PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

ଗଂଗା ସ୍ତୋତ୍ରମ୍

ଦେଵି! ସୁରେଶ୍ଵରି! ଭଗଵତି! ଗଂଗେ ତ୍ରିଭୁଵନତାରିଣି ତରଳତରଂଗେ |
ଶଂକରମୌଳିଵିହାରିଣି ଵିମଲେ ମମ ମତିରାସ୍ତାଂ ତଵ ପଦକମଲେ ‖ 1 ‖

ଭାଗୀରଥିସୁଖଦାଯିନି ମାତସ୍ତଵ ଜଲମହିମା ନିଗମେ ଖ୍ଯାତଃ |
ନାହଂ ଜାନେ ତଵ ମହିମାନଂ ପାହି କୃପାମଯି ମାମଜ୍ଞାନମ୍ ‖ 2 ‖

ହରିପଦପାଦ୍ଯତରଂଗିଣି ଗଂଗେ ହିମଵିଧୁମୁକ୍ତାଧଵଳତରଂଗେ |
ଦୂରୀକୁରୁ ମମ ଦୁଷ୍କୃତିଭାରଂ କୁରୁ କୃପଯା ଭଵସାଗରପାରମ୍ ‖ 3 ‖

ତଵ ଜଲମମଲଂ ଯେନ ନିପୀତଂ ପରମପଦଂ ଖଲୁ ତେନ ଗୃହୀତମ୍ |
ମାତର୍ଗଂଗେ ତ୍ଵଯି ଯୋ ଭକ୍ତଃ କିଲ ତଂ ଦ୍ରଷ୍ଟୁଂ ନ ଯମଃ ଶକ୍ତଃ ‖ 4 ‖

ପତିତୋଦ୍ଧାରିଣି ଜାହ୍ନଵି ଗଂଗେ ଖଂଡିତ ଗିରିଵରମଂଡିତ ଭଂଗେ |
ଭୀଷ୍ମଜନନି ହେ ମୁନିଵରକନ୍ଯେ ପତିତନିଵାରିଣି ତ୍ରିଭୁଵନ ଧନ୍ଯେ ‖ 5 ‖

କଲ୍ପଲତାମିଵ ଫଲଦାଂ ଲୋକେ ପ୍ରଣମତି ଯସ୍ତ୍ଵାଂ ନ ପତତି ଶୋକେ |
ପାରାଵାରଵିହାରିଣି ଗଂଗେ ଵିମୁଖଯୁଵତି କୃତତରଲାପାଂଗେ ‖ 6 ‖

ତଵ ଚେନ୍ମାତଃ ସ୍ରୋତଃ ସ୍ନାତଃ ପୁନରପି ଜଠରେ ସୋପି ନ ଜାତଃ |
ନରକନିଵାରିଣି ଜାହ୍ନଵି ଗଂଗେ କଲୁଷଵିନାଶିନି ମହିମୋତ୍ତୁଂଗେ ‖ 7 ‖

ପୁନରସଦଂଗେ ପୁଣ୍ଯତରଂଗେ ଜଯ ଜଯ ଜାହ୍ନଵି କରୁଣାପାଂଗେ |
ଇଂଦ୍ରମୁକୁଟମଣିରାଜିତଚରଣେ ସୁଖଦେ ଶୁଭଦେ ଭୃତ୍ଯଶରଣ୍ଯେ ‖ 8 ‖

ରୋଗଂ ଶୋକଂ ତାପଂ ପାପଂ ହର ମେ ଭଗଵତି କୁମତିକଲାପମ୍ |
ତ୍ରିଭୁଵନସାରେ ଵସୁଧାହାରେ ତ୍ଵମସି ଗତିର୍ମମ ଖଲୁ ସଂସାରେ ‖ 9 ‖

ଅଲକାନଂଦେ ପରମାନଂଦେ କୁରୁ କରୁଣାମଯି କାତରଵଂଦ୍ଯେ |
ତଵ ତଟନିକଟେ ଯସ୍ଯ ନିଵାସଃ ଖଲୁ ଵୈକୁଂଠେ ତସ୍ଯ ନିଵାସଃ ‖ 10 ‖

ଵରମିହ ନୀରେ କମଠୋ ମୀନଃ କିଂ ଵା ତୀରେ ଶରଟଃ କ୍ଷୀଣଃ |
ଅଥଵାଶ୍ଵପଚୋ ମଲିନୋ ଦୀନସ୍ତଵ ନ ହି ଦୂରେ ନୃପତିକୁଲୀନଃ ‖ 11 ‖

ଭୋ ଭୁଵନେଶ୍ଵରି ପୁଣ୍ଯେ ଧନ୍ଯେ ଦେଵି ଦ୍ରଵମଯି ମୁନିଵରକନ୍ଯେ |
ଗଂଗାସ୍ତଵମିମମମଲଂ ନିତ୍ଯଂ ପଠତି ନରୋ ଯଃ ସ ଜଯତି ସତ୍ଯମ୍ ‖ 12 ‖

ଯେଷାଂ ହୃଦଯେ ଗଂଗା ଭକ୍ତିସ୍ତେଷାଂ ଭଵତି ସଦା ସୁଖମୁକ୍ତିଃ |
ମଧୁରାକଂତା ପଂଝଟିକାଭିଃ ପରମାନଂଦକଲିତଲଲିତାଭିଃ ‖ 13 ‖

ଗଂଗାସ୍ତୋତ୍ରମିଦଂ ଭଵସାରଂ ଵାଂଛିତଫଲଦଂ ଵିମଲଂ ସାରମ୍ |
ଶଂକରସେଵକ ଶଂକର ରଚିତଂ ପଠତି ସୁଖୀଃ ତଵ ଇତି ଚ ସମାପ୍ତଃ ‖ 14 ‖