Annamayya Keerthanas Tirumala Giri Raaya - Telugu

Collection of Spiritual and Devotional Literature in Various Indian Languages

View this in:

This document is in సరళ తెలుగు with simplified anusvaras. View this in శుద్ధ తెలుగు, with correct anusvaras marked.

అన్నమయ్య కీర్తన తిరుమల గిరి రాయ

తిరుమలగిరిరాయ దేవరాహుత్తరాయ ।
సురతబిన్నాణరాయ సుగుణకోనేటిరాయ ॥

సిరులసింగారరాయ చెలువపుతిమ్మరాయ ।
సరసవైభవరాయ సకలవినోదరాయ ।
వరవసంతములరాయ వనితలవిటరాయ ।
గురుతైన తేగరాయ కొండలకోనేటిరాయ ॥

గొల్లెతలవుద్దండరాయ గోపాలకృష్ణరాయ ।
చల్లువెదజాణరాయ చల్లబరిమళరాయ ।
చెల్లుబడిధర్మరాయ చెప్పరానివలరాయ ।
కొల్లలైన భోగరాయ కొండలకోనేటిరాయ ॥

సామసంగీతరాయ సర్వమోహనరాయ ।
ధామవైకుంఠరాయ దైత్యవిభాళరాయ ।
కామించి నిన్ను గోరితే గరుణించితివి నన్ను ।
శ్రీమంతుడ నీకు జయ శ్రీవేంకటరాయ ॥

Browse Related Categories: