PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

ഗംഗാ സ്തോത്രമ്

ദേവി! സുരേശ്വരി! ഭഗവതി! ഗംഗേ ത്രിഭുവനതാരിണി തരളതരംഗേ |
ശംകരമൌളിവിഹാരിണി വിമലേ മമ മതിരാസ്താം തവ പദകമലേ ‖ 1 ‖

ഭാഗീരഥിസുഖദായിനി മാതസ്തവ ജലമഹിമാ നിഗമേ ഖ്യാതഃ |
നാഹം ജാനേ തവ മഹിമാനം പാഹി കൃപാമയി മാമജ്ഞാനമ് ‖ 2 ‖

ഹരിപദപാദ്യതരംഗിണി ഗംഗേ ഹിമവിധുമുക്താധവളതരംഗേ |
ദൂരീകുരു മമ ദുഷ്കൃതിഭാരം കുരു കൃപയാ ഭവസാഗരപാരമ് ‖ 3 ‖

തവ ജലമമലം യേന നിപീതം പരമപദം ഖലു തേന ഗൃഹീതമ് |
മാതര്ഗംഗേ ത്വയി യോ ഭക്തഃ കില തം ദ്രഷ്ടും ന യമഃ ശക്തഃ ‖ 4 ‖

പതിതോദ്ധാരിണി ജാഹ്നവി ഗംഗേ ഖംഡിത ഗിരിവരമംഡിത ഭംഗേ |
ഭീഷ്മജനനി ഹേ മുനിവരകന്യേ പതിതനിവാരിണി ത്രിഭുവന ധന്യേ ‖ 5 ‖

കല്പലതാമിവ ഫലദാം ലോകേ പ്രണമതി യസ്ത്വാം ന പതതി ശോകേ |
പാരാവാരവിഹാരിണി ഗംഗേ വിമുഖയുവതി കൃതതരലാപാംഗേ ‖ 6 ‖

തവ ചേന്മാതഃ സ്രോതഃ സ്നാതഃ പുനരപി ജഠരേ സോപി ന ജാതഃ |
നരകനിവാരിണി ജാഹ്നവി ഗംഗേ കലുഷവിനാശിനി മഹിമോത്തുംഗേ ‖ 7 ‖

പുനരസദംഗേ പുണ്യതരംഗേ ജയ ജയ ജാഹ്നവി കരുണാപാംഗേ |
ഇംദ്രമുകുടമണിരാജിതചരണേ സുഖദേ ശുഭദേ ഭൃത്യശരണ്യേ ‖ 8 ‖

രോഗം ശോകം താപം പാപം ഹര മേ ഭഗവതി കുമതികലാപമ് |
ത്രിഭുവനസാരേ വസുധാഹാരേ ത്വമസി ഗതിര്മമ ഖലു സംസാരേ ‖ 9 ‖

അലകാനംദേ പരമാനംദേ കുരു കരുണാമയി കാതരവംദ്യേ |
തവ തടനികടേ യസ്യ നിവാസഃ ഖലു വൈകുംഠേ തസ്യ നിവാസഃ ‖ 10 ‖

വരമിഹ നീരേ കമഠോ മീനഃ കിം വാ തീരേ ശരടഃ ക്ഷീണഃ |
അഥവാശ്വപചോ മലിനോ ദീനസ്തവ ന ഹി ദൂരേ നൃപതികുലീനഃ ‖ 11 ‖

ഭോ ഭുവനേശ്വരി പുണ്യേ ധന്യേ ദേവി ദ്രവമയി മുനിവരകന്യേ |
ഗംഗാസ്തവമിമമമലം നിത്യം പഠതി നരോ യഃ സ ജയതി സത്യമ് ‖ 12 ‖

യേഷാം ഹൃദയേ ഗംഗാ ഭക്തിസ്തേഷാം ഭവതി സദാ സുഖമുക്തിഃ |
മധുരാകംതാ പംഝടികാഭിഃ പരമാനംദകലിതലലിതാഭിഃ ‖ 13 ‖

ഗംഗാസ്തോത്രമിദം ഭവസാരം വാംഛിതഫലദം വിമലം സാരമ് |
ശംകരസേവക ശംകര രചിതം പഠതി സുഖീഃ തവ ഇതി ച സമാപ്തഃ ‖ 14 ‖