View this in:
English Devanagari Telugu Tamil Kannada Malayalam Gujarati Oriya Bengali |
This is in romanized sanskrit according to IAST standard. View this in plain english.

madhurāśhṭakam

adharaṃ madhuraṃ vadanaṃ madhuraṃ
nayanaṃ madhuraṃ hasitaṃ madhuram |
hṛdayaṃ madhuraṃ gamanaṃ madhuraṃ
madhurādhipaterakhilaṃ madhuram ‖ 1 ‖

vachanaṃ madhuraṃ charitaṃ madhuraṃ
vasanaṃ madhuraṃ valitaṃ madhuraṃ |
chalitaṃ madhuraṃ bhramitaṃ madhuraṃ
madhurādhipaterakhilaṃ madhuram ‖ 2 ‖

veṇu-rmadhuro reṇu-rmadhuraḥ
pāṇi-rmadhuraḥ pādau madhurau |
nṛtyaṃ madhuraṃ sakhyaṃ madhuraṃ
madhurādhipaterakhilaṃ madhuram ‖ 3 ‖

gītaṃ madhuraṃ pītaṃ madhuraṃ
bhuktaṃ madhuraṃ suptaṃ madhuraṃ |
rūpaṃ madhuraṃ tilakaṃ madhuraṃ
madhurādhipaterakhilaṃ madhuram ‖ 4 ‖

karaṇaṃ madhuraṃ taraṇaṃ madhuraṃ
haraṇaṃ madhuraṃ smaraṇaṃ madhuraṃ |
vamitaṃ madhuraṃ śamitaṃ madhuraṃ
madhurādhipaterakhilaṃ madhuram ‖ 5 ‖

guñjā madhurā mālā madhurā
yamunā madhurā vīchī madhurā |
salilaṃ madhuraṃ kamalaṃ madhuraṃ
madhurādhipaterakhilaṃ madhuram ‖ 6 ‖

gopī madhurā līlā madhurā
yuktaṃ madhuraṃ muktaṃ madhuraṃ |
dṛśhṭaṃ madhuraṃ śiśhṭaṃ madhuraṃ
madhurādhipaterakhilaṃ madhuram ‖ 7 ‖

gopā madhurā gāvo madhurā
yaśhṭi rmadhurā sṛśhṭi rmadhurā |
dalitaṃ madhuraṃ phalitaṃ madhuraṃ
madhurādhipaterakhilaṃ madhuram ‖ 8 ‖

‖ iti śrīmadvallabhāchāryavirachitaṃ madhurāśhṭakaṃ sampūrṇam ‖