அத² த்³விதீயோத்⁴யாய: ॥

த்⁴யானம் ஶ்ருணு மஹாதே³வி ஸர்வானந்த³ப்ரதா³யகம் ।
ஸர்வஸௌக்²யகரம் சைவ பு⁴க்திமுக்திப்ரதா³யகம் ॥ 1௦9 ॥

ஶ்ரீமத்பரம் ப்³ரஹ்ம கு³ரும் ஸ்மராமி
ஶ்ரீமத்பரம் ப்³ரஹ்ம கு³ரும் பஜ⁴ாமி ।
ஶ்ரீமத்பரம் ப்³ரஹ்ம கு³ரும் வதா³மி
ஶ்ரீமத்பரம் ப்³ரஹ்ம கு³ரும் நமாமி ॥ 11௦ ॥

ப்³ரஹ்மானந்த³ம் பரமஸுக²த³ம் கேவலம் ஜ்ஞானமூர்திம்
த்³வன்த்³வாதீதம் க³க³னஸத்³ருஶம் தத்த்வமஸ்யாதி³லக்ஷ்யம் ।
ஏகம் நித்யம் விமலமசலம் ஸர்வதீ⁴ஸாக்ஷிபூ⁴தம்
பா⁴வாதீதம் த்ரிகு³ணரஹிதம் ஸத்³கு³ரும் தம் நமாமி ॥ 111 ॥

ஹ்ருத³ம்பு³ஜே கர்ணிகமத்⁴யஸம்ஸ்தே²
ஸிம்ஹாஸனே ஸம்ஸ்தி²ததி³வ்யமூர்திம் ।
த்⁴யாயேத்³கு³ரும் சன்த்³ரகலாப்ரகாஶம்
ஸச்சித்ஸுகா²பீ⁴ஷ்டவரம் த³தா⁴னம் ॥ 112 ॥

ஶ்வேதாம்ப³ரம் ஶ்வேதவிலேபபுஷ்பம்
முக்தாவிபூ⁴ஷம் முதி³தம் த்³வினேத்ரம் ।
வாமாங்கபீட²ஸ்தி²ததி³வ்யஶக்திம்
மன்த³ஸ்மிதம் பூர்ணக்ருபானிதா⁴னம் ॥ 113 ॥

ஆனந்த³மானந்த³கரம் ப்ரஸன்னம்
ஜ்ஞானஸ்வரூபம் நிஜபா⁴வயுக்தம் ।
யோகீ³ன்த்³ரமீட்³யம் ப⁴வரோக³வைத்³யம்
ஶ்ரீமத்³கு³ரும் நித்யமஹம் நமாமி ॥ 114 ॥

வன்தே³ கு³ரூணாம் சரணாரவின்த³ம்
ஸன்த³ர்ஶிதஸ்வாத்மஸுகா²வபோ³தே⁴ ।
ஜனஸ்ய யே ஜாங்க³லிகாயமானே
ஸம்ஸாரஹாலாஹலமோஹஶான்த்யை ॥ 115 ॥

யஸ்மின் ஸ்ருஷ்டிஸ்தி²தித்⁴வம்ஸனிக்³ரஹானுக்³ரஹாத்மகம் ।
க்ருத்யம் பஞ்சவித⁴ம் ஶஶ்வத் பா⁴ஸதே தம் கு³ரும் பஜ⁴ேத் ॥ 116 ॥

பாதா³ப்³ஜே ஸர்வஸம்ஸாரதா³வகாலானலம் ஸ்வகே ।
ப்³ரஹ்மரன்த்⁴ரே ஸ்தி²தாம்போ⁴ஜமத்⁴யஸ்த²ம் சன்த்³ரமண்ட³லம் ॥ 117 ॥

அகதா²தி³த்ரிரேகா²ப்³ஜே ஸஹஸ்ரத³ல்த³மண்ட³லே ।
ஹம்ஸபார்ஶ்வத்ரிகோணே ச ஸ்மரேத்தன்மத்⁴யக³ம் கு³ரும் ॥ 118 ॥

நித்யம் ஶுத்³த⁴ம் நிராபா⁴ஸம் நிராகாரம் நிரஞ்ஜனம் ।
நித்யபோ³த⁴ம் சிதா³னந்த³ம் கு³ரும் ப்³ரஹ்ம நமாம்யஹம் ॥ 119 ॥

ஸகலபு⁴வனஸ்ருஷ்டி: கல்பிதாஶேஷஸ்ருஷ்டி:
நிகி²லனிக³மத்³ருஷ்டி: ஸத்பதா³ர்தை²கஸ்ருஷ்டி: ।
அதத்³க³ணபரமேஷ்டி: ஸத்பதா³ர்தை²கத்³ருஷ்டி:
ப⁴வகு³ணபரமேஷ்டிர்மோக்ஷமார்கை³கத்³ருஷ்டி: ॥ 12௦ ॥

ஸகலபு⁴வனரங்க³ஸ்தா²பனாஸ்தம்ப⁴யஷ்டி:
ஸகருணரஸவ்ருஷ்டிஸ்தத்த்வமாலாஸமஷ்டி: ।
ஸகலஸமயஸ்ருஷ்டிஸ்ஸச்சிதா³னந்த³த்³ருஷ்டி:
நிவஸது மயி நித்யம் ஶ்ரீகு³ரோர்தி³வ்யத்³ருஷ்டி: ॥ 121 ॥

ந கு³ரோரதி⁴கம் ந கு³ரோரதி⁴கம்
ந கு³ரோரதி⁴கம் ந கு³ரோரதி⁴கம் ।
ஶிவஶாஸனத: ஶிவஶாஸனத:
ஶிவஶாஸனத: ஶிவஶாஸனத: ॥ 122 ॥

இத³மேவ ஶிவம் இத³மேவ ஶிவம்
இத³மேவ ஶிவம் இத³மேவ ஶிவம் ।
ஹரிஶாஸனதோ ஹரிஶாஸனதோ
ஹரிஶாஸனதோ ஹரிஶாஸனத: ॥ 123 ॥

விதி³தம் விதி³தம் விதி³தம் விதி³தம்
விஜனம் விஜனம் விஜனம் விஜனம் ।
விதி⁴ஶாஸனதோ விதி⁴ஶாஸனதோ
விதி⁴ஶாஸனதோ விதி⁴ஶாஸனத: ॥ 124 ॥

ஏவம்வித⁴ம் கு³ரும் த்⁴யாத்வா ஜ்ஞானமுத்பத்³யதே ஸ்வயம் ।
ததா³ கு³ரூபதே³ஶேன முக்தோஹமிதி பா⁴வயேத் ॥ 125 ॥

கு³ரூபதி³ஷ்டமார்கே³ண மனஶ்ஶுத்³தி⁴ம் து காரயேத் ।
அனித்யம் க²ண்ட³யேத்ஸர்வம் யத்கிஞ்சிதா³த்மகோ³சரம் ॥ 126 ॥

ஜ்ஞேயம் ஸர்வம் ப்ரதீதம் ச ஜ்ஞானம் ச மன உச்யதே ।
ஜ்ஞானம் ஜ்ஞேயம் ஸமம் குர்யான்னான்ய: பன்தா² த்³விதீயக: ॥ 127 ॥

கிமத்ர ப³ஹுனோக்தேன ஶாஸ்த்ரகோடிஶதைரபி ।
து³ர்லபா⁴ சித்தவிஶ்ரான்தி: வினா கு³ருக்ருபாம் பராம் ॥ 128 ॥

கருணாக²ட்³க³பாதேன சி²த்வா பாஶாஷ்டகம் ஶிஶோ: ।
ஸம்யகா³னந்தஜ³னக: ஸத்³கு³ரு: ஸோபி⁴தீ⁴யதே ॥ 129 ॥

ஏவம் ஶ்ருத்வா மஹாதே³வி கு³ருனின்தா³ம் கரோதி ய: ।
ஸ யாதி நரகான் கோ⁴ரான் யாவச்சன்த்³ரதி³வாகரௌ ॥ 13௦ ॥

யாவத்கல்பான்தகோ தே³ஹஸ்தாவத்³தே³வி கு³ரும் ஸ்மரேத் ।
கு³ருலோபோ ந கர்தவ்ய: ஸ்வச்ச²ன்தோ³ யதி³ வா ப⁴வேத் ॥ 131 ॥

ஹுங்காரேண ந வக்தவ்யம் ப்ராஜ்ஞஶிஷ்யை: கதா³சன ।
கு³ரோரக்³ர ந வக்தவ்யமஸத்யம் து கதா³சன ॥ 132 ॥

கு³ரும் த்வங்க்ருத்ய ஹுங்க்ருத்ய கு³ருஸான்னித்⁴யபா⁴ஷண: ।
அரண்யே நிர்ஜலே தே³ஶே ஸம்ப⁴வேத்³ ப்³ரஹ்மராக்ஷஸ: ॥ 133 ॥

அத்³வைதம் பா⁴வயேன்னித்யம் ஸர்வாவஸ்தா²ஸு ஸர்வதா³ ।
கதா³சித³பி நோ குர்யாத³த்³வைதம் கு³ருஸன்னிதௌ⁴ ॥ 134 ॥

த்³ருஶ்யவிஸ்ம்ருதிபர்யன்தம் குர்யாத்³ கு³ருபதா³ர்சனம் ।
தாத்³ருஶஸ்யைவ கைவல்யம் ந ச தத்³வ்யதிரேகிண: ॥ 135 ॥

அபி ஸம்பூர்ணதத்த்வஜ்ஞோ கு³ருத்யாகீ³ ப⁴வேத்³யதா³ ।
ப⁴வத்யேவ ஹி தஸ்யான்தகாலே விக்ஷேபமுத்கடம் ॥ 136 ॥

கு³ருகார்யம் ந லங்கே⁴த நாப்ருஷ்ட்வா கார்யமாசரேத் ।
ந ஹ்யுத்திஷ்டே²த்³தி³ஶேனத்வா கு³ருஸத்³பா⁴வஶோபி⁴த: ॥ 137 ॥

கு³ரௌ ஸதி ஸ்வயம் தே³வி பரேஷாம் து கதா³சன ।
உபதே³ஶம் ந வை குர்யாத் ததா² சேத்³ராக்ஷஸோ ப⁴வேத் ॥ 138 ॥

ந கு³ரோராஶ்ரமே குர்யாத் து³ஷ்பானம் பரிஸர்பணம் ।
தீ³க்ஷா வ்யாக்²யா ப்ரபு⁴த்வாதி³ கு³ரோராஜ்ஞாம் ந காரயேத் ॥ 139 ॥

நோபாஶ்ரயம் ச பர்யகம் ந ச பாத³ப்ரஸாரணம் ।
நாங்க³போ⁴கா³தி³கம் குர்யான்ன லீலாமபராமபி ॥ 14௦ ॥

கு³ரூணாம் ஸத³ஸத்³வாபி யது³க்தம் தன்ன லங்க⁴யேத் ।
குர்வன்னாஜ்ஞாம் தி³வா ராத்ரௌ தா³ஸவன்னிவஸேத்³கு³ரோ ॥ 141 ॥

அத³த்தம் ந கு³ரோர்த்³ரவ்யமுபபு⁴ஞ்ஜீத கர்ஹிசித் ।
த³த்தே ச ரங்கவத்³க்³ராஹ்யம் ப்ராணோப்யேதேன லப்⁴யதே ॥ 142 ॥

பாது³காஸனஶய்யாதி³ கு³ருணா யத³பீ⁴ஷ்டிதம் ।
நமஸ்குர்வீத தத்ஸர்வம் பாதா³ப்⁴யாம் ந ஸ்ப்ருஶேத் க்வசித் ॥ 143 ॥

க³ச்ச²த: ப்ருஷ்ட²தோ க³ச்சே²த் கு³ருச்சா²யாம் ந லங்க⁴யேத் ।
நோல்ப³ணம் தா⁴ரயேத்³வேஷம் நாலங்காராம்ஸ்ததோல்ப³ணான் ॥ 144 ॥

கு³ருனின்தா³கரம் த்³ருஷ்ட்வா தா⁴வயேத³த² வாஸயேத் ।
ஸ்தா²னம் வா தத்பரித்யாஜ்யம் ஜிஹ்வாச்சே²தா³க்ஷமோ யதி³ ॥ 145 ॥

நோச்சி²ஷ்டம் கஸ்யசித்³தே³யம் கு³ரோராஜ்ஞாம் ந ச த்யஜேத் ।
க்ருத்ஸ்னமுச்சி²ஷ்டமாதா³ய ஹவிரிவ ப⁴க்ஷயேத்ஸ்வயம் ॥ 146 ॥

நான்ருதம் நாப்ரியம் சைவ ந க³ர்வம் நாபி வா ப³ஹு ।
ந நியோக³பரம் ப்³ரூயாத் கு³ரோராஜ்ஞாம் விபா⁴வயேத் ॥ 147 ॥

ப்ரபோ⁴ தே³வகுலேஶானாம் ஸ்வாமின் ராஜன் குலேஶ்வர ।
இதி ஸம்போ³த⁴னைர்பீ⁴தோ கு³ருபா⁴வேன ஸர்வதா³ ॥ 148 ॥

முனிபி⁴: பன்னகை³ர்வாபி ஸுரைர்வா ஶாபிதோ யதி³ ।
காலம்ருத்யுப⁴யாத்³வாபி கு³ரு: ஸன்த்ராதி பார்வதி ॥ 149 ॥

அஶக்தா ஹி ஸுராத்³யாஶ்ச ஹ்யஶக்தா: முனயஸ்ததா² ।
கு³ருஶாபோபபன்னஸ்ய ரக்ஷணாய ச குத்ரசித் ॥ 15௦ ॥

மன்த்ரராஜமித³ம் தே³வி கு³ருரித்யக்ஷரத்³வயம் ।
ஸ்ம்ருதிவேத³புராணானாம் ஸாரமேவ ந ஸம்ஶய: ॥ 151 ॥

ஸத்காரமானபூஜார்த²ம் த³ண்ட³காஷயதா⁴ரண: ।
ஸ ஸன்ன்யாஸீ ந வக்தவ்ய: ஸன்ன்யாஸீ ஜ்ஞானதத்பர: ॥ 152 ॥

விஜானந்தி மஹாவாக்யம் கு³ரோஶ்சரண ஸேவயா ।
தே வை ஸன்ன்யாஸின: ப்ரோக்தா இதரே வேஷதா⁴ரிண: ॥ 153 ॥

[ பாட²பே⁴த:³ –
நித்யம் ப்³ரஹ்ம நிராகாரம் நிர்கு³ணம் போ³த⁴யேத்பரம் ।
பா⁴ஸயன் ப்³ரஹ்மபா⁴வம் ச தீ³போ தீ³பான்தரம் யதா² ॥
]
நித்யம் ப்³ரஹ்ம நிராகாரம் நிர்கு³ணம் ஸத்யசித்³த⁴னம் ।
ய: ஸாக்ஷாத்குருதே லோகே கு³ருத்வம் தஸ்ய ஶோப⁴தே ॥ 154 ॥

கு³ருப்ரஸாத³த: ஸ்வாத்மன்யாத்மாராமனிரீக்ஷணாத் ।
ஸமதா முக்திமார்கே³ண ஸ்வாத்மஜ்ஞானம் ப்ரவர்ததே ॥ 155 ॥

ஆப்³ரஹ்மஸ்தம்ப³பர்யன்தம் பரமாத்மஸ்வரூபகம் ।
ஸ்தா²வரம் ஜங்க³மம் சைவ ப்ரணமாமி ஜக³ன்மயம் ॥ 156 ॥

வன்தே³ஹம் ஸச்சிதா³னந்த³ம் பா⁴வாதீதம் ஜக³த்³கு³ரும் ।
நித்யம் பூர்ணம் நிராகாரம் நிர்கு³ணம் ஸ்வாத்மஸம்ஸ்தி²தம் ॥ 157 ॥

பராத்பரதரம் த்⁴யாயேன்னித்யமானந்த³காரகம் ।
ஹ்ருத³யாகாஶமத்⁴யஸ்த²ம் ஶுத்³த⁴ஸ்ப²டிகஸன்னிப⁴ம் ॥ 158 ॥

ஸ்பா²டிகே ஸ்பா²டிகம் ரூபம் த³ர்பணே த³ர்பணோ யதா² ।
ததா²த்மனி சிதா³காரமானந்த³ம் ஸோஹமித்யுத ॥ 159 ॥

அங்கு³ஷ்ட²மாத்ரம் புருஷம் த்⁴யாயேச்ச சின்மயம் ஹ்ருதி³ ।
தத்ர ஸ்பு²ரதி யோ பா⁴வ: ஶ்ருணு தத்கத²யாமி தே ॥ 16௦ ॥

அஜோஹமமரோஹம் ச அனாதி³னித⁴னோ ஹ்யஹம் ।
அவிகாரஶ்சிதா³னந்தோ³ ஹ்யணீயான்மஹதோ மஹான் ॥ 161 ॥

அபூர்வமபரம் நித்யம் ஸ்வயஞ்ஜ்யோதிர்னிராமயம் ।
விரஜம் பரமாகாஶம் த்⁴ருவமானந்த³மவ்யயம் ॥ 162 ॥

அகோ³சரம் ததா²க³ம்யம் நாமரூபவிவர்ஜிதம் ।
நிஶ்ஶப்³த³ம் து விஜானீயாத்ஸ்வபா⁴வாத்³ப்³ரஹ்ம பார்வதி ॥ 163 ॥

யதா² க³ன்த⁴ஸ்வபா⁴வத்வம் கர்பூரகுஸுமாதி³ஷு ।
ஶீதோஷ்ணத்வஸ்வபா⁴வத்வம் ததா² ப்³ரஹ்மணி ஶாஶ்வதம் ॥ 164 ॥

யதா² நிஜஸ்வபா⁴வேன குண்ட³லே கடகாத³ய: ।
ஸுவர்ணத்வேன திஷ்ட²ன்தி ததா²ஹம் ப்³ரஹ்ம ஶாஶ்வதம் ॥ 165 ॥

ஸ்வயம் ததா²விதோ⁴ பூ⁴த்வா ஸ்தா²தவ்யம் யத்ர குத்ர சித் ।
கீடோ ப்⁴ருங்க³ இவ த்⁴யானாத்³யதா² ப⁴வதி தாத்³ருஶ: ॥ 166 ॥

கு³ருத்⁴யானம் ததா² க்ருத்வா ஸ்வயம் ப்³ரஹ்மமயோ ப⁴வேத் ।
பிண்டே³ பதே³ ததா² ரூபே முக்தாஸ்தே நாத்ர ஸம்ஶய: ॥ 167 ॥

ஶ்ரீபார்வதீ உவாச ।
பிண்ட³ம் கிம் து மஹாதே³வ பத³ம் கிம் ஸமுதா³ஹ்ருதம் ।
ரூபாதீதம் ச ரூபம் கிம் ஏததா³க்²யாஹி ஶங்கர ॥ 168 ॥

ஶ்ரீமஹாதே³வ உவாச ।
பிண்ட³ம் குண்ட³லினீ ஶக்தி: பத³ம் ஹம்ஸமுதா³ஹ்ருதம் ।
ரூபம் பி³ன்து³ரிதி ஜ்ஞேயம் ரூபாதீதம் நிரஞ்ஜனம் ॥ 169 ॥

பிண்டே³ முக்தா: பதே³ முக்தா ரூபே முக்தா வரானநே ।
ரூபாதீதே து யே முக்தாஸ்தே முக்தா நாத்ர ஸம்ஶய: ॥ 17௦ ॥

கு³ருர்த்⁴யானேனைவ நித்யம் தே³ஹீ ப்³ரஹ்மமயோ ப⁴வேத் ।
ஸ்தி²தஶ்ச யத்ர குத்ராபி முக்தோஸௌ நாத்ர ஸம்ஶய: ॥ 171 ॥

ஜ்ஞானம் வைராக்³யமைஶ்வர்யம் யஶஶ்ரீ: ஸ்வமுதா³ஹ்ருதம் ।
ஷட்³கு³ணைஶ்வர்யயுக்தோ ஹி ப⁴க³வான் ஶ்ரீகு³ரு: ப்ரியே ॥ 172 ॥

கு³ருஶ்ஶிவோ கு³ருர்தே³வோ கு³ருர்ப³ன்து⁴: ஶரீரிணாம் ।
கு³ருராத்மா கு³ருர்ஜீவோ கு³ரோரன்யன்ன வித்³யதே ॥ 173 ॥

ஏகாகீ நிஸ்ஸ்ப்ருஹ: ஶான்தஶ்சின்தாஸூயாதி³வர்ஜித: ।
பா³ல்யபா⁴வேன யோ பா⁴தி ப்³ரஹ்மஜ்ஞானீ ஸ உச்யதே ॥ 174 ॥

ந ஸுக²ம் வேத³ஶாஸ்த்ரேஷு ந ஸுக²ம் மன்த்ரயன்த்ரகே ।
கு³ரோ: ப்ரஸாதா³த³ன்யத்ர ஸுக²ம் நாஸ்தி மஹீதலே ॥ 175 ॥

சார்வாகவைஷ்ணவமதே ஸுக²ம் ப்ராபா⁴கரே ந ஹி ।
கு³ரோ: பாதா³ன்திகே யத்³வத்ஸுக²ம் வேதா³ன்தஸம்மதம் ॥ 176 ॥

ந தத்ஸுக²ம் ஸுரேன்த்³ரஸ்ய ந ஸுக²ம் சக்ரவர்தினாம் ।
யத்ஸுக²ம் வீதராக³ஸ்ய முனேரேகான்தவாஸின: ॥ 177 ॥

நித்யம் ப்³ரஹ்மரஸம் பீத்வா த்ருப்தோ ய: பரமாத்மனி ।
இன்த்³ரம் ச மன்யதே துச்ச²ம் ந்ருபாணாம் தத்ர கா கதா² ॥ 178 ॥

யத: பரமகைவல்யம் கு³ருமார்கே³ண வை ப⁴வேத் ।
கு³ருப⁴க்திரத: கார்யா ஸர்வதா³ மோக்ஷகாங்க்ஷிபி⁴: ॥ 179 ॥

ஏக ஏவாத்³விதீயோஹம் கு³ருவாக்யேன நிஶ்சித: ।
ஏவமப்⁴யஸ்யதா நித்யம் ந ஸேவ்யம் வை வனான்தரம் ॥ 18௦ ॥

அப்⁴யாஸான்னிமிஷேணைவ ஸமாதி⁴மதி⁴க³ச்ச²தி ।
ஆஜன்மஜனிதம் பாபம் தத்^க்ஷணாதே³வ நஶ்யதி ॥ 181 ॥

கிமாவாஹனமவ்யக்தே வ்யாபகே கிம் விஸர்ஜனம் ।
அமூர்தே ச கத²ம் பூஜா கத²ம் த்⁴யானம் நிராமயே ॥ 182 ॥

கு³ருர்விஷ்ணு: ஸத்த்வமயோ ராஜஸஶ்சதுரானந: ।
தாமஸோ ருத்³ரரூபேண ஸ்ருஜத்யவதி ஹன்தி ச ॥ 183 ॥

ஸ்வயம் ப்³ரஹ்மமயோ பூ⁴த்வா தத்பரம் சாவலோகயேத் ।
பராத்பரதரம் நான்யத் ஸர்வக³ம் தன்னிராமயம் ॥ 184 ॥

தஸ்யாவலோகனம் ப்ராப்ய ஸர்வஸங்க³விவர்ஜித: ।
ஏகாகீ நிஸ்ஸ்ப்ருஹ: ஶான்த: ஸ்தா²தவ்யம் தத்ப்ரஸாத³த: ॥ 185 ॥

லப்³த⁴ம் வாத² ந லப்³த⁴ம் வா ஸ்வல்பம் வா ப³ஹுல்த³ம் ததா² ।
நிஷ்காமேனைவ போ⁴க்தவ்யம் ஸதா³ ஸன்துஷ்டமானஸ: ॥ 186 ॥

ஸர்வஜ்ஞபத³மித்யாஹுர்தே³ஹீ ஸர்வமயோ பு⁴வி ।
ஸதா³னந்த:³ ஸதா³ ஶான்தோ ரமதே யத்ர குத்ர சித் ॥ 187 ॥

யத்ரைவ திஷ்ட²தே ஸோபி ஸ தே³ஶ: புண்யபா⁴ஜன: ।
முக்தஸ்ய லக்ஷணம் தே³வி தவாக்³ரே கதி²தம் மயா ॥ 188 ॥

உபதே³ஶஸ்த்வயம் தே³வி கு³ருமார்கே³ண முக்தித:³ ।
கு³ருப⁴க்தி: ததா²த்யன்தா கர்தவ்யா வை மனீஷிபி⁴: ॥ 189 ॥

நித்யயுக்தாஶ்ரய: ஸர்வவேத³க்ருத்ஸர்வவேத³க்ருத் ।
ஸ்வபரஜ்ஞானதா³தா ச தம் வன்தே³ கு³ருமீஶ்வரம் ॥ 19௦ ॥

யத்³யப்யதீ⁴தா நிக³மா: ஷட³ங்கா³ ஆக³மா: ப்ரியே ।
அத்⁴யாத்மாதீ³னி ஶாஸ்த்ராணி ஜ்ஞானம் நாஸ்தி கு³ரும் வினா ॥ 191 ॥

ஶிவபூஜாரதோ வாபி விஷ்ணுபூஜாரதோத²வா ।
கு³ருதத்த்வவிஹீனஶ்சேத்தத்ஸர்வம் வ்யர்த²மேவ ஹி ॥ 192 ॥

ஶிவஸ்வரூபமஜ்ஞாத்வா ஶிவபூஜா க்ருதா யதி³ ।
ஸா பூஜா நாமமாத்ரம் ஸ்யாச்சித்ரதீ³ப இவ ப்ரியே ॥ 193 ॥

ஸர்வம் ஸ்யாத்ஸப²லம் கர்ம கு³ருதீ³க்ஷாப்ரபா⁴வத: ।
கு³ருலாபா⁴த்ஸர்வலாபோ⁴ கு³ருஹீனஸ்து பா³லிஶ: ॥ 194 ॥

கு³ருஹீன: பஶு: கீட: பதங்கோ³ வக்துமர்ஹதி ।
ஶிவரூபம் ஸ்வரூபம் ச ந ஜானாதி யதஸ்ஸ்வயம் ॥ 195 ॥

தஸ்மாத்ஸர்வப்ரயத்னேன ஸர்வஸங்க³விவர்ஜித: ।
விஹாய ஶாஸ்த்ரஜாலானி கு³ருமேவ ஸமாஶ்ரயேத் ॥ 196 ॥

நிரஸ்தஸர்வஸன்தே³ஹோ ஏகீக்ருத்ய ஸுத³ர்ஶனம் ।
ரஹஸ்யம் யோ த³ர்ஶயதி பஜ⁴ாமி கு³ருமீஶ்வரம் ॥ 197 ॥

ஜ்ஞானஹீனோ கு³ருஸ்த்யாஜ்யோ மித்²யாவாதீ³ விட³ம்ப³க: ।
ஸ்வவிஶ்ரான்திம் ந ஜானாதி பரஶான்திம் கரோதி கிம் ॥ 198 ॥

ஶிலாயா: கிம் பரம் ஜ்ஞானம் ஶிலாஸங்க⁴ப்ரதாரணே ।
ஸ்வயம் தர்தும் ந ஜானாதி பரம் நிஸ்தாரயேத் கத²ம் ॥ 199 ॥

ந வன்த³னீயாஸ்தே கஷ்டம் த³ர்ஶனாத்³ப்⁴ரான்திகாரகா: ।
வர்ஜயேத்தான் கு³ரூன் தூ³ரே தீ⁴ரஸ்ய து ஸமாஶ்ரயேத் ॥ 2௦௦ ॥

பாஷண்டி³ன: பாபரதா: நாஸ்திகா பே⁴த³பு³த்³த⁴ய: ।
ஸ்த்ரீலம்படா து³ராசாரா: க்ருதக்⁴னா ப³கவ்ருத்தய: ॥ 2௦1 ॥

கர்மப்⁴ரஷ்டா: க்ஷமானஷ்டா நின்த்³யதர்கைஶ்ச வாதி³ன: ।
காமின: க்ரோதி⁴னஶ்சைவ ஹிம்ஸ்ராஶ்சண்டா³: ஶடா²ஸ்ததா² ॥ 2௦2 ॥

ஜ்ஞானலுப்தா ந கர்தவ்யா மஹாபாபாஸ்ததா² ப்ரியே ।
ஏப்⁴யோ பி⁴ன்னோ கு³ரு: ஸேவ்ய: ஏகப⁴க்த்யா விசார்ய ச ॥ 2௦3 ॥

ஶிஷ்யாத³ன்யத்ர தே³வேஶி ந வதே³த்³யஸ்ய கஸ்யசித் ।
நராணாம் ச ப²லப்ராப்தௌ ப⁴க்திரேவ ஹி காரணம் ॥ 2௦4 ॥

கூ³டோ⁴ த்³ருட⁴ஶ்ச ப்ரீதஶ்ச மௌனேன ஸுஸமாஹித: ।
ஸக்ருத்காமக³தோ வாபி பஞ்சதா⁴ கு³ருரீரித: ॥ 2௦5 ॥

ஸர்வம் கு³ருமுகா²ல்லப்³த⁴ம் ஸப²லம் பாபனாஶனம் ।
யத்³யதா³த்மஹிதம் வஸ்து தத்தத்³த்³ரவ்யம் ந வஞ்சயேத் ॥ 2௦6 ॥

கு³ருதே³வார்பணம் வஸ்து தேன துஷ்டோஸ்மி ஸுவ்ரதே ।
ஶ்ரீகு³ரோ: பாது³காம் முத்³ராம் மூலமன்த்ரம் ச கோ³பயேத் ॥ 2௦7 ॥

நதாஸ்மி தே நாத² பதா³ரவின்த³ம்
பு³த்³தீ⁴ன்த்³ரியப்ராணமனோவசோபி⁴: ।
யச்சின்த்யதே பா⁴வித ஆத்மயுக்தௌ
முமுக்ஷிபி⁴: கர்மமயோபஶான்தயே ॥ 2௦8 ॥

அனேன யத்³ப⁴வேத்கார்யம் தத்³வதா³மி தவ ப்ரியே ।
லோகோபகாரகம் தே³வி லௌகிகம் து விவர்ஜயேத் ॥ 2௦9 ॥

லௌகிகாத்³த⁴ர்மதோ யாதி ஜ்ஞானஹீனோ ப⁴வார்ணவே ।
ஜ்ஞானபா⁴வே ச யத்ஸர்வம் கர்ம நிஷ்கர்ம ஶாம்யதி ॥ 21௦ ॥

இமாம் து ப⁴க்திபா⁴வேன படே²த்³வை ஶ்ருணுயாத³பி ।
லிகி²த்வா யத்ப்ரதா³னேன தத்ஸர்வம் ப²லமஶ்னுதே ॥ 211 ॥

கு³ருகீ³தாமிமாம் தே³வி ஹ்ருதி³ நித்யம் விபா⁴வய ।
மஹாவ்யாதி⁴க³தைர்து³:கை²: ஸர்வதா³ ப்ரஜபேன்முதா³ ॥ 212 ॥

கு³ருகீ³தாக்ஷரைகைகம் மன்த்ரராஜமித³ம் ப்ரியே ।
அன்யே ச விவிதா⁴: மன்த்ரா: கலாம் நார்ஹன்தி ஷோட³ஶீம் ॥ 213 ॥

அனந்த ப²லமாப்னோதி கு³ருகீ³தா ஜபேன து ।
ஸர்வபாபஹரா தே³வி ஸர்வதா³ரித்³ர்யனாஶினீ ॥ 214 ॥

அகாலம்ருத்யுஹரா சைவ ஸர்வஸங்கடனாஶினீ ।
யக்ஷராக்ஷஸபூ⁴தாதி³சோரவ்யாக்⁴ரவிகா⁴தினீ ॥ 215 ॥

ஸர்வோபத்³ரவகுஷ்டா²தி³து³ஷ்டதோ³ஷனிவாரிணீ ।
யத்ப²லம் கு³ருஸான்னித்⁴யாத்தத்ப²லம் பட²னாத்³ப⁴வேத் ॥ 216 ॥

மஹாவ்யாதி⁴ஹரா ஸர்வவிபூ⁴தே: ஸித்³தி⁴தா³ ப⁴வேத் ।
அத²வா மோஹனே வஶ்யே ஸ்வயமேவ ஜபேத்ஸதா³ ॥ 217 ॥

குஶதூ³ர்வாஸனே தே³வி ஹ்யாஸனே ஶுப்⁴ரகம்ப³லே ।
உபவிஶ்ய ததோ தே³வி ஜபேதே³காக்³ரமானஸ: ॥ 218 ॥

ஶுக்லம் ஸர்வத்ர வை ப்ரோக்தம் வஶ்யே ரக்தாஸனம் ப்ரியே ।
பத்³மாஸனே ஜபேன்னித்யம் ஶான்திவஶ்யகரம் பரம் ॥ 219 ॥

வஸ்த்ராஸனே ச தா³ரித்³ர்யம் பாஷாணே ரோக³ஸம்ப⁴வ: ।
மேதி³ன்யாம் து³:க²மாப்னோதி காஷ்டே² ப⁴வதி நிஷ்ப²லம் ॥ 22௦ ॥

க்ருஷ்ணாஜினே ஜ்ஞானஸித்³தி⁴: மோக்ஷஶ்ரீர்வ்யாக்⁴ரசர்மணி ।
குஶாஸனே ஜ்ஞானஸித்³தி⁴: ஸர்வஸித்³தி⁴ஸ்து கம்ப³லே ॥ 221 ॥

ஆக்³னேய்யாம் கர்ஷணம் சைவ வாயவ்யாம் ஶத்ருனாஶனம் ।
நைர்ருத்யாம் த³ர்ஶனம் சைவ ஈஶான்யாம் ஜ்ஞானமேவ ச ॥ 222 ॥

உத³ங்முக:² ஶான்திஜாப்யே வஶ்யே பூர்வமுக²ஸ்ததா² ।
யாம்யே து மாரணம் ப்ரோக்தம் பஶ்சிமே ச த⁴னாக³ம: ॥ 223 ॥

மோஹனம் ஸர்வபூ⁴தானாம் ப³ன்த⁴மோக்ஷகரம் பரம் ।
தே³வராஜப்ரியகரம் ராஜானம் வஶமானயேத் ॥ 224 ॥

முக²ஸ்தம்ப⁴கரம் சைவ கு³ணானாம் ச விவர்த⁴னம் ।
து³ஷ்கர்மனாஶனம் சைவ ததா² ஸத்கர்மஸித்³தி⁴த³ம் ॥ 225 ॥

அஸித்³த⁴ம் ஸாத⁴யேத்கார்யம் நவக்³ரஹப⁴யாபஹம் ।
து³:ஸ்வப்னநாஶனம் சைவ ஸுஸ்வப்னப²லதா³யகம் ॥ 226 ॥

மோஹஶான்திகரம் சைவ ப³ன்த⁴மோக்ஷகரம் பரம் ।
ஸ்வரூபஜ்ஞானநிலயம் கீ³தாஶாஸ்த்ரமித³ம் ஶிவே ॥ 227 ॥

யம் யம் சின்தயதே காமம் தம் தம் ப்ராப்னோதி நிஶ்சயம் ।
நித்யம் ஸௌபா⁴க்³யத³ம் புண்யம் தாபத்ரயகுலாபஹம் ॥ 228 ॥

ஸர்வஶான்திகரம் நித்யம் ததா² வன்த்⁴யா ஸுபுத்ரத³ம் ।
அவைத⁴வ்யகரம் ஸ்த்ரீணாம் ஸௌபா⁴க்³யஸ்ய விவர்த⁴னம் ॥ 229 ॥

ஆயுராரோக்³யமைஶ்வர்யம் புத்ரபௌத்ரவிவர்த⁴னம் ।
நிஷ்காமஜாபீ வித⁴வா படே²ன்மோக்ஷமவாப்னுயாத் ॥ 23௦ ॥

அவைத⁴வ்யம் ஸகாமா து லப⁴தே சான்யஜன்மனி ।
ஸர்வது³:க²மயம் விக்⁴னம் நாஶயேத்தாபஹாரகம் ॥ 231 ॥

ஸர்வபாபப்ரஶமனம் த⁴ர்மகாமார்த²மோக்ஷத³ம் ।
யம் யம் சின்தயதே காமம் தம் தம் ப்ராப்னோதி நிஶ்சிதம் ॥ 232 ॥

காம்யானாம் காமதே⁴னுர்வை கல்பதே கல்பபாத³ப: ।
சின்தாமணிஶ்சின்திதஸ்ய ஸர்வமங்க³ல்த³காரகம் ॥ 233 ॥

லிகி²த்வா பூஜயேத்³யஸ்து மோக்ஷஶ்ரியமவாப்னுயாத் ।
கு³ரூப⁴க்திர்விஶேஷேண ஜாயதே ஹ்ருதி³ ஸர்வதா³ ॥ 234 ॥

ஜபன்தி ஶாக்தா: ஸௌராஶ்ச கா³ணபத்யாஶ்ச வைஷ்ணவா: ।
ஶைவா: பாஶுபதா: ஸர்வே ஸத்யம் ஸத்யம் ந ஸம்ஶய: ॥ 235 ॥

இதி ஶ்ரீஸ்கன்த³புராணே உத்தரக²ண்டே³ உமாமஹேஶ்வர ஸம்வாதே³
ஶ்ரீ கு³ருகீ³தாயாம் த்³விதீயோத்⁴யாய: ॥