PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

গোবিংদাষ্টকম্

সত্যং জ্ঞানমনংতং নিত্যমনাকাশং পরমাকাশম্ |
গোষ্ঠপ্রাংগণরিংখণলোলমনাযাসং পরমাযাসম্ |
মাযাকল্পিতনানাকারমনাকারং ভুবনাকারম্ |
ক্ষ্মামানাথমনাথং প্রণমত গোবিংদং পরমানংদম্ ‖ 1 ‖

মৃত্স্নামত্সীহেতি যশোদাতাডনশৈশব সংত্রাসম্ |
ব্যাদিতবক্ত্রালোকিতলোকালোকচতুর্দশলোকালিম্ |
লোকত্রযপুরমূলস্তংভং লোকালোকমনালোকম্ |
লোকেশং পরমেশং প্রণমত গোবিংদং পরমানংদম্ ‖ 2 ‖

ত্রৈবিষ্টপরিপুবীরঘ্নং ক্ষিতিভারঘ্নং ভবরোগঘ্নম্ |
কৈবল্যং নবনীতাহারমনাহারং ভুবনাহারম্ |
বৈমল্যস্ফুটচেতোবৃত্তিবিশেষাভাসমনাভাসম্ |
শৈবং কেবলশাংতং প্রণমত গোবিংদং পরমানংদম্ ‖ 3 ‖

গোপালং প্রভুলীলাবিগ্রহগোপালং কুলগোপালম্ |
গোপীখেলনগোবর্ধনধৃতিলীলালালিতগোপালম্ |
গোভির্নিগদিত গোবিংদস্ফুটনামানং বহুনামানম্ |
গোপীগোচরদূরং প্রণমত গোবিংদং পরমানংদম্ ‖ 4 ‖

গোপীমংডলগোষ্ঠীভেদং ভেদাবস্থমভেদাভম্ |
শশ্বদ্গোখুরনির্ধূতোদ্গত ধূলীধূসরসৌভাগ্যম্ |
শ্রদ্ধাভক্তিগৃহীতানংদমচিংত্যং চিংতিতসদ্ভাবম্ |
চিংতামণিমহিমানং প্রণমত গোবিংদং পরমানংদম্ ‖ 5 ‖

স্নানব্যাকুলযোষিদ্বস্ত্রমুপাদাযাগমুপারূঢম্ |
ব্যাদিত্সংতীরথ দিগ্বস্ত্রা দাতুমুপাকর্ষংতং তাঃ
নির্ধূতদ্বযশোকবিমোহং বুদ্ধং বুদ্ধেরংতস্থম্ |
সত্তামাত্রশরীরং প্রণমত গোবিংদং পরমানংদম্ ‖ 6 ‖

কাংতং কারণকারণমাদিমনাদিং কালধনাভাসম্ |
কালিংদীগতকালিযশিরসি সুনৃত্যংতম্ মুহুরত্যংতং |
কালং কালকলাতীতং কলিতাশেষং কলিদোষঘ্নম্ |
কালত্রযগতিহেতুং প্রণমত গোবিংদং পরমানংদম্ ‖ 7 ‖

বৃংদাবনভুবি বৃংদারকগণবৃংদারাধিতবংদেহং |
কুংদাভামলমংদস্মেরসুধানংদং সুহৃদানংদং |
বংদ্যাশেষ মহামুনি মানস বংদ্যানংদপদদ্বংদ্বম্ |
বংদ্যাশেষগুণাব্ধিং প্রণমত গোবিংদং পরমানংদম্ ‖ 8 ‖

গোবিংদাষ্টকমেতদধীতে গোবিংদার্পিতচেতা যঃ |
গোবিংদাচ্যুত মাধব বিষ্ণো গোকুলনাযক কৃষ্ণেতি |
গোবিংদাংঘ্রি সরোজধ্যানসুধাজলধৌতসমস্তাঘঃ |
গোবিংদং পরমানংদামৃতমংতস্থং স তমভ্যেতি ‖

ইতি শ্রী শংকরাচার্য বিরচিত শ্রীগোবিংদাষ্টকং সমাপ্তং