Collection of Spiritual and Devotional Literature in Various Indian Languages
View this in:
| | English | | Devanagari | | Telugu | | Tamil | | Kannada | | Malayalam | | Gujarati | | Oriya | | Bengali | |
This stotram is in ಶುದ್ಧ ಕನ್ನಡ. View this in ಸರಳ ಕನ್ನಡ, with simplified anuswaras for easy reading.
ನಿತ್ಯ ಸನ್ಧ್ಯಾ ವನ್ದನಮ್
ಶರೀರ ಶುದ್ಧಿ
ಅಪವಿತ್ರಃ ಪವಿತ್ರೋ ವಾ ಸರ್ವಾವಸ್ಥಾಂ'' ಗತೋಽಪಿವಾ |
ಯಃ ಸ್ಮರೇತ್ ಪುಣ್ಡರೀಕಾಕ್ಷಂ ಸ ಬಾಹ್ಯಾಭ್ಯನ್ತರ ಶ್ಶುಚಿಃ ‖
ಪುಣ್ಡರೀಕಾಕ್ಷ ! ಪುಣ್ಡರೀಕಾಕ್ಷ ! ಪುಣ್ಡರೀಕಾಕ್ಷಾಯ ನಮಃ |
ಆಚಮನಃ
ಓಂ ಆಚಮ್ಯ
ಓಂ ಕೇಶವಾಯ ಸ್ವಾಹಾ
ಓಂ ನಾರಾಯಣಾಯ ಸ್ವಾಹಾ
ಓಂ ಮಾಧವಾಯ ಸ್ವಾಹಾ (ಇತಿ ತ್ರಿರಾಚಮ್ಯ)
ಓಂ ಗೋವಿನ್ದಾಯ ನಮಃ (ಪಾಣೀ ಮಾರ್ಜಯಿತ್ವಾ)
ಓಂ ವಿಷ್ಣವೇ ನಮಃ
ಓಂ ಮಧುಸೂದನಾಯ ನಮಃ (ಓಷ್ಠೌ ಮಾರ್ಜಯಿತ್ವಾ)
ಓಂ ತ್ರಿವಿಕ್ರಮಾಯ ನಮಃ
ಓಂ ವಾಮನಾಯ ನಮಃ (ಶಿರಸಿ ಜಲಂ ಪ್ರೋಕ್ಷ್ಯ)
ಓಂ ಶ್ರೀಧರಾಯ ನಮಃ
ಓಂ ಹೃಷೀಕೇಶಾಯ ನಮಃ (ವಾಮಹಸ್ತೆ ಜಲಂ ಪ್ರೋಕ್ಷ್ಯ)
ಓಂ ಪದ್ಮನಾಭಾಯ ನಮಃ (ಪಾದಯೋಃ ಜಲಂ ಪ್ರೋಕ್ಷ್ಯ)
ಓಂ ದಾಮೋದರಾಯ ನಮಃ (ಶಿರಸಿ ಜಲಂ ಪ್ರೋಕ್ಷ್ಯ)
ಓಂ ಸಙ್ಕರ್ಷಣಾಯ ನಮಃ (ಅಙ್ಗುಳಿಭಿಶ್ಚಿಬುಕಂ ಜಲಂ ಪ್ರೋಕ್ಷ್ಯ)
ಓಂ ವಾಸುದೇವಾಯ ನಮಃ
ಓಂ ಪ್ರದ್ಯುಮ್ನಾಯ ನಮಃ (ನಾಸಿಕಾಂ ಸ್ಪೃಷ್ಟ್ವಾ)
ಓಂ ಅನಿರುದ್ಧಾಯ ನಮಃ
ಓಂ ಪುರುಷೋತ್ತಮಾಯ ನಮಃ
ಓಂ ಅಧೋಕ್ಷಜಾಯ ನಮಃ
ಓಂ ನಾರಸಿಂಹಾಯ ನಮಃ (ನೇತ್ರೇ ಶ್ರೋತ್ರೇ ಚ ಸ್ಪೃಷ್ಟ್ವಾ)
ಓಂ ಅಚ್ಯುತಾಯ ನಮಃ (ನಾಭಿಂ ಸ್ಪೃಷ್ಟ್ವಾ)
ಓಂ ಜನಾರ್ಧನಾಯ ನಮಃ (ಹೃದಯಂ ಸ್ಪೃಷ್ಟ್ವಾ)
ಓಂ ಉಪೇನ್ದ್ರಾಯ ನಮಃ (ಹಸ್ತಂ ಶಿರಸಿ ನಿಕ್ಷಿಪ್ಯ)
ಓಂ ಹರಯೇ ನಮಃ
ಓಂ ಶ್ರೀಕೃಷ್ಣಾಯ ನಮಃ (ಅಂಸೌ ಸ್ಪೃಷ್ಟ್ವಾ)
ಓಂ ಶ್ರೀಕೃಷ್ಣ ಪರಬ್ರಹ್ಮಣೇ ನಮೋ ನಮಃ
(ಏತಾನ್ಯುಚ್ಚಾರ್ಯ ಉಪ್ಯಕ್ತ ಪ್ರಕಾರಂ ಕೃತೇ ಅಙ್ಗಾನಿ ಶುದ್ಧಾನಿ ಭವೇಯುಃ)
ಭೂತೋಚ್ಚಾಟನ
ಉತ್ತಿಷ್ಠನ್ತು | ಭೂತ ಪಿಶಾಚಾಃ | ಯೇ ತೇ ಭೂಮಿಭಾರಕಾಃ | ಯೇ ತೇಷಾಮವಿರೋಧೇನ | ಬ್ರಹ್ಮಕರ್ಮ ಸಮಾರಭೇ | ಓಂ ಭೂರ್ಭುವಸ್ಸುವಃ |
ದೈವೀ ಗಾಯತ್ರೀ ಚನ್ದಃ ಪ್ರಾಣಾಯಾಮೇ ವಿನಿಯೋಗಃ
(ಪ್ರಾಣಾಯಾಮಂ ಕೃತ್ವಾ ಕುಮ್ಭಕೇ ಇಮಂ ಗಾಯತ್ರೀ ಮನ್ತ್ರಮುಚ್ಛರೇತ್)
ಪ್ರಾಣಾಯಾಮಃ
ಓಂ ಭೂಃ | ಓಂ ಭುವಃ | ಓಗ್^ಮ್ ಸುವಃ | ಓಂ ಮಹಃ | ಓಂ ಜನಃ | ಓಂ ತಪಃ | ಓಗ್^ಮ್ ಸತ್ಯಮ್ |
ಓಂ ತಥ್ಸ'ವಿತುರ್ವರೇ''ಣ್ಯಂ ಭರ್ಗೋ' ದೇವಸ್ಯ' ಧೀಮಹಿ |
ಧಿಯೋ ಯೋ ನಃ' ಪ್ರಚೋದಯಾ''ತ್ ‖
ಓಮಾಪೋ ಜ್ಯೋತೀ ರಸೋಽಮೃತಂ ಬ್ರಹ್ಮ ಭೂ-ರ್ಭುವ-ಸ್ಸುವರೋಮ್ ‖ (ತೈ ಅರ 10-27)
ಸಙ್ಕಲ್ಪಃ
ಮಮೋಪಾತ್ತ, ದುರಿತ ಕ್ಷಯದ್ವಾರಾ, ಶ್ರೀ ಪರಮೇಶ್ವರ ಮುದ್ದಿಸ್ಯ, ಶ್ರೀ ಪರಮೇಶ್ವರ ಪ್ರೀತ್ಯರ್ಥಂ, ಶುಭೇ, ಶೋಭನೇ, ಅಭ್ಯುದಯ ಮುಹೂರ್ತೇ, ಶ್ರೀ ಮಹಾವಿಷ್ಣೋ ರಾಜ್ಞಯಾ, ಪ್ರವರ್ತ ಮಾನಸ್ಯ, ಅದ್ಯ ಬ್ರಹ್ಮಣಃ, ದ್ವಿತೀಯ ಪರಾರ್ಥೇ, ಶ್ವೇತವರಾಹ ಕಲ್ಪೇ, ವೈವಶ್ವತ ಮನ್ವನ್ತರೇ, ಕಲಿಯುಗೇ, ಪ್ರಥಮ ಪಾದೇ, (ಭಾರತ ದೇಶಃ - ಜಮ್ಬೂ ದ್ವೀಪೇ, ಭರತ ವರ್ಷೇ, ಭರತ ಖಣ್ಡೇ, ಮೇರೋಃ ದಕ್ಷಿಣ/ಉತ್ತರ ದಿಗ್ಭಾಗೇ; ಅಮೇರಿಕಾ - ಕ್ರೌಞ್ಚ ದ್ವೀಪೇ, ರಮಣಕ ವರ್ಷೇ, ಐನ್ದ್ರಿಕ ಖಣ್ಡೇ, ಸಪ್ತ ಸಮುದ್ರಾನ್ತರೇ, ಕಪಿಲಾರಣ್ಯೇ), ಶೋಭನ ಗೃಹೇ, ಸಮಸ್ತ ದೇವತಾ ಬ್ರಾಹ್ಮಣ, ಹರಿಹರ ಗುರುಚರಣ ಸನ್ನಿಥೌ, ಅಸ್ಮಿನ್, ವರ್ತಮಾನ, ವ್ಯಾವಹಾರಿಕ, ಚಾನ್ದ್ರಮಾನ, ಸಂವತ್ಸರೇ, ಅಯನೇ, ಋತೇ, ಮಾಸೇ, ಪಕ್ಷೇ, ತಿಥೌ, ವಾಸರೇ, ಶುಭ ನಕ್ಷತ್ರ, ಶುಭ ಯೋಗ, ಶುಭ ಕರಣ, ಏವಙ್ಗುಣ, ವಿಶೇಷಣ, ವಿಶಿಷ್ಠಾಯಾಂ, ಶುಭ ತಿಥೌ, ಶ್ರೀಮಾನ್, ಗೋತ್ರಃ, ನಾಮಧೇಯಃ, ಗೋತ್ರಸ್ಯ, ನಾಮಧೇಯೋಹಂಃ ಪ್ರಾತಃ/ಮಧ್ಯಾಹ್ನಿಕ/ಸಾಯಂ ಸನ್ಧ್ಯಾಮ್ ಉಪಾಸಿಷ್ಯೇ ‖
ಮಾರ್ಜನಃ
ಓಂ ಆಪೋಹಿಷ್ಠಾ ಮ'ಯೋಭುವಃ' | ತಾ ನ' ಊರ್ಜೇ ದ'ಧಾತನ | ಮಹೇರಣಾ'ಯ ಚಕ್ಷ'ಸೇ | ಯೋ ವಃ' ಶಿವತ'ಮೋ ರಸಃ' | ತಸ್ಯ' ಭಾಜಯತೇ ಹ ನಃ | ಉಶತೀರಿ'ವ ಮಾತರಃ' | ತಸ್ಮಾ ಅರ'ಙ್ಗ ಮಾಮ ವಃ | ಯಸ್ಯ ಕ್ಷಯಾ'ಯ ಜಿನ್ವ'ಥ | ಆಪೋ' ಜನಯ'ಥಾ ಚ ನಃ | (ತೈ ಅರ 4-42)
(ಇತಿ ಶಿರಸಿ ಮಾರ್ಜಯೇತ್)
(ಹಸ್ತೇನ ಜಲಂ ಗೃಹೀತ್ವಾ)
ಪ್ರಾತಃ ಕಾಲ ಮನ್ತ್ರಾಚಮನಃ
ಸೂರ್ಯ ಶ್ಚ, ಮಾಮನ್ಯು ಶ್ಚ, ಮನ್ಯುಪತಯ ಶ್ಚ, ಮನ್ಯು'ಕೃತೇಭ್ಯಃ | ಪಾಪೇಭ್ಯೋ' ರಕ್ಷನ್ತಾಮ್ | ಯದ್ರಾತ್ರ್ಯಾ ಪಾಪ' ಮಕಾರ್ಷಂ | ಮನಸಾ ವಾಚಾ' ಹಸ್ತಾಭ್ಯಾಂ | ಪದ್ಭ್ಯಾ ಮುದರೇ'ಣ ಶಿಶ್ಞ್ಚಾ | ರಾತ್ರಿ ಸ್ತದ'ವಲುಮ್ಪತು | ಯತ್ಕಿಞ್ಚ' ದುರಿತಂ ಮಯಿ' | ಇದಮಹಂ ಮಾ ಮಮೃ'ತ ಯೋ ನೌ | ಸೂರ್ಯೇ ಜ್ಯೋತಿಷಿ ಜುಹೋ'ಮಿ ಸ್ವಾಹಾ'' ‖ (ತೈ ಅರ 10 24)
ಮಧ್ಯಾಹ್ನ ಕಾಲ ಮನ್ತ್ರಾಚಮನಃ
ಆಪಃ' ಪುನನ್ತು ಪೃಥಿವೀಂ ಪೃ'ಥಿವೀ ಪೂತಾ ಪು'ನಾತು ಮಾಂ | ಪುನನ್ತು ಬ್ರಹ್ಮ'ಣಸ್ಪತಿ ರ್ಬ್ರಹ್ಮಾ' ಪೂತಾ ಪು'ನಾತು ಮಾಂ | ಯದುಚ್ಛಿ'ಷ್ಟ ಮಭೋ''ಜ್ಯಂ ಯದ್ವಾ' ದುಶ್ಚರಿ'ತಂ ಮಮ' | ಸರ್ವಂ' ಪುನನ್ತು ಮಾ ಮಾಪೋ'ಽಸತಾ ಞ್ಚ' ಪ್ರತಿಗ್ರಹಗ್ಗ್ ಸ್ವಾಹಾ'' ‖ (ತೈ ಅರ ಪರಿಶಿಷ್ಟಃ 10 30)
ಸಾಯಙ್ಕಾಲ ಮನ್ತ್ರಾಚಮನಃ
ಅಗ್ನಿ ಶ್ಚ ಮಾ ಮನ್ಯು ಶ್ಚ ಮನ್ಯುಪತಯ ಶ್ಚ ಮನ್ಯು'ಕೃತೇಭ್ಯಃ | ಪಾಪೇಭ್ಯೋ' ರಕ್ಷನ್ತಾಂ | ಯದಹ್ನಾ ಪಾಪ' ಮಕಾರ್ಷಂ | ಮನಸಾ ವಾಚಾ' ಹಸ್ತಾಭ್ಯಾಂ | ಪದ್ಭ್ಯಾ ಮುದರೇ'ಣ ಶಿಶ್ಞ್ಚಾ | ಅಹ ಸ್ತದ'ವಲುಮ್ಪತು | ಯ ತ್ಕಿಞ್ಚ' ದುರಿತಂ ಮಯಿ' | ಇದ ಮಹಂ ಮಾ ಮಮೃ'ತ ಯೋನೌ | ಸತ್ಯೇ ಜ್ಯೋತಿಷಿ ಜುಹೋಮಿ ಸ್ವಾಹಾ ‖ (ತೈ ಅರ 10 24)
(ಇತಿ ಮನ್ತ್ರೇಣ ಜಲಂ ಪಿಬೇತ್)
ಆಚಮ್ಯ (ಓಂ ಕೇಶವಾಯ ಸ್ವಾಹಾ, ಶ್ರೀ ಕೃಷ್ಣ ಪರಬ್ರಹ್ಮಣೇ ನಮೋ ನಮಃ)
ದ್ವಿತೀಯ ಮಾರ್ಜನಃ
ದಧಿ ಕ್ರಾವಣ್ಣೋ' ಅಕಾರಿಷಂ | ಜಿಷ್ಣೋ ರಶ್ವ'ಸ್ಯ ವಾಜಿ'ನಃ |
ಸುರಭಿನೋ ಮುಖಾ'ಕರತ್ಪ್ರಣ ಆಯೂಗಂ'ಷಿ ತಾರಿಷತ್ ‖
(ಸೂರ್ಯಪಕ್ಷೇ ಲೋಕಯಾತ್ರಾ ನಿರ್ವಾಹಕ ಇತ್ಯರ್ಥಃ)
ಓಂ ಆಪೋ ಹಿಷ್ಠಾ ಮ'ಯೋಭುವಃ' | ತಾ ನ' ಊರ್ಜೇ ದ'ಧಾತನ | ಮಹೇರಣಾ'ಯ ಚಕ್ಷ'ಸೇ | ಯೋ ವಃ' ಶಿವತ'ಮೋ ರಸಃ' | ತಸ್ಯ' ಭಾಜಯತೇ ಹ ನಃ | ಉಶತೀರಿ'ವ ಮಾತರಃ' | ತಸ್ಮಾ ಅರ'ಙ್ಗ ಮಾಮ ವಃ | ಯಸ್ಯ ಕ್ಷಯಾ'ಯ ಜಿನ್ವ'ಥ | ಆಪೋ' ಜನಯ'ಥಾ ಚ ನಃ ‖ (ತೈ ಅರ 4 42)
ಪುನಃ ಮಾರ್ಜನಃ
ಹಿರ'ಣ್ಯವರ್ಣಾ ಶ್ಶುಚ'ಯಃ ಪಾವಕಾಃ ಯಾ ಸು'ಜಾತಃ ಕಶ್ಯಪೋ ಯಾ ಸ್ವಿನ್ದ್ರಃ' | ಅಗ್ನಿಂ ಯಾ ಗರ್ಭ'ನ್-ದಧಿರೇ ವಿರೂ'ಪಾ ಸ್ತಾನ ಆಪಶ್ಶಗ್ಗ್ ಸ್ಯೋನಾ ಭ'ವನ್ತು | ಯಾ ಸಾಗಂ ರಾಜಾ ವರು'ಣೋ ಯಾತಿ ಮಧ್ಯೇ' ಸತ್ಯಾನೃತೇ ಅ'ವಪಶ್ಯಂ ಜನಾ'ನಾಂ | ಮಧು ಶ್ಚುತಶ್ಶುಚ'ಯೋ ಯಾಃ ಪಾ'ವಕಾ ಸ್ತಾನ ಆಪಶ್ಶಗ್ಗ್ ಸ್ಯೋನಾ ಭ'ವನ್ತು | ಯಾಸಾಂ'' ದೇವಾ ದಿವಿ ಕೃಣ್ವನ್ತಿ' ಭಕ್ಷಂ ಯಾ ಅನ್ತರಿ'ಕ್ಷೇ ಬಹುಥಾ ಭವ'ನ್ತಿ | ಯಾಃ ಪೃ'ಥಿವೀಂ ಪಯ'ಸೋನ್ದನ್ತಿ' ಶ್ಶುಕ್ರಾಸ್ತಾನ ಆಪಶಗ್ಗ್ ಸ್ಯೋನಾ ಭ'ವನ್ತು | ಯಾಃ ಶಿವೇನ' ಮಾ ಚಕ್ಷು'ಷಾ ಪಶ್ಯತಾಪಶ್ಶಿವಯಾ' ತನು ವೋಪ'ಸ್ಪೃಶತ ತ್ವಚ' ಮ್ಮೇ | ಸರ್ವಾಗಂ' ಅಗ್ನೀಗ್^ಮ್ ರ'ಪ್ಸುಷದೋ' ಹುವೇ ವೋ ಮಯಿ ವರ್ಚೋ ಬಲ ಮೋಜೋ ನಿಧ'ತ್ತ ‖ (ತೈ ಸಂ 5 6 1)
(ಮಾರ್ಜನಂ ಕುರ್ಯಾತ್)
ಅಘಮರ್ಷಣ ಮನ್ತ್ರಃ ಪಾಪವಿಮೋಚನಂ
(ಹಸ್ತೇನ ಜಲಮಾದಾಯ ನಿಶ್ಶ್ವಸ್ಯ ವಾಮತೋ ನಿಕ್ಷಿತಪೇತ್)
ದ್ರುಪದಾ ದಿ'ವ ಮುಞ್ಚತು | ದ್ರುಪದಾ ದಿವೇ ನ್ಮು'ಮುಚಾನಃ |
ಸ್ವಿನ್ನ ಸ್ಸ್ನಾತ್ವೀ ಮಲಾ' ದಿವಃ | ಪೂತಂ ಪವಿತ್ರೇ'ಣೇ ವಾಜ್ಯಂ'' ಆಪ' ಶ್ಶುನ್ದನ್ತು ಮೈನ'ಸಃ ‖ (ತೈ ಬ್ರಾ 266)
ಆಚಮ್ಯ (ಓಂ ಕೇಶವಾಯ ಸ್ವಾಹಾ, ಶ್ರೀ ಕೃಷ್ಣ ಪರಬ್ರಹ್ಮಣೇ ನಮೋ ನಮಃ)
ಪ್ರಾಣಾಯಾಮಮ್ಯ
ಲಘುಸಙ್ಕಲ್ಪಃ
ಪೂರ್ವೋಕ್ತ ಏವಙ್ಗುಣ ವಿಶೇಷಣ ವಿಶಿಷ್ಠಾಯಾಂ ಶುಭತಿಥೌ ಮಮೋಪಾತ್ತ ದುರಿತ ಕ್ಷಯದ್ವಾರಾ ಶ್ರೀ ಪರಮೇಶ್ವರ ಮುದ್ದಿಸ್ಯ ಶ್ರೀ ಪರಮೇಶ್ವರ ಪ್ರೀತ್ಯರ್ಥಂ ಪ್ರಾತಸ್ಸನ್ಧ್ಯಾಙ್ಗ ಯಥಾ ಕಾಲೋಚಿತ ಅರ್ಘ್ಯಪ್ರದಾನಂ ಕರಿಷ್ಯೇ ‖
ಪ್ರಾತಃ ಕಾಲಾರ್ಘ್ಯ ಮನ್ತ್ರಂ
ಓಂ ಭೂರ್ಭುವಸ್ಸುವಃ' ‖ ತಥ್ಸ'ವಿತುರ್ವರೇ''ಣ್ಯಂ ಭರ್ಗೋ' ದೇವಸ್ಯ' ಧೀಮಹಿ | ಧಿಯೋ ಯೋ ನಃ' ಪ್ರಚೋದಯಾ''ತ್ ‖ 3 ‖
ಮಧ್ಯಾಹ್ನಾರ್ಘ್ಯ ಮನ್ತ್ರಂ
ಓಂ ಹಗಂ ಸಶ್ಶು'ಚಿಷ ದ್ವಸು'ರನ್ತರಿಕ್ಷಸ ದ್ದೋತಾ' ವೇದಿಷದತಿ'ಥಿ ರ್ದುರೋಣಸತ್ | ನೃಷ ದ್ವ'ರಸ ದೃ'ತಸ ದ್ವ್ಯೋ'ಮ ಸದಬ್ಜಾ ಗೋಜಾ ಋ'ತಜಾ ಅ'ದ್ರಿಜಾ ಋತಮ್-ಬೃಹತ್ ‖ (ತೈ ಅರ 10 4)
ಸಾಯಂ ಕಾಲಾರ್ಘ್ಯ ಮನ್ತ್ರಂ
ಓಂ ಭೂರ್ಭುವಸ್ಸುವಃ' ‖ ತಥ್ಸ'ವಿತುರ್ವರೇ''ಣ್ಯಂ ಭರ್ಗೋ' ದೇವಸ್ಯ' ಧೀಮಹಿ | ಧಿಯೋ ಯೋ ನಃ' ಪ್ರಚೋದಯಾ''ತ್ ‖ ಓಂ ಭೂಃ | ಓಂ ಭುವಃ | ಓಗ್^ಮ್ ಸುವಃ | ಓಂ ಮಹಃ | ಓಂ ಜನಃ | ಓಂ ತಪಃ | ಓಗ್^ಮ್ ಸತ್ಯಮ್ | ಓಂ ತಥ್ಸ'ವಿತುರ್ವರೇ''ಣ್ಯಂ ಭರ್ಗೋ' ದೇವಸ್ಯ' ಧೀಮಹಿ | ಧಿಯೋ ಯೋ ನಃ' ಪ್ರಚೋದಯಾ''ತ್ ‖ ಓಮಾಪೋ ಜ್ಯೋತೀ ರಸೋಽಮೃತಂ ಬ್ರಹ್ಮ ಭೂ-ರ್ಭುವ-ಸ್ಸುವರೋಮ್ ‖
(ಇತ್ಯಞ್ಜಲಿತ್ರಯಂ ವಿಸೃಜೇತ್)
ಕಾಲಾತಿಕ್ರಮಣ ಪ್ರಾಯಶ್ಚಿತ್ತಂ
ಆಚಮ್ಯ
ಪೂರ್ವೋಕ್ತ ಏವಙ್ಗುಣ ವಿಶೇಷಣ ವಿಶಿಷ್ಠಾಯಾಂ ಶುಭತಿಥೌ ಮಮೋಪಾತ್ತ ದುರಿತ ಕ್ಷಯದ್ವಾರಾ ಶ್ರೀ ಪರಮೇಶ್ವರ ಮುದ್ದಿಸ್ಯ ಶ್ರೀ ಪರಮೇಶ್ವರ ಪ್ರೀತ್ಯರ್ಥಂ ಕಾಲಾತಿಕ್ರಮ ದೋಷಪರಿಹಾರಾರ್ಥಂ ಚತುರ್ಥಾ ಅರ್ಘ್ಯಪ್ರದಾನಂ ಕರಿಷ್ಯೇ ‖
ಓಂ ಭೂರ್ಭುವಸ್ಸುವಃ' ‖ ತಥ್ಸ'ವಿತುರ್ವರೇ''ಣ್ಯಂ ಭರ್ಗೋ' ದೇವಸ್ಯ' ಧೀಮಹಿ | ಧಿಯೋ ಯೋ ನಃ' ಪ್ರಚೋದಯಾ''ತ್ ‖ ಓಂ ಭೂಃ | ಓಂ ಭುವಃ | ಓಗ್^ಮ್ ಸುವಃ | ಓಂ ಮಹಃ | ಓಂ ಜನಃ | ಓಂ ತಪಃ | ಓಗ್^ಮ್ ಸತ್ಯಮ್ | ಓಂ ತಥ್ಸ'ವಿತುರ್ವರೇ''ಣ್ಯಂ ಭರ್ಗೋ' ದೇವಸ್ಯ' ಧೀಮಹಿ | ಧಿಯೋ ಯೋ ನಃ' ಪ್ರಚೋದಯಾ''ತ್ ‖ ಓಮಾಪೋ ಜ್ಯೋತೀ ರಸೋಽಮೃತಂ ಬ್ರಹ್ಮ ಭೂ-ರ್ಭುವ-ಸ್ಸುವರೋಮ್ ‖
(ಇತಿ ಜಲಂ ವಿಸೃಜೇತ್)
ಸಜಲ ಪ್ರದಕ್ಷಿಣಂ
ಓಂ ಉದ್ಯನ್ತ'ಮಸ್ತಂ ಯನ್ತ' ಮಾದಿತ್ಯ ಮ'ಭಿಥ್ಯಾಯ ನ್ಕುರ್ವನ್-ಬ್ರಾ''ಹ್ಮಣೋ ವಿದ್ವಾನ್ ತ್ಸಕಲ'ಮ್-ಭದ್ರಮ'ಶ್ನುತೇ ಅಸಾವಾ'ದಿತ್ಯೋ ಬ್ರಹ್ಮೇತಿ ‖ ಬ್ರಹ್ಮೈವ ಸನ್-ಬ್ರಹ್ಮಾಪ್ಯೇತಿ ಯ ಏವಂ ವೇದ ‖ ಅಸಾವಾದಿತ್ಯೋ ಬ್ರಹ್ಮ ‖ (ತೈ ಅರ 2 2)
(ಏವಂ ಅರ್ಘ್ಯತ್ರಯಂ ದದ್ಯಾತ್ ಕಾಲಾತಿಕ್ರಮಣೇ ಪೂರ್ವವತ್)
(ಪಶ್ಚಾತ್ ಹಸ್ತೇನ ಜಲಮಾದಾಯ ಪ್ರದಕ್ಷಿಣಂ ಕುರ್ಯಾತ್)
(ದ್ವಿರಾಚಮ್ಯ ಪ್ರಾಣಾಯಾಮ ತ್ರಯಂ ಕೃತ್ವಾ)
ಆಚಮ್ಯ (ಓಂ ಕೇಶವಾಯ ಸ್ವಾಹಾ, ಶ್ರೀ ಕೃಷ್ಣ ಪರಬ್ರಹ್ಮಣೇ ನಮೋ ನಮಃ)
ಸನ್ಧ್ಯಾಙ್ಗ ತರ್ಪಣಂ
ಪ್ರಾತಃಕಾಲ ತರ್ಪಣಂ
ಸನ್ಧ್ಯಾಂ ತರ್ಪಯಾಮಿ, ಗಾಯತ್ರೀಂ ತರ್ಪಯಾಮಿ, ಬ್ರಾಹ್ಮೀಂ ತರ್ಪಯಾಮಿ, ನಿಮೃಜೀಂ ತರ್ಪಯಾಮಿ ‖
ಮಧ್ಯಾಹ್ನ ತರ್ಪಣಂ
ಸನ್ಧ್ಯಾಂ ತರ್ಪಯಾಮಿ, ಸಾವಿತ್ರೀಂ ತರ್ಪಯಾಮಿ, ರೌದ್ರೀಂ ತರ್ಪಯಾಮಿ, ನಿಮೃಜೀಂ ತರ್ಪಯಾಮಿ ‖
ಸಾಯಙ್ಕಾಲ ತರ್ಪಣಂ
ಸನ್ಧ್ಯಾಂ ತರ್ಪಯಾಮಿ, ಸರಸ್ವತೀಂ ತರ್ಪಯಾಮಿ, ವೈಷ್ಣವೀಂ ತರ್ಪಯಾಮಿ, ನಿಮೃಜೀಂ ತರ್ಪಯಾಮಿ ‖
(ಪುನರಾಚಮನಂ ಕುರ್ಯಾತ್)
ಗಾಯತ್ರೀ ಅವಾಹನ
ಓಮಿತ್ಯೇಕಾಕ್ಷ'ರಂ ಬ್ರಹ್ಮ | ಅಗ್ನಿರ್ದೇವತಾ ಬ್ರಹ್ಮ' ಇತ್ಯಾರ್ಷಮ್ | ಗಾಯತ್ರಂ ಛನ್ದಂ ಪರಮಾತ್ಮಂ' ಸರೂಪಮ್ | ಸಾಯುಜ್ಯಂ ವಿ'ನಿಯೋಗಮ್ ‖ (ತೈ ಅರ 10 33)
ಆಯಾ'ತು ವರ'ದಾ ದೇವೀ ಅಕ್ಷರಂ' ಬ್ರಹ್ಮಸಂಮಿತಮ್ | ಗಾಯತ್ರೀಂ'' ಛನ್ದ'ಸಾಂ ಮಾತೇದಂ ಬ್ರ'ಹ್ಮ ಜುಷಸ್ವ' ಮೇ | ಯದಹ್ನಾ''ತ್-ಕುರು'ತೇ ಪಾಪಂ ತದಹ್ನಾ''ತ್-ಪ್ರತಿಮುಚ್ಯ'ತೇ | ಯದ್ರಾತ್ರಿಯಾ''ತ್-ಕುರು'ತೇ ಪಾಪಂ ತದ್ರಾತ್ರಿಯಾ''ತ್-ಪ್ರತಿಮುಚ್ಯ'ತೇ | ಸರ್ವ' ವರ್ಣೇ ಮ'ಹಾದೇವಿ ಸನ್ಧ್ಯಾವಿ'ದ್ಯೇ ಸರಸ್ವ'ತಿ ‖
ಓಜೋ'ಽಸಿ ಸಹೋ'ಽಸಿ ಬಲ'ಮಸಿ ಭ್ರಾಜೋ'ಽಸಿ ದೇವಾನಾಂ ಧಾಮನಾಮಾ'ಸಿ ವಿಶ್ವ'ಮಸಿ ವಿಶ್ವಾಯು-ಸ್ಸರ್ವ'ಮಸಿ ಸರ್ವಾಯು-ರಭಿಭೂರೋಂ | ಗಾಯತ್ರೀ-ಮಾವಾ'ಹಯಾಮಿ ಸಾವಿತ್ರೀ-ಮಾವಾ'ಹಯಾಮಿ ಸರಸ್ವತೀ-ಮಾವಾ'ಹಯಾಮಿ ಛನ್ದರ್ಷೀ-ನಾವಾ'ಹಯಾಮಿ ಶ್ರಿಯ-ಮಾವಾಹ'ಯಾಮಿ ಗಾಯತ್ರಿಯಾ ಗಾಯತ್ರೀ ಚ್ಛನ್ದೋ ವಿಶ್ವಾಮಿತ್ರಋಷಿ ಸ್ಸವಿತಾ ದೇವತಾಽಗ್ನಿರ್-ಮುಖಂ ಬ್ರಹ್ಮಾ ಶಿರೋ ವಿಷ್ಣುರ್-ಹೃದಯಗ್^ಮ್ ರುದ್ರ-ಶ್ಶಿಖಾ ಪೃಥಿವೀ ಯೋನಿಃ ಪ್ರಾಣಾಪಾನ ವ್ಯಾನೋದಾನ ಸಮಾನಾ ಸಪ್ರಾಣಾ ಶ್ವೇತವರ್ಣಾ ಸಾಙ್ಖ್ಯಾಯನ ಸಗೋತ್ರಾ ಗಾಯತ್ರೀ ಚತುರ್ವಿಗ್^ಮ್ ಶತ್ಯಕ್ಷರಾ ತ್ರಿಪದಾ' ಷಟ್-ಕುಕ್ಷಿಃ ಪಞ್ಚ-ಶೀರ್ಷೋಪನಯನೇ ವಿ'ನಿಯೋಗಃ | ಓಂ ಭೂಃ | ಓಂ ಭುವಃ | ಓಗ್^ಮ್ ಸುವಃ | ಓಂ ಮಹಃ | ಓಂ ಜನಃ | ಓಂ ತಪಃ | ಓಗ್^ಮ್ ಸತ್ಯಮ್ | ಓಂ ತಥ್ಸ'ವಿತುರ್ವರೇ''ಣ್ಯಂ ಭರ್ಗೋ' ದೇವಸ್ಯ' ಧೀಮಹಿ | ಧಿಯೋ ಯೋ ನಃ' ಪ್ರಚೋದಯಾ''ತ್ ‖ ಓಮಾಪೋ ಜ್ಯೋತೀ ರಸೋಽಮೃತಂ ಬ್ರಹ್ಮ ಭೂ-ರ್ಭುವ-ಸ್ಸುವರೋಮ್ ‖ (ಮಹಾನಾರಾಯಣ ಉಪನಿಷತ್)
ಆಚಮ್ಯ (ಓಂ ಕೇಶವಾಯ ಸ್ವಾಹಾ, ಶ್ರೀ ಕೃಷ್ಣ ಪರಬ್ರಹ್ಮಣೇ ನಮೋ ನಮಃ)
ಜಪಸಙ್ಕಲ್ಪಃ
ಪೂರ್ವೋಕ್ತ ಏವಙ್ಗುಣ ವಿಶೇಷಣ ವಿಶಿಷ್ಠಾಯಾಂ ಶುಭತಿಥೌ ಮಮೋಪಾತ್ತ ದುರಿತ ಕ್ಷಯದ್ವಾರಾ ಶ್ರೀ ಪರಮೇಶ್ವರ ಮುದ್ದಿಸ್ಯ ಶ್ರೀ ಪರಮೇಶ್ವರ ಪ್ರೀತ್ಯರ್ಥಂ ಸನ್ಧ್ಯಾಙ್ಗ ಯಥಾಶಕ್ತಿ ಗಾಯತ್ರೀ ಮಹಾಮನ್ತ್ರ ಜಪಂ ಕರಿಷ್ಯೇ ‖
ಕರನ್ಯಾಸಃ
ಓಂ ತಥ್ಸ'ವಿತುಃ ಬ್ರಹ್ಮಾತ್ಮನೇ ಅಙ್ಗುಷ್ಟಾಭ್ಯಾಂ ನಮಃ |
ವರೇ''ಣ್ಯಂ ವಿಷ್ಣವಾತ್ಮನೇ ತರ್ಜನೀಭ್ಯಾಂ ನಮಃ |
ಭರ್ಗೋ' ದೇವಸ್ಯ' ರುದ್ರಾತ್ಮನೇ ಮಧ್ಯಮಾಭ್ಯಾಂ ನಮಃ |
ಧೀಮಹಿ ಸತ್ಯಾತ್ಮನೇ ಅನಾಮಿಕಾಭ್ಯಾಂ ನಮಃ |
ಧಿಯೋ ಯೋ ನಃ' ಜ್ಞಾನಾತ್ಮನೇ ಕನಿಷ್ಟಿಕಾಭ್ಯಾಂ ನಮಃ |
ಪ್ರಚೋದಯಾ''ತ್ ಸರ್ವಾತ್ಮನೇ ಕರತಲ ಕರಪೃಷ್ಟಾಭ್ಯಾಂ ನಮಃ |
ಅಙ್ಗನ್ಯಾಸಃ
ಓಂ ತಥ್ಸ'ವಿತುಃ ಬ್ರಹ್ಮಾತ್ಮನೇ ಹೃದಯಾಯ ನಮಃ |
ವರೇ''ಣ್ಯಂ ವಿಷ್ಣವಾತ್ಮನೇ ಶಿರಸೇ ಸ್ವಾಹಾ |
ಭರ್ಗೋ' ದೇವಸ್ಯ' ರುದ್ರಾತ್ಮನೇ ಶಿಖಾಯೈ ವಷಟ್ |
ಧೀಮಹಿ ಸತ್ಯಾತ್ಮನೇ ಕವಚಾಯ ಹುಂ |
ಧಿಯೋ ಯೋ ನಃ' ಜ್ಞಾನಾತ್ಮನೇ ನೇತ್ರತ್ರಯಾಯ ವೌಷಟ್ |
ಪ್ರಚೋದಯಾ''ತ್ ಸರ್ವಾತ್ಮನೇ ಅಸ್ತ್ರಾಯಫಟ್ |
ಓಂ ಭೂರ್ಭುವಸ್ಸುವರೋಮಿತಿ ದಿಗ್ಭನ್ಧಃ |
ಧ್ಯಾನಮ್
ಮುಕ್ತಾವಿದ್ರುಮ ಹೇಮನೀಲ ಧವಳಚ್ಚಾಯೈರ್-ಮುಖೈ ಸ್ತ್ರೀಕ್ಷಣೈಃ |
ಯುಕ್ತಾಮಿನ್ದುನಿ ಬದ್ಧ ರತ್ನ ಮಕುಟಾಂ ತತ್ವಾರ್ಥ ವರ್ಣಾತ್ಮಿಕಾಂ |
ಗಾಯತ್ರೀಂ ವರದಾಭಯಾಙ್ಕುಶ ಕಶಾಶ್ಶುಭ್ರಙ್ಕಪಾಲಙ್ಗದಾಂ |
ಶಙ್ಖಞ್ಚಕ್ರ ಮಧಾರವಿನ್ದ ಯುಗಳಂ ಹಸ್ತೈರ್ವಹನ್ತೀಂ ಭಜೇ ‖
ಚತುರ್ವಿಂಶತಿ ಮುದ್ರಾ ಪ್ರದರ್ಶನಂ
ಸುಮುಖಂ ಸಮ್ಪುಟಿಞ್ಚೈವ ವಿತತಂ ವಿಸ್ತೃತಂ ತಥಾ |
ದ್ವಿಮುಖಂ ತ್ರಿಮುಖಞ್ಚೈವ ಚತುಃ ಪಞ್ಚ ಮುಖಂ ತಥಾ |
ಷಣ್ಮುಖೋಽಥೋ ಮುಖಂ ಚೈವ ವ್ಯಾಪಕಾಞ್ಜಲಿಕಂ ತಥಾ |
ಶಕಟಂ ಯಮಪಾಶಂ ಚ ಗ್ರಥಿತಂ ಸಮ್ಮುಖೋನ್ಮುಖಂ |
ಪ್ರಲಮ್ಬಂ ಮುಷ್ಟಿಕಂ ಚೈವ ಮತ್ಸ್ಯಃ ಕೂರ್ಮೋ ವರಾಹಕಂ |
ಸಿಂಹಾಕ್ರಾನ್ತಂ ಮಹಾಕ್ರಾನ್ತಂ ಮುದ್ಗರಂ ಪಲ್ಲವಂ ತಥಾ |
ಚತುರ್ವಿಂಶತಿ ಮುದ್ರಾ ವೈ ಗಾಯತ್ರ್ಯಾಂ ಸುಪ್ರತಿಷ್ಠಿತಾಃ |
ಇತಿಮುದ್ರಾ ನ ಜಾನಾತಿ ಗಾಯತ್ರೀ ನಿಷ್ಫಲಾ ಭವೇತ್ ‖
ಯೋ ದೇವ ಸ್ಸವಿತಾಽಸ್ಮಾಕಂ ಧಿಯೋ ಧರ್ಮಾದಿಗೋಚರಾಃ |
ಪ್ರೇರಯೇತ್ತಸ್ಯ ಯದ್ಭರ್ಗಸ್ತ ದ್ವರೇಣ್ಯ ಮುಪಾಸ್ಮಹೇ ‖
ಗಾಯತ್ರೀ ಮನ್ತ್ರಂ
ಓಂ ಭೂರ್ಭುವಸ್ಸುವಃ' ‖ ತಥ್ಸ'ವಿತುರ್ವರೇ''ಣ್ಯಂ ಭರ್ಗೋ' ದೇವಸ್ಯ' ಧೀಮಹಿ |
ಧಿಯೋ ಯೋ ನಃ' ಪ್ರಚೋದಯಾ''ತ್ ‖
ಅಷ್ಟಮುದ್ರಾ ಪ್ರದರ್ಶನಂ
ಸುರಭಿರ್-ಜ್ಞಾನ ಚಕ್ರೇ ಚ ಯೋನಿಃ ಕೂರ್ಮೋಽಥ ಪಙ್ಕಜಂ |
ಲಿಙ್ಗಂ ನಿರ್ಯಾಣ ಮುದ್ರಾ ಚೇತ್ಯಷ್ಟ ಮುದ್ರಾಃ ಪ್ರಕೀರ್ತಿತಾಃ ‖
ಓಂ ತತ್ಸದ್-ಬ್ರಹ್ಮಾರ್ಪಣಮಸ್ತು |
ಆಚಮ್ಯ (ಓಂ ಕೇಶವಾಯ ಸ್ವಾಹಾ, ಶ್ರೀ ಕೃಷ್ಣ ಪರಬ್ರಹ್ಮಣೇ ನಮೋ ನಮಃ)
ದ್ವಿಃ ಪರಿಮುಜ್ಯ |
ಸಕೃದುಪ ಸ್ಪೃಶ್ಯ |
ಯತ್ಸವ್ಯಂ ಪಾಣಿಂ |
ಪಾದಂ |
ಪ್ರೋಕ್ಷತಿ ಶಿರಃ |
ಚಕ್ಷುಷೀ |
ನಾಸಿಕೇ |
ಶ್ರೋತ್ರೇ |
ಹೃದಯಮಾಲಭ್ಯ |
ಪ್ರಾತಃಕಾಲ ಸೂರ್ಯೋಪಸ್ಥಾನಂ
ಓಂ ಮಿತ್ರಸ್ಯ' ಚರ್ಷಣೀ ಧೃತ ಶ್ರವೋ' ದೇವಸ್ಯ' ಸಾನ ಸಿಂ | ಸತ್ಯಂ ಚಿತ್ರಶ್ರ' ವಸ್ತಮಂ | ಮಿತ್ರೋ ಜನಾನ್' ಯಾತಯತಿ ಪ್ರಜಾನನ್-ಮಿತ್ರೋ ದಾ'ಧಾರ ಪೃಥಿವೀ ಮುತದ್ಯಾಂ | ಮಿತ್ರಃ ಕೃಷ್ಟೀ ರನಿ'ಮಿಷಾಽಭಿ ಚ'ಷ್ಟೇ ಸತ್ಯಾಯ' ಹವ್ಯಂ ಘೃತವ'ದ್ವಿಧೇಮ | ಪ್ರಸಮಿ'ತ್ತ್ರ ಮರ್ತ್ಯೋ' ಅಸ್ತು ಪ್ರಯ'ಸ್ವಾ ನ್ಯಸ್ತ' ಆದಿತ್ಯ ಶಿಕ್ಷ'ತಿ ವ್ರತೇನ' | ನ ಹ'ನ್ಯತೇ ನ ಜೀ'ಯತೇ ತ್ವೋತೋನೈನ ಮಗಂಹೋ' ಅಶ್ನೋ ತ್ಯನ್ತಿ'ತೋ ನ ದೂರಾತ್ ‖ (ತೈ ಸಂ 3411)
ಮಧ್ಯಾಹ್ನ ಸೂರ್ಯೋಪಸ್ಥಾನಂ
ಓಂ ಆ ಸತ್ಯೇನ ರಜ'ಸಾ ವರ್ತ'ಮಾನೋ ನಿವೇಶ'ಯ ನ್ನಮೃತಂ ಮರ್ತ್ಯ'ಞ್ಚ | ಹಿರಣ್ಯಯೇ'ನ ಸವಿತಾ ರಥೇನಾಽದೇವೋ ಯಾ'ತಿ ಭುವ'ನಾ ನಿಪಶ್ಯನ್' ‖
ಉದ್ವಯ ನ್ತಮ'ಸ ಸ್ಪರಿ ಪಶ್ಯ'ನ್ತೋ ಜ್ಯೋತಿ ರುತ್ತ'ರಂ | ದೇವನ್-ದೇ'ವತ್ರಾ ಸೂರ್ಯ ಮಗ'ನ್ಮ ಜ್ಯೋತಿ' ರುತ್ತಮಂ ‖
ಉದುತ್ಯಂ ಜಾತವೇ'ದಸಂ ದೇವಂ ವ'ಹನ್ತಿ ಕೇತವಃ' | ದೃಶೇ ವಿಶ್ವಾ' ಯ ಸೂರ್ಯ''ಮ್ ‖ ಚಿತ್ರಂ ದೇವಾನಾ ಮುದ'ಗಾ ದನೀ'ಕಂ ಚಕ್ಷು'ರ್-ಮಿತ್ರಸ್ಯ ವರು'ಣ ಸ್ಯಾಗ್ನೇಃ | ಅಪ್ರಾ ದ್ಯಾವಾ' ಪೃಥಿವೀ ಅನ್ತರಿ'ಕ್ಷಗ್^ಮ್ ಸೂರ್ಯ' ಆತ್ಮಾ ಜಗ'ತ ಸ್ತಸ್ಥುಷ'ಶ್ಚ ‖
ತಚ್ಚಕ್ಷು'ರ್-ದೇವಹಿ'ತಂ ಪುರಸ್ತಾ''ಚ್ಚುಕ್ರ ಮುಚ್ಚರ'ತ್ | ಪಶ್ಯೇ'ಮ ಶರದ'ಶ್ಶತಂ ಜೀವೇ'ಮ ಶರದ'ಶ್ಶತಂ ನನ್ದಾ'ಮ ಶರದ'ಶ್ಶತಂ ಮೋದಾ'ಮ ಶರದ'ಶ್ಶತಂ ಭವಾ'ಮ ಶರದ'ಶ್ಶತಗ್^ಮ್ ಶೃಣವಾ'ಮ ಶರದ'ಶ್ಶತಂ ಪಬ್ರ'ವಾಮ ಶರದ'ಶ್ಶತಮಜೀ'ತಾಸ್ಯಾಮ ಶರದ'ಶ್ಶತಂ ಜೋಕ್ಚ ಸೂರ್ಯಂ' ದೃಷೇ ‖ ಯ ಉದ'ಗಾನ್ಮಹತೋಽರ್ಣವಾ'' ದ್ವಿಭ್ರಾಜ'ಮಾನ ಸ್ಸರಿರಸ್ಯ ಮಧ್ಯಾಥ್ಸಮಾ' ವೃಷಭೋ ಲೋ'ಹಿತಾಕ್ಷಸೂರ್ಯೋ' ವಿಪಶ್ಚಿನ್ಮನ'ಸಾ ಪುನಾತು ‖
ಸಾಯಙ್ಕಾಲ ಸೂರ್ಯೋಪಸ್ಥಾನಂ
ಓಂ ಇಮಮ್ಮೇ' ವರುಣ ಶೃಧೀ ಹವ' ಮದ್ಯಾ ಚ' ಮೃಡಯ | ತ್ವಾ ಮ'ವಸ್ಯು ರಾಚ'ಕೇ ‖ ತತ್ವಾ' ಯಾಮಿ ಬ್ರಹ್ಮ'ಣಾ ವನ್ದ'ಮಾನ ಸ್ತ ದಾಶಾ''ಸ್ತೇ ಯಜ'ಮಾನೋ ಹವಿರ್ಭಿಃ' | ಅಹೇ'ಡಮಾನೋ ವರುಣೇಹ ಬೋಧ್ಯುರು'ಶಗಂ ಸಮಾ'ನ ಆಯುಃ ಪ್ರಮೋ'ಷೀಃ ‖
ಯಚ್ಚಿದ್ಧಿತೇ ವಿಶೋಯಥಾ ಪ್ರದೇವ ವರುಣವ್ರತಂ | ಮಿನೀಮಸಿದ್ಯ ವಿದ್ಯವಿ | ಯತ್ಕಿಞ್ಚೇದಂ ವರುಣದೈವ್ಯೇ ಜನೇಽಭಿದ್ರೋಹ ಮ್ಮನುಷ್ಯಾಶ್ಚರಾಮಸಿ | ಅಚಿತ್ತೇ ಯತ್ತವ ಧರ್ಮಾಯುಯೋಪಿ ಮಮಾನ ಸ್ತಸ್ಮಾ ದೇನಸೋ ದೇವರೀರಿಷಃ | ಕಿತವಾಸೋ ಯದ್ರಿರಿಪುರ್ನದೀವಿ ಯದ್ವಾಘಾ ಸತ್ಯಮುತಯನ್ನ ವಿದ್ಮ | ಸರ್ವಾತಾವಿಷ್ಯ ಶಿಧಿರೇವದೇವಾ ಥಾತೇಸ್ಯಾಮ ವರುಣ ಪ್ರಿಯಾಸಃ ‖ (ತೈ ಸಂ 111)
ದಿಗ್ದೇವತಾ ನಮಸ್ಕಾರಃ
(ಏತೈರ್ನಮಸ್ಕಾರಂ ಕುರ್ಯಾತ್)
ಓಂ ನಮಃ ಪ್ರಾಚ್ಯೈ' ದಿಶೇ ಯಾಶ್ಚ' ದೇವತಾ' ಏತಸ್ಯಾಂ ಪ್ರತಿ'ವಸನ್ತ್ಯೇ ತಾಭ್ಯ'ಶ್ಚ ನಮಃ' |
ಓಂ ನಮಃ ದಕ್ಷಿಣಾಯೈ ದಿಶೇ ಯಾಶ್ಚ' ದೇವತಾ' ಏತಸ್ಯಾಂ ಪ್ರತಿ'ವಸನ್ತ್ಯೇ ತಾಭ್ಯ'ಶ್ಚ ನಮಃ' |
ಓಂ ನಮಃ ಪ್ರತೀ''ಚ್ಯೈ ದಿಶೇ ಯಾಶ್ಚ' ದೇವತಾ' ಏತಸ್ಯಾಂ ಪ್ರತಿ'ವಸನ್ತ್ಯೇ ತಾಭ್ಯ'ಶ್ಚ ನಮಃ' |
ಓಂ ನಮಃ ಉದೀ''ಚ್ಯೈ ದಿಶೇ ಯಾಶ್ಚ' ದೇವತಾ' ಏತಸ್ಯಾಂ ಪ್ರತಿ'ವಸನ್ತ್ಯೇ ತಾಭ್ಯ'ಶ್ಚ ನಮಃ' |
ಓಂ ನಮಃ ಊರ್ಧ್ವಾಯೈ' ದಿಶೇ ಯಾಶ್ಚ' ದೇವತಾ' ಏತಸ್ಯಾಂ ಪ್ರತಿ'ವಸನ್ತ್ಯೇ ತಾಭ್ಯ'ಶ್ಚ ನಮಃ' |
ಓಂ ನಮೋಽಧ'ರಾಯೈ ದಿಶೇ ಯಾಶ್ಚ' ದೇವತಾ' ಏತಸ್ಯಾಂ ಪ್ರತಿ'ವಸನ್ತ್ಯೇ ತಾಭ್ಯ'ಶ್ಚ ನಮಃ' |
ಓಂ ನಮೋಽವಾನ್ತರಾಯೈ' ದಿಶೇ ಯಾಶ್ಚ' ದೇವತಾ' ಏತಸ್ಯಾಂ ಪ್ರತಿ'ವಸನ್ತ್ಯೇ ತಾಭ್ಯ'ಶ್ಚ ನಮಃ' |
ಮುನಿ ನಮಸ್ಕಾರಃ
ನಮೋ ಗಙ್ಗಾ ಯಮುನಯೋರ್-ಮಧ್ಯೇ ಯೇ' ವಸನ್ತಿ ತೇ ಮೇ ಪ್ರಸನ್ನಾತ್ಮಾನ ಶ್ಚಿರಞ್ಜೀವಿತಂ ವ'ರ್ಧಯನ್ತಿ ನಮೋ ಗಙ್ಗಾ ಯಮುನಯೋರ್-ಮುನಿ'ಭ್ಯಶ್ಚ ನಮೋ ನಮೋ ಗಙ್ಗಾ ಯಮುನಯೋರ್-ಮುನಿ'ಭ್ಯಶ್ಚ ನ'ಮಃ ‖
ಸನ್ಧ್ಯಾದೇವತಾ ನಮಸ್ಕಾರಃ
ಸನ್ಧ್ಯಾ'ಯೈ ನಮಃ' | ಸಾವಿ'ತ್ರ್ಯೈ ನಮಃ' | ಗಾಯ'ತ್ರ್ಯೈ ನಮಃ' | ಸರ'ಸ್ವತ್ಯೈ ನಮಃ' | ಸರ್ವಾ'ಭ್ಯೋ ದೇವತಾ'ಭ್ಯೋ ನಮಃ' | ದೇವೇಭ್ಯೋ ನಮಃ' | ಋಷಿ'ಭ್ಯೋ ನಮಃ' | ಮುನಿ'ಭ್ಯೋ ನಮಃ' | ಗುರು'ಭ್ಯೋ ನಮಃ' | ಪಿತೃ'ಭ್ಯೋ ನಮಃ' | ಕಾಮೋಽಕಾರ್ಷೀ'' ರ್ನಮೋ ನಮಃ | ಮನ್ಯು ರಕಾರ್ಷೀ'' ರ್ನಮೋ ನಮಃ | ಪೃಥಿವ್ಯಾಪಸ್ತೇಜೋ ವಾಯು'ರಾಕಾಶಾತ್ ನಮಃ ‖ (ತೈ ಅರ 21852)
ಓಂ ನಮೋ ಭಗವತೇ ವಾಸು'ದೇವಾಯ | ಯಾಗ್^ಮ್ ಸದಾ' ಸರ್ವಭೂತಾನಿ ಚರಾಣಿ' ಸ್ಥಾವರಾಣಿ' ಚ | ಸಾಯಂ ಪ್ರಾತ ರ್ನ'ಮಸ್ಯನ್ತಿ ಸಾ ಮಾ ಸನ್ಧ್ಯಾ'ಽಭಿರಕ್ಷತು ‖
ಶಿವಾಯ ವಿಷ್ಣುರೂಪಾಯ ಶಿವರೂಪಾಯ ವಿಷ್ಣವೇ |
ಶಿವಸ್ಯ ಹೃದಯಂ ವಿಷ್ಣುರ್ವಿಷ್ಣೋಶ್ಚ ಹೃದಯಂ ಶಿವಃ ‖
ಯಥಾ ಶಿವಮಯೋ ವಿಷ್ಣುರೇವಂ ವಿಷ್ಣುಮಯಃ ಶಿವಃ |
ಯಥಾಽನ್ತರಂ ನ ಪಶ್ಯಾಮಿ ತಥಾ ಮೇ ಸ್ವಸ್ತಿರಾಯುಷಿ ‖
ನಮೋ ಬ್ರಹ್ಮಣ್ಯ ದೇವಾಯ ಗೋ ಬ್ರಾಹ್ಮಣ ಹಿತಾಯ ಚ |
ಜಗದ್ಧಿತಾಯ ಕೃಷ್ಣಾಯ ಗೋವಿನ್ದಾಯ ನಮೋ ನಮಃ ‖
ಗಾಯತ್ರೀ ಉದ್ವಾಸನ (ಪ್ರಸ್ಥಾನಂ)
ಉತ್ತಮೇ' ಶಿಖ'ರೇ ಜಾತೇ ಭೂಮ್ಯಾಂ ಪ'ರ್ವತಮೂರ್ಥ'ನಿ | ಬ್ರಾಹ್ಮಣೇ''ಭ್ಯೋಽಭ್ಯ'ನು ಜ್ಞಾತಾ ಗಚ್ಚದೇ'ವಿ ಯಥಾಸು'ಖಮ್ | ಸ್ತುತೋ ಮಯಾ ವರದಾ ವೇ'ದಮಾತಾ ಪ್ರಚೋದಯನ್ತೀ ಪವನೇ'' ದ್ವಿಜಾತಾ | ಆಯುಃ ಪೃಥಿವ್ಯಾಂ ದ್ರವಿಣಂ ಬ್ರ'ಹ್ಮವರ್ಚಸಂ ಮಹ್ಯಂ ದತ್ವಾ ಪ್ರಜಾತುಂ ಬ್ರ'ಹ್ಮಲೋಕಮ್ ‖ (ಮಹಾನಾರಾಯಣ ಉಪನಿಷತ್)
ಭಗವನ್ನಮಸ್ಕಾರಃ
ನಮೋಽಸ್ತ್ವನನ್ತಾಯ ಸಹಸ್ರಮೂರ್ತಯೇ ಸಹಸ್ರ ಪಾದಾಕ್ಷಿ ಶಿರೋರು ಬಾಹವೇ |
ಸಹಸ್ರ ನಾಮ್ನೇ ಪುರುಷಾಯ ಶಾಶ್ವತೇ ಸಹಸ್ರಕೋಟೀ ಯುಗ ಧಾರಿಣೇ ನಮಃ ‖
ಭೂಮ್ಯಾಕಾಶಾಭಿ ವನ್ದನಂ
ಇದಂ ದ್ಯಾ'ವಾ ಪೃಥಿವೀ ಸತ್ಯಮ'ಸ್ತು | ಪಿತರ್-ಮಾತರ್ಯದಿ ಹೋಪ' ಬೃವೇವಾಂ'' |
ಭೂತಂ ದೇವಾನಾ' ಮವಮೇ ಅವೋ'ಭಿಃ | ವಿದ್ಯಾ ಮೇಷಂ ವೃಜಿನಂ' ಜೀರದಾ'ನುಮ್ ‖
ಆಕಾಶಾತ್-ಪತಿತಂ ತೋಯಂ ಯಥಾ ಗಚ್ಛತಿ ಸಾಗರಂ |
ಸರ್ವದೇವ ನಮಸ್ಕಾರಃ ಕೇಶವಂ ಪ್ರತಿಗಚ್ಛತಿ ‖
ಶ್ರೀ ಕೇಶವಂ ಪ್ರತಿಗಚ್ಛತ್ಯೋನ್ನಮ ಇತಿ |
ಸರ್ವವೇದೇಷು ಯತ್ಪುಣ್ಯಂ | ಸರ್ವತೀರ್ಥೇಷು ಯತ್ಫಲಂ |
ತತ್ಫಲಂ ಪುರುಷ ಆಪ್ನೋತಿ ಸ್ತುತ್ವಾದೇವಂ ಜನಾರ್ಧನಮ್ ‖
ಸ್ತುತ್ವಾದೇವಂ ಜನಾರ್ಧನ ಓಂ ನಮ ಇತಿ ‖
ವಾಸನಾದ್-ವಾಸುದೇವಸ್ಯ ವಾಸಿತಂ ತೇ ಜಯತ್ರಯಂ |
ಸರ್ವಭೂತ ನಿವಾಸೋಽಸಿ ಶ್ರೀವಾಸುದೇವ ನಮೋಽಸ್ತುತೇ ‖
ಶ್ರೀ ವಾಸುದೇವ ನಮೋಽಸ್ತುತೇ ಓಂ ನಮ ಇತಿ |
ಅಭಿವಾದಃ (ಪ್ರವರ)
ಚತುಸ್ಸಾಗರ ಪರ್ಯನ್ತಂ ಗೋ ಬ್ರಾಹ್ಮಣೇಭ್ಯಃ ಶುಭಂ ಭವತು | ಪ್ರವರಾನ್ವಿತ ಗೋತ್ರಃ ಸೂತ್ರಃ ಶಾಖಾಧ್ಯಾಯೀ ಅಹಂ ಭೋ ಅಭಿವಾದಯೇ ‖
ಈಶ್ವರಾರ್ಪಣಂ
ಕಾಯೇನ ವಾಚಾ ಮನಸೇನ್ದ್ರಿಯೈರ್ವಾ | ಬುದ್ಧ್ಯಾಽಽತ್ಮನಾ ವಾ ಪ್ರಕೃತೇ ಸ್ಸ್ವಭಾವಾತ್ |
ಕರೋಮಿ ಯದ್ಯತ್-ಸಕಲಂ ಪರಸ್ಮೈ ಶ್ರೀಮನ್ನಾರಾಯಣಾಯೇತಿ ಸಮರ್ಪಯಾಮಿ ‖
ಹರಿಃ ಓಂ ತತ್ಸತ್ | ತತ್ಸರ್ವಂ ಶ್ರೀ ಪರಮೇಶ್ವರಾರ್ಪಣಮಸ್ತು |