PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

ଅନ୍ନମଯ୍ଯ କୀର୍ତନ ରାଧା ମାଧଵ ରତି ଚରିତମିତି

ରାଧାମାଧଵରତିଚରିତମିତି
ବୋଧାଵହଂ ଶ୍ରୁତିଭୂଷଣଂ ‖

ଗହନେ ଦ୍ଵାଵପି ଗତ୍ଵା ଗତ୍ଵା
ରହସି ରତିଂ ପ୍ରେରଯତି ସତି |
ଵିହରତସ୍ତଦା ଵିଲସଂତୌ
ଵିହତଗୃହାଶୌ ଵିଵଶୌ ତୌ ‖

ଲଜ୍ଜାଶଭଳ ଵିଲାସଲୀଲଯା
କଜ୍ଜଲନଯନ ଵିକାରେଣ |
ହୃଜ୍ଜାଵ୍ଯଵନହିତ ହୃଦଯା ରତି
ସ୍ସଜ୍ଜା ସଂଭ୍ରମଚପଲା ଜାତା ‖

ପୁରତୋ ଯାଂତଂ ପୁରୁଷଂ ଵକୁଳୈଃ
କୁରଂଟକୈର୍ଵା କୁଟଜୈର୍ଵା |
ପରମଂ ପ୍ରହରତି ପଶ୍ଚାଲ୍ଲଗ୍ନା-
ଗିରଂ ଵିନାସି ଵିକିରତି ମୁଦଂ ‖

ହରି ସୁରଭୂରୁହ ମାରୋହତୀଵ
ଚରଣେନ କଟିଂ ସଂଵେଷ୍ଟ୍ଯ |
ପରିରଂଚଣ ସଂପାଦିତପୁଲକୈ
ସ୍ସୁରୁଚିର୍ଜାତା ସୁମଲତିକେଵ ‖

ଵିଧୁମୁଖଦର୍ଶନ ଵିକଳିତଲଜ୍ଜା-
ତ୍ଵଧରବିଂବଫଲମାସ୍ଵାଦ୍ଯ |
ମଧୁରୋପାଯନମାର୍ଗେଣ କୁଚୌ
ନିଧିଵଦ ତ୍ଵା ନିତ୍ଯସୁଖମିତା ‖

ସୁରୁଚିରକେତକ ସୁମଦଳ ନଖରୈ-
ର୍ଵରଚିବୁକଂ ସା ପରିଵୃତ୍ଯ |
ତରୁଣିମସିଂଧୌ ତଦୀଯଦୃଗ୍ଜଲ-
ଚରଯୁଗଳଂ ସଂସକ୍ତଂ ଚକାର ‖

ଵଚନ ଵିଲାସୈର୍ଵଶୀକୃତ ତଂ
ନିଚୁଲକୁଂଜ ମାନିତଦେଶେ |
ପ୍ରଚୁରସୈକତେ ପଲ୍ଲଵଶଯନେ-
ରଚିତରତିକଳା ରାଗେଣାସ ‖

ଅଭିନଵକଲ୍ଯାଣାଂଚିତରୂପା-
ଵଭିନିଵେଶ ସଂଯତଚିତ୍ତୌ |
ବଭୂଵତୁ ସ୍ତତ୍ପରୌ ଵେଂକଟ
ଵିଭୁନା ସା ତଦ୍ଵିଧିନା ସତଯା ‖

ସଚ ଲଜ୍ଜାଵୀକ୍ଷଣୋ ଭଵତି ତଂ
କଚଭରାଂ ଗଂଧଂ ଘ୍ରାପଯତି |
ନଚଲତିଚେନ୍ମାନଵତୀ ତଥାପି
କୁଚସଂଗାଦନୁକୂଲଯତି ‖

ଅଵନତଶିରସାପ୍ଯତି ସୁଭଗଂ
ଵିଵିଧାଲାପୈର୍ଵିଵଶଯତି |
ପ୍ରଵିମଲ କରରୁହରଚନ ଵିଲାସୈ
ର୍ଭୁଵନପତି ତଂ ଭୂଷଯତି ‖

ଲତାଗୃହମେଳନଂ ନଵସୈ
କତଵୈଭଵ ସୌଖ୍ଯଂ ଦୃଷ୍ଟ୍ଵା |
ତତସ୍ତତଶ୍ଚରସୌ କେଲୀ-
ଵ୍ରତଚର୍ଯାଂ ତାଂ ଵାଂଛଂତୌ |

ଵନକୁସୁମ ଵିଶଦଵରଵାସନଯା-
ଘନସାରରଜୋଗଂଧୈଶ୍ଚ |
ଜନଯତି ପଵନେ ସପଦି ଵିକାରଂ-
ଵନିତା ପୁରୁଷୌ ଜନିତାଶୌ ‖

ଏଵଂ ଵିଚରନ୍ ହେଲା ଵିମୁଖ-
ଶ୍ରୀଵେଂକଟଗିରି ଦେଵୋଯଂ |
ପାଵନରାଧାପରିରଂଭସୁଖ-
ଶ୍ରୀ ଵୈଭଵସୁସ୍ଥିରୋ ଭଵତି ‖