PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

ଭଜ ଗୋଵିଂଦମ୍ (ମୋହ ମୁଦ୍ଗରମ୍)

ଭଜ ଗୋଵିଂଦଂ ଭଜ ଗୋଵିଂଦଂ
ଗୋଵିଂଦଂ ଭଜ ମୂଢମତେ |
ସଂପ୍ରାପ୍ତେ ସନ୍ନିହିତେ କାଲେ
ନହି ନହି ରକ୍ଷତି ଡୁକ୍ରିଂକରଣେ ‖ 1 ‖

ମୂଢ ଜହୀହି ଧନାଗମତୃଷ୍ଣାଂ
କୁରୁ ସଦ୍ବୁଦ୍ଧିମ୍ ମନସି ଵିତୃଷ୍ଣାମ୍ |
ଯଲ୍ଲଭସେ ନିଜ କର୍ମୋପାତ୍ତଂ
ଵିତ୍ତଂ ତେନ ଵିନୋଦଯ ଚିତ୍ତମ୍ ‖ 2 ‖

ନାରୀ ସ୍ତନଭର ନାଭୀଦେଶଂ
ଦୃଷ୍ଟ୍ଵା ମା ଗା ମୋହାଵେଶମ୍ |
ଏତନ୍ମାଂସ ଵସାଦି ଵିକାରଂ
ମନସି ଵିଚିଂତଯା ଵାରଂ ଵାରମ୍ ‖ 3 ‖

ନଳିନୀ ଦଳଗତ ଜଲମତି ତରଳଂ
ତଦ୍ଵଜ୍ଜୀଵିତ ମତିଶଯ ଚପଲମ୍ |
ଵିଦ୍ଧି ଵ୍ଯାଧ୍ଯଭିମାନ ଗ୍ରସ୍ତଂ
ଲୋକଂ ଶୋକହତଂ ଚ ସମସ୍ତମ୍ ‖ 4 ‖

ଯାଵଦ୍-ଵିତ୍ତୋପାର୍ଜନ ସକ୍ତଃ
ତାଵନ୍-ନିଜପରିଵାରୋ ରକ୍ତଃ |
ପଶ୍ଚାଜ୍ଜୀଵତି ଜର୍ଜର ଦେହେ
ଵାର୍ତାଂ କୋଽପି ନ ପୃଚ୍ଛତି ଗେହେ ‖ 5 ‖

ଯାଵତ୍-ପଵନୋ ନିଵସତି ଦେହେ
ତାଵତ୍-ପୃଚ୍ଛତି କୁଶଲଂ ଗେହେ |
ଗତଵତି ଵାଯୌ ଦେହାପାଯେ
ଭାର୍ଯା ବିଭ୍ଯତି ତସ୍ମିନ୍ କାଯେ ‖ 6 ‖

ବାଲ ସ୍ତାଵତ୍ କ୍ରୀଡାସକ୍ତଃ
ତରୁଣ ସ୍ତାଵତ୍ ତରୁଣୀସକ୍ତଃ |
ଵୃଦ୍ଧ ସ୍ତାଵତ୍-ଚିଂତାମଗ୍ନଃ
ପରମେ ବ୍ରହ୍ମଣି କୋଽପି ନ ଲଗ୍ନଃ ‖ 7 ‖

କା ତେ କାଂତା କସ୍ତେ ପୁତ୍ରଃ
ସଂସାରୋଽଯମତୀଵ ଵିଚିତ୍ରଃ |
କସ୍ଯ ତ୍ଵଂ ଵା କୁତ ଆଯାତଃ
ତତ୍ଵଂ ଚିଂତଯ ତଦିହ ଭ୍ରାତଃ ‖ 8 ‖

ସତ୍ସଂଗତ୍ଵେ ନିସ୍ସଂଗତ୍ଵଂ
ନିସ୍ସଂଗତ୍ଵେ ନିର୍ମୋହତ୍ଵମ୍ |
ନିର୍ମୋହତ୍ଵେ ନିଶ୍ଚଲତତ୍ତ୍ଵଂ
ନିଶ୍ଚଲତତ୍ତ୍ଵେ ଜୀଵନ୍ମୁକ୍ତିଃ ‖ 9 ‖

ଵଯସି ଗତେ କଃ କାମଵିକାରଃ
ଶୁଷ୍କେ ନୀରେ କଃ କାସାରଃ |
କ୍ଷୀଣେ ଵିତ୍ତେ କଃ ପରିଵାରଃ
ଜ୍ଞାତେ ତତ୍ତ୍ଵେ କଃ ସଂସାରଃ ‖ 10 ‖

ମା କୁରୁ ଧନଜନ ଯୌଵନ ଗର୍ଵଂ
ହରତି ନିମେଷାତ୍-କାଲଃ ସର୍ଵମ୍ |
ମାଯାମଯମିଦମ୍-ଅଖିଲଂ ହିତ୍ଵା
ବ୍ରହ୍ମପଦଂ ତ୍ଵଂ ପ୍ରଵିଶ ଵିଦିତ୍ଵା ‖ 11 ‖

ଦିନ ଯାମିନ୍ଯୌ ସାଯଂ ପ୍ରାତଃ
ଶିଶିର ଵସଂତୌ ପୁନରାଯାତଃ |
କାଲଃ କ୍ରୀଡତି ଗଚ୍ଛତ୍ଯାଯୁଃ
ତଦପି ନ ମୁଂଚତ୍ଯାଶାଵାଯୁଃ ‖ 12 ‖

ଦ୍ଵାଦଶ ମଂଜରିକାଭିର ଶେଷଃ
କଥିତୋ ଵୈଯା କରଣସ୍ଯୈଷଃ |
ଉପଦେଶୋ ଭୂଦ୍-ଵିଦ୍ଯା ନିପୁଣୈଃ
ଶ୍ରୀମଚ୍ଛଂକର ଭଗଵଚ୍ଛରଣୈଃ ‖ 13 ‖

କା ତେ କାଂତା ଧନ ଗତ ଚିଂତା
ଵାତୁଲ କିଂ ତଵ ନାସ୍ତି ନିଯଂତା |
ତ୍ରିଜଗତି ସଜ୍ଜନ ସଂଗତିରେକା
ଭଵତି ଭଵାର୍ଣଵ ତରଣେ ନୌକା ‖ 14 ‖

ଜଟିଲୋ ମୁଂଡୀ ଲୁଂଜିତ କେଶଃ
କାଷାଯାନ୍ବର ବହୁକୃତ ଵେଷଃ |
ପଶ୍ଯନ୍ନପି ଚ ନ ପଶ୍ଯତି ମୂଢଃ
ଉଦର ନିମିତ୍ତଂ ବହୁକୃତ ଵେଷଃ ‖ 15 ‖

ଅଂଗଂ ଗଲିତଂ ପଲିତଂ ମୁଂଡଂ
ଦଶନ ଵିହୀନଂ ଜାତଂ ତୁଂଡମ୍ |
ଵୃଦ୍ଧୋ ଯାତି ଗୃହୀତ୍ଵା ଦଂଡଂ
ତଦପି ନ ମୁଂଚତ୍ଯାଶା ପିଂଡମ୍ ‖ 16 ‖

ଅଗ୍ରେ ଵହ୍ନିଃ ପୃଷ୍ଠେ ଭାନୁଃ
ରାତ୍ରୌ ଚୁବୁକ ସମର୍ପିତ ଜାନୁଃ |
କରତଲ ଭିକ୍ଷସ୍-ତରୁତଲ ଵାସଃ
ତଦପି ନ ମୁଂଚତ୍ଯାଶା ପାଶଃ ‖ 17 ‖

କୁରୁତେ ଗଂଗା ସାଗର ଗମନଂ
ଵ୍ରତ ପରିପାଲନମ୍-ଅଥଵା ଦାନମ୍ |
ଜ୍ଞାନ ଵିହୀନଃ ସର୍ଵମତେନ
ଭଜତି ନ ମୁକ୍ତିଂ ଜନ୍ମ ଶତେନ ‖ 18 ‖

ସୁରମଂଦିର ତରୁ ମୂଲ ନିଵାସଃ
ଶଯ୍ଯା ଭୂତଲମ୍-ଅଜିନଂ ଵାସଃ |
ସର୍ଵ ପରିଗ୍ରହ ଭୋଗତ୍ଯାଗଃ
କସ୍ଯ ସୁଖଂ ନ କରୋତି ଵିରାଗଃ ‖ 19 ‖

ଯୋଗରତୋ ଵା ଭୋଗରତୋ ଵା
ସଂଗରତୋ ଵା ସଂଗଵିହୀନଃ |
ଯସ୍ଯ ବ୍ରହ୍ମଣି ରମତେ ଚିତ୍ତଂ
ନଂଦତି ନଂଦତି ନଂଦତ୍ଯେଵ ‖ 20 ‖

ଭଗଵଦ୍ଗୀତା କିଂଚିଦଧୀତା
ଗଂଗା ଜଲଲଵ କଣିକା ପୀତା |
ସକୃଦପି ଯେନ ମୁରାରୀ ସମର୍ଚା
କ୍ରିଯତେ ତସ୍ଯ ଯମେନ ନ ଚର୍ଚା ‖ 21 ‖

ପୁନରପି ଜନନଂ ପୁନରପି ମରଣଂ
ପୁନରପି ଜନନୀ ଜଠରେ ଶଯନମ୍ |
ଇହ ସଂସାରେ ବହୁ ଦୁସ୍ତାରେ
କୃପଯାଽପାରେ ପାହି ମୁରାରେ ‖ 22 ‖

ରଥ୍ଯା ଚର୍ପଟ ଵିରଚିତ କଂଥଃ
ପୁଣ୍ଯାପୁଣ୍ଯ ଵିଵର୍ଜିତ ପଂଥଃ |
ଯୋଗୀ ଯୋଗ ନିଯୋଜିତ ଚିତ୍ତଃ
ରମତେ ବାଲୋନ୍ମତ୍ତଵଦେଵ ‖ 23 ‖

କସ୍ତ୍ଵଂ କୋଽହଂ କୁତ ଆଯାତଃ
କା ମେ ଜନନୀ କୋ ମେ ତାତଃ |
ଇତି ପରିଭାଵଯ ନିଜ ସଂସାରଂ
ସର୍ଵଂ ତ୍ଯକ୍ତ୍ଵା ସ୍ଵପ୍ନ ଵିଚାରମ୍ ‖ 24 ‖

ତ୍ଵଯି ମଯି ସର୍ଵତ୍ରୈକୋ ଵିଷ୍ଣୁଃ
ଵ୍ଯର୍ଥଂ କୁପ୍ଯସି ମଯ୍ଯସହିଷ୍ଣୁଃ |
ଭଵ ସମଚିତ୍ତଃ ସର୍ଵତ୍ର ତ୍ଵଂ
ଵାଂଛସ୍ଯଚିରାଦ୍-ଯଦି ଵିଷ୍ଣୁତ୍ଵମ୍ ‖ 25 ‖

ଶତ୍ରୌ ମିତ୍ରେ ପୁତ୍ରେ ବଂଧୌ
ମା କୁରୁ ଯତ୍ନଂ ଵିଗ୍ରହ ସଂଧୌ |
ସର୍ଵସ୍ମିନ୍ନପି ପଶ୍ଯାତ୍ମାନଂ
ସର୍ଵତ୍ରୋତ୍-ସୃଜ ଭେଦାଜ୍ଞାନମ୍ ‖ 26 ‖

କାମଂ କ୍ରୋଧଂ ଲୋଭଂ ମୋହଂ
ତ୍ଯକ୍ତ୍ଵାଽଽତ୍ମାନଂ ପଶ୍ଯତି ସୋଽହମ୍ |
ଆତ୍ମଜ୍ଞ୍ନାନ ଵିହୀନା ମୂଢାଃ
ତେ ପଚ୍ଯଂତେ ନରକ ନିଗୂଢାଃ ‖ 27 ‖

ଗେଯଂ ଗୀତା ନାମ ସହସ୍ରଂ
ଧ୍ଯେଯଂ ଶ୍ରୀପତି ରୂପମ୍-ଅଜସ୍ରମ୍ |
ନେଯଂ ସଜ୍ଜନ ସଂଗେ ଚିତ୍ତଂ
ଦେଯଂ ଦୀନଜନାଯ ଚ ଵିତ୍ତମ୍ ‖ 28 ‖

ସୁଖତଃ କ୍ରିଯତେ ରାମାଭୋଗଃ
ପଶ୍ଚାଦ୍ଧଂତ ଶରୀରେ ରୋଗଃ |
ଯଦ୍ଯପି ଲୋକେ ମରଣଂ ଶରଣଂ
ତଦପି ନ ମୁଂଚତି ପାପାଚରଣମ୍ ‖ 29 ‖

ଅର୍ଥମନର୍ଥଂ ଭାଵଯ ନିତ୍ଯଂ
ନାସ୍ତି ତତଃ ସୁଖ ଲେଶଃ ସତ୍ଯମ୍ |
ପୁତ୍ରାଦପି ଧନଭାଜାଂ ଭୀତିଃ
ସର୍ଵତ୍ରୈଷା ଵିହିତା ରୀତିଃ ‖ 30 ‖

ପ୍ରାଣାଯାମଂ ପ୍ରତ୍ଯାହାରଂ
ନିତ୍ଯାନିତ୍ଯ ଵିଵେକ ଵିଚାରମ୍ |
ଜାପ୍ଯସମେତ ସମାଧି ଵିଧାନଂ
କୁର୍ଵ ଵଧାନଂ ମହଦ୍-ଅଵଧାନମ୍ ‖ 31 ‖

ଗୁରୁ ଚରଣାଂଭୁଜ ନିର୍ଭରଭକ୍ତଃ
ସଂସାରାଦ୍-ଅଚିରାଦ୍-ଭଵ ମୁକ୍ତଃ |
ସେଂଦିଯ ମାନସ ନିଯମାଦେଵଂ
ଦ୍ରକ୍ଷ୍ଯସି ନିଜ ହୃଦଯସ୍ଥଂ ଦେଵମ୍ ‖ 32 ‖

ମୂଢଃ କଶ୍ଚିନ ଵୈଯାକରଣୋ
ଡୁକୃଣ୍କରଣାଧ୍ଯଯନ ଧୁରୀଣଃ |
ଶ୍ରୀମଚ୍ଛଂକର ଭଗଵଚ୍ଚିଷ୍ଯୈଃ
ବୋଧିତ ଆସୀଚ୍ଛୋଦିତ କରଣୈଃ ‖ 33 ‖