PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

ഗുരു പാദുകാ സ്തോത്രമ്

അനംതസംസാര സമുദ്രതാര നൌകായിതാഭ്യാം ഗുരുഭക്തിദാഭ്യാമ് |
വൈരാഗ്യസാമ്രാജ്യദപൂജനാഭ്യാം നമോ നമഃ ശ്രീഗുരുപാദുകാഭ്യാമ് ‖ 1 ‖

കവിത്വവാരാശിനിശാകരാഭ്യാം ദൌര്ഭാഗ്യദാവാം ബുദമാലികാഭ്യാമ് |
ദൂരികൃതാനമ്ര വിപത്തതിഭ്യാം നമോ നമഃ ശ്രീഗുരുപാദുകാഭ്യാമ് ‖ 2 ‖

നതാ യയോഃ ശ്രീപതിതാം സമീയുഃ കദാചിദപ്യാശു ദരിദ്രവര്യാഃ |
മൂകാശ്ര്ച വാചസ്പതിതാം ഹി താഭ്യാം നമോ നമഃ ശ്രീഗുരുപാദുകാഭ്യാമ് ‖ 3 ‖

നാലീകനീകാശ പദാഹൃതാഭ്യാം നാനാവിമോഹാദി നിവാരികാഭ്യാം |
നമജ്ജനാഭീഷ്ടതതിപ്രദാഭ്യാം നമോ നമഃ ശ്രീഗുരുപാദുകാഭ്യാമ് ‖ 4 ‖

നൃപാലി മൌലിവ്രജരത്നകാംതി സരിദ്വിരാജത് ഝഷകന്യകാഭ്യാം |
നൃപത്വദാഭ്യാം നതലോകപംകതേ: നമോ നമഃ ശ്രീഗുരുപാദുകാഭ്യാമ് ‖ 5 ‖

പാപാംധകാരാര്ക പരംപരാഭ്യാം താപത്രയാഹീംദ്ര ഖഗേശ്ര്വരാഭ്യാം |
ജാഡ്യാബ്ധി സംശോഷണ വാഡവാഭ്യാം നമോ നമഃ ശ്രീഗുരുപാദുകാഭ്യാമ് ‖ 6 ‖

ശമാദിഷട്ക പ്രദവൈഭവാഭ്യാം സമാധിദാന വ്രതദീക്ഷിതാഭ്യാം |
രമാധവാംധ്രിസ്ഥിരഭക്തിദാഭ്യാം നമോ നമഃ ശ്രീഗുരുപാദുകാഭ്യാമ് ‖ 7 ‖

സ്വാര്ചാപരാണാം അഖിലേഷ്ടദാഭ്യാം സ്വാഹാസഹായാക്ഷധുരംധരാഭ്യാം |
സ്വാംതാച്ഛഭാവപ്രദപൂജനാഭ്യാം നമോ നമഃ ശ്രീഗുരുപാദുകാഭ്യാമ് ‖ 8 ‖

കാമാദിസര്പ വ്രജഗാരുഡാഭ്യാം വിവേകവൈരാഗ്യ നിധിപ്രദാഭ്യാം |
ബോധപ്രദാഭ്യാം ദൃതമോക്ഷദാഭ്യാം നമോ നമഃ ശ്രീഗുരുപാദുകാഭ്യാമ് ‖ 9 ‖