அத2 நவமோத்4யாய: ।
ஶ்ரீப4க3வானுவாச ।
இத3ம் து தே கு3ஹ்யதமம் ப்ரவக்ஷ்யாம்யனஸூயவே ।
ஜ்ஞானம் விஜ்ஞானஸஹிதம் யஜ்ஜ்ஞாத்வா மோக்ஷ்யஸேஶுபா4த் ॥ 1 ॥
ராஜவித்3யா ராஜகு3ஹ்யம் பவித்ரமித3முத்தமம் ।
ப்ரத்யக்ஷாவக3மம் த4ர்ம்யம் ஸுஸுக2ம் கர்துமவ்யயம் ॥ 2 ॥
அஶ்ரத்3த3தா4னா: புருஷா த4ர்மஸ்யாஸ்ய பரன்தப ।
அப்ராப்ய மாம் நிவர்தன்தே ம்ருத்யுஸம்ஸாரவர்த்மனி ॥ 3 ॥
மயா ததமித3ம் ஸர்வம் ஜக3த3வ்யக்தமூர்தினா ।
மத்ஸ்தா2னி ஸர்வபூ4தானி ந சாஹம் தேஷ்வவஸ்தி2த: ॥ 4 ॥
ந ச மத்ஸ்தா2னி பூ4தானி பஶ்ய மே யோக3மைஶ்வரம் ।
பூ4தப்4ருன்ன ச பூ4தஸ்தோ2 மமாத்மா பூ4தபா4வன: ॥ 5 ॥
யதா2காஶஸ்தி2தோ நித்யம் வாயு: ஸர்வத்ரகோ3 மஹான் ।
ததா2 ஸர்வாணி பூ4தானி மத்ஸ்தா2னீத்யுபதா4ரய ॥ 6 ॥
ஸர்வபூ4தானி கௌன்தேய ப்ரக்ருதிம் யான்தி மாமிகாம் ।
கல்பக்ஷயே புனஸ்தானி கல்பாதௌ3 விஸ்ருஜாம்யஹம் ॥ 7 ॥
ப்ரக்ருதிம் ஸ்வாமவஷ்டப்4ய விஸ்ருஜாமி புன: புன: ।
பூ4தக்3ராமமிமம் க்ருத்ஸ்னமவஶம் ப்ரக்ருதேர்வஶாத் ॥ 8 ॥
ந ச மாம் தானி கர்மாணி நிப3த்4னந்தி த4னஞ்ஜய ।
உதா3ஸீனவதா3ஸீனமஸக்தம் தேஷு கர்மஸு ॥ 9 ॥
மயாத்4யக்ஷேண ப்ரக்ருதி: ஸூயதே ஸசராசரம் ।
ஹேதுனானேன கௌன்தேய ஜக3த்3விபரிவர்ததே ॥ 1௦ ॥
அவஜானந்தி மாம் மூடா4 மானுஷீம் தனுமாஶ்ரிதம் ।
பரம் பா4வமஜானந்தோ மம பூ4தமஹேஶ்வரம் ॥ 11 ॥
மோகா4ஶா மோக4கர்மாணோ மோகஜ4்ஞானா விசேதஸ: ।
ராக்ஷஸீமாஸுரீம் சைவ ப்ரக்ருதிம் மோஹினீம் ஶ்ரிதா: ॥ 12 ॥
மஹாத்மானஸ்து மாம் பார்த2 தை3வீம் ப்ரக்ருதிமாஶ்ரிதா: ।
பஜ4ன்த்யனந்யமனஸோ ஜ்ஞாத்வா பூ4தாதி3மவ்யயம் ॥ 13 ॥
ஸததம் கீர்தயன்தோ மாம் யதன்தஶ்ச த்3ருட4வ்ரதா: ।
நமஸ்யன்தஶ்ச மாம் ப4க்த்யா நித்யயுக்தா உபாஸதே ॥ 14 ॥
ஜ்ஞானயஜ்ஞேன சாப்யன்யே யஜன்தோ மாமுபாஸதே ।
ஏகத்வேன ப்ருத2க்த்வேன ப3ஹுதா4 விஶ்வதோமுக2ம் ॥ 15 ॥
அஹம் க்ரதுரஹம் யஜ்ஞ: ஸ்வதா4ஹமஹமௌஷத4ம் ।
மன்த்ரோஹமஹமேவாஜ்யமஹமக்3னிரஹம் ஹுதம் ॥ 16 ॥
பிதாஹமஸ்ய ஜக3தோ மாதா தா4தா பிதாமஹ: ।
வேத்3யம் பவித்ரமோங்கார ருக்ஸாம யஜுரேவ ச ॥ 17 ॥
க3திர்ப4ர்தா ப்ரபு4: ஸாக்ஷீ நிவாஸ: ஶரணம் ஸுஹ்ருத் ।
ப்ரப4வ: ப்ரலய: ஸ்தா2னம் நிதா4னம் பீ3ஜமவ்யயம் ॥ 18 ॥
தபாம்யஹமஹம் வர்ஷம் நிக்3ருஹ்ணாம்யுத்ஸ்ருஜாமி ச ।
அம்ருதம் சைவ ம்ருத்யுஶ்ச ஸத3ஸச்சாஹமர்ஜுன ॥ 19 ॥
த்ரைவித்3யா மாம் ஸோமபா: பூதபாபா யஜ்ஞைரிஷ்ட்வா ஸ்வர்க3திம் ப்ரார்த2யன்தே।
தே புண்யமாஸாத்3ய ஸுரேன்த்3ரலோகமஶ்னந்தி தி3வ்யான்தி3வி தே3வபோ4கா3ன் ॥ 2௦ ॥
தே தம் பு4க்த்வா ஸ்வர்க3லோகம் விஶாலம் க்ஷீணே புண்யே மர்த்யலோகம் விஶன்தி।
ஏவம் த்ரயீத4ர்மமனுப்ரபன்னா க3தாக3தம் காமகாமா லப4ன்தே ॥ 21 ॥
அனந்யாஶ்சின்தயன்தோ மாம் யே ஜனா: பர்யுபாஸதே ।
ஏஷாம் நித்யாபி4யுக்தானாம் யோக3க்ஷேமம் வஹாம்யஹம் ॥ 22॥
யேப்யன்யதே3வதா ப4க்தா யஜன்தே ஶ்ரத்3த4யான்விதா: ।
தேபி மாமேவ கௌன்தேய யஜன்த்யவிதி4பூர்வகம் ॥ 23 ॥
அஹம் ஹி ஸர்வயஜ்ஞானாம் போ4க்தா ச ப்ரபு4ரேவ ச ।
ந து மாமபி4ஜானந்தி தத்த்வேனாதஶ்ச்யவன்தி தே ॥ 24 ॥
யான்தி தே3வவ்ரதா தே3வான்பித்ரூன்யான்தி பித்ருவ்ரதா: ।
பூ4தானி யான்தி பூ4தேஜ்யா யான்தி மத்3யாஜினோபி மாம் ॥ 25 ॥
பத்ரம் புஷ்பம் ப2லம் தோயம் யோ மே ப4க்த்யா ப்ரயச்ச2தி ।
தத3ஹம் ப4க்த்யுபஹ்ருதமஶ்னாமி ப்ரயதாத்மன: ॥ 26 ॥
யத்கரோஷி யத3ஶ்னாஸி யஜ்ஜுஹோஷி த3தா3ஸி யத் ।
யத்தபஸ்யஸி கௌன்தேய தத்குருஷ்வ மத3ர்பணம் ॥ 27 ॥
ஶுபா4ஶுப4ப2லைரேவம் மோக்ஷ்யஸே கர்மப3ன்த4னை: ।
ஸம்ன்யாஸயோக3யுக்தாத்மா விமுக்தோ மாமுபைஷ்யஸி ॥ 28 ॥
ஸமோஹம் ஸர்வபூ4தேஷு ந மே த்3வேஷ்யோஸ்தி ந ப்ரிய: ।
யே பஜ4ன்தி து மாம் ப4க்த்யா மயி தே தேஷு சாப்யஹம் ॥ 29 ॥
அபி சேத்ஸுது3ராசாரோ பஜ4தே மாமனந்யபா4க் ।
ஸாது4ரேவ ஸ மன்தவ்ய: ஸம்யக்3வ்யவஸிதோ ஹி ஸ: ॥ 3௦ ॥
க்ஷிப்ரம் ப4வதி த4ர்மாத்மா ஶஶ்வச்சா2ன்திம் நிக3ச்ச2தி ।
கௌன்தேய ப்ரதிஜானீஹி ந மே ப4க்த: ப்ரணஶ்யதி ॥ 31 ॥
மாம் ஹி பார்த2 வ்யபாஶ்ரித்ய யேபி ஸ்யு: பாபயோனய: ।
ஸ்த்ரியோ வைஶ்யாஸ்ததா2 ஶூத்3ராஸ்தேபி யான்தி பராம் க3திம் ॥ 32 ॥
கிம் புனர்ப்3ராஹ்மணா: புண்யா ப4க்தா ராஜர்ஷயஸ்ததா2 ।
அனித்யமஸுக2ம் லோகமிமம் ப்ராப்ய பஜ4ஸ்வ மாம் ॥ 33 ॥
மன்மனா ப4வ மத்3ப4க்தோ மத்3யாஜீ மாம் நமஸ்குரு ।
மாமேவைஷ்யஸி யுக்த்வைவமாத்மானம் மத்பராயண: ॥ 34 ॥
ஓம் தத்ஸதி3தி ஶ்ரீமத்3ப4க3வத்3கீ3தாஸூபனிஷத்ஸு ப்3ரஹ்மவித்3யாயாம் யோக3ஶாஸ்த்ரே ஶ்ரீக்ருஷ்ணார்ஜுனஸம்வாதே3
ராஜவித்3யாராஜகு3ஹ்யயோகோ3 நாம நவமோத்4யாய: ॥9 ॥
Browse Related Categories:
