PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

ദേവീ മഹാത്മ്യമ് ദുര്ഗാ സപ്തശതി നവമോഽധ്യായഃ

നിശുംഭവധോനാമ നവമോധ്യായഃ ‖

ധ്യാനം
ഓം ബംധൂക കാംചനനിഭം രുചിരാക്ഷമാലാം
പാശാംകുശൌ ച വരദാം നിജബാഹുദംഡൈഃ |
ബിഭ്രാണമിംദു ശകലാഭരണാം ത്രിനേത്രാം-
അര്ധാംബികേശമനിശം വപുരാശ്രയാമി ‖

രാജോഉവാച‖1‖

വിചിത്രമിദമാഖ്യാതം ഭഗവന് ഭവതാ മമ |
ദേവ്യാശ്ചരിതമാഹാത്മ്യം രക്ത ബീജവധാശ്രിതമ് ‖ 2‖

ഭൂയശ്ചേച്ഛാമ്യഹം ശ്രോതും രക്തബീജേ നിപാതിതേ |
ചകാര ശുംഭോ യത്കര്മ നിശുംഭശ്ചാതികോപനഃ ‖3‖

ഋഷിരുവാച ‖4‖

ചകാര കോപമതുലം രക്തബീജേ നിപാതിതേ|
ശുംഭാസുരോ നിശുംഭശ്ച ഹതേഷ്വന്യേഷു ചാഹവേ ‖5‖

ഹന്യമാനം മഹാസൈന്യം വിലോക്യാമര്ഷമുദ്വഹന്|
അഭ്യദാവന്നിശുംബോഽഥ മുഖ്യയാസുര സേനയാ ‖6‖

തസ്യാഗ്രതസ്തഥാ പൃഷ്ഠേ പാര്ശ്വയോശ്ച മഹാസുരാഃ
സംദഷ്ടൌഷ്ഠപുടാഃ ക്രുദ്ധാ ഹംതും ദേവീമുപായയുഃ ‖7‖

ആജഗാമ മഹാവീര്യഃ ശുംഭോഽപി സ്വബലൈര്വൃതഃ|
നിഹംതും ചംഡികാം കോപാത്കൃത്വാ യുദ്ദം തു മാതൃഭിഃ ‖8‖

തതോ യുദ്ധമതീവാസീദ്ദേവ്യാ ശുംഭനിശുംഭയോഃ|
ശരവര്ഷമതീവോഗ്രം മേഘയോരിവ വര്ഷതോഃ ‖9‖

ചിച്ഛേദാസ്താംഛരാംസ്താഭ്യാം ചംഡികാ സ്വശരോത്കരൈഃ|
താഡയാമാസ ചാംഗേഷു ശസ്ത്രൌഘൈരസുരേശ്വരൌ ‖10‖

നിശുംഭോ നിശിതം ഖഡ്ഗം ചര്മ ചാദായ സുപ്രഭമ്|
അതാഡയന്മൂര്ധ്നി സിംഹം ദേവ്യാ വാഹനമുത്തമമ്‖11‖

താഡിതേ വാഹനേ ദേവീ ക്ഷുര പ്രേണാസിമുത്തമമ്|
ശുംഭസ്യാശു ചിച്ഛേദ ചര്മ ചാപ്യഷ്ട ചംദ്രകമ് ‖12‖

ഛിന്നേ ചര്മണി ഖഡ്ഗേ ച ശക്തിം ചിക്ഷേപ സോഽസുരഃ|
താമപ്യസ്യ ദ്വിധാ ചക്രേ ചക്രേണാഭിമുഖാഗതാമ്‖13‖

കോപാധ്മാതോ നിശുംഭോഽഥ ശൂലം ജഗ്രാഹ ദാനവഃ|
ആയാതം മുഷ്ഠിപാതേന ദേവീ തച്ചാപ്യചൂര്ണയത്‖14‖

ആവിദ്ധ്യാഥ ഗദാം സോഽപി ചിക്ഷേപ ചംഡികാം പ്രതി|
സാപി ദേവ്യാസ് ത്രിശൂലേന ഭിന്നാ ഭസ്മത്വമാഗതാ‖15‖

തതഃ പരശുഹസ്തം തമായാംതം ദൈത്യപുംഗവം|
ആഹത്യ ദേവീ ബാണൌഘൈരപാതയത ഭൂതലേ‖16‖

തസ്മിന്നി പതിതേ ഭൂമൌ നിശുംഭേ ഭീമവിക്രമേ|
ഭ്രാതര്യതീവ സംക്രുദ്ധഃ പ്രയയൌ ഹംതുമംബികാമ്‖17‖

സ രഥസ്ഥസ്തഥാത്യുച്ഛൈ ര്ഗൃഹീതപരമായുധൈഃ|
ഭുജൈരഷ്ടാഭിരതുലൈ ര്വ്യാപ്യാ ശേഷം ബഭൌ നഭഃ‖18‖

തമായാംതം സമാലോക്യ ദേവീ ശംഖമവാദയത്|
ജ്യാശബ്ദം ചാപി ധനുഷ ശ്ചകാരാതീവ ദുഃസഹമ്‖19‖

പൂരയാമാസ കകുഭോ നിജഘംടാ സ്വനേന ച|
സമസ്തദൈത്യസൈന്യാനാം തേജോവധവിധായിനാ‖20‖

തതഃ സിംഹോ മഹാനാദൈ സ്ത്യാജിതേഭമഹാമദൈഃ|
പുരയാമാസ ഗഗനം ഗാം തഥൈവ ദിശോ ദശ‖21‖

തതഃ കാളീ സമുത്പത്യ ഗഗനം ക്ഷ്മാമതാഡയത്|
കരാഭ്യാം തന്നിനാദേന പ്രാക്സ്വനാസ്തേ തിരോഹിതാഃ‖22‖

അട്ടാട്ടഹാസമശിവം ശിവദൂതീ ചകാര ഹ|
വൈഃ ശബ്ദൈരസുരാസ്ത്രേസുഃ ശുംഭഃ കോപം പരം യയൌ‖23‖

ദുരാത്മം സ്തിഷ്ട തിഷ്ഠേതി വ്യാജ ഹാരാംബികാ യദാ|
തദാ ജയേത്യഭിഹിതം ദേവൈരാകാശ സംസ്ഥിതൈഃ‖24‖

ശുംഭേനാഗത്യ യാ ശക്തിര്മുക്താ ജ്വാലാതിഭീഷണാ|
ആയാംതീ വഹ്നികൂടാഭാ സാ നിരസ്താ മഹോല്കയാ‖25‖

സിംഹനാദേന ശുംഭസ്യ വ്യാപ്തം ലോകത്രയാംതരമ്|
നിര്ഘാതനിഃസ്വനോ ഘോരോ ജിതവാനവനീപതേ‖26‖

ശുംഭമുക്താംഛരാംദേവീ ശുംഭസ്തത്പ്രഹിതാംഛരാന്|
ചിച്ഛേദ സ്വശരൈരുഗ്രൈഃ ശതശോഽഥ സഹസ്രശഃ‖27‖

തതഃ സാ ചംഡികാ ക്രുദ്ധാ ശൂലേനാഭിജഘാന തമ്|
സ തദാഭി ഹതോ ഭൂമൌ മൂര്ഛിതോ നിപപാത ഹ‖28‖

തതോ നിശുംഭഃ സംപ്രാപ്യ ചേതനാമാത്തകാര്മുകഃ|
ആജഘാന ശരൈര്ദേവീം കാളീം കേസരിണം തഥാ‖29‖

പുനശ്ച കൃത്വാ ബാഹുനാമയുതം ദനുജേശ്വരഃ|
ചക്രായുധേന ദിതിജശ്ചാദയാമാസ ചംഡികാമ്‖30‖

തതോ ഭഗവതീ ക്രുദ്ധാ ദുര്ഗാദുര്ഗാര്തി നാശിനീ|
ചിച്ഛേദ ദേവീ ചക്രാണി സ്വശരൈഃ സായകാംശ്ച താന്‖31‖

തതോ നിശുംഭോ വേഗേന ഗദാമാദായ ചംഡികാമ്|
അഭ്യധാവത വൈ ഹംതും ദൈത്യ സേനാസമാവൃതഃ‖32‖

തസ്യാപതത ഏവാശു ഗദാം ചിച്ഛേദ ചംഡികാ|
ഖഡ്ഗേന ശിതധാരേണ സ ച ശൂലം സമാദദേ‖33‖

ശൂലഹസ്തം സമായാംതം നിശുംഭമമരാര്ദനമ്|
ഹൃദി വിവ്യാധ ശൂലേന വേഗാവിദ്ധേന ചംഡികാ‖34‖

ഖിന്നസ്യ തസ്യ ശൂലേന ഹൃദയാന്നിഃസൃതോഽപരഃ|
മഹാബലോ മഹാവീര്യസ്തിഷ്ഠേതി പുരുഷോ വദന്‖35‖

തസ്യ നിഷ്ക്രാമതോ ദേവീ പ്രഹസ്യ സ്വനവത്തതഃ|
ശിരശ്ചിച്ഛേദ ഖഡ്ഗേന തതോഽസാവപതദ്ഭുവി‖36‖

തതഃ സിംഹശ്ച ഖാദോഗ്ര ദംഷ്ട്രാക്ഷുണ്ണശിരോധരാന്|
അസുരാം സ്താംസ്തഥാ കാളീ ശിവദൂതീ തഥാപരാന്‖37‖

കൌമാരീ ശക്തിനിര്ഭിന്നാഃ കേചിന്നേശുര്മഹാസുരാഃ
ബ്രഹ്മാണീ മംത്രപൂതേന തോയേനാന്യേ നിരാകൃതാഃ‖38‖

മാഹേശ്വരീ ത്രിശൂലേന ഭിന്നാഃ പേതുസ്തഥാപരേ|
വാരാഹീതുംഡഘാതേന കേചിച്ചൂര്ണീ കൃതാ ഭുവി‖39‖

ഖംഡം ഖംഡം ച ചക്രേണ വൈഷ്ണവ്യാ ദാനവാഃ കൃതാഃ|
വജ്രേണ ചൈംദ്രീ ഹസ്താഗ്ര വിമുക്തേന തഥാപരേ‖40‖

കേചിദ്വിനേശുരസുരാഃ കേചിന്നഷ്ടാമഹാഹവാത്|
ഭക്ഷിതാശ്ചാപരേ കാളീശിവധൂതീ മൃഗാധിപൈഃ‖41‖

‖ സ്വസ്തി ശ്രീ മാര്കംഡേയ പുരാണേ സാവര്നികേ മന്വംതരേ ദേവി മഹത്മ്യേ നിശുംഭവധോനാമ നവമോധ്യായ സമാപ്തം ‖

ആഹുതി
ഓം ക്ലീം ജയംതീ സാംഗായൈ സശക്തികായൈ സപരിവാരായൈ സവാഹനായൈ മഹാഹുതിം സമര്പയാമി നമഃ സ്വാഹാ ‖