PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |
This stotram is in శుద్ధ తెలుగు. View this in సరళ తెలుగు, with simplified anuswaras for easy reading.

దేవీ మహాత్మ్యమ్ దుర్గా సప్తశతి తృతీయోఽధ్యాయః

మహిషాసురవధో నామ తృతీయోఽధ్యాయః ‖

ధ్యానం
ఓం ఉద్యద్భానుసహస్రకాన్తిం అరుణక్షౌమాం శిరోమాలికాం
రక్తాలిప్త పయోధరాం జపవటీం విద్యామభీతిం వరం |
హస్తాబ్జైర్ధధతీం త్రినేత్రవక్త్రారవిన్దశ్రియం
దేవీం బద్ధహిమాంశురత్నమకుటాం వన్దేఽరవిన్దస్థితామ్ ‖

ఋషిరువాచ ‖1‖

నిహన్యమానం తత్సైన్యం అవలోక్య మహాసురః|
సేనానీశ్చిక్షురః కోపాద్ ధ్యయౌ యోద్ధుమథామ్బికామ్ ‖2‖

స దేవీం శరవర్షేణ వవర్ష సమరేఽసురః|
యథా మేరుగిరేఃశృఙ్గం తోయవర్షేణ తోయదః ‖3‖

తస్య ఛిత్వా తతో దేవీ లీలయైవ శరోత్కరాన్|
జఘాన తురగాన్బాణైర్యన్తారం చైవ వాజినామ్ ‖4‖

చిచ్ఛేద చ ధనుఃసధ్యో ధ్వజం చాతిసముచ్ఛృతమ్|
వివ్యాధ చైవ గాత్రేషు చిన్నధన్వానమాశుగైః ‖5‖

సచ్ఛిన్నధన్వా విరథో హతాశ్వో హతసారథిః|
అభ్యధావత తాం దేవీం ఖడ్గచర్మధరోఽసురః ‖6‖

సింహమాహత్య ఖడ్గేన తీక్ష్ణధారేణ మూర్ధని|
ఆజఘాన భుజే సవ్యే దేవీం అవ్యతివేగవాన్ ‖6‖

తస్యాః ఖడ్గో భుజం ప్రాప్య పఫాల నృపనన్దన|
తతో జగ్రాహ శూలం స కోపాద్ అరుణలోచనః ‖8‖

చిక్షేప చ తతస్తత్తు భద్రకాళ్యాం మహాసురః|
జాజ్వల్యమానం తేజోభీ రవిబిమ్బమివామ్బరాత్ ‖9‖

దృష్ట్వా తదాపతచ్ఛూలం దేవీ శూలమముఞ్చత|
తచ్ఛూలంశతధా తేన నీతం శూలం స చ మహాసురః ‖10‖

హతే తస్మిన్మహావీర్యే మహిషస్య చమూపతౌ|
ఆజగామ గజారూడః శ్చామరస్త్రిదశార్దనః ‖11‖

సోఽపి శక్తింముమోచాథ దేవ్యాస్తాం అమ్బికా ద్రుతమ్|
హుఙ్కారాభిహతాం భూమౌ పాతయామాసనిష్ప్రభామ్ ‖12‖

భగ్నాం శక్తిం నిపతితాం దృష్ట్వా క్రోధసమన్వితః
చిక్షేప చామరః శూలం బాణైస్తదపి సాచ్ఛినత్ ‖13‖

తతః సింహఃసముత్పత్య గజకున్తరే మ్భాన్తరేస్థితః|
బాహుయుద్ధేన యుయుధే తేనోచ్చైస్త్రిదశారిణా ‖14‖

యుధ్యమానొఉ తతస్తొఉ తు తస్మాన్నాగాన్మహీం గతొఉ
యుయుధాతేఽతిసంరబ్ధౌ ప్రహారై అతిదారుణైః ‖15‖

తతో వేగాత్ ఖముత్పత్య నిపత్య చ మృగారిణా|
కరప్రహారేణ శిరశ్చామరస్య పృథక్ కృతమ్ ‖16‖

ఉదగ్రశ్చ రణే దేవ్యా శిలావృక్షాదిభిర్హతః|
దన్త ముష్టితలైశ్చైవ కరాళశ్చ నిపాతితః ‖17‖

దేవీ కృద్ధా గదాపాతైః శ్చూర్ణయామాస చోద్ధతమ్|
భాష్కలం భిన్దిపాలేన బాణైస్తామ్రం తథాన్ధకమ్ ‖18‖

ఉగ్రాస్యముగ్రవీర్యం చ తథైవ చ మహాహనుమ్
త్రినేత్రా చ త్రిశూలేన జఘాన పరమేశ్వరీ ‖19‖

బిడాలస్యాసినా కాయాత్ పాతయామాస వై శిరః|
దుర్ధరం దుర్ముఖం చోభౌ శరైర్నిన్యే యమక్షయమ్ ‖20‖

ఏవం సఙ్క్షీయమాణే తు స్వసైన్యే మహిషాసురః|
మాహిషేణ స్వరూపేణ త్రాసయామాసతాన్ గణాన్ ‖21‖

కాంశ్చిత్తుణ్డప్రహారేణ ఖురక్షేపైస్తథాపరాన్|
లాఙ్గూలతాడితాంశ్చాన్యాన్ శృఙ్గాభ్యాం చ విదారితా ‖22‖

వేగేన కాంశ్చిదపరాన్నాదేన భ్రమణేన చ|
నిః శ్వాసపవనేనాన్యాన్ పాతయామాస భూతలే‖23‖

నిపాత్య ప్రమథానీకమభ్యధావత సోఽసురః
సింహం హన్తుం మహాదేవ్యాః కోపం చక్రే తతోఽమ్భికా ‖24‖

సోఽపి కోపాన్మహావీర్యః ఖురక్షుణ్ణమహీతలః|
శృఙ్గాభ్యాం పర్వతానుచ్చాంశ్చిక్షేప చ ననాద చ ‖25‖

వేగ భ్రమణ విక్షుణ్ణా మహీ తస్య వ్యశీర్యత|
లాఙ్గూలేనాహతశ్చాబ్ధిః ప్లావయామాస సర్వతః ‖26‖

ధుతశృఙ్గ్విభిన్నాశ్చ ఖణ్డం ఖణ్డం యయుర్ఘనాః|
శ్వాసానిలాస్తాః శతశో నిపేతుర్నభసోఽచలాః ‖27‖

ఇతిక్రోధసమాధ్మాతమాపతన్తం మహాసురమ్|
దృష్ట్వా సా చణ్డికా కోపం తద్వధాయ తదాఽకరోత్ ‖28‖

సా క్షిత్ప్వా తస్య వైపాశం తం బబన్ధ మహాసురమ్|
తత్యాజమాహిషం రూపం సోఽపి బద్ధో మహామృధే ‖29‖

తతః సింహోఽభవత్సధ్యో యావత్తస్యామ్బికా శిరః|
ఛినత్తి తావత్ పురుషః ఖడ్గపాణి రదృశ్యత ‖30‖

తత ఏవాశు పురుషం దేవీ చిచ్ఛేద సాయకైః|
తం ఖడ్గచర్మణా సార్ధం తతః సోఽ భూన్మహా గజః ‖31‖

కరేణ చ మహాసింహం తం చకర్ష జగర్జచ |
కర్షతస్తు కరం దేవీ ఖడ్గేన నిరకృన్తత ‖32‖

తతో మహాసురో భూయో మాహిషం వపురాస్థితః|
తథైవ క్షోభయామాస త్రైలోక్యం సచరాచరమ్ ‖33‖

తతః క్రుద్ధా జగన్మాతా చణ్డికా పాన ముత్తమమ్|
పపౌ పునః పునశ్చైవ జహాసారుణలోచనా ‖34‖

ననర్ద చాసురః సోఽపి బలవీర్యమదోద్ధతః|
విషాణాభ్యాం చ చిక్షేప చణ్డికాం ప్రతిభూధరాన్‖35‖

సా చ తా న్ప్రహితాం స్తేన చూర్ణయన్తీ శరోత్కరైః|
ఉవాచ తం మదోద్ధూతముఖరాగాకులాక్షరమ్ ‖36‖

దేవ్యు^^ఉవాచ‖

గర్జ గర్జ క్షణం మూఢ మధు యావత్పిబామ్యహమ్|
మయాత్వయి హతేఽత్రైవ గర్జిష్యన్త్యాశు దేవతాః ‖37‖

ఋషిరువాచ‖

ఏవముక్త్వా సముత్పత్య సారూఢా తం మహాసురమ్|
పాదేనా క్రమ్య కణ్ఠే చ శూలేనైన మతాడయత్ ‖38‖

తతః సోఽపి పదాక్రాన్తస్తయా నిజముఖాత్తతః|
అర్ధ నిష్క్రాన్త ఏవాసీద్దేవ్యా వీర్యేణ సంవృతః ‖40‖

అర్ధ నిష్క్రాన్త ఏవాసౌ యుధ్యమానో మహాసురః |
తయా మహాసినా దేవ్యా శిరశ్ఛిత్త్వా నిపాతితః ‖41‖

తతో హాహాకృతం సర్వం దైత్యసైన్యం ననాశ తత్|
ప్రహర్షం చ పరం జగ్ముః సకలా దేవతాగణాః ‖42‖

తుష్టు వుస్తాం సురా దేవీం సహదివ్యైర్మహర్షిభిః|
జగుర్గున్ధర్వపతయో ననృతుశ్చాప్సరోగణాః ‖43‖

‖ ఇతి శ్రీ మార్కణ్డేయ పురాణే సావర్నికే మన్వన్తరే దేవి మహత్మ్యే మహిషాసురవధో నామ తృతీయోఽధ్యాయం సమాప్తం ‖

ఆహుతి
హ్రీం జయన్తీ సాఙ్గాయై సాయుధాయై సశక్తికాయై సపరివారాయై సవాహనాయై శ్రీ మహాలక్ష్మ్యై లక్ష్మీ బీజాదిష్టాయై మహాహుతిం సమర్పయామి నమః స్వాహా ‖