପି ଧନ୍ଯାଃ ‖ 12 ‖

ନ ଶକ୍ନୋମି କର୍ତୁଂ ପରଦ୍ରୋହଲେଶଂ
କଥଂ ପ୍ରୀଯସେ ତ୍ଵଂ ନ ଜାନେ ଗିରୀଶ |
ତଥାହି ପ୍ରସନ୍ନୋଽସି କସ୍ଯାପି
କାଂତାସୁତଦ୍ରୋହିଣୋ ଵା ପିତୃଦ୍ରୋହିଣୋ ଵା ‖ 13 ‖

ସ୍ତୁତିଂ ଧ୍ଯାନମର୍ଚାଂ ଯଥାଵଦ୍ଵିଧାତୁଂ
ଭଜନ୍ନପ୍ଯଜାନନ୍ମହେଶାଵଲଂବେ |
ତ୍ରସଂତଂ ସୁତଂ ତ୍ରାତୁମଗ୍ରେ
ମୃକଂଡୋର୍ଯମପ୍ରାଣନିର୍ଵାପଣଂ ତ୍ଵତ୍ପଦାବ୍ଜମ୍ ‖ 14 ‖

ଶିରୋ ଦୃଷ୍ଟି ହୃଦ୍ରୋଗ ଶୂଲ ପ୍ରମେହଜ୍ଵରାର୍ଶୋ ଜରାଯକ୍ଷ୍ମହିକ୍କାଵିଷାର୍ତାନ୍ |
ତ୍ଵମାଦ୍ଯୋ ଭିଷଗ୍ଭେଷଜଂ ଭସ୍ମ ଶଂଭୋ
ତ୍ଵମୁଲ୍ଲାଘଯାସ୍ମାନ୍ଵପୁର୍ଲାଘଵାଯ ‖ 15 ‖

ଦରିଦ୍ରୋଽସ୍ମ୍ଯଭଦ୍ରୋଽସ୍ମି ଭଗ୍ନୋଽସ୍ମି ଦୂଯେ
ଵିଷଣ୍ଣୋଽସ୍ମି ସନ୍ନୋଽସ୍ମି ଖିନ୍ନୋଽସ୍ମି ଚାହମ୍ |
ଭଵାନ୍ପ୍ରାଣିନାମଂତରାତ୍ମାସି ଶଂଭୋ
ମମାଧିଂ ନ ଵେତ୍ସି ପ୍ରଭୋ ରକ୍ଷ ମାଂ ତ୍ଵମ୍ ‖ 16 ‖

ତ୍ଵଦକ୍ଷ୍ଣୋଃ କଟାକ୍ଷଃ ପତେତ୍ତ୍ର୍ଯକ୍ଷ ଯତ୍ର
କ୍ଷଣଂ କ୍ଷ୍ମା ଚ ଲକ୍ଷ୍ମୀଃ ସ୍ଵଯଂ ତଂ ଵୃଣାତେ |
କିରୀଟସ୍ଫୁରଚ୍ଚାମରଚ୍ଛତ୍ରମାଲାକଲାଚୀଗଜକ୍ଷୌମଭୂଷାଵିଶେଷୈଃ ‖ 17 ‖

ଭଵାନ୍ଯୈ ଭଵାଯାପି ମାତ୍ରେ ଚ ପିତ୍ରେ
ମୃଡାନ୍ଯୈ ମୃଡାଯାପ୍ଯଘଘ୍ନ୍ଯୈ ମଖଘ୍ନେ |
ଶିଵାଂଗ୍ଯୈ ଶିଵାଂଗାଯ କୁର୍ମଃ ଶିଵାଯୈ
ଶିଵାଯାଂବିକାଯୈ ନମସ୍ତ୍ର୍ଯଂବକାଯ ‖ 18 ‖

ଭଵଦ୍ଗୌରଵଂ ମଲ୍ଲଘୁତ୍ଵଂ ଵିଦିତ୍ଵା
ପ୍ରଭୋ ରକ୍ଷ କାରୁଣ୍ଯଦୃଷ୍ଟ୍ଯାନୁଗଂ ମାମ୍ |
ଶିଵାତ୍ମାନୁଭାଵସ୍ତୁତାଵକ୍ଷମୋଽହଂ
ସ୍ଵଶକ୍ତ୍ଯା କୃତଂ ମେଽପରାଧଂ କ୍ଷମସ୍ଵ ‖ 19 ‖

ଯଦା କର୍ଣରଂଧ୍ରଂ ଵ୍ରଜେତ୍କାଲଵାହଦ୍ଵିଷତ୍କଂଠଘଂଟା ଘଣାତ୍କାରନାଦଃ |
ଵୃଷାଧୀଶମାରୁହ୍ଯ ଦେଵୌପଵାହ୍ଯଂତଦା
ଵତ୍ସ ମା ଭୀରିତି ପ୍ରୀଣଯ ତ୍ଵମ୍ ‖ 20 ‖

ଯଦା ଦାରୁଣାଭାଷଣା ଭୀଷଣା ମେ
ଭଵିଷ୍ଯଂତ୍ଯୁପାଂତେ କୃତାଂତସ୍ଯ ଦୂତାଃ |
ତଦା ମନ୍ମନସ୍ତ୍ଵତ୍ପଦାଂଭୋରୁହସ୍ଥଂ
କଥଂ ନିଶ୍ଚଲଂ ସ୍ଯାନ୍ନମସ୍ତେଽସ୍ତୁ ଶଂଭୋ ‖ 21 ‖

ଯଦା ଦୁର୍ନିଵାରଵ୍ଯଥୋଽହଂ ଶଯାନୋ
ଲୁଠନ୍ନିଃଶ୍ଵସନ୍ନିଃସୃତାଵ୍ଯକ୍ତଵାଣିଃ |
ତଦା ଜହ୍ନୁକନ୍ଯାଜଲାଲଂକୃତଂ ତେ
ଜଟାମଂଡଲଂ ମନ୍ମନୋମଂଦିରେ ସ୍ଯାତ୍ ‖ 22 ‖

ଯଦା ପୁତ୍ରମିତ୍ରାଦଯୋ ମତ୍ସକାଶେ
ରୁଦଂତ୍ଯସ୍ଯ ହା କୀଦୃଶୀଯଂ ଦଶେତି |
ତଦା ଦେଵଦେଵେଶ ଗୌରୀଶ ଶଂଭୋ
ନମସ୍ତେ ଶିଵାଯେତ୍ଯଜସ୍ରଂ ବ୍ରଵାଣି ‖ 23 ‖

ଯଦା ପଶ୍ଯତାଂ ମାମସୌ ଵେତ୍ତି
ନାସ୍ମାନଯଂ ଶ୍ଵାସ ଏଵେତି ଵାଚୋ ଭଵେଯୁଃ |
ତଦା ଭୂତିଭୂଷଂ ଭୁଜଂଗାଵନଦ୍ଧଂ
ପୁରାରେ ଭଵଂତଂ ସ୍ଫୁଟଂ ଭାଵଯେଯମ୍ ‖ 24 ‖

ଯଦା ଯାତନାଦେହସଂଦେହଵାହୀ
ଭଵେଦାତ୍ମଦେହେ ନ ମୋହୋ ମହାନ୍ମେ |
ତଦା କାଶଶୀତାଂଶୁସଂକାଶମୀଶ
ସ୍ମରାରେ ଵପୁସ୍ତେ ନମସ୍ତେ ସ୍ମରାମି ‖ 25 ‖

ଯଦାପାରମଚ୍ଛାଯମସ୍ଥାନମଦ୍ଭିର୍ଜନୈର୍ଵା ଵିହୀନଂ ଗମିଷ୍ଯାମି ମାର୍ଗମ୍ |
ତଦା ତଂ ନିରୁଂଧଂକୃତାଂତସ୍ଯ ମାର୍ଗଂ
ମହାଦେଵ ମହ୍ଯଂ ମନୋଜ୍ଞଂ ପ୍ରଯଚ୍ଛ ‖ 26 ‖

ଯଦା ରୌରଵାଦି ସ୍ମରନ୍ନେଵ ଭୀତ୍ଯା
ଵ୍ରଜାମ୍ଯତ୍ର ମୋହଂ ମହାଦେଵ ଘୋରମ୍ |
ତଦା ମାମହୋ ନାଥ କସ୍ତାରଯିଷ୍ଯତ୍ଯନାଥଂ ପରାଧୀନମର୍ଧେଂଦୁମୌଳେ ‖ 27 ‖

ଯଦା ଶ୍ଵେତପତ୍ରାଯତାଲଂଘ୍ଯଶକ୍ତେଃ
କୃତାଂତାଦ୍ଭଯଂ ଭକ୍ତିଵାତ୍ସଲ୍ଯଭାଵାତ୍ |
ତଦା ପାହି ମାଂ ପାର୍ଵତୀଵଲ୍ଲଭାନ୍ଯଂ
ନ ପଶ୍ଯାମି ପାତାରମେତାଦୃଶଂ ମେ ‖ 28 ‖

ଇଦାନୀମିଦାନୀଂ ମୃତିର୍ମେ ଭଵିତ୍ରୀତ୍ଯହୋ ସଂତତଂ ଚିଂତଯା ପୀଡିତୋଽସ୍ମି |
କଥଂ ନାମ ମା ଭୂନ୍ମୃତୌ ଭୀତିରେଷା
ନମସ୍ତେ ଗତୀନାଂ ଗତେ ନୀଲକଂଠ ‖ 29 ‖

ଅମର୍ଯାଦମେଵାହମାବାଲଵୃଦ୍ଧଂ
ହରଂତଂ କୃତାଂତଂ ସମୀକ୍ଷ୍ଯାସ୍ମି ଭୀତଃ |
ମୃତୌ ତାଵକାଂଘ୍ର୍ଯବ୍ଜଦିଵ୍ଯପ୍ରସାଦାଦ୍ଭଵାନୀପତେ ନିର୍ଭଯୋଽହଂ ଭଵାନି ‖ 30 ‖

ଜରାଜନ୍ମଗର୍ଭାଧିଵାସାଦିଦୁଃଖାନ୍ଯସହ୍ଯାନି ଜହ୍ଯାଂ ଜଗନ୍ନାଥ ଦେଵ |
ଭଵଂତଂ ଵିନା ମେ ଗତିର୍ନୈଵ ଶଂଭୋ
ଦଯାଳୋ ନ ଜାଗର୍ତି କିଂ ଵା ଦଯା ତେ ‖ 31 ‖

ଶିଵାଯେତି ଶବ୍ଦୋ ନମଃପୂର୍ଵ ଏଷ
ସ୍ମରନ୍ମୁକ୍ତିକୃନ୍ମୃତ୍ଯୁହା ତତ୍ତ୍ଵଵାଚୀ |
ମହେଶାନ ମା ଗାନ୍ମନସ୍ତୋ ଵଚସ୍ତଃ
ସଦା ମହ୍ଯମେତତ୍ପ୍ରଦାନଂ ପ୍ରଯଚ୍ଛ ‖ 32 ‖

ତ୍ଵମପ୍ଯଂବ ମାଂ ପଶ୍ଯ ଶୀତାଂଶୁମୌଳିପ୍ରିଯେ ଭେଷଜଂ ତ୍ଵଂ ଭଵଵ୍ଯାଧିଶାଂତୌ
ବହୁକ୍ଲେଶଭାଜଂ ପଦାଂଭୋଜପୋତେ
ଭଵାବ୍ଧୌ ନିମଗ୍ନଂ ନଯସ୍ଵାଦ୍ଯ ପାରମ୍ ‖ 33 ‖

ଅନୁଦ୍ଯଲ୍ଲଲାଟାକ୍ଷି ଵହ୍ନି ପ୍ରରୋହୈରଵାମସ୍ଫୁରଚ୍ଚାରୁଵାମୋରୁଶୋଭୈଃ |
ଅନଂଗଭ୍ରମଦ୍ଭୋଗିଭୂଷାଵିଶେଷୈରଚଂଦ୍ରାର୍ଧଚୂଡୈରଲଂ ଦୈଵତୈର୍ନଃ ‖ 34 ‖

ଅକଂଠେକଲଂକାଦନଂଗେଭୁଜଂଗାଦପାଣୌକପାଲାଦଫାଲେଽନଲାକ୍ଷାତ୍ |
ଅମୌଳୌଶଶାଂକାଦଵାମେକଳତ୍ରାଦହଂ ଦେଵମନ୍ଯଂ ନ ମନ୍ଯେ ନ ମନ୍ଯେ ‖ 35 ‖

ମହାଦେଵ ଶଂଭୋ ଗିରୀଶ ତ୍ରିଶୂଲିଂସ୍ତ୍ଵଦୀଯଂ ସମସ୍ତଂ ଵିଭାତୀତି ଯସ୍ମାତ୍ |
ଶିଵାଦନ୍ଯଥା ଦୈଵତଂ ନାଭିଜାନେ
ଶିଵୋଽହଂ ଶିଵୋଽହଂ ଶିଵୋଽହଂ ଶିଵୋଽହମ୍ ‖ 36 ‖

ଯତୋଽଜାଯତେଦଂ ପ୍ରପଂଚଂ ଵିଚିତ୍ରଂ
ସ୍ଥିତିଂ ଯାତି ଯସ୍ମିନ୍ଯଦେକାଂତମଂତେ |
ସ କର୍ମାଦିହୀନଃ ସ୍ଵଯଂଜ୍ଯୋତିରାତ୍ମା
ଶିଵୋଽହଂ ଶିଵୋଽହଂ ଶିଵୋଽହଂ ଶିଵୋଽହମ୍ ‖ 37 ‖

କିରୀଟେ ନିଶେଶୋ ଲଲାଟେ ହୁତାଶୋ
ଭୁଜେ ଭୋଗିରାଜୋ ଗଲେ କାଲିମା ଚ |
ତନୌ କାମିନୀ ଯସ୍ଯ ତତ୍ତୁଲ୍ଯଦେଵଂ
ନ ଜାନେ ନ ଜାନେ ନ ଜାନେ ନ ଜାନେ ‖ 38 ‖

ଅନେନ ସ୍ତଵେନାଦରାଦଂବିକେଶଂ
ପରାଂ ଭକ୍ତିମାସାଦ୍ଯ ଯଂ ଯେ ନମଂତି |
ମୃତୌ ନିର୍ଭଯାସ୍ତେ ଜନାସ୍ତଂ ଭଜଂତେ
ହୃଦଂଭୋଜମଧ୍ଯେ ସଦାସୀନମୀଶମ୍ ‖ 39 ‖

ଭୁଜଂଗପ୍ରିଯାକଲ୍ପ ଶଂଭୋ ମଯୈଵଂ
ଭୁଜଂଗପ୍ରଯାତେନ ଵୃତ୍ତେନ କ୍ଲୃପ୍ତମ୍ |
ନରଃ ସ୍ତୋତ୍ରମେତତ୍ପଠିତ୍ଵୋରୁଭକ୍ତ୍ଯା
ସୁପୁତ୍ରାଯୁରାରୋଗ୍ଯମୈଶ୍ଵର୍ଯମେତି ‖ 40 ‖