PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

ଗୁର୍ଵଷ୍ଟକମ୍

ଶରୀରଂ ସୁରୂପଂ ତଥା ଵା କଲତ୍ରଂ, ଯଶଶ୍ଚାରୁ ଚିତ୍ରଂ ଧନଂ ମେରୁ ତୁଲ୍ଯମ୍ |
ମନଶ୍ଚେନ ଲଗ୍ନଂ ଗୁରୋରଘ୍ରିପଦ୍ମେ, ତତଃ କିଂ ତତଃ କିଂ ତତଃ କିଂ ତତଃ କିମ୍ ‖ 1 ‖

କଲତ୍ରଂ ଧନଂ ପୁତ୍ର ପୌତ୍ରାଦିସର୍ଵଂ, ଗୃହୋ ବାଂଧଵାଃ ସର୍ଵମେତଦ୍ଧି ଜାତମ୍ |
ମନଶ୍ଚେନ ଲଗ୍ନଂ ଗୁରୋରଘ୍ରିପଦ୍ମେ, ତତଃ କିଂ ତତଃ କିଂ ତତଃ କିଂ ତତଃ କିମ୍ ‖ 2 ‖

ଷଡ୍କ୍ଷଂଗାଦିଵେଦୋ ମୁଖେ ଶାସ୍ତ୍ରଵିଦ୍ଯା, କଵିତ୍ଵାଦି ଗଦ୍ଯଂ ସୁପଦ୍ଯଂ କରୋତି |
ମନଶ୍ଚେନ ଲଗ୍ନଂ ଗୁରୋରଘ୍ରିପଦ୍ମେ, ତତଃ କିଂ ତତଃ କିଂ ତତଃ କିଂ ତତଃ କିମ୍ ‖ 3 ‖

ଵିଦେଶେଷୁ ମାନ୍ଯଃ ସ୍ଵଦେଶେଷୁ ଧନ୍ଯଃ, ସଦାଚାରଵୃତ୍ତେଷୁ ମତ୍ତୋ ନ ଚାନ୍ଯଃ |
ମନଶ୍ଚେନ ଲଗ୍ନଂ ଗୁରୋରଘ୍ରିପଦ୍ମେ, ତତଃ କିଂ ତତଃ କିଂ ତତଃ କିଂ ତତଃ କିମ୍ ‖ 4 ‖

କ୍ଷମାମଂଡଲେ ଭୂପଭୂପଲବୃବ୍ଦୈଃ, ସଦା ସେଵିତଂ ଯସ୍ଯ ପାଦାରଵିଂଦମ୍ |
ମନଶ୍ଚେନ ଲଗ୍ନଂ ଗୁରୋରଘ୍ରିପଦ୍ମେ, ତତଃ କିଂ ତତଃ କିଂ ତତଃ କିଂ ତତଃ କିମ୍ ‖ 5 ‖

ଯଶୋ ମେ ଗତଂ ଦିକ୍ଷୁ ଦାନପ୍ରତାପାତ୍, ଜଗଦ୍ଵସ୍ତୁ ସର୍ଵଂ କରେ ଯତ୍ପ୍ରସାଦାତ୍ |
ମନଶ୍ଚେନ ଲଗ୍ନଂ ଗୁରୋରଘ୍ରିପଦ୍ମେ, ତତଃ କିଂ ତତଃ କିଂ ତତଃ କିଂ ତତଃ କିମ୍ ‖ 6 ‖

ନ ଭୋଗେ ନ ଯୋଗେ ନ ଵା ଵାଜିରାଜୌ, ନ କଂତାମୁଖେ ନୈଵ ଵିତ୍ତେଷୁ ଚିତ୍ତମ୍ |
ମନଶ୍ଚେନ ଲଗ୍ନଂ ଗୁରୋରଘ୍ରିପଦ୍ମେ, ତତଃ କିଂ ତତଃ କିଂ ତତଃ କିଂ ତତଃ କିମ୍ ‖ 7 ‖

ଅରଣ୍ଯେ ନ ଵା ସ୍ଵସ୍ଯ ଗେହେ ନ କାର୍ଯେ, ନ ଦେହେ ମନୋ ଵର୍ତତେ ମେ ତ୍ଵନର୍ଧ୍ଯେ |
ମନଶ୍ଚେନ ଲଗ୍ନଂ ଗୁରୋରଘ୍ରିପଦ୍ମେ, ତତଃ କିଂ ତତଃ କିଂ ତତଃ କିଂ ତତଃ କିମ୍ ‖ 8 ‖

ଗୁରୋରଷ୍ଟକଂ ଯଃ ପଠେତ୍ପୁରାଯଦେହୀ, ଯତିର୍ଭୂପତିର୍ବ୍ରହ୍ମଚାରୀ ଚ ଗେହୀ |
ଲମେଦ୍ଵାଚ୍ଛିତାଥଂ ପଦଂ ବ୍ରହ୍ମସଂଜ୍ଞଂ, ଗୁରୋରୁକ୍ତଵାକ୍ଯେ ମନୋ ଯସ୍ଯ ଲଗ୍ନମ୍ ‖ 9 ‖