PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

അര്ധ നാരീശ്വര അഷ്ടകമ്

ചാംപേയഗൌരാര്ധശരീരകായൈ
കര്പൂരഗൌരാര്ധശരീരകായ |
ധമ്മില്ലകായൈ ച ജടാധരായ
നമഃ ശിവായൈ ച നമഃ ശിവായ ‖ 1 ‖

കസ്തൂരികാകുംകുമചര്ചിതായൈ
ചിതാരജഃപുംജ വിചര്ചിതായ |
കൃതസ്മരായൈ വികൃതസ്മരായ
നമഃ ശിവായൈ ച നമഃ ശിവായ ‖ 2 ‖

ഝണത്ക്വണത്കംകണനൂപുരായൈ
പാദാബ്ജരാജത്ഫണിനൂപുരായ |
ഹേമാംഗദായൈ ഭുജഗാംഗദായ
നമഃ ശിവായൈ ച നമഃ ശിവായ ‖ 3 ‖

വിശാലനീലോത്പലലോചനായൈ
വികാസിപംകേരുഹലോചനായ |
സമേക്ഷണായൈ വിഷമേക്ഷണായ
നമഃ ശിവായൈ ച നമഃ ശിവായ ‖ 4 ‖

മംദാരമാലാകലിതാലകായൈ
കപാലമാലാംകിതകംധരായ |
ദിവ്യാംബരായൈ ച ദിഗംബരായ
നമഃ ശിവായൈ ച നമഃ ശിവായ ‖ 5 ‖

അംഭോധരശ്യാമലകുംതലായൈ
തടിത്പ്രഭാതാമ്രജടാധരായ |
നിരീശ്വരായൈ നിഖിലേശ്വരായ
നമഃ ശിവായൈ ച നമഃ ശിവായ ‖ 6 ‖

പ്രപംചസൃഷ്ട്യുന്മുഖലാസ്യകായൈ
സമസ്തസംഹാരകതാംഡവായ |
ജഗജ്ജനന്യൈ ജഗദേകപിത്രേ
നമഃ ശിവായൈ ച നമഃ ശിവായ ‖ 7 ‖

പ്രദീപ്തരത്നോജ്ജ്വലകുംഡലായൈ
സ്ഫുരന്മഹാപന്നഗഭൂഷണായ |
ശിവാന്വിതായൈ ച ശിവാന്വിതായ
നമഃ ശിവായൈ ച നമഃ ശിവായ ‖ 8 ‖

ഏതത്പഠേദഷ്ടകമിഷ്ടദം യോ
ഭക്ത്യാ സ മാന്യോ ഭുവി ദീര്ഘജീവീ |
പ്രാപ്നോതി സൌഭാഗ്യമനംതകാലം
ഭൂയാത്സദാ തസ്യ സമസ്തസിദ്ധിഃ ‖