Annamayya Keerthanas Kanti Nakhilaanda - Telugu

Collection of Spiritual and Devotional Literature in Various Indian Languages

View this in:

This document is in సరళ తెలుగు with simplified anusvaras. View this in శుద్ధ తెలుగు, with correct anusvaras marked.

అన్నమయ్య కీర్తన కంటి నఖిలాండ

కంటి నఖిలాండ తతి కర్తనధికుని గంటి ।
కంటి నఘములు వీడుకొంటి నిజమూర్తి గంటి ॥

మహనీయ ఘన ఫణామణుల శైలము గంటి ।
బహు విభవముల మంటపములు గంటి ।
సహజ నవరత్న కాంచన వేదికలు గంటి ।
రహి వహించిన గోపురములవె కంటి ॥

పావనంబైన పాపవినాశము గంటి ।
కైవశంబగు గగన గంగ గంటి ।
దైవికపు పుణ్యతీర్థములెల్ల బొడగంటి ।
కోవిదులు గొనియాడు కోనేరి గంటి ॥

పరమ యోగీంద్రులకు భావగోచరమైన ।
సరిలేని పాదాంబుజముల గంటి ।
తిరమైన గిరిచూపు దివ్యహస్తము గంటి ।
తిరు వేంకటాచలాధిపు జూడగంటి ॥

Browse Related Categories: