PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |
This stotram is in శుద్ధ తెలుగు. View this in సరళ తెలుగు, with simplified anuswaras for easy reading.

దేవీ మహాత్మ్యమ్ దుర్గా సప్తశతి చతుర్థోఽధ్యాయః

శక్రాదిస్తుతిర్నామ చతుర్ధోఽధ్యాయః ‖

ధ్యానం
కాలాభ్రాభాం కటాక్షైర్ అరి కుల భయదాం మొఉళి బద్ధేన్దు రేఖాం
శఙ్ఖ చక్ర కృపాణం త్రిశిఖ మపి కరైర్ ఉద్వహన్తీం త్రిన్ఱ్త్రాం |
సింహ స్కన్దాధిరూఢాం త్రిభువన మఖిలం తేజసా పూరయన్తీం
ధ్యాయేద్ దుర్గాం జయాఖ్యాం త్రిదశ పరివృతాం సేవితాం సిద్ధి కామైః ‖

ఋషిరువాచ ‖1‖

శక్రాదయః సురగణా నిహతేఽతివీర్యే
తస్మిన్దురాత్మని సురారిబలే చ దేవ్యా |
తాం తుష్టువుః ప్రణతినమ్రశిరోధరాంసా
వాగ్భిః ప్రహర్షపులకోద్గమచారుదేహాః ‖ 2 ‖

దేవ్యా యయా తతమిదం జగదాత్మశక్త్యా
నిఃశేషదేవగణశక్తిసమూహమూర్త్యా |
తామమ్బికామఖిలదేవమహర్షిపూజ్యాం
భక్త్యా నతాః స్మ విదధాతుశుభాని సా నః ‖3‖

యస్యాః ప్రభావమతులం భగవాననన్తో
బ్రహ్మా హరశ్చ నహి వక్తుమలం బలం చ |
సా చణ్డికాఽఖిల జగత్పరిపాలనాయ
నాశాయ చాశుభభయస్య మతిం కరోతు ‖4‖

యా శ్రీః స్వయం సుకృతినాం భవనేష్వలక్ష్మీః
పాపాత్మనాం కృతధియాం హృదయేషు బుద్ధిః |
శ్రద్థా సతాం కులజనప్రభవస్య లజ్జా
తాం త్వాం నతాః స్మ పరిపాలయ దేవి విశ్వమ్ ‖5‖

కిం వర్ణయామ తవరూప మచిన్త్యమేతత్
కిఞ్చాతివీర్యమసురక్షయకారి భూరి |
కిం చాహవేషు చరితాని తవాత్భుతాని
సర్వేషు దేవ్యసురదేవగణాదికేషు | ‖6‖

హేతుః సమస్తజగతాం త్రిగుణాపి దోషైః
న జ్ఞాయసే హరిహరాదిభిరవ్యపారా |
సర్వాశ్రయాఖిలమిదం జగదంశభూతం
అవ్యాకృతా హి పరమా ప్రకృతిస్త్వమాద్యా ‖6‖

యస్యాః సమస్తసురతా సముదీరణేన
తృప్తిం ప్రయాతి సకలేషు మఖేషు దేవి |
స్వాహాసి వై పితృ గణస్య చ తృప్తి హేతు
రుచ్చార్యసే త్వమత ఏవ జనైః స్వధాచ ‖8‖

యా ముక్తిహేతురవిచిన్త్య మహావ్రతా త్వం
అభ్యస్యసే సునియతేన్ద్రియతత్వసారైః |
మోక్షార్థిభిర్మునిభిరస్తసమస్తదోషై
ర్విద్యాఽసి సా భగవతీ పరమా హి దేవి ‖9‖

శబ్దాత్మికా సువిమలర్గ్యజుషాం నిధానం
ముద్గీథరమ్యపదపాఠవతాం చ సామ్నామ్ |
దేవీ త్రయీ భగవతీ భవభావనాయ
వార్తాసి సర్వ జగతాం పరమార్తిహన్త్రీ ‖10‖

మేధాసి దేవి విదితాఖిలశాస్త్రసారా
దుర్గాఽసి దుర్గభవసాగరసనౌరసఙ్గా |
శ్రీః కైట భారిహృదయైకకృతాధివాసా
గౌరీ త్వమేవ శశిమౌళికృత ప్రతిష్ఠా ‖11‖

ఈషత్సహాసమమలం పరిపూర్ణ చన్ద్ర
బిమ్బానుకారి కనకోత్తమకాన్తికాన్తమ్ |
అత్యద్భుతం ప్రహృతమాత్తరుషా తథాపి
వక్త్రం విలోక్య సహసా మహిషాసురేణ ‖12‖

దృష్ట్వాతు దేవి కుపితం భ్రుకుటీకరాళ
ముద్యచ్ఛశాఙ్కసదృశచ్ఛవి యన్న సద్యః |
ప్రాణాన్ ముమోచ మహిషస్తదతీవ చిత్రం
కైర్జీవ్యతే హి కుపితాన్తకదర్శనేన | ‖13‖

దేవిప్రసీద పరమా భవతీ భవాయ
సద్యో వినాశయసి కోపవతీ కులాని |
విజ్ఞాతమేతదధునైవ యదస్తమేతత్
న్నీతం బలం సువిపులం మహిషాసురస్య ‖14‖

తే సమ్మతా జనపదేషు ధనాని తేషాం
తేషాం యశాంసి న చ సీదతి ధర్మవర్గః |
ధన్యాస్త^^ఏవ నిభృతాత్మజభృత్యదారా
యేషాం సదాభ్యుదయదా భవతీ ప్రసన్నా‖15‖

ధర్మ్యాణి దేవి సకలాని సదైవ కర్మాని
ణ్యత్యాదృతః ప్రతిదినం సుకృతీ కరోతి |
స్వర్గం ప్రయాతి చ తతో భవతీ ప్రసాదా
ల్లోకత్రయేఽపి ఫలదా నను దేవి తేన ‖16‖

దుర్గే స్మృతా హరసి భీతి మశేశ జన్తోః
స్వస్థైః స్మృతా మతిమతీవ శుభాం దదాసి |
దారిద్ర్యదుఃఖభయహారిణి కా త్వదన్యా
సర్వోపకారకరణాయ సదార్ద్రచిత్తా ‖17‖

ఏభిర్హతైర్జగదుపైతి సుఖం తథైతే
కుర్వన్తు నామ నరకాయ చిరాయ పాపమ్ |
సఙ్గ్రామమృత్యుమధిగమ్య దివమ్ప్రయాన్తు
మత్వేతి నూనమహితాన్వినిహంసి దేవి ‖18‖

దృష్ట్వైవ కిం న భవతీ ప్రకరోతి భస్మ
సర్వాసురానరిషు యత్ప్రహిణోషి శస్త్రమ్ |
లోకాన్ప్రయాన్తు రిపవోఽపి హి శస్త్రపూతా
ఇత్థం మతిర్భవతి తేష్వహి తేఽషుసాధ్వీ ‖19‖

ఖడ్గ ప్రభానికరవిస్ఫురణైస్తధోగ్రైః
శూలాగ్రకాన్తినివహేన దృశోఽసురాణామ్ |
యన్నాగతా విలయమంశుమదిన్దుఖణ్డ
యోగ్యాననం తవ విలోక యతాం తదేతత్ ‖20‖

దుర్వృత్త వృత్త శమనం తవ దేవి శీలం
రూపం తథైతదవిచిన్త్యమతుల్యమన్యైః |
వీర్యం చ హన్తృ హృతదేవపరాక్రమాణాం
వైరిష్వపి ప్రకటితైవ దయా త్వయేత్థమ్ ‖21‖

కేనోపమా భవతు తేఽస్య పరాక్రమస్య
రూపం చ శతృభయ కార్యతిహారి కుత్ర |
చిత్తేకృపా సమరనిష్టురతా చ దృష్టా
త్వయ్యేవ దేవి వరదే భువనత్రయేఽపి ‖22‖

త్రైలోక్యమేతదఖిలం రిపునాశనేన
త్రాతం త్వయా సమరమూర్ధని తేఽపి హత్వా |
నీతా దివం రిపుగణా భయమప్యపాస్తం
అస్మాకమున్మదసురారిభవం నమస్తే ‖23‖

శూలేన పాహి నో దేవి పాహి ఖడ్గేన చామ్భికే |
ఘణ్టాస్వనేన నః పాహి చాపజ్యానిస్వనేన చ ‖24‖

ప్రాచ్యాం రక్ష ప్రతీచ్యాం చ చణ్డికే రక్ష దక్షిణే |
భ్రామణేనాత్మశూలస్య ఉత్తరస్యాం తథేశ్వరీ‖25‖

సౌమ్యాని యాని రూపాణి త్రైలోక్యే విచరన్తితే |
యాని చాత్యన్త ఘోరాణి తైరక్షాస్మాంస్తథాభువమ్ ‖26‖

ఖడ్గశూలగదాదీని యాని చాస్త్రాణి తేఽమ్బికే |
కరపల్లవసఙ్గీని తైరస్మాన్రక్ష సర్వతః ‖27‖

ఋషిరువాచ ‖28‖

ఏవం స్తుతా సురైర్దివ్యైః కుసుమైర్నన్దనోద్భవైః |
అర్చితా జగతాం ధాత్రీ తథా గన్ధాను లేపనైః ‖29‖

భక్త్యా సమస్తైస్రి శైర్దివ్యైర్ధూపైః సుధూపితా |
ప్రాహ ప్రసాదసుముఖీ సమస్తాన్ ప్రణతాన్ సురాన్| ‖30‖

దేవ్యువాచ ‖31‖

వ్రియతాం త్రిదశాః సర్వే యదస్మత్తోఽభివాఞ్ఛితమ్ ‖32‖

దేవా ఊచు ‖33‖

భగవత్యా కృతం సర్వం న కిఞ్చిదవశిష్యతే |
యదయం నిహతః శత్రు రస్మాకం మహిషాసురః ‖34‖

యదిచాపి వరో దేయ స్త్వయాఽస్మాకం మహేశ్వరి |
సంస్మృతా సంస్మృతా త్వం నో హిం సేథాఃపరమాపదః‖35‖

యశ్చ మర్త్యః స్తవైరేభిస్త్వాం స్తోష్యత్యమలాననే |
తస్య విత్తర్ద్ధివిభవైర్ధనదారాది సమ్పదామ్ ‖36‖

వృద్దయేఽ స్మత్ప్రసన్నా త్వం భవేథాః సర్వదామ్భికే ‖37‖

ఋషిరువాచ ‖38‖

ఇతి ప్రసాదితా దేవైర్జగతోఽర్థే తథాత్మనః |
తథేత్యుక్త్వా భద్రకాళీ బభూవాన్తర్హితా నృప ‖39‖

ఇత్యేతత్కథితం భూప సమ్భూతా సా యథాపురా |
దేవీ దేవశరీరేభ్యో జగత్ప్రయహితైషిణీ ‖40‖

పునశ్చ గౌరీ దేహాత్సా సముద్భూతా యథాభవత్ |
వధాయ దుష్ట దైత్యానాం తథా శుమ్భనిశుమ్భయోః ‖41‖

రక్షణాయ చ లోకానాం దేవానాముపకారిణీ |
తచ్ఛృ ణుష్వ మయాఖ్యాతం యథావత్కథయామితే
హ్రీం ఓం ‖42‖

‖ జయ జయ శ్రీ మార్కణ్డేయ పురాణే సావర్నికే మన్వన్తరే దేవి మహత్మ్యే శక్రాదిస్తుతిర్నామ చతుర్ధోఽధ్యాయః సమాప్తం ‖

ఆహుతి
హ్రీం జయన్తీ సాఙ్గాయై సాయుధాయై సశక్తికాయై సపరివారాయై సవాహనాయై శ్రీ మహాలక్ష్మ్యై లక్ష్మీ బీజాదిష్టాయై మహాహుతిం సమర్పయామి నమః స్వాహా ‖