PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |
This stotram is in శుద్ధ తెలుగు. View this in సరళ తెలుగు, with simplified anuswaras for easy reading.

దేవీ మహాత్మ్యమ్ దుర్గా సప్తశతి సప్తమోఽధ్యాయః

చణ్డముణ్డ వధో నామ సప్తమోధ్యాయః ‖

ధ్యానం
ధ్యాయేం రత్న పీఠే శుకకల పఠితం శ్రుణ్వతీం శ్యామలాఙ్గీం|
న్యస్తైకాఙ్ఘ్రిం సరోజే శశి శకల ధరాం వల్లకీం వాద యన్తీం
కహలారాబద్ధ మాలాం నియమిత విలసచ్చోలికాం రక్త వస్త్రాం|
మాతఙ్గీం శఙ్ఖ పాత్రాం మధుర మధుమదాం చిత్రకోద్భాసి భాలాం|

ఋషిరువాచ|

ఆజ్ఞప్తాస్తే తతోదైత్యాశ్చణ్డముణ్డపురోగమాః|
చతురఙ్గబలోపేతా యయురభ్యుద్యతాయుధాః‖1‖

దదృశుస్తే తతో దేవీమీషద్ధాసాం వ్యవస్థితామ్|
సింహస్యోపరి శైలేన్ద్రశృఙ్గే మహతికాఞ్చనే‖2‖

తేదృష్ట్వాతాంసమాదాతుముద్యమం ఞ్చక్రురుద్యతాః
ఆకృష్టచాపాసిధరాస్తథాఽన్యే తత్సమీపగాః‖3‖

తతః కోపం చకారోచ్చైరమ్భికా తానరీన్ప్రతి|
కోపేన చాస్యా వదనం మషీవర్ణమభూత్తదా‖4‖

భ్రుకుటీకుటిలాత్తస్యా లలాటఫలకాద్ద్రుతమ్|
కాళీ కరాళ వదనా వినిష్క్రాన్తాసిపాశినీ ‖5‖

విచిత్రఖట్వాఙ్గధరా నరమాలావిభూషణా|
ద్వీపిచర్మపరీధానా శుష్కమాంసాతిభైరవా‖6‖

అతివిస్తారవదనా జిహ్వాలలనభీషణా|
నిమగ్నారక్తనయనా నాదాపూరితదిఙ్ముఖా ‖6‖

సా వేగేనాభిపతితా ఘూతయన్తీ మహాసురాన్|
సైన్యే తత్ర సురారీణామభక్షయత తద్బలమ్ ‖8‖

పార్ష్ణిగ్రాహాఙ్కుశగ్రాహయోధఘణ్టాసమన్వితాన్|
సమాదాయైకహస్తేన ముఖే చిక్షేప వారణాన్ ‖9‖

తథైవ యోధం తురగై రథం సారథినా సహ|
నిక్షిప్య వక్త్రే దశనైశ్చర్వయత్యతిభైరవం ‖10‖

ఏకం జగ్రాహ కేశేషు గ్రీవాయామథ చాపరం|
పాదేనాక్రమ్యచైవాన్యమురసాన్యమపోథయత్ ‖11‖

తైర్ముక్తానిచ శస్త్రాణి మహాస్త్రాణి తథాసురైః|
ముఖేన జగ్రాహ రుషా దశనైర్మథితాన్యపి‖12‖

బలినాం తద్బలం సర్వమసురాణాం దురాత్మనాం
మమర్దాభక్షయచ్చాన్యానన్యాంశ్చాతాడయత్తథా ‖13‖

అసినా నిహతాః కేచిత్కేచిత్ఖట్వాఙ్గతాడితాః|
జగ్ముర్వినాశమసురా దన్తాగ్రాభిహతాస్తథా ‖14‖

క్షణేన తద్భలం సర్వ మసురాణాం నిపాతితం|
దృష్ట్వా చణ్డోఽభిదుద్రావ తాం కాళీమతిభీషణాం ‖15‖

శరవర్షైర్మహాభీమైర్భీమాక్షీం తాం మహాసురః|
ఛాదయామాస చక్రైశ్చ ముణ్డః క్షిప్తైః సహస్రశః ‖16‖

తానిచక్రాణ్యనేకాని విశమానాని తన్ముఖమ్|
బభుర్యథార్కబిమ్బాని సుబహూని ఘనోదరం ‖17‖

తతో జహాసాతిరుషా భీమం భైరవనాదినీ|
కాళీ కరాళవదనా దుర్దర్శశనోజ్జ్వలా ‖18‖

ఉత్థాయ చ మహాసింహం దేవీ చణ్డమధావత|
గృహీత్వా చాస్య కేశేషు శిరస్తేనాసినాచ్ఛినత్ ‖19‖

అథ ముణ్డోఽభ్యధావత్తాం దృష్ట్వా చణ్డం నిపాతితమ్|
తమప్యపాత యద్భమౌ సా ఖడ్గాభిహతంరుషా ‖20‖

హతశేషం తతః సైన్యం దృష్ట్వా చణ్డం నిపాతితమ్|
ముణ్డఞ్చ సుమహావీర్యం దిశో భేజే భయాతురమ్ ‖21‖

శిరశ్చణ్డస్య కాళీ చ గృహీత్వా ముణ్డ మేవ చ|
ప్రాహ ప్రచణ్డాట్టహాసమిశ్రమభ్యేత్య చణ్డికామ్ ‖22‖

మయా తవా త్రోపహృతౌ చణ్డముణ్డౌ మహాపశూ|
యుద్ధయజ్ఞే స్వయం శుమ్భం నిశుమ్భం చహనిష్యసి ‖23‖

ఋషిరువాచ‖

తావానీతౌ తతో దృష్ట్వా చణ్డ ముణ్డౌ మహాసురౌ|
ఉవాచ కాళీం కళ్యాణీ లలితం చణ్డికా వచః ‖24‖

యస్మాచ్చణ్డం చ ముణ్డం చ గృహీత్వా త్వముపాగతా|
చాముణ్డేతి తతో లొకే ఖ్యాతా దేవీ భవిష్యసి ‖25‖

‖ జయ జయ శ్రీ మార్కణ్డేయ పురాణే సావర్నికే మన్వన్తరే దేవి మహత్మ్యే చణ్డముణ్డ వధో నామ సప్తమోధ్యాయ సమాప్తం ‖

ఆహుతి
ఓం క్లీం జయన్తీ సాఙ్గాయై సశక్తికాయై సపరివారాయై సవాహనాయై కాళీ చాముణ్డా దేవ్యై కర్పూర బీజాధిష్ఠాయై మహాహుతిం సమర్పయామి నమః స్వాహా ‖