Annamayya Keerthanas Nanati Bathuku - Telugu

Collection of Spiritual and Devotional Literature in Various Indian Languages

View this in:

This document is in సరళ తెలుగు with simplified anusvaras. View this in శుద్ధ తెలుగు, with correct anusvaras marked.

అన్నమయ్య కీర్తన నానాటి బతుకు

రాగం: ముఖారి

నానాటి బతుకు నాటకము
కానక కన్నది కైవల్యము ॥

పుట్టుటయు నిజము, పోవుటయు నిజము
నట్టనడిమీ పని నాటకము ।
యెట్టనెదుటి కలదీ ప్రపంచము
కట్ట గడపటిది కైవల్యము ॥

కుడిచేదన్నము కోక చుట్టెడిది
నడుమంత్రపు పని నాటకము ।
వొడి కట్టుకొనిన ఉభయ కర్మములు
గడి దాటినపుడే కైవల్యము ॥

తెగదు పాపము, తీరదు పుణ్యము
నగి నగి కాలము నాటకము ।
ఎగువనే శ్రీ వేంకటేశ్వరుడేలిక
గగనము మీదిది కైవల్యము ॥

Browse Related Categories: