விராடனக3ரம் ரம்யம் க3ச்ச2மானோ யுதி4ஷ்டி2ர: ।
அஸ்துவன்மனஸா தே3வீம் து3ர்கா3ம் த்ரிபு4வனேஶ்வரீம் ॥ 1 ॥
யஶோதா3க3ர்ப4ஸம்பூ4தாம் நாராயணவரப்ரியாம் ।
நன்த3கோ3பகுலேஜாதாம் மங்க3ல்த்3யாம் குலவர்த4னீம் ॥ 2 ॥
கம்ஸவித்3ராவணகரீம் அஸுராணாம் க்ஷயங்கரீம் ।
ஶிலாதடவினிக்ஷிப்தாம் ஆகாஶம் ப்ரதிகா3மினீம் ॥ 3 ॥
வாஸுதே3வஸ்ய ப4கி3னீம் தி3வ்யமால்ய விபூ4ஷிதாம் ।
தி3வ்யாம்ப3ரத4ராம் தே3வீம் க2ட்3க3கே2டகதா4ரிணீம் ॥ 4 ॥
பா4ராவதரணே புண்யே யே ஸ்மரன்தி ஸதா3ஶிவாம் ।
தான்வை தாரயதே பாபாத் பங்கேகா3மிவ து3ர்ப3லாம் ॥ 5 ॥
ஸ்தோதும் ப்ரசக்ரமே பூ4யோ விவிதை4: ஸ்தோத்ரஸம்ப4வை: ।
ஆமன்த்ர்ய த3ர்ஶனாகாங்க்ஷீ ராஜா தே3வீம் ஸஹானுஜ: ॥ 6 ॥
நமோஸ்து வரதே3 க்ருஷ்ணே குமாரி ப்3ரஹ்மசாரிணி ।
பா3லார்க ஸத்3ருஶாகாரே பூர்ணசன்த்3ரனிபா4னநே ॥ 7 ॥
சதுர்பு4ஜே சதுர்வக்த்ரே பீனஶ்ரோணிபயோத4ரே ।
மயூரபிஞ்ச2வலயே கேயூராங்க3த3தா4ரிணி ॥ 8 ॥
பா4ஸி தே3வி யதா3 பத்3மா நாராயணபரிக்3ரஹ: ।
ஸ்வரூபம் ப்3ரஹ்மசர்யம் ச விஶத3ம் தவ கே2சரி ॥ 9 ॥
க்ருஷ்ணச்ச2விஸமா க்ருஷ்ணா ஸங்கர்ஷணஸமானநா ।
பி3ப்4ரதீ விபுலௌ பா3ஹூ ஶக்ரத்4வஜஸமுச்ச்2ரயௌ ॥ 1௦ ॥
பாத்ரீ ச பங்கஜீ கண்டீ2 ஸ்த்ரீ விஶுத்3தா4 ச யா பு4வி ।
பாஶம் த4னுர்மஹாசக்ரம் விவிதா4ன்யாயுதா4னி ச ॥ 11 ॥
குண்ட3லாப்4யாம் ஸுபூர்ணாப்4யாம் கர்ணாப்4யாம் ச விபூ4ஷிதா ।
சன்த்3ரவிஸ்பார்தி4னா தே3வி முகே2ன த்வம் விராஜஸே ॥ 12 ॥
முகுடேன விசித்ரேண கேஶப3ன்தே4ன ஶோபி4னா ।
பு4ஜங்கா3போ4க3வாஸேன ஶ்ரோணிஸூத்ரேண ராஜதா ॥ 13 ॥
ப்4ராஜஸே சாவப3த்3தே4ன போ4கே3னேவேஹ மன்த3ர: ।
த்4வஜேன ஶிகி2பிஞ்சா2னாம் உச்ச்2ரிதேன விராஜஸே ॥ 14 ॥
கௌமாரம் வ்ரதமாஸ்தா2ய த்ரிதி3வம் பாவிதம் த்வயா ।
தேன த்வம் ஸ்தூயஸே தே3வி த்ரித3ஶை: பூஜ்யஸேபி ச ॥ 15 ॥
த்ரைலோக்ய ரக்ஷணார்தா2ய மஹிஷாஸுரனாஶினி ।
ப்ரஸன்னா மே ஸுரஶ்ரேஷ்டே2 த3யாம் குரு ஶிவா ப4வ ॥ 16 ॥
ஜயா த்வம் விஜயா சைவ ஸங்க்3ராமே ச ஜயப்ரதா3 ।
மமாபி விஜயம் தே3ஹி வரதா3 த்வம் ச ஸாம்ப்ரதம் ॥ 17 ॥
வின்த்4யே சைவ நக3ஶ்ரேஷ்டே தவ ஸ்தா2னம் ஹி ஶாஶ்வதம் ।
கால்தி3 கால்தி3 மஹாகால்தி3 ஸீது4மாம்ஸ பஶுப்ரியே ॥ 18 ॥
க்ருதானுயாத்ரா பூ4தைஸ்த்வம் வரதா3 காமசாரிணி ।
பா4ராவதாரே யே ச த்வாம் ஸம்ஸ்மரிஷ்யன்தி மானவா: ॥ 19 ॥
ப்ரணமன்தி ச யே த்வாம் ஹி ப்ரபா4தே து நரா பு4வி ।
ந தேஷாம் து3ர்லப4ம் கிஞ்சித் புத்ரதோ த4னதோபி வா ॥ 2௦ ॥
து3ர்கா3த்தாரயஸே து3ர்கே3 தத்வம் து3ர்கா3 ஸ்ம்ருதா ஜனை: ।
கான்தாரேஷ்வவபன்னானாம் மக்3னானாம் ச மஹார்ணவே ॥ 21 ॥
(த3ஸ்யுபி4ர்வா நிருத்3தா4னாம் த்வம் க3தி: பரமா ந்ருணாம)
ஜலப்ரதரணே சைவ கான்தாரேஷ்வடவீஷு ச ।
யே ஸ்மரன்தி மஹாதே3வீம் ந ச ஸீத3ன்தி தே நரா: ॥ 22 ॥
த்வம் கீர்தி: ஶ்ரீர்த்4ருதி: ஸித்3தி4: ஹ்ரீர்வித்3யா ஸன்ததிர்மதி: ।
ஸன்த்4யா ராத்ரி: ப்ரபா4 நித்3ரா ஜ்யோத்ஸ்னா கான்தி: க்ஷமா த3யா ॥ 23 ॥
ந்ருணாம் ச ப3ன்த4னம் மோஹம் புத்ரனாஶம் த4னக்ஷயம் ।
வ்யாதி4ம் ம்ருத்யும் ப4யம் சைவ பூஜிதா நாஶயிஷ்யஸி ॥ 24 ॥
ஸோஹம் ராஜ்யாத்பரிப்4ரஷ்ட: ஶரணம் த்வாம் ப்ரபன்னவான் ।
ப்ரணதஶ்ச யதா2 மூர்த்4னா தவ தே3வி ஸுரேஶ்வரி ॥ 25 ॥
த்ராஹி மாம் பத்3மபத்ராக்ஷி ஸத்யே ஸத்யா ப4வஸ்வ ந: ।
ஶரணம் ப4வ மே து3ர்கே3 ஶரண்யே ப4க்தவத்ஸலே ॥ 26 ॥
ஏவம் ஸ்துதா ஹி ஸா தே3வீ த3ர்ஶயாமாஸ பாண்ட3வம் ।
உபக3ம்ய து ராஜானமித3ம் வசனமப்3ரவீத் ॥ 27 ॥
ஶ்ருணு ராஜன் மஹாபா3ஹோ மதீ3யம் வசனம் ப்ரபோ4 ।
ப4விஷ்யத்யசிராதே3வ ஸங்க்3ராமே விஜயஸ்தவ ॥ 28 ॥
மம ப்ரஸாதா3ன்னிர்ஜித்ய ஹத்வா கௌரவ வாஹினீம் ।
ராஜ்யம் நிஷ்கண்டகம் க்ருத்வா போ4க்ஷ்யஸே மேதி3னீம் புன: ॥ 29 ॥
ப்4ராத்ருபி4: ஸஹிதோ ராஜன் ப்ரீதிம் ப்ராப்ஸ்யஸி புஷ்கலாம் ।
மத்ப்ரஸாதா3ச்ச தே ஸௌக்2யம் ஆரோக்3யம் ச ப4விஷ்யதி ॥ 3௦ ॥
யே ச ஸங்கீர்தயிஷ்யன்தி லோகே விக3தகல்மஷா: ।
தேஷாம் துஷ்டா ப்ரதா3ஸ்யாமி ராஜ்யமாயுர்வபுஸ்ஸுதம் ॥ 31 ॥
ப்ரவாஸே நக3ரே சாபி ஸங்க்3ராமே ஶத்ருஸங்கடே ।
அடவ்யாம் து3ர்க3கான்தாரே ஸாக3ரே க3ஹனே கி3ரௌ ॥ 32 ॥
யே ஸ்மரிஷ்யன்தி மாம் ராஜன் யதா2ஹம் ப4வதா ஸ்ம்ருதா ।
ந தேஷாம் து3ர்லப4ம் கிஞ்சித3ஸ்மின் லோகே ப4விஷ்யதி ॥ 33 ॥
ய இத3ம் பரமஸ்தோத்ரம் ப4க்த்யா ஶ்ருணுயாத்3வா படே2த வா ।
தஸ்ய ஸர்வாணி கார்யாணி ஸித்4தி4ம் யாஸ்யன்தி பாண்ட3வா: ॥ 34 ॥
மத்ப்ரஸாதா3ச்ச வஸ்ஸர்வான் விராடனக3ரே ஸ்தி2தான் ।
ந ப்ரஜ்ஞாஸ்யன்தி குரவ: நரா வா தன்னிவாஸின: ॥ 35 ॥
இத்யுக்த்வா வரதா3 தே3வீ யுதி4ஷ்டி2ரமரின்த3மம் ।
ரக்ஷாம் க்ருத்வா ச பாண்டூ3னாம் தத்ரைவான்தரதீ4யத ॥ 38 ॥
Browse Related Categories:
