PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

দক্ষিণা মূর্তি স্তোত্রম্

শাংতিপাঠঃ
ওং যো ব্রহ্মাণং বিদধাতি পূর্বং
যো বৈ বেদাংশ্চ প্রহিণোতি তস্মৈ |
তংহদেবমাত্ম বুদ্ধিপ্রকাশং
মুমুক্ষুর্বৈ শরণমহং প্রপদ্যে ‖

ধ্যানম্
ওং মৌনব্যাখ্যা প্রকটিতপরব্রহ্মতত্বংযুবানং
বর্শিষ্ঠাংতেবসদৃষিগণৈরাবৃতং ব্রহ্মনিষ্ঠৈঃ |
আচার্যেংদ্রং করকলিত চিন্মুদ্রমানংদমূর্তিং
স্বাত্মরামং মুদিতবদনং দক্ষিণামূর্তিমীডে ‖

বটবিটপিসমীপে ভূমিভাগে নিষণ্ণং
সকলমুনিজনানাং জ্ঞানদাতারমারাত্ |
ত্রিভুবনগুরুমীশং দক্ষিণামূর্তিদেবং
জননমরণদুঃখচ্ছেদ দক্ষং নমামি ‖

চিত্রং বটতরোর্মূলে বৃদ্ধাঃ শিষ্যাঃ গুরুর্যুবা |
গুরোস্তু মৌনব্যাখ্যানং শিষ্যাস্তুচ্ছিন্নসংশযাঃ ‖

ওং নমঃ প্রণবার্থায শুদ্ধজ্ঞানৈকমূর্তযে |
নির্মলায প্রশাংতায দক্ষিণামূর্তযে নমঃ ‖

গুরুর্ব্রহ্মা গুরুর্বিষ্ণুঃ গুরুর্দেবো মহেশ্বরঃ |
গুরুস্সাক্ষাত্ পরং ব্রহ্মা তস্মৈ শ্রী গুরবে নমঃ ‖

নিধযে সর্ববিদ্যানাং ভিষজে ভবরোগিণাম্ |
গুরবে সর্বলোকানাং দক্ষিণামূর্তযে নমঃ ‖

চিদোঘনায মহেশায বটমূলনিবাসিনে |
সচ্চিদানংদ রূপায দক্ষিণামূর্তযে নমঃ ‖

ঈশ্বরো গুরুরাত্মেতি মূত্রিভেদ বিভাগিনে |
ব্যোমবদ্ ব্যাপ্তদেহায দক্ষিণামূর্তযে নমঃ ‖

অংগুষ্থতর্জনীযোগমুদ্রা ব্যাজেনযোগিনাম্ |
শৃত্যর্থং ব্রহ্মজীবৈক্যং দর্শযন্যোগতা শিবঃ ‖

ওং শাংতিঃ শাংতিঃ শাংতিঃ ‖

বিশ্বংদর্পণ দৃশ্যমান নগরী তুল্যং নিজাংতর্গতং
পশ্যন্নাত্মনি মাযযা বহিরিবোদ্ভূতং যথানিদ্রযা |
যস্সাক্ষাত্কুরুতে প্রভোধসমযে স্বাত্মানমে বাদ্বযং
তস্মৈ শ্রীগুরুমূর্তযে নম ইদং শ্রী দক্ষিণামূর্তযে ‖ 1 ‖

বীজস্যাংততি বাংকুরো জগদিতং প্রাঙ্নর্বিকল্পং পুনঃ
মাযাকল্পিত দেশকালকলনা বৈচিত্র্যচিত্রীকৃতং |
মাযাবীব বিজৃংভযত্যপি মহাযোগীব যঃ স্বেচ্ছযা
তস্মৈ শ্রীগুরুমূর্তযে নম ইদং শ্রী দক্ষিণামূর্তযে ‖ 2 ‖

যস্যৈব স্ফুরণং সদাত্মকমসত্কল্পার্থকং ভাসতে
সাক্ষাত্তত্বমসীতি বেদবচসা যো বোধযত্যাশ্রিতান্ |
যস্সাক্ষাত্করণাদ্ভবেন্ন পুরনাবৃত্তির্ভবাংভোনিধৌ
তস্মৈ শ্রীগুরুমূর্তযে নম ইদং শ্রী দক্ষিণামূর্তযে ‖ 3 ‖

নানাচ্ছিদ্র ঘটোদর স্থিত মহাদীপ প্রভাভাস্বরং
জ্ঞানং যস্য তু চক্ষুরাদিকরণ দ্বারা বহিঃ স্পংদতে |
জানামীতি তমেব ভাংতমনুভাত্যেতত্সমস্তং জগত্
তস্মৈ শ্রী গুরুমূর্তযে নম ইদং শ্রী দক্ষিণামূর্তযে ‖ 4 ‖

দেহং প্রাণমপীংদ্রিযাণ্যপি চলাং বুদ্ধিং চ শূন্যং বিদুঃ
স্ত্রী বালাংধ জডোপমাস্ত্বহমিতি ভ্রাংতাভৃশং বাদিনঃ |
মাযাশক্তি বিলাসকল্পিত মহাব্যামোহ সংহারিণে
তস্মৈ শ্রী গুরুমূর্তযে নম ইদং শ্রী দক্ষিণামূর্তযে ‖ 5 ‖

রাহুগ্রস্ত দিবাকরেংদু সদৃশো মাযা সমাচ্ছাদনাত্
সন্মাত্রঃ করণোপ সংহরণতো যোঽভূত্সুষুপ্তঃ পুমান্ |
প্রাগস্বাপ্সমিতি প্রভোদসমযে যঃ প্রত্যভিজ্ঞাযতে
তস্মৈ শ্রী গুরুমূর্তযে নম ইদং শ্রী দক্ষিণামূর্তযে ‖ 6 ‖

বাল্যাদিষ্বপি জাগ্রদাদিষু তথা সর্বাস্ববস্থাস্বপি
ব্যাবৃত্তা স্বনু বর্তমান মহমিত্যংতঃ স্ফুরংতং সদা |
স্বাত্মানং প্রকটীকরোতি ভজতাং যো মুদ্রযা ভদ্রযা
তস্মৈ শ্রী গুরুমূর্তযে নম ইদং শ্রী দক্ষিণামূর্তযে ‖ 7 ‖

বিশ্বং পশ্যতি কার্যকারণতযা স্বস্বামিসংবংধতঃ
শিষ্যচার্যতযা তথৈব পিতৃ পুত্রাদ্যাত্মনা ভেদতঃ |
স্বপ্নে জাগ্রতি বা য এষ পুরুষো মাযা পরিভ্রামিতঃ
তস্মৈ শ্রী গুরুমূর্তযে নম ইদং শ্রী দক্ষিণামূর্তযে ‖ 8 ‖

ভূরংভাংস্যনলোঽনিলোঽংবর মহর্নাথো হিমাংশুঃ পুমান্
ইত্যাভাতি চরাচরাত্মকমিদং যস্যৈব মূর্ত্যষ্টকম্ |
নান্যত্কিংচন বিদ্যতে বিমৃশতাং যস্মাত্পরস্মাদ্বিভো
তস্মৈ গুরুমূর্তযে নম ইদং শ্রী দক্ষিণামূর্তযে ‖ 9 ‖

সর্বাত্মত্বমিতি স্ফুটীকৃতমিদং যস্মাদমুষ্মিন্ স্তবে
তেনাস্ব শ্রবণাত্তদর্থ মননাদ্ধ্যানাচ্চ সংকীর্তনাত্ |
সর্বাত্মত্বমহাবিভূতি সহিতং স্যাদীশ্বরত্বং স্বতঃ
সিদ্ধ্যেত্তত্পুনরষ্টধা পরিণতং চৈশ্বর্য মব্যাহতম্ ‖ 10 ‖


‖ ইতি শ্রীমচ্ছংকরাচার্যবিরচিতং দক্ষিণামুর্তিস্তোত্রং সংপূর্ণম্ ‖