PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

অন্নময্য কীর্তন রাধা মাধব রতি চরিতমিতি

রাধামাধবরতিচরিতমিতি
বোধাবহং শ্রুতিভূষণং ‖

গহনে দ্বাবপি গত্বা গত্বা
রহসি রতিং প্রেরযতি সতি |
বিহরতস্তদা বিলসংতৌ
বিহতগৃহাশৌ বিবশৌ তৌ ‖

লজ্জাশভল বিলাসলীলযা
কজ্জলনযন বিকারেণ |
হৃজ্জাব্যবনহিত হৃদযা রতি
স্সজ্জা সংভ্রমচপলা জাতা ‖

পুরতো যাংতং পুরুষং বকুলৈঃ
কুরংটকৈর্বা কুটজৈর্বা |
পরমং প্রহরতি পশ্চাল্লগ্না-
গিরং বিনাসি বিকিরতি মুদং ‖

হরি সুরভূরুহ মারোহতীব
চরণেন কটিং সংবেষ্ট্য |
পরিরংচণ সংপাদিতপুলকৈ
স্সুরুচির্জাতা সুমলতিকেব ‖

বিধুমুখদর্শন বিকলিতলজ্জা-
ত্বধরবিংবফলমাস্বাদ্য |
মধুরোপাযনমার্গেণ কুচৌ
নিধিবদ ত্বা নিত্যসুখমিতা ‖

সুরুচিরকেতক সুমদল নখরৈ-
র্বরচিবুকং সা পরিবৃত্য |
তরুণিমসিংধৌ তদীযদৃগ্জল-
চরযুগলং সংসক্তং চকার ‖

বচন বিলাসৈর্বশীকৃত তং
নিচুলকুংজ মানিতদেশে |
প্রচুরসৈকতে পল্লবশযনে-
রচিতরতিকলা রাগেণাস ‖

অভিনবকল্যাণাংচিতরূপা-
বভিনিবেশ সংযতচিত্তৌ |
বভূবতু স্তত্পরৌ বেংকট
বিভুনা সা তদ্বিধিনা সতযা ‖

সচ লজ্জাবীক্ষণো ভবতি তং
কচভরাং গংধং ঘ্রাপযতি |
নচলতিচেন্মানবতী তথাপি
কুচসংগাদনুকূলযতি ‖

অবনতশিরসাপ্যতি সুভগং
বিবিধালাপৈর্বিবশযতি |
প্রবিমল কররুহরচন বিলাসৈ
র্ভুবনপতি তং ভূষযতি ‖

লতাগৃহমেলনং নবসৈ
কতবৈভব সৌখ্যং দৃষ্ট্বা |
ততস্ততশ্চরসৌ কেলী-
ব্রতচর্যাং তাং বাংছংতৌ |

বনকুসুম বিশদবরবাসনযা-
ঘনসাররজোগংধৈশ্চ |
জনযতি পবনে সপদি বিকারং-
বনিতা পুরুষৌ জনিতাশৌ ‖

এবং বিচরন্ হেলা বিমুখ-
শ্রীবেংকটগিরি দেবোযং |
পাবনরাধাপরিরংভসুখ-
শ্রী বৈভবসুস্থিরো ভবতি ‖