PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

ଗଣେଶ ଅଷ୍ଟୋତ୍ତର ଶତ ନାମ ସ୍ତୋତ୍ରମ୍


ଵିନାଯକୋ ଵିଘ୍ନରାଜୋ ଗୌରୀପୁତ୍ରୋ ଗଣେଶ୍ଵରଃ |
ସ୍କଂଦାଗ୍ରଜୋଵ୍ଯଯଃ ପୂତୋ ଦକ୍ଷୋଽଧ୍ଯକ୍ଷୋ ଦ୍ଵିଜପ୍ରିଯଃ ‖ 1 ‖

ଅଗ୍ନିଗର୍ଵଚ୍ଛିଦିଂଦ୍ରଶ୍ରୀପ୍ରଦୋ ଵାଣୀପ୍ରଦୋଽଵ୍ଯଯଃ
ସର୍ଵସିଦ୍ଧିପ୍ରଦଶ୍ଶର୍ଵତନଯଃ ଶର୍ଵରୀପ୍ରିଯଃ ‖ 2 ‖

ସର୍ଵାତ୍ମକଃ ସୃଷ୍ଟିକର୍ତା ଦେଵୋନେକାର୍ଚିତଶ୍ଶିଵଃ |
ଶୁଦ୍ଧୋ ବୁଦ୍ଧିପ୍ରିଯଶ୍ଶାଂତୋ ବ୍ରହ୍ମଚାରୀ ଗଜାନନଃ ‖ 3 ‖

ଦ୍ଵୈମାତ୍ରେଯୋ ମୁନିସ୍ତୁତ୍ଯୋ ଭକ୍ତଵିଘ୍ନଵିନାଶନଃ |
ଏକଦଂତଶ୍ଚତୁର୍ବାହୁଶ୍ଚତୁରଶ୍ଶକ୍ତିସଂଯୁତଃ ‖ 4 ‖

ଲଂବୋଦରଶ୍ଶୂର୍ପକର୍ଣୋ ହରର୍ବ୍ରହ୍ମ ଵିଦୁତ୍ତମଃ |
କାଲୋ ଗ୍ରହପତିଃ କାମୀ ସୋମସୂର୍ଯାଗ୍ନିଲୋଚନଃ ‖ 5 ‖

ପାଶାଂକୁଶଧରଶ୍ଚଂଡୋ ଗୁଣାତୀତୋ ନିରଂଜନଃ |
ଅକଲ୍ମଷସ୍ସ୍ଵଯଂସିଦ୍ଧସ୍ସିଦ୍ଧାର୍ଚିତପଦାଂବୁଜଃ ‖ 6 ‖

ବୀଜପୂରଫଲାସକ୍ତୋ ଵରଦଶ୍ଶାଶ୍ଵତଃ କୃତୀ |
ଦ୍ଵିଜପ୍ରିଯୋ ଵୀତଭଯୋ ଗଦୀ ଚକ୍ରୀକ୍ଷୁଚାପଧୃତ୍ ‖ 7 ‖

ଶ୍ରୀଦୋଜ ଉତ୍ପଲକରଃ ଶ୍ରୀପତିଃ ସ୍ତୁତିହର୍ଷିତଃ |
କୁଲାଦ୍ରିଭେତ୍ତା ଜଟିଲଃ କଲିକଲ୍ମଷନାଶନଃ ‖ 8 ‖

ଚଂଦ୍ରଚୂଡାମଣିଃ କାଂତଃ ପାପହାରୀ ସମାହିତଃ |
ଅଶ୍ରିତଶ୍ରୀକରସ୍ସୌମ୍ଯୋ ଭକ୍ତଵାଂଛିତଦାଯକଃ ‖ 9 ‖

ଶାଂତଃ କୈଵଲ୍ଯସୁଖଦସ୍ସଚ୍ଚିଦାନଂଦଵିଗ୍ରହଃ |
ଜ୍ଞାନୀ ଦଯାଯୁତୋ ଦାଂତୋ ବ୍ରହ୍ମଦ୍ଵେଷଵିଵର୍ଜିତଃ ‖ 10 ‖

ପ୍ରମତ୍ତଦୈତ୍ଯଭଯଦଃ ଶ୍ରୀକଂଠୋ ଵିବୁଧେଶ୍ଵରଃ |
ରମାର୍ଚିତୋଵିଧିର୍ନାଗରାଜଯଜ୍ଞୋପଵୀତଵାନ୍ ‖ 11 ‖

ସ୍ଥୂଲକଂଠଃ ସ୍ଵଯଂକର୍ତା ସାମଘୋଷପ୍ରିଯଃ ପରଃ |
ସ୍ଥୂଲତୁଂଡୋଽଗ୍ରଣୀର୍ଧୀରୋ ଵାଗୀଶସ୍ସିଦ୍ଧିଦାଯକଃ ‖ 12 ‖

ଦୂର୍ଵାବିଲ୍ଵପ୍ରିଯୋଽଵ୍ଯକ୍ତମୂର୍ତିରଦ୍ଭୁତମୂର୍ତିମାନ୍ |
ଶୈଲେଂଦ୍ରତନୁଜୋତ୍ସଂଗଖେଲନୋତ୍ସୁକମାନସଃ ‖ 13 ‖

ସ୍ଵଲାଵଣ୍ଯସୁଧାସାରୋ ଜିତମନ୍ମଥଵିଗ୍ରହଃ |
ସମସ୍ତଜଗଦାଧାରୋ ମାଯୀ ମୂଷକଵାହନଃ ‖ 14 ‖

ହୃଷ୍ଟସ୍ତୁଷ୍ଟଃ ପ୍ରସନ୍ନାତ୍ମା ସର୍ଵସିଦ୍ଧିପ୍ରଦାଯକଃ |
ଅଷ୍ଟୋତ୍ତରଶତେନୈଵଂ ନାମ୍ନାଂ ଵିଘ୍ନେଶ୍ଵରଂ ଵିଭୁଂ ‖ 15 ‖

ତୁଷ୍ଟାଵ ଶଂକରଃ ପୁତ୍ରଂ ତ୍ରିପୁରଂ ହଂତୁମୁତ୍ଯତଃ |
ଯଃ ପୂଜଯେଦନେନୈଵ ଭକ୍ତ୍ଯା ସିଦ୍ଧିଵିନାଯକମ୍ ‖ 16 ‖

ଦୂର୍ଵାଦଳୈର୍ବିଲ୍ଵପତ୍ରୈଃ ପୁଷ୍ପୈର୍ଵା ଚଂଦନାକ୍ଷତୈଃ |
ସର୍ଵାନ୍କାମାନଵାପ୍ନୋତି ସର୍ଵଵିଘ୍ନୈଃ ପ୍ରମୁଚ୍ଯତେ ‖