PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

ଗଣେଶ କଵଚମ୍

ଏଷୋତି ଚପଲୋ ଦୈତ୍ଯାନ୍ ବାଲ୍ଯେପି ନାଶଯତ୍ଯହୋ |
ଅଗ୍ରେ କିଂ କର୍ମ କର୍ତେତି ନ ଜାନେ ମୁନିସତ୍ତମ ‖ 1 ‖

ଦୈତ୍ଯା ନାନାଵିଧା ଦୁଷ୍ଟାସ୍ସାଧୁ ଦେଵଦ୍ରୁମଃ ଖଲାଃ |
ଅତୋସ୍ଯ କଂଠେ କିଂଚିତ୍ତ୍ଯଂ ରକ୍ଷାଂ ସଂବଦ୍ଧୁମର୍ହସି ‖ 2 ‖

ଧ୍ଯାଯେତ୍ ସିଂହଗତଂ ଵିନାଯକମମୁଂ ଦିଗ୍ବାହୁ ମାଦ୍ଯେ ଯୁଗେ
ତ୍ରେତାଯାଂ ତୁ ମଯୂର ଵାହନମମୁଂ ଷଡ୍ବାହୁକଂ ସିଦ୍ଧିଦମ୍ | ଈ
ଦ୍ଵାପରେତୁ ଗଜାନନଂ ଯୁଗଭୁଜଂ ରକ୍ତାଂଗରାଗଂ ଵିଭୁମ୍ ତୁର୍ଯେ
ତୁ ଦ୍ଵିଭୁଜଂ ସିତାଂଗରୁଚିରଂ ସର୍ଵାର୍ଥଦଂ ସର୍ଵଦା ‖ 3 ‖

ଵିନାଯକ ଶ୍ଶିଖାଂପାତୁ ପରମାତ୍ମା ପରାତ୍ପରଃ |
ଅତିସୁଂଦର କାଯସ୍ତୁ ମସ୍ତକଂ ସୁମହୋତ୍କଟଃ ‖ 4 ‖

ଲଲାଟଂ କଶ୍ଯପଃ ପାତୁ ଭ୍ରୂଯୁଗଂ ତୁ ମହୋଦରଃ |
ନଯନେ ବାଲଚଂଦ୍ରସ୍ତୁ ଗଜାସ୍ଯସ୍ତ୍ଯୋଷ୍ଠ ପଲ୍ଲଵୌ ‖ 5 ‖

ଜିହ୍ଵାଂ ପାତୁ ଗଜକ୍ରୀଡଶ୍ଚୁବୁକଂ ଗିରିଜାସୁତଃ |
ଵାଚଂ ଵିନାଯକଃ ପାତୁ ଦଂତାନ୍^^ ରକ୍ଷତୁ ଦୁର୍ମୁଖଃ ‖ 6 ‖

ଶ୍ରଵଣୌ ପାଶପାଣିସ୍ତୁ ନାସିକାଂ ଚିଂତିତାର୍ଥଦଃ |
ଗଣେଶସ୍ତୁ ମୁଖଂ ପାତୁ କଂଠଂ ପାତୁ ଗଣାଧିପଃ ‖ 7 ‖

ସ୍କଂଧୌ ପାତୁ ଗଜସ୍କଂଧଃ ସ୍ତନେ ଵିଘ୍ନଵିନାଶନଃ |
ହୃଦଯଂ ଗଣନାଥସ୍ତୁ ହେରଂବୋ ଜଠରଂ ମହାନ୍ ‖ 8 ‖

ଧରାଧରଃ ପାତୁ ପାର୍ଶ୍ଵୌ ପୃଷ୍ଠଂ ଵିଘ୍ନହରଶ୍ଶୁଭଃ |
ଲିଂଗଂ ଗୁହ୍ଯଂ ସଦା ପାତୁ ଵକ୍ରତୁଂଡୋ ମହାବଲଃ ‖ 9 ‖

ଗଜକ୍ରୀଡୋ ଜାନୁ ଜଂଘୋ ଊରୂ ମଂଗଳକୀର୍ତିମାନ୍ |
ଏକଦଂତୋ ମହାବୁଦ୍ଧିଃ ପାଦୌ ଗୁଲ୍ଫୌ ସଦାଵତୁ ‖ 10 ‖

କ୍ଷିପ୍ର ପ୍ରସାଦନୋ ବାହୁ ପାଣୀ ଆଶାପ୍ରପୂରକଃ |
ଅଂଗୁଳୀଶ୍ଚ ନଖାନ୍ ପାତୁ ପଦ୍ମହସ୍ତୋ ରିନାଶନଃ ‖ 11 ‖

ସର୍ଵାଂଗାନି ମଯୂରେଶୋ ଵିଶ୍ଵଵ୍ଯାପୀ ସଦାଵତୁ |
ଅନୁକ୍ତମପି ଯତ୍ ସ୍ଥାନଂ ଧୂମକେତୁଃ ସଦାଵତୁ ‖ 12 ‖

ଆମୋଦସ୍ତ୍ଵଗ୍ରତଃ ପାତୁ ପ୍ରମୋଦଃ ପୃଷ୍ଠତୋଵତୁ |
ପ୍ରାଚ୍ଯାଂ ରକ୍ଷତୁ ବୁଦ୍ଧୀଶ ଆଗ୍ନେଯ୍ଯାଂ ସିଦ୍ଧିଦାଯକଃ ‖ 13 ‖

ଦକ୍ଷିଣସ୍ଯାମୁମାପୁତ୍ରୋ ନୈଋତ୍ଯାଂ ତୁ ଗଣେଶ୍ଵରଃ |
ପ୍ରତୀଚ୍ଯାଂ ଵିଘ୍ନହର୍ତା ଵ୍ଯାଦ୍ଵାଯଵ୍ଯାଂ ଗଜକର୍ଣକଃ ‖ 14 ‖

କୌବେର୍ଯାଂ ନିଧିପଃ ପାଯାଦୀଶାନ୍ଯାଵିଶନଂଦନଃ |
ଦିଵାଵ୍ଯାଦେକଦଂତ ସ୍ତୁ ରାତ୍ରୌ ସଂଧ୍ଯାସୁ ଯଃଵିଘ୍ନହୃତ୍ ‖ 15 ‖

ରାକ୍ଷସାସୁର ବେତାଳ ଗ୍ରହ ଭୂତ ପିଶାଚତଃ |
ପାଶାଂକୁଶଧରଃ ପାତୁ ରଜସ୍ସତ୍ତ୍ଵତମସ୍ସ୍ମୃତୀଃ ‖ 16 ‖

ଜ୍ଞାନଂ ଧର୍ମଂ ଚ ଲକ୍ଷ୍ମୀ ଚ ଲଜ୍ଜାଂ କୀର୍ତିଂ ତଥା କୁଲମ୍ | ଈ
ଵପୁର୍ଧନଂ ଚ ଧାନ୍ଯଂ ଚ ଗୃହଂ ଦାରାସ୍ସୁତାନ୍ସଖୀନ୍ ‖ 17 ‖

ସର୍ଵାଯୁଧ ଧରଃ ପୌତ୍ରାନ୍ ମଯୂରେଶୋ ଵତାତ୍ ସଦା |
କପିଲୋ ଜାନୁକଂ ପାତୁ ଗଜାଶ୍ଵାନ୍ ଵିକଟୋଵତୁ ‖ 18 ‖

ଭୂର୍ଜପତ୍ରେ ଲିଖିତ୍ଵେଦଂ ଯଃ କଂଠେ ଧାରଯେତ୍ ସୁଧୀଃ |
ନ ଭଯଂ ଜାଯତେ ତସ୍ଯ ଯକ୍ଷ ରକ୍ଷଃ ପିଶାଚତଃ ‖ 19 ‖

ତ୍ରିସଂଧ୍ଯଂ ଜପତେ ଯସ୍ତୁ ଵଜ୍ରସାର ତନୁର୍ଭଵେତ୍ |
ଯାତ୍ରାକାଲେ ପଠେଦ୍ଯସ୍ତୁ ନିର୍ଵିଘ୍ନେନ ଫଲଂ ଲଭେତ୍ ‖ 20 ‖

ଯୁଦ୍ଧକାଲେ ପଠେଦ୍ଯସ୍ତୁ ଵିଜଯଂ ଚାପ୍ନୁଯାଦ୍ଧ୍ରୁଵମ୍ |
ମାରଣୋଚ୍ଚାଟନାକର୍ଷ ସ୍ତଂଭ ମୋହନ କର୍ମଣି ‖ 21 ‖

ସପ୍ତଵାରଂ ଜପେଦେତଦ୍ଦନାନାମେକଵିଂଶତିଃ |
ତତ୍ତତ୍ଫଲମଵାପ୍ନୋତି ସାଧକୋ ନାତ୍ର ସଂଶଯଃ ‖ 22 ‖

ଏକଵିଂଶତିଵାରଂ ଚ ପଠେତ୍ତାଵଦ୍ଦିନାନି ଯଃ |
କାରାଗୃହଗତଂ ସଦ୍ଯୋ ରାଜ୍ଞାଵଧ୍ଯଂ ଚ ମୋଚଯୋତ୍ ‖ 23 ‖

ରାଜଦର୍ଶନ ଵେଳାଯାଂ ପଠେଦେତତ୍ ତ୍ରିଵାରତଃ |
ସ ରାଜାନଂ ଵଶଂ ନୀତ୍ଵା ପ୍ରକୃତୀଶ୍ଚ ସଭାଂ ଜଯେତ୍ ‖ 24 ‖

ଇଦଂ ଗଣେଶକଵଚଂ କଶ୍ଯପେନ ସଵିରିତମ୍ |
ମୁଦ୍ଗଲାଯ ଚ ତେ ନାଥ ମାଂଡଵ୍ଯାଯ ମହର୍ଷଯେ ‖ 25 ‖

ମହ୍ଯଂ ସ ପ୍ରାହ କୃପଯା କଵଚଂ ସର୍ଵ ସିଦ୍ଧିଦମ୍ |
ନ ଦେଯଂ ଭକ୍ତିହୀନାଯ ଦେଯଂ ଶ୍ରଦ୍ଧାଵତେ ଶୁଭମ୍ ‖ 26 ‖

ଅନେନାସ୍ଯ କୃତା ରକ୍ଷା ନ ବାଧାସ୍ଯ ଭଵେତ୍ ଵ୍ଯାଚିତ୍ |
ରାକ୍ଷସାସୁର ବେତାଳ ଦୈତ୍ଯ ଦାନଵ ସଂଭଵାଃ ‖ 27 ‖

‖ ଇତି ଶ୍ରୀ ଗଣେଶପୁରାଣେ ଶ୍ରୀ ଗଣେଶ କଵଚଂ ସଂପୂର୍ଣମ୍ ‖