PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |
This stotram is in శుద్ధ తెలుగు. View this in సరళ తెలుగు, with simplified anuswaras for easy reading.

దేవీ మహాత్మ్యమ్ దుర్గా సప్తశతి షష్ఠోఽధ్యాయః

శుమ్భనిశుమ్భసేనానీధూమ్రలోచనవధో నామ షష్టో ధ్యాయః ‖

ధ్యానం
నగాధీశ్వర విష్త్రాం ఫణి ఫణోత్తంసోరు రత్నావళీ
భాస్వద్ దేహ లతాం నిభొఉ నేత్రయోద్భాసితాం |
మాలా కుమ్భ కపాల నీరజ కరాం చన్ద్రా అర్ధ చూఢామ్బరాం
సర్వేశ్వర భైరవాఙ్గ నిలయాం పద్మావతీచిన్తయే ‖

ఋషిరువాచ ‖1‖

ఇత్యాకర్ణ్య వచో దేవ్యాః స దూతోఽమర్షపూరితః |
సమాచష్ట సమాగమ్య దైత్యరాజాయ విస్తరాత్ ‖ 2 ‖

తస్య దూతస్య తద్వాక్యమాకర్ణ్యాసురరాట్ తతః |
స క్రోధః ప్రాహ దైత్యానామధిపం ధూమ్రలోచనమ్ ‖3‖

హే ధూమ్రలోచనాశు త్వం స్వసైన్య పరివారితః|
తామానయ బల్లాద్దుష్టాం కేశాకర్షణ విహ్వలామ్ ‖4‖

తత్పరిత్రాణదః కశ్చిద్యది వోత్తిష్ఠతేఽపరః|
స హన్తవ్యోఽమరోవాపి యక్షో గన్ధర్వ ఏవ వా ‖5‖

ఋషిరువాచ ‖6‖

తేనాజ్ఞప్తస్తతః శీఘ్రం స దైత్యో ధూమ్రలోచనః|
వృతః షష్ట్యా సహస్రాణాం అసురాణాన్ద్రుతంయమౌ ‖6‖

న దృష్ట్వా తాం తతో దేవీం తుహినాచల సంస్థితాం|
జగాదోచ్చైః ప్రయాహీతి మూలం శుమ్బనిశుమ్భయోః ‖8‖

న చేత్ప్రీత్యాద్య భవతీ మద్భర్తారముపైష్యతి
తతో బలాన్నయామ్యేష కేశాకర్షణవిహ్వలామ్ ‖9‖

దేవ్యువాచ ‖10‖

దైత్యేశ్వరేణ ప్రహితో బలవాన్బలసంవృతః|
బలాన్నయసి మామేవం తతః కిం తే కరోమ్యహమ్ ‖11‖

ఋషిరువాచ ‖12‖

ఇత్యుక్తః సోఽభ్యధావత్తాం అసురో ధూమ్రలోచనః|
హూఙ్కారేణైవ తం భస్మ సా చకారామ్బికా తదా‖13‖

అథ క్రుద్ధం మహాసైన్యం అసురాణాం తథామ్బికా|
వవర్ష సాయుకైస్తీక్ష్ణైస్తథా శక్తిపరశ్వధైః ‖14‖

తతో ధుతసటః కోపాత్కృత్వా నాదం సుభైరవమ్|
పపాతాసుర సేనాయాం సింహో దేవ్యాః స్వవాహనః ‖15‖

కాంశ్చిత్కరప్రహారేణ దైత్యానాస్యేన చాపారాన్|
ఆక్రాన్త్యా చాధరేణ్యాన్ జఘాన స మహాసురాన్ ‖16‖

కేషాఞ్చిత్పాటయామాస నఖైః కోష్ఠాని కేసరీ|
తథా తలప్రహారేణ శిరాంసి కృతవాన్ పృథక్ ‖17‖

విచ్ఛిన్నబాహుశిరసః కృతాస్తేన తథాపరే|
పపౌచ రుధిరం కోష్ఠాదన్యేషాం ధుతకేసరః ‖18‖

క్షణేన తద్బలం సర్వం క్షయం నీతం మహాత్మనా|
తేన కేసరిణా దేవ్యా వాహనేనాతికోపినా ‖19‖

శ్రుత్వా తమసురం దేవ్యా నిహతం ధూమ్రలోచనమ్|
బలం చ క్షయితం కృత్స్నం దేవీ కేసరిణా తతః‖20‖

చుకోప దైత్యాధిపతిః శుమ్భః ప్రస్ఫురితాధరః|
ఆజ్ఞాపయామాస చ తౌ చణ్డముణ్డౌ మహాసురౌ ‖21‖

హేచణ్డ హే ముణ్డ బలైర్బహుభిః పరివారితౌ
తత్ర గచ్ఛత గత్వా చ సా సమానీయతాం లఘు ‖22‖

కేశేష్వాకృష్య బద్ధ్వా వా యది వః సంశయో యుధి|
తదాశేషా యుధైః సర్వైర్ అసురైర్వినిహన్యతాం ‖23‖

తస్యాం హతాయాం దుష్టాయాం సింహే చ వినిపాతితే|
శీఘ్రమాగమ్యతాం బద్వా గృహీత్వాతామథామ్బికామ్ ‖24‖

‖ స్వస్తి శ్రీ మార్కణ్డేయ పురాణే సావర్నికేమన్వన్తరే దేవి మహత్మ్యే శుమ్భనిశుమ్భసేనానీధూమ్రలోచనవధో నామ షష్టో ధ్యాయః ‖

ఆహుతి
ఓం క్లీం జయన్తీ సాఙ్గాయై సశక్తికాయై సపరివారాయై సవాహనాయై మహాహుతిం సమర్పయామి నమః స్వాహా ‖