PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

ଆଦିତ୍ଯ ହୃଦଯମ୍

ଧ୍ଯାନମ୍
ନମସ୍ସଵିତ୍ରେ ଜଗଦେକ ଚକ୍ଷୁସେ
ଜଗତ୍ପ୍ରସୂତି ସ୍ଥିତି ନାଶହେତଵେ
ତ୍ରଯୀମଯାଯ ତ୍ରିଗୁଣାତ୍ମ ଧାରିଣେ
ଵିରିଂଚି ନାରାଯଣ ଶଂକରାତ୍ମନେ

ତତୋ ଯୁଦ୍ଧ ପରିଶ୍ରାଂତଂ ସମରେ ଚିଂତଯା ସ୍ଥିତମ୍ |
ରାଵଣଂ ଚାଗ୍ରତୋ ଦୃଷ୍ଟ୍ଵା ଯୁଦ୍ଧାଯ ସମୁପସ୍ଥିତମ୍ ‖ 1 ‖

ଦୈଵତୈଶ୍ଚ ସମାଗମ୍ଯ ଦ୍ରଷ୍ଟୁମଭ୍ଯାଗତୋ ରଣମ୍ |
ଉପଗମ୍ଯା ବ୍ରଵୀଦ୍ରାମମ୍ ଅଗସ୍ତ୍ଯୋ ଭଗଵାନ୍ ଋଷିଃ ‖ 2 ‖

ରାମ ରାମ ମହାବାହୋ ଶୃଣୁ ଗୁହ୍ଯଂ ସନାତନମ୍ |
ଯେନ ସର୍ଵାନରୀନ୍ ଵତ୍ସ ସମରେ ଵିଜଯିଷ୍ଯସି ‖ 3 ‖

ଆଦିତ୍ଯ ହୃଦଯଂ ପୁଣ୍ଯଂ ସର୍ଵଶତ୍ରୁ ଵିନାଶନମ୍ |
ଜଯାଵହଂ ଜପେନ୍ନିତ୍ଯଂ ଅକ୍ଷଯ୍ଯଂ ପରମଂ ଶିଵମ୍ ‖ 4 ‖

ସର୍ଵମଂଗଳ ମାଂଗଳ୍ଯଂ ସର୍ଵ ପାପ ପ୍ରଣାଶନମ୍ |
ଚିଂତାଶୋକ ପ୍ରଶମନଂ ଆଯୁର୍ଵର୍ଧନ ମୁତ୍ତମମ୍ ‖ 5 ‖

ରଶ୍ମିମଂତଂ ସମୁଦ୍ଯଂତଂ ଦେଵାସୁର ନମସ୍କୃତମ୍ |
ପୂଜଯସ୍ଵ ଵିଵସ୍ଵଂତଂ ଭାସ୍କରଂ ଭୁଵନେଶ୍ଵରମ୍ ‖ 6 ‖

ସର୍ଵଦେଵାତ୍ମକୋ ହ୍ଯେଷ ତେଜସ୍ଵୀ ରଶ୍ମିଭାଵନଃ |
ଏଷ ଦେଵାସୁର ଗଣାନ୍ ଲୋକାନ୍ ପାତି ଗଭସ୍ତିଭିଃ ‖ 7 ‖

ଏଷ ବ୍ରହ୍ମା ଚ ଵିଷ୍ଣୁଶ୍ଚ ଶିଵଃ ସ୍କଂଦଃ ପ୍ରଜାପତିଃ |
ମହେଂଦ୍ରୋ ଧନଦଃ କାଲୋ ଯମଃ ସୋମୋ ହ୍ଯପାଂ ପତିଃ ‖ 8 ‖

ପିତରୋ ଵସଵଃ ସାଧ୍ଯା ହ୍ଯଶ୍ଵିନୌ ମରୁତୋ ମନୁଃ |
ଵାଯୁର୍ଵହ୍ନିଃ ପ୍ରଜାପ୍ରାଣଃ ଋତୁକର୍ତା ପ୍ରଭାକରଃ ‖ 9 ‖

ଆଦିତ୍ଯଃ ସଵିତା ସୂର୍ଯଃ ଖଗଃ ପୂଷା ଗଭସ୍ତିମାନ୍ |
ସୁଵର୍ଣସଦୃଶୋ ଭାନୁଃ ହିରଣ୍ଯରେତା ଦିଵାକରଃ ‖ 10 ‖

ହରିଦଶ୍ଵଃ ସହସ୍ରାର୍ଚିଃ ସପ୍ତସପ୍ତି-ର୍ମରୀଚିମାନ୍ |
ତିମିରୋନ୍ମଥନଃ ଶଂଭୁଃ ତ୍ଵଷ୍ଟା ମାର୍ତାଂଡକୋଂଽଶୁମାନ୍ ‖ 11 ‖

ହିରଣ୍ଯଗର୍ଭଃ ଶିଶିରଃ ତପନୋ ଭାସ୍କରୋ ରଵିଃ |
ଅଗ୍ନିଗର୍ଭୋଽଦିତେଃ ପୁତ୍ରଃ ଶଂଖଃ ଶିଶିରନାଶନଃ ‖ 12 ‖

ଵ୍ଯୋମନାଥ ସ୍ତମୋଭେଦୀ ଋଗ୍ଯଜୁଃସାମ-ପାରଗଃ |
ଘନଵୃଷ୍ଟି ରପାଂ ମିତ୍ରୋ ଵିଂଧ୍ଯଵୀଥୀ ପ୍ଲଵଂଗମଃ ‖ 13 ‖

ଆତପୀ ମଂଡଲୀ ମୃତ୍ଯୁଃ ପିଂଗଳଃ ସର୍ଵତାପନଃ |
କଵିର୍ଵିଶ୍ଵୋ ମହାତେଜା ରକ୍ତଃ ସର୍ଵଭଵୋଦ୍ଭଵଃ ‖ 14 ‖

ନକ୍ଷତ୍ର ଗ୍ରହ ତାରାଣାମ୍ ଅଧିପୋ ଵିଶ୍ଵଭାଵନଃ |
ତେଜସାମପି ତେଜସ୍ଵୀ ଦ୍ଵାଦଶାତ୍ମନ୍-ନମୋଽସ୍ତୁ ତେ ‖ 15 ‖

ନମଃ ପୂର୍ଵାଯ ଗିରଯେ ପଶ୍ଚିମାଯାଦ୍ରଯେ ନମଃ |
ଜ୍ଯୋତିର୍ଗଣାନାଂ ପତଯେ ଦିନାଧିପତଯେ ନମଃ ‖ 16 ‖

ଜଯାଯ ଜଯଭଦ୍ରାଯ ହର୍ଯଶ୍ଵାଯ ନମୋ ନମଃ |
ନମୋ ନମଃ ସହସ୍ରାଂଶୋ ଆଦିତ୍ଯାଯ ନମୋ ନମଃ ‖ 17 ‖

ନମ ଉଗ୍ରାଯ ଵୀରାଯ ସାରଂଗାଯ ନମୋ ନମଃ |
ନମଃ ପଦ୍ମପ୍ରବୋଧାଯ ମାର୍ତାଂଡାଯ ନମୋ ନମଃ ‖ 18 ‖

ବ୍ରହ୍ମେଶାନାଚ୍ଯୁତେଶାଯ ସୂର୍ଯାଯାଦିତ୍ଯ-ଵର୍ଚସେ |
ଭାସ୍ଵତେ ସର୍ଵଭକ୍ଷାଯ ରୌଦ୍ରାଯ ଵପୁଷେ ନମଃ ‖ 19 ‖

ତମୋଘ୍ନାଯ ହିମଘ୍ନାଯ ଶତ୍ରୁଘ୍ନାଯା ମିତାତ୍ମନେ |
କୃତଘ୍ନଘ୍ନାଯ ଦେଵାଯ ଜ୍ଯୋତିଷାଂ ପତଯେ ନମଃ ‖ 20 ‖

ତପ୍ତ ଚାମୀକରାଭାଯ ଵହ୍ନଯେ ଵିଶ୍ଵକର୍ମଣେ |
ନମସ୍ତମୋଽଭି ନିଘ୍ନାଯ ରୁଚଯେ ଲୋକସାକ୍ଷିଣେ ‖ 21 ‖

ନାଶଯତ୍ଯେଷ ଵୈ ଭୂତଂ ତଦେଵ ସୃଜତି ପ୍ରଭୁଃ |
ପାଯତ୍ଯେଷ ତପତ୍ଯେଷ ଵର୍ଷତ୍ଯେଷ ଗଭସ୍ତିଭିଃ ‖ 22 ‖

ଏଷ ସୁପ୍ତେଷୁ ଜାଗର୍ତି ଭୂତେଷୁ ପରିନିଷ୍ଠିତଃ |
ଏଷ ଏଵାଗ୍ନିହୋତ୍ରଂ ଚ ଫଲଂ ଚୈଵାଗ୍ନି ହୋତ୍ରିଣାମ୍ ‖ 23 ‖

ଵେଦାଶ୍ଚ କ୍ରତଵଶ୍ଚୈଵ କ୍ରତୂନାଂ ଫଲମେଵ ଚ |
ଯାନି କୃତ୍ଯାନି ଲୋକେଷୁ ସର୍ଵ ଏଷ ରଵିଃ ପ୍ରଭୁଃ ‖ 24 ‖

ଫଲଶ୍ରୁତିଃ

ଏନ ମାପତ୍ସୁ କୃଚ୍ଛ୍ରେଷୁ କାଂତାରେଷୁ ଭଯେଷୁ ଚ |
କୀର୍ତଯନ୍ ପୁରୁଷଃ କଶ୍ଚିନ୍-ନାଵଶୀଦତି ରାଘଵ ‖ 25 ‖

ପୂଜଯସ୍ଵୈନ ମେକାଗ୍ରୋ ଦେଵଦେଵଂ ଜଗତ୍ପତିମ୍ |
ଏତତ୍ ତ୍ରିଗୁଣିତଂ ଜପ୍ତ୍ଵା ଯୁଦ୍ଧେଷୁ ଵିଜଯିଷ୍ଯସି ‖ 26 ‖

ଅସ୍ମିନ୍ କ୍ଷଣେ ମହାବାହୋ ରାଵଣଂ ତ୍ଵଂ ଵଧିଷ୍ଯସି |
ଏଵମୁକ୍ତ୍ଵା ତଦାଗସ୍ତ୍ଯୋ ଜଗାମ ଚ ଯଥାଗତମ୍ ‖ 27 ‖

ଏତଚ୍ଛ୍ରୁତ୍ଵା ମହାତେଜାଃ ନଷ୍ଟଶୋକୋଽଭଵତ୍-ତଦା |
ଧାରଯାମାସ ସୁପ୍ରୀତୋ ରାଘଵଃ ପ୍ରଯତାତ୍ମଵାନ୍ ‖ 28 ‖

ଆଦିତ୍ଯଂ ପ୍ରେକ୍ଷ୍ଯ ଜପ୍ତ୍ଵା ତୁ ପରଂ ହର୍ଷମଵାପ୍ତଵାନ୍ |
ତ୍ରିରାଚମ୍ଯ ଶୁଚିର୍ଭୂତ୍ଵା ଧନୁରାଦାଯ ଵୀର୍ଯଵାନ୍ ‖ 29 ‖

ରାଵଣଂ ପ୍ରେକ୍ଷ୍ଯ ହୃଷ୍ଟାତ୍ମା ଯୁଦ୍ଧାଯ ସମୁପାଗମତ୍ |
ସର୍ଵଯତ୍ନେନ ମହତା ଵଧେ ତସ୍ଯ ଧୃତୋଽଭଵତ୍ ‖ 30 ‖

ଅଧ ରଵିରଵଦନ୍-ନିରୀକ୍ଷ୍ଯ ରାମଂ ମୁଦିତମନାଃ ପରମଂ ପ୍ରହୃଷ୍ଯମାଣଃ |
ନିଶିଚରପତି ସଂକ୍ଷଯଂ ଵିଦିତ୍ଵା ସୁରଗଣ ମଧ୍ଯଗତୋ ଵଚସ୍ତ୍ଵରେତି ‖ 31 ‖

ଇତ୍ଯାର୍ଷେ ଶ୍ରୀମଦ୍ରାମାଯଣେ ଵାଲ୍ମିକୀଯେ ଆଦିକାଵ୍ଯେ ଯୁଦ୍ଦକାଂଡେ ସପ୍ତୋତ୍ତର ଶତତମଃ ସର୍ଗଃ ‖