PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

ଶିଵ ଭୁଜଂଗ ପ୍ରଯାତ ସ୍ତୋତ୍ରମ୍


କୃପାସାଗରାଯାଶୁକାଵ୍ଯପ୍ରଦାଯ
ପ୍ରଣମ୍ରାଖିଲାଭୀଷ୍ଟସଂଦାଯକାଯ |
ଯତୀଂଦ୍ରୈରୁପାସ୍ଯାଂଘ୍ରିପାଥୋରୁହାଯ
ପ୍ରବୋଧପ୍ରଦାତ୍ରେ ନମଃ ଶଂକରାଯ ‖1‖

ଚିଦାନଂଦରୂପାଯ ଚିନ୍ମୁଦ୍ରିକୋଦ୍ଯ-
ତ୍କରାଯେଶପର୍ଯାଯରୂପାଯ ତୁଭ୍ଯମ୍ |
ମୁଦା ଗୀଯମାନାଯ ଵେଦୋତ୍ତମାଂଗୈଃ
ଶ୍ରିତାନଂଦଦାତ୍ରେ ନମଃ ଶଂକରାଯ ‖2‖

ଜଟାଜୂଟମଧ୍ଯେ ପୁରା ଯା ସୁରାଣାଂ
ଧୁନୀ ସାଦ୍ଯ କର୍ମଂଦିରୂପସ୍ଯ ଶଂଭୋଃ
ଗଲେ ମଲ୍ଲିକାମାଲିକାଵ୍ଯାଜତସ୍ତେ
ଵିଭାତୀତି ମନ୍ଯେ ଗୁରୋ କିଂ ତଥୈଵ ‖3‖

ନଖେଂଦୁପ୍ରଭାଧୂତନମ୍ରାଲିହାର୍ଦା-
ଂଧକାରଵ୍ରଜାଯାବ୍ଜମଂଦସ୍ମିତାଯ |
ମହାମୋହପାଥୋନିଧେର୍ବାଡବାଯ
ପ୍ରଶାଂତାଯ କୁର୍ମୋ ନମଃ ଶଂକରାଯ ‖4‖

ପ୍ରଣମ୍ରାଂତରଂଗାବ୍ଜବୋଧପ୍ରଦାତ୍ରେ
ଦିଵାରାତ୍ରମଵ୍ଯାହତୋସ୍ରାଯ କାମମ୍ |
କ୍ଷପେଶାଯ ଚିତ୍ରାଯ ଲକ୍ଷ୍ମ କ୍ଷଯାଭ୍ଯାଂ
ଵିହୀନାଯ କୁର୍ମୋ ନମଃ ଶଂକରାଯ ‖5‖

ପ୍ରଣମ୍ରାସ୍ଯପାଥୋଜମୋଦପ୍ରଦାତ୍ରେ
ସଦାଂତସ୍ତମସ୍ତୋମସଂହାରକର୍ତ୍ରେ |
ରଜନ୍ଯା ମପୀଦ୍ଧପ୍ରକାଶାଯ କୁର୍ମୋ
ହ୍ଯପୂର୍ଵାଯ ପୂଷ୍ଣେ ନମଃ ଶଂକରାଯ ‖6‖

ନତାନାଂ ହୃଦବ୍ଜାନି ଫୁଲ୍ଲାନି ଶୀଘ୍ରଂ
କରୋମ୍ଯାଶୁ ଯୋଗପ୍ରଦାନେନ ନୂନମ୍ |
ପ୍ରବୋଧାଯ ଚେତ୍ଥଂ ସରୋଜାନି ଧତ୍ସେ
ପ୍ରଫୁଲ୍ଲାନି କିଂ ଭୋ ଗୁରୋ ବ୍ରୂହି ମହ୍ଯମ୍ ‖7‖

ପ୍ରଭାଧୂତଚଂଦ୍ରାଯୁତାଯାଖିଲେଷ୍ଟ-
ପ୍ରଦାଯାନତାନାଂ ସମୂହାଯ ଶୀଘ୍ରମ୍|
ପ୍ରତୀପାଯ ନମ୍ରୌଘଦୁଃଖାଘପଂକ୍ତେ-
ର୍ମୁଦା ସର୍ଵଦା ସ୍ଯାନ୍ନମଃ ଶଂକରାଯ ‖8‖

ଵିନିଷ୍କାସିତାନୀଶ ତତ୍ତ୍ଵାଵବୋଧା -
ନ୍ନତାନାଂ ମନୋଭ୍ଯୋ ହ୍ଯନନ୍ଯାଶ୍ରଯାଣି |
ରଜାଂସି ପ୍ରପନ୍ନାନି ପାଦାଂବୁଜାତଂ
ଗୁରୋ ରକ୍ତଵସ୍ତ୍ରାପଦେଶାଦ୍ବିଭର୍ଷି ‖9‖

ମତେର୍ଵେଦଶୀର୍ଷାଧ୍ଵସଂପ୍ରାପକାଯା-
ନତାନାଂ ଜନାନାଂ କୃପାର୍ଦ୍ରୈଃ କଟାକ୍ଷୈଃ |
ତତେଃ ପାପବୃଂଦସ୍ଯ ଶୀଘ୍ରଂ ନିହଂତ୍ରେ
ସ୍ମିତାସ୍ଯାଯ କୁର୍ମୋ ନମଃ ଶଂକରାଯ ‖10‖

ସୁପର୍ଵୋକ୍ତିଗଂଧେନ ହୀନାଯ ତୂର୍ଣଂ
ପୁରା ତୋଟକାଯାଖିଲଜ୍ଞାନଦାତ୍ରେ|
ପ୍ରଵାଲୀଯଗର୍ଵାପହାରସ୍ଯ କର୍ତ୍ରେ
ପଦାବ୍ଜମ୍ରଦିମ୍ନା ନମଃ ଶଂକରାଯ ‖11‖

ଭଵାଂଭୋଧିମଗ୍ନାନ୍ଜନାଂଦୁଃଖଯୁକ୍ତାନ୍
ଜଵାଦୁଦ୍ଦିଧୀର୍ଷୁର୍ଭଵାନିତ୍ଯହୋଽହମ୍ |
ଵିଦିତ୍ଵା ହି ତେ କୀର୍ତିମନ୍ଯାଦୃଶାଂଭୋ
ସୁଖଂ ନିର୍ଵିଶଂକଃ ସ୍ଵପିମ୍ଯସ୍ତଯତ୍ନଃ ‖12‖

‖ଇତି ଶ୍ରୀଶଂକରାଚାର୍ଯ ଭୁଜଂଗପ୍ରଯାତସ୍ତୋତ୍ରମ୍‖