Annamayya Keerthanas Ippuditu Kalaganti - Telugu

Collection of Spiritual and Devotional Literature in Various Indian Languages

View this in:

This document is in సరళ తెలుగు with simplified anusvaras. View this in శుద్ధ తెలుగు, with correct anusvaras marked.

అన్నమయ్య కీర్తన ఇప్పుడిటు కలగన్టి

రాగం: భూపాళం

ఇప్పుడిటు కలగంటి నెల్లలోకములకు ।
అప్పడగు తిరువేంకటాద్రీశు గంటి ॥

అతిశయంబైన శేషాద్రిశిఖరము గంటి ।
ప్రతిలేని గోపుర ప్రభలు గంటి ।
శతకోటి సూర్య తేజములు వెలుగగ గంటి ।
చతురాస్యు బొడగంటి చయ్యన మేల్కొంటి ॥

కనకరత్న కవాట కాంతు లిరుగడగంటి ।
ఘనమైన దీపసంఘములు గంటి ।
అనుపమ మణీమయమ్మగు కిరీటము గంటి ।
కనకాంబరము గంటి గ్రక్కన మేల్కొంటి ॥

అరుదైన శంఖ చక్రాదు లిరుగడ గంటి ।
సరిలేని యభయ హస్తము గంటి ।
తిరువేంకటాచలాధిపుని జూడగ గంటి ।
హరి గంటి గురు గంటి నంతట మేల్కంటి ॥

Browse Related Categories: