PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |
This stotram is in శుద్ధ తెలుగు. View this in సరళ తెలుగు, with simplified anuswaras for easy reading.

దేవీ మహాత్మ్యమ్ దుర్గా సప్తశతి ఏకాదశోఽధ్యాయః

నారాయణీస్తుతిర్నామ ఏకాదశోఽధ్యాయః ‖

ధ్యానం
ఓం బాలార్కవిద్యుతిం ఇన్దుకిరీటాం తుఙ్గకుచాం నయనత్రయయుక్తామ్ |
స్మేరముఖీం వరదాఙ్కుశపాశభీతికరాం ప్రభజే భువనేశీమ్ ‖

ఋషిరువాచ‖1‖

దేవ్యా హతే తత్ర మహాసురేన్ద్రే
సేన్ద్రాః సురా వహ్నిపురోగమాస్తామ్|
కాత్యాయనీం తుష్టువురిష్టలాభా-
ద్వికాసివక్త్రాబ్జ వికాసితాశాః ‖ 2 ‖

దేవి ప్రపన్నార్తిహరే ప్రసీద
ప్రసీద మాతర్జగతోఽభిలస్య|
ప్రసీదవిశ్వేశ్వరి పాహివిశ్వం
త్వమీశ్వరీ దేవి చరాచరస్య ‖3‖

ఆధార భూతా జగతస్త్వమేకా
మహీస్వరూపేణ యతః స్థితాసి
అపాం స్వరూప స్థితయా త్వయైత
దాప్యాయతే కృత్స్నమలఙ్ఘ్య వీర్యే ‖4‖

త్వం వైష్ణవీశక్తిరనన్తవీర్యా
విశ్వస్య బీజం పరమాసి మాయా|
సమ్మోహితం దేవిసమస్త మేతత్-
త్త్వం వై ప్రసన్నా భువి ముక్తిహేతుః ‖5‖

విద్యాః సమస్తాస్తవ దేవి భేదాః|
స్త్రియః సమస్తాః సకలా జగత్సు|
త్వయైకయా పూరితమమ్బయైతత్
కాతే స్తుతిః స్తవ్యపరాపరోక్తిః ‖6‖

సర్వ భూతా యదా దేవీ భుక్తి ముక్తిప్రదాయినీ|
త్వం స్తుతా స్తుతయే కా వా భవన్తు పరమోక్తయః ‖7‖

సర్వస్య బుద్ధిరూపేణ జనస్య హృది సంస్థితే|
స్వర్గాపవర్గదే దేవి నారాయణి నమోఽస్తుతే ‖8‖

కలాకాష్ఠాదిరూపేణ పరిణామ ప్రదాయిని|
విశ్వస్యోపరతౌ శక్తే నారాయణి నమోస్తుతే ‖9‖

సర్వ మఙ్గళ మాఙ్గళ్యే శివే సర్వార్థ సాధికే|
శరణ్యే త్రయమ్బకే గౌరీ నారాయణి నమోఽస్తుతే ‖10‖

సృష్టిస్థితివినాశానాం శక్తిభూతే సనాతని|
గుణాశ్రయే గుణమయే నారాయణి నమోఽస్తుతే ‖11‖

శరణాగత దీనార్త పరిత్రాణపరాయణే|
సర్వస్యార్తిహరే దేవి నారాయణి నమోఽస్తుతే ‖12‖

హంసయుక్త విమానస్థే బ్రహ్మాణీ రూపధారిణీ|
కౌశామ్భః క్షరికే దేవి నారాయణి నమోఽస్తుతే‖13‖

త్రిశూలచన్ద్రాహిధరే మహావృషభవాహిని|
మాహేశ్వరీ స్వరూపేణ నారాయణి నమోఽస్తుతే‖14‖

మయూర కుక్కుటవృతే మహాశక్తిధరేఽనఘే|
కౌమారీరూపసంస్థానే నారాయణి నమోస్తుతే‖15‖

శఙ్ఖచక్రగదాశార్ఙ్గగృహీతపరమాయుధే|
ప్రసీద వైష్ణవీరూపేనారాయణి నమోఽస్తుతే‖16‖

గృహీతోగ్రమహాచక్రే దంష్త్రోద్ధృతవసున్ధరే|
వరాహరూపిణి శివే నారాయణి నమోస్తుతే‖17‖

నృసింహరూపేణోగ్రేణ హన్తుం దైత్యాన్ కృతోద్యమే|
త్రైలోక్యత్రాణసహితే నారాయణి నమోఽస్తుతే‖18‖

కిరీటిని మహావజ్రే సహస్రనయనోజ్జ్వలే|
వృత్రప్రాణహారే చైన్ద్రి నారాయణి నమోఽస్తుతే‖19‖

శివదూతీస్వరూపేణ హతదైత్య మహాబలే|
ఘోరరూపే మహారావే నారాయణి నమోఽస్తుతే‖20‖

దంష్త్రాకరాళ వదనే శిరోమాలావిభూషణే|
చాముణ్డే ముణ్డమథనే నారాయణి నమోఽస్తుతే‖21‖

లక్ష్మీ లజ్జే మహావిధ్యే శ్రద్ధే పుష్టి స్వధే ధ్రువే|
మహారాత్రి మహామాయే నారాయణి నమోఽస్తుతే‖22‖

మేధే సరస్వతి వరే భూతి బాభ్రవి తామసి|
నియతే త్వం ప్రసీదేశే నారాయణి నమోఽస్తుతే‖23‖

సర్వస్వరూపే సర్వేశే సర్వశక్తిసమన్వితే|
భయేభ్యస్త్రాహి నో దేవి దుర్గే దేవి నమోఽస్తుతే‖24‖

ఏతత్తే వదనం సౌమ్యం లోచనత్రయభూషితమ్|
పాతు నః సర్వభూతేభ్యః కాత్యాయిని నమోఽస్తుతే‖25‖

జ్వాలాకరాళమత్యుగ్రమశేషాసురసూదనమ్|
త్రిశూలం పాతు నో భీతిర్భద్రకాలి నమోఽస్తుతే‖26‖

హినస్తి దైత్యతేజాంసి స్వనేనాపూర్య యా జగత్|
సా ఘణ్టా పాతు నో దేవి పాపేభ్యో నః సుతానివ‖27‖

అసురాసృగ్వసాపఙ్కచర్చితస్తే కరోజ్వలః|
శుభాయ ఖడ్గో భవతు చణ్డికే త్వాం నతా వయమ్‖28‖

రోగానశేషానపహంసి తుష్టా
రుష్టా తు కామా సకలానభీష్టాన్
త్వామాశ్రితానాం న విపన్నరాణాం|
త్వామాశ్రితా శ్రయతాం ప్రయాన్తి‖29‖

ఏతత్కృతం యత్కదనం త్వయాద్య
దర్మద్విషాం దేవి మహాసురాణామ్|
రూపైరనేకైర్భహుధాత్మమూర్తిం
కృత్వామ్భికే తత్ప్రకరోతి కాన్యా‖30‖

విద్యాసు శాస్త్రేషు వివేక దీపే
ష్వాద్యేషు వాక్యేషు చ కా త్వదన్యా
మమత్వగర్తేఽతి మహాన్ధకారే
విభ్రామయత్యేతదతీవ విశ్వమ్‖31‖

రక్షాంసి యత్రో గ్రవిషాశ్చ నాగా
యత్రారయో దస్యుబలాని యత్ర|
దవానలో యత్ర తథాబ్ధిమధ్యే
తత్ర స్థితా త్వం పరిపాసి విశ్వమ్‖32‖

విశ్వేశ్వరి త్వం పరిపాసి విశ్వం
విశ్వాత్మికా ధారయసీతి విశ్వమ్|
విశ్వేశవన్ధ్యా భవతీ భవన్తి
విశ్వాశ్రయా యేత్వయి భక్తినమ్రాః‖33‖

దేవి ప్రసీద పరిపాలయ నోఽరి
భీతేర్నిత్యం యథాసురవదాదధునైవ సద్యః|
పాపాని సర్వ జగతాం ప్రశమం నయాశు
ఉత్పాతపాకజనితాంశ్చ మహోపసర్గాన్‖34‖

ప్రణతానాం ప్రసీద త్వం దేవి విశ్వార్తి హారిణి|
త్రైలోక్యవాసినామీడ్యే లోకానాం వరదా భవ‖35‖

దేవ్యువాచ‖36‖

వరదాహం సురగణా పరం యన్మనసేచ్చథ|
తం వృణుధ్వం ప్రయచ్ఛామి జగతాముపకారకమ్‖37‖

దేవా ఊచుః‖38‖

సర్వబాధా ప్రశమనం త్రైలోక్యస్యాఖిలేశ్వరి|
ఏవమేవ త్వయాకార్య మస్మద్వైరి వినాశనమ్‖39‖

దేవ్యువాచ‖40‖

వైవస్వతేఽన్తరే ప్రాప్తే అష్టావింశతిమే యుగే|
శుమ్భో నిశుమ్భశ్చైవాన్యావుత్పత్స్యేతే మహాసురౌ‖41‖

నన్దగోపగృహే జాతా యశోదాగర్భ సమ్భవా|
తతస్తౌనాశయిష్యామి విన్ధ్యాచలనివాసినీ‖42‖

పునరప్యతిరౌద్రేణ రూపేణ పృథివీతలే|
అవతీర్య హవిష్యామి వైప్రచిత్తాంస్తు దానవాన్‖43‖

భక్ష్య యన్త్యాశ్చ తానుగ్రాన్ వైప్రచిత్తాన్ మహాసురాన్|
రక్తదన్తా భవిష్యన్తి దాడిమీకుసుమోపమాః‖44‖

తతో మాం దేవతాః స్వర్గే మర్త్యలోకే చ మానవాః|
స్తువన్తో వ్యాహరిష్యన్తి సతతం రక్తదన్తికామ్‖45‖

భూయశ్చ శతవార్షిక్యాం అనావృష్ట్యామనమ్భసి|
మునిభిః సంస్తుతా భూమౌ సమ్భవిష్యామ్యయోనిజా‖46‖

తతః శతేన నేత్రాణాం నిరీక్షిష్యామ్యహం మునీన్
కీర్తియిష్యన్తి మనుజాః శతాక్షీమితి మాం తతః‖47‖

తతోఽ హమఖిలం లోకమాత్మదేహసముద్భవైః|
భరిష్యామి సురాః శాకైరావృష్టేః ప్రాణ ధారకైః‖48‖

శాకమ్భరీతి విఖ్యాతిం తదా యాస్యామ్యహం భువి|
తత్రైవ చ వధిష్యామి దుర్గమాఖ్యం మహాసురమ్‖49‖

దుర్గాదేవీతి విఖ్యాతం తన్మే నామ భవిష్యతి|
పునశ్చాహం యదాభీమం రూపం కృత్వా హిమాచలే‖50‖

రక్షాంసి క్షయయిష్యామి మునీనాం త్రాణ కారణాత్|
తదా మాం మునయః సర్వే స్తోష్యన్త్యాన మ్రమూర్తయః‖51‖

భీమాదేవీతి విఖ్యాతం తన్మే నామ భవిష్యతి|
యదారుణాఖ్యస్త్రైలొక్యే మహాబాధాం కరిష్యతి‖52‖

తదాహం భ్రామరం రూపం కృత్వాసజ్ఖ్యేయషట్పదమ్|
త్రైలోక్యస్య హితార్థాయ వధిష్యామి మహాసురమ్‖53‖

భ్రామరీతిచ మాం లోకా స్తదాస్తోష్యన్తి సర్వతః|
ఇత్థం యదా యదా బాధా దానవోత్థా భవిష్యతి‖54‖

తదా తదావతీర్యాహం కరిష్యామ్యరిసఙ్క్షయమ్ ‖55‖

‖ స్వస్తి శ్రీ మార్కణ్డేయ పురాణే సావర్నికే మన్వన్తరే దేవి మహత్మ్యే నారాయణీస్తుతిర్నామ ఏకాదశోఽధ్యాయః సమాప్తం ‖

ఆహుతి
ఓం క్లీం జయన్తీ సాఙ్గాయై సశక్తికాయై సపరివారాయై సవాహనాయై లక్ష్మీబీజాధిష్తాయై గరుడవాహన్యై నారయణీ దేవ్యై-మహాహుతిం సమర్పయామి నమః స్వాహా ‖