Annamayya Keerthanas Bhaavamu Lona - Telugu

Collection of Spiritual and Devotional Literature in Various Indian Languages

View this in:

This document is in సరళ తెలుగు with simplified anusvaras. View this in శుద్ధ తెలుగు, with correct anusvaras marked.

అన్నమయ్య కీర్తన భావము లోన

రాగం: దేసాక్షి

భావములోనా బాహ్యమునందును ।
గోవింద గోవిందయని కొలువవో మనసా ॥

హరి యవతారములే యఖిల దేవతలు
హరి లోనివే బ్రహ్మాండంబులు ।
హరి నామములే అన్ని మంత్రములు
హరి హరి హరి హరి యనవో మనసా ॥

విష్ణుని మహిమలే విహిత కర్మములు
విష్ణుని పొగడెడి వేదంబులు ।
విష్ణుడొక్కడే విశ్వాంతరాత్ముడు
విష్ణువు విష్ణువని వెదకవో మనసా ॥

అచ్యుతుడితడే ఆదియు నంత్యము
అచ్యుతుడే యసురాంతకుడు ।
అచ్యుతుడు శ్రీవేంకటాద్రి మీదనిదె
అచ్యుత యచ్యుత శరణనవో మనసా ॥

Browse Related Categories: