Annamayya Keerthanas Emoko Chigurutadharamuna - Telugu

కలికి చకోరాక్షికి కడకన్నులు కెంపైతోచిన ।
చెలువంబిప్పుడిదేమో చింతింపరేచెలులు ।
నలువున ప్రాణేశ్వరునిపై నాటినయాకొనచూపులు ।
నిలువునపెరుకగనంటిన నెత్తురుకాదుకదా ॥

పడతికి చనుగవమెరుగులు పైపై పయ్యెద వెలుపల ।
కడుమించిన విధమేమో కనుగొనరే చెలులు ।
వుడుగని వేడుకతో ప్రియుడొత్తిన నఖశశిరేఖలు ।
వెడలగవేసవికాలపు వెన్నెలకాదుకదా ॥

ముద్దియ చెక్కుల కెలకుల ముత్యపు జల్లుల చేర్పుల ।
వొద్దికలాగులివేమో ఊహింపరే చెలులు ।
గద్దరి తిరువేంకటపతి కొగిటియధరామృతముల ।
అద్దిన సురతపు చెమటల అందము కాదు కదా ॥

Browse Related Categories: