Annamayya Keerthanas Alarulu Kuriyaga - Telugu

Collection of Spiritual and Devotional Literature in Various Indian Languages

View this in:

This document is in సరళ తెలుగు with simplified anusvaras. View this in శుద్ధ తెలుగు, with correct anusvaras marked.

అన్నమయ్య కీర్తన అలరులు కురియగ

రాగం: ధీర శంకరాభరణం

అలరులు గురియగ నాడెనదే ।
అలకల గులుకుల నలమేలుమంగ ॥

అరవిరి సొబగుల నతివలు మెచ్చగ
అర తెర మరుగున నాడె నదే ।
వరుసగ పూర్వదు వాళపు తిరుపుల
హరి గరగింపుచు నలమేలుమంగ ॥

మట్టపు మలపుల మట్టెలకెలపుల
తట్టెడి నడపుల దాటెనదే ।
పెట్టిన వజ్రపు పెండెపు దళుకులు
అట్టిట్టు చిమ్ముచు నలమేలుమంగ ॥

చిందుల పాటల శిరిపొలయాటల
అందెల మ్రోతల నాడె నదే ।
కందువ తిరువెంకటపతి మెచ్చగ
అందపు తిరుపుల నలమేలుమంగ ॥

Browse Related Categories: