ஜ்ஞானானந்த3மயம் தே3வம் நிர்மலஸ்ப2டிகாக்ருதிம்
ஆதா4ரம் ஸர்வவித்3யானாம் ஹயக்3ரீவமுபாஸ்மஹே ॥1॥
ஸ்வதஸ்ஸித்3த4ம் ஶுத்3த4ஸ்ப2டிகமணிபூ4 ப்4ருத்ப்ரதிப4டம்
ஸுதா4ஸத்4ரீசீபி4ர்த்3யுதிபி4ரவதா3தத்ரிபு4வனம்
அனந்தைஸ்த்ரய்யன்தைரனுவிஹித ஹேஷாஹலஹலம்
ஹதாஶேஷாவத்3யம் ஹயவத3னமீடே3மஹிமஹ: ॥2॥
ஸமாஹாரஸ்ஸாம்னாம் ப்ரதிபத3ம்ருசாம் தா4ம யஜுஷாம்
லய: ப்ரத்யூஹானாம் லஹரிவிததிர்போ3தஜ4லதே4:
கதா2த3ர்பக்ஷுப்4யத்கத2ககுலகோலாஹலப4வம்
ஹரத்வன்தர்த்4வான்தம் ஹயவத3னஹேஷாஹலஹல: ॥3॥
ப்ராசீ ஸன்த்4யா காசித3ன்தர்னிஶாயா:
ப்ரஜ்ஞாத்3ருஷ்டே ரஞ்ஜனஶ்ரீரபூர்வா
வக்த்ரீ வேதா3ன் பா4து மே வாஜிவக்த்ரா
வாகீ3ஶாக்2யா வாஸுதே3வஸ்ய மூர்தி: ॥4॥
விஶுத்3த4விஜ்ஞானக4னஸ்வரூபம்
விஜ்ஞானவிஶ்ராணனப3த்3த4தீ3க்ஷம்
த3யானிதி4ம் தே3ஹப்4ருதாம் ஶரண்யம்
தே3வம் ஹயக்3ரீவமஹம் ப்ரபத்3யே ॥5॥
அபௌருஷேயைரபி வாக்ப்ரபஞ்சை:
அத்3யாபி தே பூ4திமத்3ருஷ்டபாராம்
ஸ்துவன்னஹம் முக்3த4 இதி த்வயைவ
காருண்யதோ நாத2 கடாக்ஷணீய: ॥6॥
தா3க்ஷிண்யரம்யா கி3ரிஶஸ்ய மூர்தி:-
தே3வீ ஸரோஜாஸனத4ர்மபத்னீ
வ்யாஸாத3யோபி வ்யபதே3ஶ்யவாச:
ஸ்பு2ரன்தி ஸர்வே தவ ஶக்திலேஶை: ॥7॥
மன்தோ3ப4விஷ்யன்னியதம் விரிஞ்ச:
வாசாம் நிதே4ர்வாஞ்சி2தபா4க3தே4ய:
தை3த்யாபனீதான் த3யயைன பூ4யோபி
அத்4யாபயிஷ்யோ நிக3மான்னசேத்த்வம் ॥8॥
விதர்கடோ3லாம் வ்யவதூ4ய ஸத்த்வே
ப்3ருஹஸ்பதிம் வர்தயஸே யதஸ்த்வம்
தேனைவ தே3வ த்ரிதே3ஶேஶ்வராணா
அஸ்ப்ருஷ்டடோ3லாயிதமாதி4ராஜ்யம் ॥9॥
அக்3னௌ ஸமித்3தா4ர்சிஷி ஸப்ததன்தோ:
ஆதஸ்தி2வான்மன்த்ரமயம் ஶரீரம்
அக2ண்ட3ஸாரைர்ஹவிஷாம் ப்ரதா3னை:
ஆப்யாயனம் வ்யோமஸதா3ம் வித4த்ஸே ॥1௦॥
யன்மூல மீத்3ருக்ப்ரதிபா4தத்த்வம்
யா மூலமாம்னாயமஹாத்3ருமாணாம்
தத்த்வேன ஜானந்தி விஶுத்3த4ஸத்த்வா:
த்வாமக்ஷராமக்ஷரமாத்ருகாம் த்வாம் ॥11॥
அவ்யாக்ருதாத்3வ்யாக்ருதவானஸி த்வம்
நாமானி ரூபாணி ச யானி பூர்வம்
ஶம்ஸன்தி தேஷாம் சரமாம் ப்ரதிஷ்டா2ம்
வாகீ3ஶ்வர த்வாம் த்வது3பஜ்ஞவாச: ॥12॥
முக்3தே4ன்து3னிஷ்யன்த3விலோப4னீயாம்
மூர்திம் தவானந்த3ஸுதா4ப்ரஸூதிம்
விபஶ்சிதஶ்சேதஸி பா4வயன்தே
வேலாமுதா3ராமிவ து3க்3த4 ஸின்தோ4: ॥13॥
மனோக3தம் பஶ்யதி யஸ்ஸதா3 த்வாம்
மனீஷிணாம் மானஸராஜஹம்ஸம்
ஸ்வயம்புரோபா4வவிவாத3பா4ஜ:
கிங்குர்வதே தஸ்ய கி3ரோ யதா2ர்ஹம் ॥14॥
அபி க்ஷணார்த4ம் கலயன்தி யே த்வாம்
ஆப்லாவயன்தம் விஶதை3ர்மயூகை2:
வாசாம் ப்ரவாஹைரனிவாரிதைஸ்தே
மன்தா3கினீம் மன்த3யிதும் க்ஷமன்தே ॥15॥
ஸ்வாமின்ப4வத்3த்3யானஸுதா4பி4ஷேகாத்
வஹன்தி த4ன்யா: புலகானுப3ன்த3ம்
அலக்ஷிதே க்வாபி நிரூட4 மூலம்
அங்க்3வேஷ்வி வானந்த3து2மங்குரன்தம் ॥16॥
ஸ்வாமின்ப்ரதீசா ஹ்ருத3யேன த4ன்யா:
த்வத்3த்4யானசன்த்3ரோத3யவர்த4மானம்
அமான்தமானந்த3பயோதி4மன்த:
பயோபி4 ரக்ஷ்ணாம் பரிவாஹயன்தி ॥17॥
ஸ்வைரானுபா4வாஸ் த்வத3தீ4னபா4வா:
ஸம்ருத்3த4வீர்யாஸ்த்வத3னுக்3ரஹேண
விபஶ்சிதோனாத2 தரன்தி மாயாம்
வைஹாரிகீம் மோஹனபிஞ்சி2காம் தே ॥18॥
ப்ராங்னிர்மிதானாம் தபஸாம் விபாகா:
ப்ரத்யக்3ரனிஶ்ஶ்ரேயஸஸம்பதோ3 மே
ஸமேதி4ஷீரம் ஸ்தவ பாத3பத்3மே
ஸங்கல்பசின்தாமணய: ப்ரணாமா: ॥19॥
விலுப்தமூர்த4ன்யலிபிக்ரமாணா
ஸுரேன்த்3ரசூடா3பத3லாலிதானாம்
த்வத3ங்க்4ரி ராஜீவரஜ:கணானாம்
பூ4யான்ப்ரஸாதோ3 மயி நாத2 பூ4யாத் ॥2௦॥
பரிஸ்பு2ரன்னூபுரசித்ரபா4னு –
ப்ரகாஶனிர்தூ4ததமோனுஷங்கா3
பத3த்3வயீம் தே பரிசின்மஹேன்த:
ப்ரபோ3த4ராஜீவவிபா4தஸன்த்4யாம் ॥21॥
த்வத்கிங்கராலங்கரணோசிதானாம்
த்வயைவ கல்பான்தரபாலிதானாம்
மஞ்ஜுப்ரணாத3ம் மணினூபுரம் தே
மஞ்ஜூஷிகாம் வேத3கி3ராம் ப்ரதீம: ॥22॥
ஸஞ்சின்தயாமி ப்ரதிபா4த3ஶாஸ்தா2ன்
ஸன்து4க்ஷயன்தம் ஸமயப்ரதீ3பான்
விஜ்ஞானகல்பத்3ருமபல்லவாப4ம்
வ்யாக்2யானமுத்3ராமது4ரம் கரம் தே ॥23॥
சித்தே கரோமி ஸ்பு2ரிதாக்ஷமாலம்
ஸவ்யேதரம் நாத2 கரம் த்வதீ3யம்
ஜ்ஞானாம்ருதோத3ஞ்சனலம்படானாம்
லீலாக4டீயன்த்ரமிவாஶ்ரிதானாம் ॥24॥
ப்ரபோ3த4ஸின்தோ4ரருணை: ப்ரகாஶை:
ப்ரவால்த3ஸங்கா4தமிவோத்3வஹன்தம்
விபா4வயே தே3வ ஸ புஸ்தகம் தே
வாமம் கரம் த3க்ஷிணமாஶ்ரிதானாம் ॥25॥
தமாம் ஸிபி4த்த்வாவிஶதை3ர்மயூகை2:
ஸம்ப்ரீணயன்தம் விது3ஷஶ்சகோரான்
நிஶாமயே த்வாம் நவபுண்ட3ரீகே
ஶரத்3க4னேசன்த்3ரமிவ ஸ்பு2ரன்தம் ॥26॥
தி3ஶன்து மே தே3வ ஸதா3 த்வதீ3யா:
த3யாதரங்கா3னுசரா: கடாக்ஷா:
ஶ்ரோத்ரேஷு பும்ஸாமம்ருதங்க்ஷரன்தீம்
ஸரஸ்வதீம் ஸம்ஶ்ரிதகாமதே4னும் ॥27॥
விஶேஷவித்பாரிஷதே3ஷு நாத2
வித3க்3த4கோ3ஷ்டீ2 ஸமராங்க3ணேஷு
ஜிகீ3ஷதோ மே கவிதார்கிகேன்த்3ரான்
ஜிஹ்வாக்3ரஸிம்ஹாஸனமப்4யுபேயா: ॥28॥
த்வாம் சின்தயன் த்வன்மயதாம் ப்ரபன்ன:
த்வாமுத்3க்3ருணன் ஶப்3த3மயேன தா4ம்னா
ஸ்வாமின்ஸமாஜேஷு ஸமேதி4ஷீய
ஸ்வச்ச2ன்த3வாதா3ஹவப3த்3த4ஶூர: ॥29॥
நானாவிதா4னாமக3தி: கலானாம்
ந சாபி தீர்தே2ஷு க்ருதாவதார:
த்4ருவம் தவானாத4 பரிக்3ரஹாயா:
நவ நவம் பாத்ரமஹம் த3யாயா: ॥3௦॥
அகம்பனீயான்யபனீதிபே4தை3:
அலங்க்ருஷீரன் ஹ்ருத3யம் மதீ3யம்
ஶங்கா கல்த3ங்கா பக3மோஜ்ஜ்வலானி
தத்த்வானி ஸம்யஞ்சி தவ ப்ரஸாதா3த் ॥31॥
வ்யாக்2யாமுத்3ராம் கரஸரஸிஜை: புஸ்தகம் ஶங்க3சக்ரே
பி4ப்4ரத்3பி4ன்ன ஸ்ப2டிகருசிரே புண்ட3ரீகே நிஷண்ண: ।
அம்லானஶ்ரீரம்ருதவிஶதை3ரம்ஶுபி4: ப்லாவயன்மாம்
ஆவிர்பூ4யாத3னக4மஹிமாமானஸே வாக3தீ4ஶ: ॥32॥
வாக3ர்த2ஸித்3தி4ஹேதோ:பட2த ஹயக்3ரீவஸம்ஸ்துதிம் ப4க்த்யா
கவிதார்கிககேஸரிணா வேங்கடனாதே2ன விரசிதாமேதாம் ॥33॥
Browse Related Categories:
