PDF, Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |
This document is in సరళ తెలుగు with simplified anusvaras. View this in శుద్ధ తెలుగు, with correct anusvaras marked.

అన్నమయ్య కీర్తన సర్వాంతరాత్ముడవు

సర్వాంతరాత్ముడవు శరణాగతుడ నేను ।
సర్వాపరాధినైతి చాలుజాలునయ్యా ॥

వూరకున్నజీవునికి వొక్కొక్క స్వతంత్రమిచ్చి ।
కోరేటియపరాధాలు కొన్ని వేసి ।
నేరకుంటే నరకము నేరిచితే స్వర్గమంటూ ।
దూరువేసేవింతేకాక దోషమెవ్వరిదయ్యా ॥

మనసు చూడవలసి మాయలు నీవే కప్పి ।
జనులకు విషయాలు చవులుచూపి ।
కనుగొంటే మోక్షమిచ్చి కానకుంటె కర్మమిచ్చి ।
ఘనము సేసేవిందు కర్తలెవ్వరయ్యా ॥

వున్నారు ప్రాణులెల్లా నొక్కనీగర్భములోనే ।
కన్నకన్న భ్రమతలే కల్పించి ।
యిన్నిటా శ్రీవేంకటేశ యేలితివి మమ్ము నిట్టె ।
నిన్ను నన్ను నెంచుకుంటే నీకే తెలియునయ్యా ॥







Browse Related Categories: