(ஶ்ரீதே3வீபா4க3வதம், த்3வாத3ஶ ஸ்கன்த4ம், த்3வாத3ஶோத்4யாய:, மணித்3வீப வர்ணன - 3)
வ்யாஸ உவாச ।
ததே3வ தே3வீஸத3னம் மத்4யபா4கே3 விராஜதே ।
ஸஹஸ்ர ஸ்தம்ப4ஸம்யுக்தாஶ்சத்வாரஸ்தேஷு மண்ட3பா: ॥ 1 ॥
ஶ்ருங்கா3ரமண்ட3பஶ்சைகோ முக்திமண்ட3ப ஏவ ச ।
ஜ்ஞானமண்ட3ப ஸஞ்ஜ்ஞஸ்து த்ருதீய: பரிகீர்தித: ॥ 2 ॥
ஏகான்தமண்ட3பஶ்சைவ சதுர்த:2 பரிகீர்தித: ।
நானா விதானஸம்யுக்தா நானா தூ4பைஸ்து தூ4பிதா: ॥ 3 ॥
கோடிஸூர்யஸமா: கான்த்யா ப்4ராஞ்ஜன்தே மண்ட3பா: ஶுபா4: ।
தன்மண்ட3பானாம் பரித: காஶ்மீரவனிகா ஸ்ம்ருதா ॥ 4 ॥
மல்லிகாகுன்த3வனிகா யத்ர புஷ்கலகா: ஸ்தி2தா: ।
அஸங்க்3யாதா ம்ருக3மதை3: பூரிதாஸ்தத்ஸ்ரவா ந்ருப ॥ 5 ॥
மஹாபத்3மாடவீ தத்3வத்3ரத்னஸோபானநிர்மிதா ।
ஸுதா4ரஸேனஸம்பூர்ணா கு3ஞ்ஜன்மத்தமது4வ்ரதா ॥ 6 ॥
ஹம்ஸகாரண்ட3வாகீர்ணா க3ன்த4பூரித தி3க்தடா ।
வனிகானாம் ஸுக3ன்தை4ஸ்து மணித்3வீபம் ஸுவாஸிதம் ॥ 7 ॥
ஶ்ருங்கா3ரமண்ட3பே தே3வ்யோ கா3யன்தி விவிதை4: ஸ்வரை: ।
ஸபா4ஸதோ3 தே3வவஶா மத்4யே ஶ்ரீஜக3த3ம்பி3கா ॥ 8 ॥
முக்திமண்ட3பமத்4யே து மோசயத்யனிஶம் ஶிவா ।
ஜ்ஞானோபதே3ஶம் குருதே த்ருதீயே ந்ருப மண்ட3பே ॥ 9 ॥
சதுர்த2மண்ட3பே சைவ ஜக3த்3ரக்ஷா விசின்தனம் ।
மன்த்ரிணீ ஸஹிதா நித்யம் கரோதி ஜக3த3ம்பி3கா ॥ 1௦ ॥
சின்தாமணிக்3ருஹே ராஜஞ்ச2க்தி தத்த்வாத்மகை: பரை: ।
ஸோபானைர்த3ஶபி4ர்யுக்தோ மஞ்சகோப்யதி4ராஜதே ॥ 11 ॥
ப்3ரஹ்மா விஷ்ணுஶ்ச ருத்3ரஶ்ச ஈஶ்வரஶ்ச ஸதா3ஶிவ: ।
ஏதே மஞ்சகு2ரா: ப்ரோக்தா: ப2லகஸ்து ஸதா3ஶிவ: ॥ 12 ॥
தஸ்யோபரி மஹாதே3வோ பு4வனேஶோ விராஜதே ।
யா தே3வீ நிஜலீலார்த2ம் த்3விதா4பூ4தா ப3பூ4வஹ ॥ 13 ॥
ஸ்ருஷ்ட்யாதௌ3 து ஸ ஏவாயம் தத3ர்தா4ங்கோ3 மஹேஶ்வர: ।
கன்த3ர்ப த3ர்பனாஶோத்3யத்கோடி கன்த3ர்பஸுன்த3ர: ॥ 14 ॥
பஞ்சவக்த்ரஸ்த்ரினேத்ரஶ்ச மணிபூ4ஷண பூ4ஷித: ।
ஹரிணாபீ4திபரஶூன்வரம் ச நிஜபா3ஹுபி4: ॥ 15 ॥
த3தா4ன: ஷோட3ஶாப்3தோ3ஸௌ தே3வ: ஸர்வேஶ்வரோ மஹான் ।
கோடிஸூர்ய ப்ரதீகாஶஶ்சன்த்3ரகோடி ஸுஶீதல: ॥ 16 ॥
ஶுத்3த4ஸ்ப2டிக ஸங்காஶஸ்த்ரினேத்ர: ஶீதல த்3யுதி: ।
வாமாங்கே ஸன்னிஷண்ணாஸ்ய தே3வீ ஶ்ரீபு4வனேஶ்வரீ ॥ 17 ॥
நவரத்னக3ணாகீர்ண காஞ்சீதா3ம விராஜிதா ।
தப்தகாஞ்சனஸன்னத்3த4 வைதூ3ர்யாங்க3த3பூ4ஷணா ॥ 18 ॥
கனச்ச்2ரீசக்ரதாடங்க விடங்க வத3னாம்பு3ஜா ।
லலாடகான்தி விப4வ விஜிதார்த4ஸுதா4கரா ॥ 19 ॥
பி3ம்ப3கான்தி திரஸ்காரிரத3ச்ச2த3 விராஜிதா ।
லஸத்குங்குமகஸ்தூரீதிலகோத்3பா4ஸிதானநா ॥ 2௦ ॥
தி3வ்ய சூடா3மணி ஸ்பா2ர சஞ்சச்சன்த்3ரகஸூர்யகா ।
உத்3யத்கவிஸமஸ்வச்ச2 நாஸாப4ரண பா4ஸுரா ॥ 21 ॥
சின்தாகலம்பி3தஸ்வச்ச2 முக்தாகு3ச்ச2 விராஜிதா ।
பாடீர பங்க கர்பூர குங்குமாலங்க்ருத ஸ்தனீ ॥ 22 ॥
விசித்ர விவிதா4 கல்பா கம்பு3ஸங்காஶ கன்த4ரா ।
தா3டி3மீப2லபீ3ஜாப4 த3ன்தபங்க்தி விராஜிதா ॥ 23 ॥
அனர்க்4ய ரத்னக4டித முகுடாஞ்சித மஸ்தகா ।
மத்தாலிமாலாவிலஸத3லகாட்4ய முகா2ம்பு3ஜா ॥ 24 ॥
கல்த3ங்ககார்ஶ்யனிர்முக்த ஶரச்சன்த்3ரனிபா4னநா ।
ஜாஹ்னவீஸலிலாவர்த ஶோபி4னாபி4விபூ4ஷிதா ॥ 25 ॥
மாணிக்ய ஶகலாப3த்3த4 முத்3ரிகாங்கு3ல்தி3பூ4ஷிதா ।
புண்ட3ரீகத3லாகார நயனத்ரயஸுன்த3ரீ ॥ 26 ॥
கல்பிதாச்ச2 மஹாராக3 பத்3மராகோ3ஜ்ஜ்வலப்ரபா4 ।
ரத்னகிங்கிணிகாயுக்த ரத்னகங்கணஶோபி4தா ॥ 27 ॥
மணிமுக்தாஸராபார லஸத்பத3கஸன்ததி: ।
ரத்னாங்கு3ல்தி3ப்ரவிதத ப்ரபா4ஜாலலஸத்கரா ॥ 28 ॥
கஞ்சுகீகு3ம்பி2தாபார நானா ரத்னததித்3யுதி: ।
மல்லிகாமோதி3 த4ம்மில்ல மல்லிகாலிஸராவ்ருதா ॥ 29 ॥
ஸுவ்ருத்தனிபி3டோ3த்துங்க3 குசபா4ராலஸா ஶிவா ।
வரபாஶாங்குஶாபீ4தி லஸத்3பா3ஹு சதுஷ்டயா ॥ 3௦ ॥
ஸர்வஶ்ருங்கா3ரவேஷாட்4யா ஸுகுமாராங்க3வல்லரீ ।
ஸௌன்த3ர்யதா4ராஸர்வஸ்வா நிர்வ்யாஜகருணாமயீ ॥ 31 ॥
நிஜஸம்லாபமாது4ர்ய வினிர்ப4ர்த்ஸிதகச்ச2பீ ।
கோடிகோடிரவீன்தூ3னாம் கான்திம் யா பி3ப்4ரதீ பரா ॥ 32 ॥
நானா ஸகீ2பி4ர்தா3ஸீபி4ஸ்ததா2 தே3வாங்க3னாதி3பி4: ।
ஸர்வாபி4ர்தே3வதாபி4ஸ்து ஸமன்தாத்பரிவேஷ்டிதா ॥ 33 ॥
இச்சா2ஶக்த்யா ஜ்ஞானஶக்த்யா க்ரியாஶக்த்யா ஸமன்விதா ।
லஜ்ஜா துஷ்டிஸ்ததா2 புஷ்டி: கீர்தி: கான்தி: க்ஷமா த3யா ॥ 34 ॥
பு3த்3தி4ர்மேதா4ஸ்ம்ருதிர்லக்ஷ்மீர்மூர்திமத்யோங்க3னா: ஸ்ம்ருதா: ।
ஜயா ச விஜயா சைவாப்யஜிதா சாபராஜிதா ॥ 35 ॥
நித்யா விலாஸினீ தோ3க்3த்4ரீ த்வகோ4ரா மங்க3ல்தா3 நவா ।
பீட2ஶக்தய ஏதாஸ்து ஸேவன்தே யாம் பராம்பி3காம் ॥ 36 ॥
யஸ்யாஸ்து பார்ஶ்வபா4கே3ஸ்தோனிதீ4தௌ ஶங்க3பத்3மகௌ ।
நவரத்ன வஹானத்3யஸ்ததா2 வை காஞ்சனஸ்ரவா: ॥ 37 ॥
ஸப்ததா4துவஹானத்3யோ நிதி4ப்4யாம் து வினிர்க3தா: ।
ஸுதா4ஸின்த்4வன்தகா3மின்யஸ்தா: ஸர்வா ந்ருபஸத்தம ॥ 38 ॥
ஸா தே3வீ பு4வனேஶானீ தத்3வாமாங்கே விராஜதே ।
ஸர்வேஶ த்வம் மஹேஶஸ்ய யத்ஸங்கா3 தே3வ நான்யதா2 ॥ 39 ॥
சின்தாமணி க்3ருஹஸ்யாஸ்ய ப்ரமாணம் ஶ்ருணு பூ4மிப ।
ஸஹஸ்ரயோஜனாயாமம் மஹான்தஸ்தத்ப்ரசக்ஷதே ॥ 4௦ ॥
தது3த்தரே மஹாஶாலா: பூர்வஸ்மாத்3 த்3விகு3ணா: ஸ்ம்ருதா: ।
அன்தரிக்ஷக3தம் த்வேதன்னிராதா4ரம் விராஜதே ॥ 41 ॥
ஸங்கோசஶ்ச விகாஶஶ்ச ஜாயதேஸ்ய நிரன்தரம் ।
படவத்கார்யவஶத: ப்ரல்த3யே ஸர்ஜனே ததா2 ॥ 42 ॥
ஶாலானாம் சைவ ஸர்வேஷாம் ஸர்வகான்திபராவதி4 ।
சின்தாமணிக்3ருஹம் ப்ரோக்தம் யத்ர தே3வீ மஹோமயீ ॥ 43 ॥
யேயே உபாஸகா: ஸன்தி ப்ரதிப்3ரஹ்மாண்ட3வர்தின: ।
தே3வேஷு நாக3லோகேஷு மனுஷ்யேஷ்விதரேஷு ச ॥ 44 ॥
ஶ்ரீதே3வ்யாஸ்தே ச ஸர்வேபி வ்ரஜன்த்யத்ரைவ பூ4மிப ।
தே3வீக்ஷேத்ரே யே த்யஜன்தி ப்ராணான்தே3வ்யர்சனே ரதா: ॥ 45 ॥
தே ஸர்வே யான்தி தத்ரைவ யத்ர தே3வீ மஹோத்ஸவா ।
க்4ருதகுல்யா து3க்3த4குல்யா த3தி4குல்யா மது4ஸ்ரவா: ॥ 46 ॥
ஸ்யன்த3ன்தி ஸரித: ஸர்வாஸ்ததா2ம்ருதவஹா: பரா: ।
த்3ராக்ஷாரஸவஹா: காஶ்சிஜ்ஜம்பூ3ரஸவஹா: பரா: ॥ 47 ॥
ஆம்ரேக்ஷுரஸவாஹின்யோ நத்3யஸ்தாஸ்து ஸஹஸ்ரஶ: ।
மனோரத2ப2லாவ்ருக்ஷாவாப்ய: கூபாஸ்ததை2வ ச ॥ 48 ॥
யதே2ஷ்டபானப2லதா3ன ந்யூனம் கிஞ்சித3ஸ்தி ஹி ।
ந ரோக3பலிதம் வாபி ஜரா வாபி கதா3சன ॥ 49 ॥
ந சின்தா ந ச மாத்ஸர்யம் காமக்ரோதா4தி3கம் ததா2 ।
ஸர்வே யுவான: ஸஸ்த்ரீகா: ஸஹஸ்ராதி3த்யவர்சஸ: ॥ 5௦ ॥
பஜ4ன்தி ஸததம் தே3வீம் தத்ர ஶ்ரீபு4வனேஶ்வரீம் ।
கேசித்ஸலோகதாபன்னா: கேசித்ஸாமீப்யதாம் க3தா: ॥ 51 ॥
ஸரூபதாம் க3தா: கேசித்ஸார்ஷ்டிதாம் ச பரேக3தா: ।
யாயாஸ்து தே3வதாஸ்தத்ர ப்ரதிப்3ரஹ்மாண்ட3வர்தினாம் ॥ 52 ॥
ஸமஷ்டய: ஸ்தி2தாஸ்தாஸ்து ஸேவன்தே ஜக3தீ3ஶ்வரீம் ।
ஸப்தகோடிமஹாமன்த்ரா மூர்திமன்த உபாஸதே ॥ 53 ॥
மஹாவித்3யாஶ்ச ஸகலா: ஸாம்யாவஸ்தா2த்மிகாம் ஶிவாம் ।
காரணப்3ரஹ்மரூபாம் தாம் மாயா ஶப3லவிக்3ரஹாம் ॥ 54 ॥
இத்த2ம் ராஜன்மயா ப்ரோக்தம் மணித்3வீபம் மஹத்தரம் ।
ந ஸூர்யசன்த்3ரௌ நோ வித்3யுத்கோடயோக்3னிஸ்ததை2வ ச ॥ 55 ॥
ஏதஸ்ய பா4ஸா கோட்யம்ஶ கோட்யம்ஶோ நாபி தே ஸமா: ।
க்வசித்3வித்3ருமஸங்காஶம் க்வசின்மரகதச்ச2வி ॥ 56 ॥
வித்3யுத்3பா4னுஸமச்சா2யம் மத்4யஸூர்யஸமம் க்வசித் ।
வித்3யுத்கோடிமஹாதா4ரா ஸாரகான்திததம் க்வசித் ॥ 57 ॥
க்வசித்ஸின்தூ3ர நீலேன்த்3ரம் மாணிக்ய ஸத்3ருஶச்ச2வி ।
ஹீரஸார மஹாக3ர்ப4 த4க3த்3த4கி3த தி3க்தடம் ॥ 58 ॥
கான்த்யா தா3வானலஸமம் தப்தகாஞ்சன ஸன்னிப4ம் ।
க்வசிச்சன்த்3ரோபலோத்3கா3ரம் ஸூர்யோத்3கா3ரம் ச குத்ர சித் ॥ 59 ॥
ரத்னஶ்ருங்கி3 ஸமாயுக்தம் ரத்னப்ராகார கோ3புரம் ।
ரத்னபத்ரை ரத்னப2லைர்வ்ருக்ஷைஶ்ச பரிமண்டி3தம் ॥ 6௦ ॥
ந்ருத்யன்மயூரஸங்கை4ஶ்ச கபோதரணிதோஜ்ஜ்வலம் ।
கோகிலாகாகலீலாபை: ஶுகலாபைஶ்ச ஶோபி4தம் ॥ 61 ॥
ஸுரம்ய ரமணீயாம்பு3 லக்ஷாவதி4 ஸரோவ்ருதம் ।
தன்மத்4யபா4க3 விலஸத்3விகசத்3ரத்ன பங்கஜை: ॥ 62 ॥
ஸுக3ன்தி4பி4: ஸமன்தாத்து வாஸிதம் ஶதயோஜனம் ।
மன்த3மாருத ஸம்பி4ன்ன சலத்3த்3ரும ஸமாகுலம் ॥ 63 ॥
சின்தாமணி ஸமூஹானாம் ஜ்யோதிஷா விததாம்ப3ரம் ।
ரத்னப்ரபா4பி4ரபி4தோ த4க3த்3த4கி3த தி3க்தடம் ॥ 64 ॥
வ்ருக்ஷவ்ராத மஹாக3ன்த4வாதவ்ராத ஸுபூரிதம் ।
தூ4பதூ4பாயிதம் ராஜன்மணிதீ3பாயுதோஜ்ஜ்வலம் ॥ 65 ॥
மணிஜாலக ஸச்சி2த்3ர தரலோத3ரகான்திபி4: ।
தி3ங்மோஹஜனகம் சைதத்3த3ர்பணோத3ர ஸம்யுதம் ॥ 66 ॥
ஐஶ்வர்யஸ்ய ஸமக்3ரஸ்ய ஶ்ருங்கா3ரஸ்யாகி2லஸ்ய ச ।
ஸர்வஜ்ஞதாயா: ஸர்வாயாஸ்தேஜஸஶ்சாகி2லஸ்ய ச ॥ 67 ॥
பராக்ரமஸ்ய ஸர்வஸ்ய ஸர்வோத்தமகு3ணஸ்ய ச ।
ஸகலா யா த3யாயாஶ்ச ஸமாப்திரிஹ பூ4பதே ॥ 68 ॥
ராஜ்ஞ ஆனந்த3மாரப்4ய ப்3ரஹ்மலோகான்த பூ4மிஷு ।
ஆனந்தா3 யே ஸ்தி2தா: ஸர்வே தேத்ரைவான்தர்ப4வன்தி ஹி ॥ 69 ॥
இதி தே வர்ணிதம் ராஜன்மணித்3வீபம் மஹத்தரம் ।
மஹாதே3வ்யா: பரம்ஸ்தா2னம் ஸர்வலோகோத்தமோத்தமம் ॥ 7௦ ॥
ஏதஸ்ய ஸ்மரணாத்ஸத்3ய: ஸர்வபாபம் வினஶ்யதி ।
ப்ராணோத்க்ரமணஸன்தௌ4 து ஸ்ம்ருத்வா தத்ரைவ க3ச்ச2தி ॥ 71 ॥
அத்4யாய பஞ்சகம் த்வேதத்படே2ன்னித்யம் ஸமாஹித: ।
பூ4தப்ரேதபிஶாசாதி3 பா3தா4 தத்ர ப4வேன்ன ஹி ॥ 72 ॥
நவீன க்3ருஹ நிர்மாணே வாஸ்துயாகே3 ததை2வ ச ।
படி2தவ்யம் ப்ரயத்னேன கல்யாணம் தேன ஜாயதே ॥ 73 ॥
இதி ஶ்ரீதே3வீபா4க3வதே மஹாபுராணே த்3வாத3ஶஸ்கன்தே4 த்3வாத3ஶோத்4யாய: ॥
Browse Related Categories:
