Annamayya Keerthanas Chaaladaa Hari Naama - Telugu

Collection of Spiritual and Devotional Literature in Various Indian Languages

View this in:

This document is in సరళ తెలుగు with simplified anusvaras. View this in శుద్ధ తెలుగు, with correct anusvaras marked.

అన్నమయ్య కీర్తన చాలదా హరి నామ

రాగము : హంసధ్వని

చాలదా హరి నామ సౌఖ్యామృతము దమకు ।
చాలదా హితవైన చవులెల్లను నొసగ ॥

ఇది యొకటి హరి నామ మింతైన జాలదా ।
చెదరకీ జన్మముల చెరలు విడిపించ ।
మదినొకటె హరినామ మంత్రమది చాలదా ।
పదివేల నరక కూపముల వెడలించ ॥

కలదొకటి హరినామ కనకాద్రి చాలదా ।
తొలగుమని దారిద్ర్యదోషంబు చెరుచ ।
తెలివొకటి హరినామదీప మది చాలదా ।
కలుషంపు కఠిన చీకటి పారద్రోల ॥

తగువేంకటేశు కీర్తనమొకటి చాలదా ।
జగములో కల్పభూజంబు వలె నుండ ।
సొగసి యీవిభుని దాసుల కరుణ చాలదా ।
నగవు జూపులను నున్నతమెపుడు జూప ॥

Browse Related Categories: