ப3த்4னீமோ வயமஞ்ஜலிம் ப்ரதிதி3னம் ப3ன்த4ச்சி2தே3 தே3ஹினாம்
கன்த3ர்பாக3மதன்த்ரமூலகு3ரவே கல்யாணகேலீபு4வே ।
காமாக்ஷ்யா க4னஸாரபுஞ்ஜரஜஸே காமத்3ருஹஶ்சக்ஷுஷாம்
மன்தா3ரஸ்தப3கப்ரபா4மத3முஷே மன்த3ஸ்மிதஜ்யோதிஷே ॥1॥
ஸத்4ரீசே நவமல்லிகாஸுமனஸாம் நாஸாக்3ரமுக்தாமணே-
ராசார்யாய ம்ருணாலகாண்ட3மஹஸாம் நைஸர்கி3காய த்3விஷே ।
ஸ்வர்து4ன்யா ஸஹ யுத்4வேன ஹிமருசேரர்தா4ஸனாத்4யாஸினே
காமாக்ஷ்யா: ஸ்மிதமஞ்ஜரீத4வலிமாத்3வைதாய தஸ்மை நம: ॥2॥
கர்பூரத்3யுதிசாதுரீமதிதராமல்பீயஸீம் குர்வதீ
தௌ3ர்பா4க்3யோத3யமேவ ஸம்வித3த4தீ தௌ3ஷாகரீணாம் த்விஷாம் ।
க்ஷுல்லானேவ மனோஜ்ஞமல்லினிகரான்பு2ல்லானபி வ்யஞ்ஜதீ
காமாக்ஷ்யா ம்ருது3லஸ்மிதாம்ஶுலஹரீ காமப்ரஸூரஸ்து மே ॥3॥
யா பீனஸ்தனமண்ட3லோபரி லஸத்கர்பூரலேபாயதே
யா நீலேக்ஷணராத்ரிகான்திததிஷு ஜ்யோத்ஸ்னாப்ரரோஹாயதே ।
யா ஸௌன்த3ர்யது4னீதரங்க3ததிஷு வ்யாலோலஹம்ஸாயதே
காமாக்ஷ்யா: ஶிஶிரீகரோது ஹ்ருத3யம் ஸா மே ஸ்மிதப்ராசுரீ ॥4॥
யேஷாம் க3ச்ச2தி பூர்வபக்ஷஸரணிம் கௌமுத்3வத: ஶ்வேதிமா
யேஷாம் ஸன்ததமாருருக்ஷதி துலாகக்ஷ்யாம் ஶரச்சன்த்3ரமா: ।
யேஷாமிச்ச2தி கம்பு3ரப்யஸுலபா4மன்தேவஸத்ப்ரக்ரியாம்
காமாக்ஷ்யா மமதாம் ஹரன்து மம தே ஹாஸத்விஷாமங்குரா: ॥5॥
ஆஶாஸீமஸு ஸன்ததம் வித3த4தீ நைஶாகரீம் வ்யாக்ரியாம்
காஶானாமபி4மானப4ங்க3கலனாகௌஶல்யமாபி3ப்4ரதீ ।
ஈஶானேன விலோகிதா ஸகுதுகம் காமாக்ஷி தே கல்மஷ-
க்லேஶாபாயகரீ சகாஸ்தி லஹரீ மன்த3ஸ்மிதஜ்யோதிஷாம் ॥6॥
ஆரூட4ஸ்ய ஸமுன்னதஸ்தனதடீஸாம்ராஜ்யஸிம்ஹாஸனம்
கன்த3ர்பஸ்ய விபோ4ர்ஜக3த்த்ரயப்ராகட்யமுத்3ரானிதே4: ।
யஸ்யாஶ்சாமரசாதுரீம் கலயதே ரஶ்மிச்ச2டா சஞ்சலா
ஸா மன்த3ஸ்மிதமஞ்ஜரீ ப4வது ந: காமாய காமாக்ஷி தே ॥7॥
ஶம்போ4ர்யா பரிரம்ப4ஸம்ப்4ரமவிதௌ4 நைர்மல்யஸீமானிதி4:
கை3ர்வாணீவ தரங்கி3ணீ க்ருதம்ருது3ஸ்யன்தா3ம் கலின்தா3த்மஜாம் ।
கல்மாஷீகுருதே கலங்கஸுஷமாம் கண்ட2ஸ்த2லீசும்பி3னீம்
காமாக்ஷ்யா: ஸ்மிதகன்த3லீ ப4வது ந: கல்யாணஸன்தோ3ஹினீ ॥8॥
ஜேதும் ஹாரலதாமிவ ஸ்தனதடீம் ஸஞ்ஜக்3முஷீ ஸன்ததம்
க3ன்தும் நிர்மலதாமிவ த்3விகு3ணிதாம் மக்3னா க்ருபாஸ்த்ரோதஸி ।
லப்3து4ம் விஸ்மயனீயதாமிவ ஹரம் ராகா3குலம் குர்வதீ
மஞ்ஜுஸ்தே ஸ்மிதமஞ்ஜரீ ப4வப4யம் மத்2னாது காமாக்ஷி மே ॥9॥
ஶ்வேதாபி ப்ரகடம் நிஶாகரருசாம் மாலின்யமாதன்வதீ
ஶீதாபி ஸ்மரபாவகம் பஶுபதே: ஸன்து4க்ஷயன்தீ ஸதா3 ।
ஸ்வாபா4வ்யாத3த4ராஶ்ரிதாபி நமதாமுச்சைர்தி3ஶன்தீ க3திம்
காமாக்ஷி ஸ்பு2டமன்தரா ஸ்பு2ரது நஸ்த்வன்மன்த3ஹாஸப்ரபா4 ॥1௦॥
வக்த்ரஶ்ரீஸரஸீஜலே தரலிதப்4ரூவல்லிகல்லோலிதே
காலிம்னா த3த4தீ கடாக்ஷஜனுஷா மாது4வ்ரதீம் வ்யாப்ருதிம் ।
நிர்னித்3ராமலபுண்ட3ரீககுஹனாபாண்டி3த்யமாபி3ப்4ரதீ
காமாக்ஷ்யா: ஸ்மிதசாதுரீ மம மன: காதர்யமுன்மூலயேத் ॥11॥
நித்யம் பா3தி4தப3ன்து4ஜீவமத4ரம் மைத்ரீஜுஷம் பல்லவை:
ஶுத்3த4ஸ்ய த்3விஜமண்ட3லஸ்ய ச திரஸ்கர்தாரமப்யாஶ்ரிதா ।
யா வைமல்யவதீ ஸதை3வ நமதாம் சேத: புனீதேதராம்
காமாக்ஷ்யா ஹ்ருத3யம் ப்ரஸாத3யது மே ஸா மன்த3ஹாஸப்ரபா4 ॥12॥
த்3ருஹ்யன்தீ தமஸே முஹு: குமுதி3னீஸாஹாய்யமாபி3ப்4ரதீ
யான்தீ சன்த்3ரகிஶோரஶேக2ரவபு:ஸௌதா4ங்க3ணே ப்ரேங்க2ணம் ।
ஜ்ஞானாம்போ4னிதி4வீசிகாம் ஸுமனஸாம் கூலங்கஷாம் குர்வதீ
காமாக்ஷ்யா: ஸ்மிதகௌமுதீ3 ஹரது மே ஸம்ஸாரதாபோத3யம் ॥13॥
காஶ்மீரத்3ரவதா4துகர்த3மருசா கல்மாஷதாம் பி3ப்4ரதீ
ஹம்ஸௌதை4ரிவ குர்வதீ பரிசிதிம் ஹாரீக்ருதைர்மௌக்திகை: ।
வக்ஷோஜன்மதுஷாரஶைலகடகே ஸஞ்சாரமாதன்வதீ
காமாக்ஷ்யா ம்ருது3லஸ்மிதத்3யுதிமயீ பா4கீ3ரதீ2 பா4ஸதே ॥14॥
கம்போ3ர்வம்ஶபரம்பரா இவ க்ருபாஸன்தானவல்லீபு4வ:
ஸம்பு2ல்லஸ்தப3கா இவ ப்ரஸ்ருமரா மூர்தா: ப்ரஸாதா3 இவ ।
வாக்பீயூஷகணா இவ த்ரிபத2கா3பர்யாயபே4தா3 இவ
ப்4ராஜன்தே தவ மன்த3ஹாஸகிரணா: காஞ்சீபுரீனாயிகே ॥15॥
வக்ஷோஜே க4னஸாரபத்ரரசனாப4ங்கீ3ஸபத்னாயிதா
கண்டே2 மௌக்திகஹாரயஷ்டிகிரணவ்யாபாரமுத்3ராயிதா ।
ஓஷ்ட2ஶ்ரீனிகுரும்ப3பல்லவபுடே ப்ரேங்க2த்ப்ரஸூனாயிதா
காமாக்ஷி ஸ்பு2ரதாம் மதீ3யஹ்ருத3யே த்வன்மன்த3ஹாஸப்ரபா4 ॥16॥
யேஷாம் பி3ன்து3ரிவோபரி ப்ரசலிதோ நாஸாக்3ரமுக்தாமணி:
யேஷாம் தீ3ன இவாதி4கண்ட2மயதே ஹார: கராலம்ப3னம் ।
யேஷாம் ப3ன்து4ரிவோஷ்ட2யோரருணிமா த4த்தே ஸ்வயம் ரஞ்ஜனம்
காமாக்ஷ்யா: ப்ரப4வன்து தே மம ஶிவோல்லாஸாய ஹாஸாங்குரா: ॥17॥
யா ஜாட்3யாம்பு3னிதி4ம் க்ஷிணோதி பஜ4தாம் வைராயதே கைரவை:
நித்யம் யாம் நியமேன யா ச யததே கர்தும் த்ரிணேத்ரோத்ஸவம் ।
பி3ம்ப3ம் சான்த்3ரமஸம் ச வஞ்சயதி யா க3ர்வேண ஸா தாத்3ருஶீ
காமாக்ஷி ஸ்மிதமஞ்ஜரீ தவ கத2ம் ஜ்யோத்ஸ்னேத்யஸௌ கீர்த்யதே ॥18॥
ஆருடா4 ரப4ஸாத்புர: புரரிபோராஶ்லேஷணோபக்ரமே
யா தே மாதருபைதி தி3வ்யதடினீஶங்காகரீ தத்க்ஷணம் ।
ஓஷ்டௌ2 வேபயதி ப்4ருவௌ குடிலயத்யானம்ரயத்யானநம்
தாம் வன்தே3 ம்ருது3ஹாஸபூரஸுஷமாமேகாம்ரனாத2ப்ரியே ॥19॥
வக்த்ரேன்தோ3ஸ்தவ சன்த்3ரிகா ஸ்மிதததிர்வல்கு3 ஸ்பு2ரன்தீ ஸதாம்
ஸ்யாச்சேத்3யுக்திமித3ம் சகோரமனஸாம் காமாக்ஷி கௌதூஹலம் ।
ஏதச்சித்ரமஹர்னிஶம் யத3தி4காமேஷா ருசிம் கா3ஹதே
பி3ம்போ3ஷ்ட2த்3யுமணிப்ரபா4ஸ்வபி ச யத்3பி3ப்3போ3கமாலம்ப3தே ॥2௦॥
ஸாத்3ருஶ்யம் கலஶாம்பு3தே4ர்வஹதி யத்காமாக்ஷி மன்த3ஸ்மிதம்
ஶோபா4மோஷ்ட2ருசாம்ப3 வித்3ருமப4வாமேதாத்3பி4தா3ம் ப்3ரூமஹே ।
ஏகஸ்மாது3தி3தம் புரா கில பபௌ ஶர்வ: புராண: புமான்
ஏதன்மத்4யஸமுத்3ப4வம் ரஸயதே மாது4ர்யரூபம் ரஸம் ॥21॥
உத்துங்க3ஸ்தனகும்ப4ஶைலகடகே விஸ்தாரிகஸ்தூரிகா-
பத்ரஶ்ரீஜுஷி சஞ்சலா: ஸ்மிதருச: காமாக்ஷி தே கோமலா: ।
ஸன்த்4யாதீ3தி4திரஞ்ஜிதா இவ முஹு: ஸான்த்3ராத4ரஜ்யோதிஷா
வ்யாலோலாமலஶாரதா3ப்4ரஶகலவ்யாபாரமாதன்வதே ॥22॥
க்ஷீரம் தூ3ரத ஏவ திஷ்ட2து கத2ம் வைமல்யமாத்ராதி3த3ம்
மாதஸ்தே ஸஹபாட2வீதி2மயதாம் மன்த3ஸ்மிதைர்மஞ்ஜுலை: ।
கிம் சேயம் து பி4தா3ஸ்தி தோ3ஹனவஶாதே3கம் து ஸஞ்ஜாயதே
காமாக்ஷி ஸ்வயமர்தி2தம் ப்ரணமதாமன்யத்து தோ3து3ஹ்யதே ॥23॥
கர்பூரைரம்ருதைர்ஜகஜ3்ஜனநி தே காமாக்ஷி சன்த்3ராதபை:
முக்தாஹாரகு3ணைர்ம்ருணாலவலயைர்முக்3த4ஸ்மிதஶ்ரீரியம் ।
ஶ்ரீகாஞ்சீபுரனாயிகே ஸமதயா ஸம்ஸ்தூயதே ஸஜ்ஜனை:
தத்தாத்3ருங்மம தாபஶான்திவித4யே கிம் தே3வி மன்தா3யதே ॥24॥
மத்4யேக3ர்பி4தமஞ்ஜுவாக்யலஹரீமாத்4வீஜ2ரீஶீதலா
மன்தா3ரஸ்தப3காயதே ஜனநி தே மன்த3ஸ்மிதாம்ஶுச்ச2டா ।
யஸ்யா வர்த4யிதும் முஹுர்விகஸனம் காமாக்ஷி காமத்3ருஹோ
வல்கு3ர்வீக்ஷணவிப்4ரமவ்யதிகரோ வாஸன்தமாஸாயதே ॥25॥
பி3ம்போ3ஷ்ட2த்3யுதிபுஞ்ஜரஞ்ஜிதருசிஸ்த்வன்மன்த3ஹாஸச்ச2டா ।
கல்யாணம் கி3ரிஸார்வபௌ4மதனயே கல்லோலயத்வாஶு மே ।
பு2ல்லன்மல்லிபினத்3த4ஹல்லகமயீ மாலேவ யா பேஶலா
ஶ்ரீகாஞ்சீஶ்வரி மாரமர்தி3துருரோமத்4யே முஹுர்லம்ப3தே ॥26॥
பி3ப்4ராணா ஶரத3ப்4ரவிப்4ரமத3ஶாம் வித்3யோதமானாப்யஸோ
காமாக்ஷி ஸ்மிதமஞ்ஜரீ கிரதி தே காருண்யதா4ராரஸம் ।
ஆஶ்சர்யம் ஶிஶிரீகரோதி ஜக3தீஶ்சாலோக்ய சைனாமஹோ
காமம் கே2லதி நீலகண்ட2ஹ்ருத3யம் கௌதூஹலான்தோ3லிதம் ॥27॥
ப்ரேங்க2த்ப்ரௌட4கடாக்ஷகுஞ்ஜகுஹரேஷ்வத்யச்ச2கு3ச்சா2யிதம்
வக்த்ரேன்து3ச்ச2விஸின்து4வீசினிசயே பே2னப்ரதானாயிதம் ।
நைரன்தர்யவிஜ்ரும்பி4தஸ்தனதடே நைசோலபட்டாயிதம்
காலுஷ்யம் கப3லீகரோது மம தே காமாக்ஷி மன்த3ஸ்மிதம் ॥28॥
பீயூஷம் தவ மன்த2ரஸ்மிதமிதி வ்யர்தை2வ ஸாபப்ரதா2
காமாக்ஷி த்4ருவமீத்3ருஶம் யதி3 ப4வேதே3தத்கத2ம் வா ஶிவே ।
மன்தா3ரஸ்ய கதா2லவம் ந ஸஹதே மத்2னாதி மன்தா3கினீ-
மின்து3ம் நின்த3தி கீர்திதேபி கலஶீபாதோ2தி4மீர்ஷ்யாயதே ॥29॥
விஶ்வேஷாம் நயனோத்ஸவம் விதனுதாம் வித்3யோததாம் சன்த்3ரமா
விக்2யாதோ மத3னான்தகேன முகுடீமத்4யே ச ஸம்மான்யதாம் ।
ஆ: கிம் ஜாதமனேன ஹாஸஸுஷமாமாலோக்ய காமாக்ஷி தே
காலங்கீமவலம்ப3தே க2லு த3ஶாம் கல்மாஷஹீனோப்யஸௌ ॥3௦॥
சேத: ஶீதலயன்து ந: பஶுபதேரானந்தஜ3ீவாதவோ
நம்ராணாம் நயனாத்4வஸீமஸு ஶரச்சன்த்3ராதபோபக்ரமா: ।
ஸம்ஸாராக்2யஸரோருஹாகரக2லீகாரே துஷாரோத்கரா:
காமாக்ஷி ஸ்மரகீர்திபீ3ஜனிகராஸ்த்வன்மன்த3ஹாஸாங்குரா: ॥31॥
கர்மௌகா4க்2யதம:கசாகசிகரான்காமாக்ஷி ஸஞ்சின்தயே
த்வன்மன்த3ஸ்மிதரோசிஷாம் த்ரிபு4வனக்ஷேமங்கரானங்குரான் ।
யே வக்த்ரம் ஶிஶிரஶ்ரியோ விகஸிதம் சன்த்3ராதபாம்போ4ருஹ-
த்3வேஷோத்3தே4ஷோணசாதுரீமிவ திரஸ்கர்தும் பரிஷ்குர்வதே ॥32॥
குர்யுர்ன: குலஶைலராஜதனயே கூலங்கஷம் மங்க3லம்
குன்த3ஸ்பர்த4னசுஞ்சவஸ்தவ ஶிவே மன்த3ஸ்மிதப்ரக்ரமா: ।
யே காமாக்ஷி ஸமஸ்தஸாக்ஷினயனம் ஸன்தோஷயன்தீஶ்வரம்
கர்பூரப்ரகரா இவ ப்ரஸ்ருமரா: பும்ஸாமஸாதா4ரணா: ॥33॥
கம்ரேண ஸ்னபயஸ்வ கர்மகுஹனாசோரேண மாராக3ம-
வ்யாக்2யாஶிக்ஷணதீ3க்ஷிதேன விது3ஷாமக்ஷீணலக்ஷ்மீபுஷா ।
காமாக்ஷி ஸ்மிதகன்த3லேன கலுஷஸ்போ2டக்ரியாசுஞ்சுனா
காருண்யாம்ருதவீசிகாவிஹரணப்ராசுர்யது4ர்யேண மாம் ॥34॥
த்வன்மன்த3ஸ்மிதகன்த3லஸ்ய நியதம் காமாக்ஷி ஶங்காமஹே
பி3ம்ப:3 கஶ்சன நூதன: ப்ரசலிதோ நைஶாகர: ஶீகர: ।
கிஞ்ச க்ஷீரபயோனிதி4: ப்ரதினிதி4: ஸ்வர்வாஹினீவீசிகா-
பி3ப்3வோகோபி விட3ம்ப3 ஏவ குஹனா மல்லீமதல்லீருச: ॥35॥
து3ஷ்கர்மார்கனிஸர்க3கர்கஶமஹஸ்ஸம்பர்கதபதம் மில-
த்பங்கம் ஶங்கரவல்லபே4 மம மன: காஞ்சீபுராலங்க்ரியே ।
அம்ப3 த்வன்ம்ருது3லஸ்மிதாம்ருதரஸே மங்க்த்வா விதூ4ய வ்யதா2-
மானந்தோ3த3யஸௌத4ஶ்ருங்க3பத3வீமாரோடு4மாகாங்க்ஷதி ॥36॥
நம்ராணாம் நக3ராஜஶேக2ரஸுதே நாகாலயானாம் புர:
காமாக்ஷி த்வரயா விபத்ப்ரஶமேன காருண்யதா4ரா: கிரன் ।
ஆக3ச்ச2ன்தமனுக்3ரஹம் ப்ரகடயன்னானந்த3பீ3ஜானி தே
நாஸீரே ம்ருது3ஹாஸ ஏவ தனுதே நாதே2 ஸுதா4ஶீதல: ॥37॥
காமாக்ஷி ப்ரத2மானவிப்4ரமனிதி4: கன்த3ர்பத3ர்பப்ரஸூ:
முக்3த4ஸ்தே ம்ருது3ஹாஸ ஏவ கி3ரிஜே முஷ்ணாது மே கில்பி3ஷம் ।
யம் த்3ரஷ்டும் விஹிதே கரக்3ரஹ உமே ஶம்பு4ஸ்த்ரபாமீலிதம்
ஸ்வைரம் காரயதி ஸ்ம தாண்ட3வவினோதா3னந்தி3னா தண்டு3னா ॥38॥
க்ஷுண்ணம் கேனசிதே3வ தீ4ரமனஸா குத்ராபி நானாஜனை:
கர்மக்3ரன்தி2னியன்த்ரிதைரஸுக3மம் காமாக்ஷி ஸாமான்யத: ।
முக்3தை4ர்த்3ருஷ்டுமஶக்யமேவ மனஸா மூட4ஸய மே மௌக்திகம்
மார்க3ம் த3ர்ஶயது ப்ரதீ3ப இவ தே மன்த3ஸ்மிதஶ்ரீரியம் ॥39॥
ஜ்யோத்ஸ்னாகான்திபி4ரேவ நிர்மலதரம் நைஶாகரம் மண்ட3லம்
ஹம்ஸைரேவ ஶரத்3விலாஸஸமயே வ்யாகோசமம்போ4ருஹம் ।
ஸ்வச்சை2ரேவ விகஸ்வரைருடு3கு3ணை: காமாக்ஷி பி3ம்ப3ம் தி3வ:
புண்யைரேவ ம்ருது3ஸ்மிதைஸ்தவ முக2ம் புஷ்ணாதி ஶோபா4ப4ரம் ॥4௦॥
மானக்3ரன்தி2விது4ன்துதே3ன ரப4ஸாதா3ஸ்வாத்3யமானே நவ-
ப்ரேமாட3ம்ப3ரபூர்ணிமாஹிமகரே காமாக்ஷி தே தத்க்ஷணம் ।
ஆலோக்ய ஸ்மிதசன்த்3ரிகாம் புனரிமாமுன்மீலனம் ஜக்3முஷீம்
சேத: ஶீலயதே சகோரசரிதம் சன்த்3ரார்த4சூடா3மணே: ॥41॥
காமாக்ஷி ஸ்மிதமஞ்ஜரீம் தவ பஜ4ே யஸ்யாஸ்த்விஷாமங்குரா-
நாபீனஸ்தனபானலாலஸதயா நிஶ்ஶங்கமங்கேஶய: ।
ஊர்த்4வம் வீக்ஷ்ய விகர்ஷதி ப்ரஸ்ருமரானுத்3தா3மயா ஶுண்ட3யா
ஸூனுஸுதே பி3ஸஶங்கயாஶு குஹனாத3ன்தாவலக்3ராமணீ: ॥42॥
கா3டா4ஶ்லேஷவிமர்த3ஸம்ப்4ரமவஶாது3த்3தா3மமுக்தாகு3ண-
ப்ராலம்பே3 குசகும்ப4யோர்விக3லிதே த3க்ஷத்3விஷோ வக்ஷஸி ।
யா ஸக்2யேன பினஹ்யதி ப்ரசுரயா பா4ஸா ததீ3யாம் த3ஶாம்
ஸா மே கே2லது காமகோடி ஹ்ருத3யே ஸான்த்3ரஸ்மிதாம்ஶுச்ச2டா ॥43॥
மன்தா3ரே தவ மன்த2ரஸ்மிதருசாம் மாத்ஸர்யமாலோக்யதே
காமாக்ஷி ஸ்மரஶாஸனே ச நியதோ ராகோ3த3யோ லக்ஷ்யதே ।
சான்த்3ரீஷு த்3யுதிமஞ்ஜரீஷு ச மஹான்த்3வேஷாங்குரோ த்3ருஶ்யதே
ஶுத்3தா4னாம் கத2மீத்3ருஶீ கி3ரிஸுதேதிஶுத்3தா4 த3ஶா கத்2யதாம் ॥44॥
பீயூஷம் க2லு பீயதே ஸுரஜனைர்து3க்3தா4ம்பு3தி4ர்மத்2யதே
மாஹேஶைஶ்ச ஜடாகலாபனிக3டை3ர்மன்தா3கினீ நஹ்யதே ।
ஶீதாம்ஶு: பரிபூ4யதே ச தமஸா தஸ்மாத3னேதாத்3ருஶீ
காமாக்ஷி ஸ்மிதமஞ்ஜரீ தவ வசோவைத3க்3த்4யமுல்லங்க4தே ॥45॥
ஆஶங்கே தவ மன்த3ஹாஸலஹரீமன்யாத்3ருஶீம் சன்த்3ரிகா-
மேகாம்ரேஶகுடும்பி3னி ப்ரதிபத3ம் யஸ்யா: ப்ரபா4ஸங்க3மே ।
வக்ஷோஜாம்பு3ருஹே ந தே ரசயத: காஞ்சித்3த3ஶாம் கௌங்மலீ-
மாஸ்யாம்போ4ருஹமம்ப3 கிஞ்ச ஶனகைராலம்ப3தே பு2ல்லதாம் ॥46॥
ஆஸ்தீர்ணாத4ரகான்திபல்லவசயே பாதம் முஹுர்ஜக்3முஷீ
மாரத்3ரோஹிணி கன்த3லத்ஸ்மரஶரஜ்வாலாவலீர்வ்யஞ்ஜதீ ।
நின்த3ன்தீ க4னஸாரஹாரவலயஜ்யோத்ஸ்னாம்ருணாலானி தே
காமாக்ஷி ஸ்மிதசாதுரீ விரஹிணீரீதிம் ஜகா3ஹேதராம் ॥47॥
ஸூர்யாலோகவிதௌ4 விகாஸமதி4கம் யான்தீ ஹரன்தீ தம-
ஸ்ஸன்தோ3ஹம் நமதாம் நிஜஸ்மரணதோ தோ3ஷாகரத்3வேஷிணீ ।
நிர்யான்தீ வத3னாரவின்த3குஹரான்னிர்தூ4தஜாட்3யா ந்ருணாம்
ஶ்ரீகாமாக்ஷி தவ ஸ்மிதத்3யுதிமயீ சித்ரீயதே சன்த்3ரிகா ॥48॥
குண்டீ2குர்யுரமீ குபோ3த4க4டனாமஸ்மன்மனோமாதி2னீம்
ஶ்ரீகாமாக்ஷி ஶிவங்கராஸ்தவ ஶிவே ஶ்ரீமன்த3ஹாஸாங்குரா: ।
யே தன்வன்தி நிரன்தரம் தருணிமஸ்தம்பே3ரமக்3ராமணீ-
கும்ப4த்3வன்த்3வவிட3ம்பி3னி ஸ்தனதடே முக்தாகுதா2ட3ம்ப3ரம் ॥49॥
ப்ரேங்க2ன்த: ஶரத3ம்பு3தா3 இவ ஶனை: ப்ரேமானிலை: ப்ரேரிதா
மஜ்ஜன்தோ மன்த3னாரிகண்ட2ஸுஷமாஸின்தௌ4 முஹுர்மன்த2ரம் ।
ஶ்ரீகாமாக்ஷி தவ ஸ்மிதாம்ஶுனிகரா: ஶ்யாமாயமானஶ்ரியோ
நீலாம்போ4த4ரனைபுணீம் தத இதோ நிர்னித்3ரயன்த்யஞ்ஜஸா ॥5௦॥
வ்யாபாரம் சதுரானநைகவிஹ்ருதௌ வ்யாகுர்வதீ குர்வதீ
ருத்3ராக்ஷக்3ரஹணம் மஹேஶி ஸததம் வாகூ3ர்மிகல்லோலிதா ।
உத்பு2ல்லம் த4வலாரவின்த3மத4ரீக்ருத்ய ஸ்பு2ரன்தீ ஸதா3
ஶ்ரீகாமாக்ஷி ஸரஸ்வதீ விஜயதே த்வன்மன்த3ஹாஸப்ரபா4 ॥51॥
கர்பூரத்3யுதிதஸ்கரேண மஹஸா கல்மாஷயத்யானநம்
ஶ்ரீகாஞ்சீபுரனாயிகே பதிரிவ ஶ்ரீமன்த3ஹாஸோபி தே ।
ஆலிங்க3த்யதிபீவராம் ஸ்தனதடீம் பி3ம்பா3த4ரம் சும்ப3தி
ப்ரௌட4ம் ராக3ப4ரம் வ்யனக்தி மனஸோ தை4ர்யம் து4னீதேதராம் ॥52॥
வைஶத்3யேன ச விஶ்வதாபஹரணக்ரீடா3படீயஸ்தயா
பாண்டி3த்யேன பசேலிமேன ஜக3தாம் நேத்ரோத்ஸவோத்பாதே3ன ।
காமாக்ஷி ஸ்மிதகன்த3லைஸ்தவ துலாமாரோடு4முத்3யோகி3னீ
ஜ்யோத்ஸ்னாஸௌ ஜலராஶிபோஷணதயா தூ3ஷ்யாம் ப்ரபன்னா த3ஶாம் ॥53॥
லாவண்யாம்பு3ஜினீம்ருணாலவலயை: ஶ்ருங்கா3ரக3ன்த4த்3விப-
க்3ராமண்ய: ஶ்ருதிசாமரைஸ்தருணிமஸ்வாராஜ்யதேஜோங்குரை: ।
ஆனந்தா3ம்ருதஸின்து4வீசிப்ருஷதைராஸ்யாப்3ஜஹம்ஸைஸ்தவ
ஶ்ரீகாமாக்ஷி மதா2ன மன்த3ஹஸிதைர்மத்கம் மன:கல்மஷம் ॥54॥
உத்துங்க3ஸ்தனமண்ட3லீபரிசலன்மாணிக்யஹாரச்ச2டா-
சஞ்சச்சோ2ணிமபுஞ்ஜமத்4யஸரணிம் மாத: பரிஷ்குர்வதீ ।
யா வைத3க்3த்4யமுபைதி ஶங்கரஜடாகான்தாரவாடீபத-
த்ஸ்வர்வாபீபயஸ: ஸ்மிதத்3யுதிரஸௌ காமாக்ஷி தே மஞ்ஜுலா ॥55॥
ஸன்னாமைகஜுஷா ஜனேன ஸுலப4ம் ஸம்ஸூசயன்தீ ஶனை-
ருத்துங்க3ஸ்ய சிராத3னுக்3ரஹதரோருத்பத்ஸ்யமானம் ப2லம் ।
ப்ராத2ம்யேன விகஸ்வரா குஸுமவத்ப்ராக3ல்ப்4யமப்4யேயுஷீ
காமாக்ஷி ஸ்மிதசாதுரீ தவ மம க்ஷேமங்கரீ கல்பதாம் ॥56॥
தா4னுஷ்காக்3ரஸரஸ்ய லோலகுடிலப்4ரூலேக2யா பி3ப்4ரதோ
லீலாலோகஶிலீமுக2ம் நவவயஸ்ஸாம்ராஜ்யலக்ஷ்மீபுஷ: ।
ஜேதும் மன்மத2மர்தி3னம் ஜனநி தே காமாக்ஷி ஹாஸ: ஸ்வயம்
வல்கு3ர்விப்4ரமபூ4ப்4ருதோ விதனுதே ஸேனாபதிப்ரக்ரியாம் ॥57॥
யன்னாகம்பத காலகூடகப3லீகாரே சுசும்பே3 ந யத்3-
க்3லான்யா சக்ஷுஷி ரூஷிதானலஶிகே2 ருத்3ரஸ்ய தத்தாத்3ருஶம் ।
சேதோ யத்ப்ரஸப4ம் ஸ்மரஜ்வரஶிகி2ஜ்வாலேன லேலிஹ்யதே
தத்காமாக்ஷி தவ ஸ்மிதாம்ஶுகலிகாஹேலாப4வம் ப்ராப4வம் ॥58॥
ஸம்பி4ன்னேவ ஸுபர்வலோகதடினீ வீசீசயைர்யாமுனை:
ஸம்மிஶ்ரேவ ஶஶாங்கதீ3ப்திலஹரீ நீலைர்மஹானீரதை3: ।
காமாக்ஷி ஸ்பு2ரிதா தவ ஸ்மிதருசி: காலாஞ்ஜனஸ்பர்தி4னா
காலிம்னா கசரோசிஷாம் வ்யதிகரே காஞ்சித்3த3ஶாமஶ்னுதே ॥59॥
ஜானீமோ ஜக3தீ3ஶ்வரப்ரணயினி த்வன்மன்த3ஹாஸப்ரபா4ம்
ஶ்ரீகாமாக்ஷி ஸரோஜினீமபி4னவாமேஷா யத: ஸர்வதா3 ।
ஆஸ்யேன்தோ3ரவலோகேன பஶுபதேரப்4யேதி ஸம்பு2ல்லதாம்
தன்த்3ராலுஸ்தத3பா4வ ஏவ தனுதே தத்3வைபரீத்யக்ரமம் ॥6௦॥
யான்தீ லோஹிதிமானமப்4ரதடினீ தா4துச்ச2டாகர்த3மை:
பா4ன்தீ பா3லக3ப4ஸ்திமாலிகிரணைர்மேகா4வலீ ஶாரதீ3 ।
பி3ம்போ3ஷ்ட2த்3யுதிபுஞ்ஜசும்ப3னகலாஶோணாயமானேன தே
காமாக்ஷி ஸ்மிதரோசிஷா ஸமத3ஶாமாரோடு4மாகாங்க்ஷதே ॥61॥
ஶ்ரீகாமாக்ஷி முகே2ன்து3பூ4ஷணமித3ம் மன்த3ஸ்மிதம் தாவகம்
நேத்ரானந்த3கரம் ததா2 ஹிமகரோ க3ச்சே2த்3யதா2 திக்3மதாம் ।
ஶீதம் தே3வி ததா2 யதா2 ஹிமஜலம் ஸன்தாபமுத்3ராஸ்பத3ம்
ஶ்வேதம் கிஞ்ச ததா2 யதா2 மலினதாம் த4த்தே ச முக்தாமணி: ॥62॥
த்வன்மன்த3ஸ்மிதமஞ்ஜரீம் ப்ரஸ்ருமராம் காமாக்ஷி சன்த்3ராதபம்
ஸன்த: ஸன்ததமாமனந்த்யமலதா தல்லக்ஷணம் லக்ஷ்யதே ।
அஸ்மாகம் ந து4னோதி தாபகமதி4கம் தூ4னோதி நாப்4யன்தரம்
த்4வான்தம் தத்க2லு து3:கி2னோ வயமித3ம் கேனோதி நோ வித்3மஹே ॥63॥
நம்ரஸ்ய ப்ரணயப்ரரூட4கலஹச்சே2தா3ய பாதா3ப்3ஜயோ:
மன்த3ம் சன்த்3ரகிஶோரஶேக2ரமணே: காமாக்ஷி ராகே3ண தே ।
ப3ன்தூ4கப்ரஸவஶ்ரியம் ஜிதவதோ ப3ம்ஹீயஸீம் தாத்3ருஶீம்
பி3ம்போ3ஷ்ட2ஸ்ய ருசிம் நிரஸ்ய ஹஸிதஜ்யோத்ஸ்னா வயஸ்யாயதே ॥64॥
முக்தானாம் பரிமோசனம் வித3த4தஸ்தத்ப்ரீதினிஷ்பாதி3னீ
பூ4யோ தூ3ரத ஏவ தூ4தமருதஸ்தத்பாலனம் தன்வதீ ।
உத்3பூ4தஸ்ய ஜலான்தராத3விரதம் தத்3தூ3ரதாம் ஜக்3முஷீ
காமாக்ஷி ஸ்மிதமஞ்ஜரீ தவ கத2ம் கம்போ3ஸ்துலாமஶ்னுதே ॥65॥
ஶ்ரீகாமாக்ஷி தவ ஸ்மிதத்3யுதிஜ2ரீவைத3க்3த்4யலீலாயிதம்
பஶ்யன்தோபி நிரன்தரம் ஸுவிமலம்மன்யா ஜக3ன்மண்ட3லே ।
லோகம் ஹாஸயிதும் கிமர்த2மனிஶம் ப்ராகாஶ்யமாதன்வதே
மன்தா3க்ஷம் விரஹய்ய மங்க3லதரம் மன்தா3ரசன்த்3ராத3ய: ॥66॥
க்ஷீராப்3தே4ரபி ஶைலராஜதனயே த்வன்மன்த3ஹாஸஸ்ய ச
ஶ்ரீகாமாக்ஷி வலக்ஷிமோத3யனிதே4: கிஞ்சித்3பி4தா3ம் ப்3ரூமஹே ।
ஏகஸ்மை புருஷாய தே3வி ஸ த3தௌ3 லக்ஷ்மீம் கதா3சித்புரா
ஸர்வேப்4யோபி த3தா3த்யஸௌ து ஸததம் லக்ஷ்மீம் ச வாகீ3ஶ்வரீம் ॥67॥
ஶ்ரீகாஞ்சீபுரரத்னதீ3பகலிகே தான்யேவ மேனாத்மஜே
சாகோராணி குலானி தே3வி ஸுதராம் த4ன்யானி மன்யாமஹே ।
கம்பாதீரகுடும்ப3சங்க்ரமகலாசுஞ்சூனி சஞ்சூபுடை:
நித்யம் யானி தவ ஸ்மிதேன்து3மஹஸாமாஸ்வாத3மாதன்வதே ॥68॥
ஶைத்யப்ரக்ரமமாஶ்ரிதோபி நமதாம் ஜாட்3யப்ரதா2ம் தூ4னயன்
நைர்மல்யம் பரமம் க3தோபி கி3ரிஶம் ராகா3குலம் சாரயன் ।
லீலாலாபபுரஸ்ஸரோபி ஸததம் வாசம்யமான்ப்ரீணயன்
காமாக்ஷி ஸ்மிதரோசிஷாம் தவ ஸமுல்லாஸ: கத2ம் வர்ண்யதே ॥69॥
ஶ்ரோணீசஞ்சலமேக2லாமுக2ரிதம் லீலாக3தம் மன்த2ரம்
ப்4ரூவல்லீசலனம் கடாக்ஷவலனம் மன்தா3க்ஷவீக்ஷாசணம் ।
யத்3வைத3க்3த்4யமுகே2ன மன்மத2ரிபும் ஸம்மோஹயன்த்யஞ்ஜஸா
ஶ்ரீகாமாக்ஷி தவ ஸ்மிதாய ஸததம் தஸ்மை நம்ஸகுர்மஹே ॥7௦॥
ஶ்ரீகாமாக்ஷி மனோஜ்ஞமன்த3ஹஸிதஜ்யோதிஷ்ப்ரரோஹே தவ
ஸ்பீ2தஶ்வேதிமஸார்வபௌ4மஸரணிப்ராக3ல்ப்4யமப்4யேயுஷி ।
சன்த்3ரோயம் யுவராஜதாம் கலயதே சேடீது4ரம் சன்த்3ரிகா
ஶுத்3தா4 ஸா ச ஸுதா4ஜ2ரீ ஸஹசரீஸாத4ர்ம்யமாலம்ப3தே ॥71॥
ஜ்யோத்ஸ்னா கிம் தனுதே ப2லம் தனுமதாமௌஷ்ண்யப்ரஶான்திம் வினா
த்வன்மன்த3ஸ்மிதரோசிஷா தனுமதாம் காமாக்ஷி ரோசிஷ்ணுனா ।
ஸன்தாபோ வினிவார்யதே நவவய:ப்ராசுர்யமங்கூர்யதே
ஸௌன்த3ர்யம் பரிபூர்யதே ஜக3தி ஸா கீர்திஶ்ச ஸஞ்சார்யதே ॥72॥
வைமல்யம் குமுத3ஶ்ரியாம் ஹிமருச: கான்த்யைவ ஸன்து4க்ஷ்யதே
ஜ்யோத்ஸ்னாரோசிரபி ப்ரதோ3ஷஸமயம் ப்ராப்யைவ ஸம்பத்3யதே ।
ஸ்வச்ச2த்வம் நவமௌக்திகஸ்ய பரமம் ஸம்ஸ்காரதோ த்3ருஶ்யதே
காமாக்ஷ்யா: ஸ்மிததீ3தி4தேர்விஶதி3மா நைஸர்கி3கோ பா4ஸதே ॥73॥
ப்ராகாஶ்யம் பரமேஶ்வரப்ரணயினி த்வன்மன்த3ஹாஸஶ்ரிய:
ஶ்ரீகாமாக்ஷி மம க்ஷிணோது மமதாவைசக்ஷணீமக்ஷயாம் ।
யத்3பீ4த்யேவ நிலீயதே ஹிமகரோ மேகோ4த3ரே ஶுக்திகா-
க3ர்பே4 மௌக்திகமண்ட3லீ ச ஸரஸீமத்4யே ம்ருணாலீ ச ஸா ॥74॥
ஹேரம்பே3 ச கு3ஹே ஹர்ஷப4ரிதம் வாத்ஸல்யமங்கூரயத்
மாரத்3ரோஹிணி பூருஷே ஸஹபு4வம் ப்ரேமாங்குரம் வ்யஞ்ஜயத் ।
ஆனம்ரேஷு ஜனேஷு பூர்ணகருணாவைத3க்3த்4யமுத்தாலயத்
காமாக்ஷி ஸ்மிதமஞ்ஜஸா தவ கத2ங்காரம் மயா கத்2யதே ॥75॥
ஸங்க்ருத்3த4த்3விஜராஜகோப்யவிரதம் குர்வன்த்3விஜை: ஸங்க3மம்
வாணீபத்3த4திதூ3ரகோ3பி ஸததம் தத்ஸாஹசர்யம் வஹன் ।
அஶ்ரான்தம் பஶுது3ர்லபோ4பி கலயன்பத்யௌ பஶூனாம் ரதிம்
ஶ்ரீகாமாக்ஷி தவ ஸ்மிதாம்ருதரஸஸ்யன்தோ3 மயி ஸ்பன்த3தாம் ॥76॥
ஶ்ரீகாமாக்ஷி மஹேஶ்வரே நிருபமப்ரேமாங்குரப்ரக்ரமம்ம்
நித்யம் ய: ப்ரகடீகரோதி ஸஹஜாமுன்னித்3ரயன்மாது4ரீம் ।
தத்தாத்3ருக்தவ மன்த3ஹாஸமஹிமா மாத: கத2ம் மானிதாம்
தன்மூர்த்4னா ஸுரனிம்னகா3ம் ச கலிகாமின்தோ3ஶ்ச தாம் நின்த3தி ॥77॥
யே மாது4ர்யவிஹாரமண்டபபு4வோ யே ஶைத்யமுத்3ராகரா
யே வைஶத்3யத3ஶாவிஶேஷஸுப4கா3ஸ்தே மன்த3ஹாஸாங்குரா: ।
காமாக்ஷ்யா: ஸஹஜம் கு3ணத்ரயமித3ம் பர்யாயத: குர்வதாம்
வாணீகு3ம்ப2னட3ம்ப3ரே ச ஹ்ருத3யே கீர்திப்ரரோஹே ச மே ॥78॥
காமாக்ஷ்யா ம்ருது3லஸ்மிதாம்ஶுனிகரா த3க்ஷான்தகே வீக்ஷணே
மன்தா3க்ஷக்3ரஹிலா ஹிமத்3யுதிமயூகா2க்ஷேபதீ3க்ஷாங்குரா: ।
தா3க்ஷ்யம் பக்ஷ்மலயன்து மாக்ஷிககு3ட3த்3ராக்ஷாப4வம் வாக்ஷு மே
ஸூக்ஷ்மம் மோக்ஷபத2ம் நிரீக்ஷிதுமபி ப்ரக்ஷாலயேயுர்மன: ॥79॥
ஜாத்யா ஶீதஶீதலானி மது4ராண்யேதானி பூதானி தே
கா3ங்கா3னீவ பயாம்ஸி தே3வி படலான்யல்பஸ்மிதஜ்யோதிஷாம் ।
ஏன:பங்கபரம்பராமலினிதாமேகாம்ரனாத2ப்ரியே
ப்ரஜ்ஞானாத்ஸுதராம் மதீ3யதி4ஷணாம் ப்ரக்ஷாலயன்து க்ஷணாத் ॥8௦॥
அஶ்ரான்தம் பரதன்த்ரித: பஶுபதிஸ்த்வன்மன்த3ஹாஸாங்குரை:
ஶ்ரீகாமாக்ஷி ததீ3யவர்ணஸமதாஸங்கே3ன ஶங்காமஹே ।
இன்து3ம் நாகது4னீம் ச ஶேக2ரயதே மாலாம் ச த4த்தே நவை:
வைகுண்டை2ரவகுண்ட2னம் ச குருதே தூ4லீசயைர்பா4ஸ்மனை: ॥81॥
ஶ்ரீகாஞ்சீபுரதே3வதே ம்ருது3வசஸ்ஸௌரப்4யமுத்3ராஸ்பத3ம்
ப்ரௌட4ப்ரேமலதானவீனகுஸுமம் மன்த3ஸ்மிதம் தாவகம் ।
மன்த3ம் கன்த3லதி ப்ரியஸ்ய வத3னாலோகே ஸமாபா4ஷணே
ஶ்லக்ஷ்ணே குங்மலதி ப்ரரூட4புலகே சாஶ்லோஷணே பு2ல்லதி ॥82॥
கிம் த்ரைஸ்ரோதஸமம்பி3கே பரிணதம் ஸ்ரோதஶ்சதுர்த2ம் நவம்
பீயூஷஸ்ய ஸமஸ்ததாபஹரணம் கிம்வா த்3விதீயம் வபு: ।
கிம்ஸ்வித்த்வன்னிகடம் க3தம் மது4ரிமாப்4யாஸாய க3வ்யம் பய:
ஶ்ரீகாஞ்சீபுரனாயகப்ரியதமே மன்த3ஸ்மிதம் தாவகம் ॥83॥
பூ4ஷா வக்த்ரஸரோருஹஸ்ய ஸஹஜா வாசாம் ஸகீ2 ஶாஶ்வதீ
நீவீ விப்4ரமஸன்ததே: பஶுபதே: ஸௌதீ4 த்3ருஶாம் பாரணா ।
ஜீவாதுர்மத3னஶ்ரிய: ஶஶிருசேருச்சாடனீ தே3வதா
ஶ்ரீகாமாக்ஷி கி3ராமபூ4மிமயதே ஹாஸப்ரபா4மஞ்ஜரீ ॥84॥
ஸூதி: ஶ்வேதிமகன்த3லஸ்ய வஸதி: ஶ்ருங்கா3ரஸாரஶ்ரிய:
பூர்தி: ஸூக்திஜ2ரீரஸஸ்ய லஹரீ காருண்யபாதோ2னிதே4: ।
வாடீ காசன கௌஸுமீ மது4ரிமஸ்வாராஜ்யலக்ஷ்ம்யாஸ்தவ
ஶ்ரீகாமாக்ஷி மமாஸ்து மங்க3லகரீ ஹாஸப்ரபா4சாதுரீ ॥85॥
ஜன்தூனாம் ஜனிது3:க2ம்ருத்யுலஹரீஸன்தாபனம் க்ருன்தத:
ப்ரௌடா4னுக்3ரஹபூர்ணஶீதலருசோ நித்யோத3யம் பி3ப்4ரத: ।
ஶ்ரீகாமாக்ஷி விஸ்ருத்வரா இவ கரா ஹாஸாங்குராஸ்தே ஹடா2-
தா3லோகேன நிஹன்யுரன்த4தமஸஸ்தோமஸ்ய மே ஸன்ததிம் ॥86॥
உத்துங்க3ஸ்தனமண்ட3லஸ்ய விலஸல்லாவண்யலீலானடீ-
ரங்க3ஸ்ய ஸ்பு2டமூர்த்4வஸீமனி முஹு: ப்ராகாஶ்யமப்4யேயுஷீ ।
ஶ்ரீகாமாக்ஷி தவ ஸ்மிதத்3யுதிததிர்பி3ம்போ3ஷ்ட2கான்த்யங்குரை:
சித்ராம் வித்3ருமமுத்3ரிதாம் விதனுதே மௌக்தீம் விதானஶ்ரியம் ॥87॥
ஸ்வாபா4வ்யாத்தவ வக்த்ரமேவ லலிதம் ஸன்தோஷஸம்பாத3னம்
ஶம்போ4: கிம் புனரஞ்சிதஸ்மிதருச: பாண்டி3த்யபாத்ரீக்ருதம் ।
அம்போ4ஜம் ஸ்வத ஏவ ஸர்வஜக3தாம் சக்ஷு:ப்ரியம்பா4வுகம்
காமாக்ஷி ஸ்பு2ரிதே ஶரத்3விகஸிதே கீத்3ருக்3வித4ம் ப்4ராஜதே ॥88॥
பும்பி4ர்னிர்மலமானஸௌர்வித3த4தே மைத்ரீம் த்3ருட4ம் நிர்மலாம்
லப்3த்4வா கர்மலயம் ச நிர்மலதராம் கீர்திம் லப4ன்தேதராம் ।
ஸூக்திம் பக்ஷ்மலயன்தி நிர்மலதமாம் யத்தாவகா: ஸேவகா:
தத்காமாக்ஷி தவ ஸ்மிதஸ்ய கலயா நைர்மல்யஸீமானிதே4: ॥89॥
ஆகர்ஷன்னயனானி நாகிஸத3ஸாம் ஶைத்யேன ஸம்ஸ்தம்ப4ய-
ந்னின்து3ம் கிஞ்ச விமோஹயன்பஶுபதிம் விஶ்வார்திமுச்சாடயன் ।
ஹிம்ஸத்ஸம்ஸ்ருதிட3ம்ப3ரம் தவ ஶிவே ஹாஸாஹ்வயோ மான்த்ரிக:
ஶ்ரீகாமாக்ஷி மதீ3யமானஸதமோவித்3வேஷணே சேஷ்டதாம் ॥9௦॥
க்ஷேபீய: க்ஷபயன்து கல்மஷப4யான்யஸ்மாகமல்பஸ்மித-
ஜ்யோதிர்மண்ட3லசங்க்ரமாஸ்தவ ஶிவே காமாக்ஷி ரோசிஷ்ணவ: ।
பீடா3கர்மட2கர்மக4ர்மஸமயவ்யாபாரதாபானல-
ஶ்ரீபாதா நவஹர்ஷவர்ஷணஸுதா4ஸ்ரோதஸ்வினீஶீகரா: ॥91॥
ஶ்ரீகாமாக்ஷி தவ ஸ்மிதைன்த3வமஹ:பூரே பரிம்பூ2ர்ஜதி
ப்ரௌடா4ம் வாரிதி4சாதுரீம் கலயதே ப4க்தாத்மனாம் ப்ராதிப4ம் ।
தௌ3ர்க3த்யப்ரஸராஸ்தம:படலிகாஸாத4ர்ம்யமாபி3ப்4ரதே
ஸர்வம் கைரவஸாஹசர்யபத3வீரீதிம் வித4த்தே பரம் ॥92॥
மன்தா3ராதி3ஷு மன்மதா2ரிமஹிஷி ப்ராகாஶ்யரீதிம் நிஜாம்
காதா3சித்கதயா விஶங்க்ய ப3ஹுஶோ வைஶத்3யமுத்3ராகு3ண: ।
ஸாதத்யேன தவ ஸ்மிதே விதனுதே ஸ்வைராஸனாவாஸனாம் ॥93॥
இன்தா4னே ப4வவீதிஹோத்ரனிவஹே கர்மௌக4சண்டா3னில-
ப்ரௌடி4ம்னா ப3ஹுலீக்ருதே நிபதிதம் ஸன்தாபசின்தாகுலம் ।
மாதர்மாம் பரிஷிஞ்ச கிஞ்சித3மலை: பீயூஷவர்ஷைரிவ
ஶ்ரீகாமாக்ஷி தவ ஸ்மிதத்3யுதிகணை: ஶைஶிர்யலீலாகரை: ॥94॥
பா4ஷாயா ரஸனாக்3ரகே2லனஜுஷ: ஶ்ருங்கா3ரமுத்3ராஸகீ2-
லீலாஜாதரதே: ஸுகே2ன நியமஸ்னானாய மேனாத்மஜே ।
ஶ்ரீகாமாக்ஷி ஸுதா4மயீவ ஶிஶிரா ஸ்ரோதஸ்வினீ தாவகீ
கா3டா4னந்த3தரங்கி3தா விஜயதே ஹாஸப்ரபா4சாதுரீ ॥95॥
ஸன்தாபம் விரலீகரோது ஸகலம் காமாக்ஷி மச்சேதனா
மஜ்ஜன்தீ மது4ரஸ்மிதாமரது4னீகல்லோலஜாலேஷு தே ।
நைரன்தர்யமுபேத்ய மன்மத2மருல்லோலேஷு யேஷு ஸ்பு2டம்
ப்ரேமேன்து3: ப்ரதிபி3ம்பி3தோ விதனுதே கௌதூஹலம் தூ4ர்ஜடே: ॥96॥
சேத:க்ஷீரபயோதி4மன்த2ரசலத்3ராகா3க்2யமன்தா2சல-
க்ஷோப4வ்யாப்ருதிஸம்ப4வாம் ஜனநி தே மன்த3ஸ்மிதஶ்ரீஸுதா4ம் ।
ஸ்வாத3ம்ஸ்வாத3முதீ3தகௌதுகரஸா நேத்ரத்ரயீ ஶாங்கரீ
ஶ்ரீகாமாக்ஷி நிரன்தரம் பரிணமத்யானந்த3வீசீமயீ ॥97॥
ஆலோகே தவ பஞ்சஸாயகரிபோருத்3தா3மகௌதூஹல-
ப்ரேங்க2ன்மாருதக4ட்டனப்ரசலிதாதா3னந்த3து3க்3தா4ம்பு3தே4: ।
காசித்3வீசிருத3ஞ்சதி ப்ரதினவா ஸம்வித்ப்ரரோஹாத்மிகா
தாம் காமாக்ஷி கவீஶ்வரா: ஸ்மிதமிதி வ்யாகுர்வதே ஸர்வதா3 ॥98॥
ஸூக்தி: ஶீலயதே கிமத்3ரிதனயே மன்த3ஸ்மிதாத்தே முஹு:
மாது4ர்யாக3மஸம்ப்ரதா3யமத2வா ஸூக்தேர்னு மன்த3ஸ்மிதம் ।
இத்த2ம் காமபி கா3ஹதே மம மன: ஸன்தே3ஹமார்க3ப்4ரமிம்
ஶ்ரீகாமாக்ஷி ந பாரமார்த்2யஸரணிஸ்பூ2ர்தௌ நித4த்தே பத3ம் ॥99॥
க்ரீடா3லோலக்ருபாஸரோருஹமுகீ2ஸௌதா4ங்க3ணேப்4ய: கவி-
ஶ்ரேணீவாக்பரிபாடிகாம்ருதஜ2ரீஸூதீக்3ருஹேப்4ய: ஶிவே ।
நிர்வாணாங்குரஸார்வபௌ4மபத3வீஸிம்ஹாஸனேப்4யஸ்தவ
ஶ்ரீகாமாக்ஷி மனோஜ்ஞமன்த3ஹஸிதஜ்யோதிஷ்கணேப்4யோ நம: ॥1௦௦॥
ஆர்யாமேவ விபா4வயன்மனஸி ய: பாதா3ரவின்த3ம் புர:
பஶ்யன்னாரப4தே ஸ்துதிம் ஸ நியதம் லப்3த்4வா கடாக்ஷச்ச2விம் ।
காமாக்ஷ்யா ம்ருது3லஸ்மிதாம்ஶுலஹரீஜ்யோத்ஸ்னாவயஸ்யான்விதாம்
ஆரோஹத்யபவர்க3ஸௌத4வலபீ4மானந்த3வீசீமயீம் ॥1௦1॥
॥ இதி மன்த3ஸ்மிதஶதகம் ஸம்பூர்ணம் ॥
॥ இதி ஶ்ரீ மூகபஞ்சஶதீ ஸம்பூர்ணா ॥
॥ஓஉம் தத் ஸத் ॥
Browse Related Categories:
