(ஶ்ரீதே3வீபா4க3வதம், த்3வாத3ஶ ஸ்கன்த4ம், த3ஶமோத்4யாய:, , மணித்3வீப வர்ணன - 1)
வ்யாஸ உவாச –
ப்3ரஹ்மலோகாதூ3ர்த்4வபா4கே3 ஸர்வலோகோஸ்தி ய: ஶ்ருத: ।
மணித்3வீப: ஸ ஏவாஸ்தி யத்ர தே3வீ விராஜதே ॥ 1 ॥
ஸர்வஸ்மாத3தி4கோ யஸ்மாத்ஸர்வலோகஸ்தத: ஸ்ம்ருத: ।
புரா பராம்ப3யைவாயம் கல்பிதோ மனஸேச்ச2யா ॥ 2 ॥
ஸர்வாதௌ3 நிஜவாஸார்த2ம் ப்ரக்ருத்யா மூலபூ4தயா ।
கைலாஸாத3தி4கோ லோகோ வைகுண்டா2த3பி சோத்தம: ॥ 3 ॥
கோ3லோகாத3பி ஸர்வஸ்மாத்ஸர்வலோகோதி4க: ஸ்ம்ருத: ।
நைதத்ஸமம் த்ரிலோக்யாம் து ஸுன்த3ரம் வித்3யதே க்வசித் ॥ 4 ॥
ச2த்ரீபூ4தம் த்ரிஜக3தோ ப4வஸன்தாபனாஶகம் ।
சா2யாபூ4தம் ததே3வாஸ்தி ப்3ரஹ்மாண்டா3னாம் து ஸத்தம ॥ 5 ॥
ப3ஹுயோஜனவிஸ்தீர்ணோ க3ம்பீ4ரஸ்தாவதே3வ ஹி ।
மணித்3வீபஸ்ய பரிதோ வர்ததே து ஸுதோ4த3தி4: ॥ 6 ॥
மருத்ஸங்க4ட்டனோத்கீர்ணதரங்க3 ஶதஸங்குல: ।
ரத்னாச்ச2வாலுகாயுக்தோ ஜ2ஷஶங்க3ஸமாகுல: ॥ 7 ॥
வீசிஸங்க4ர்ஷஸஞ்ஜாதலஹரீகணஶீதல: ।
நானாத்4வஜஸமாயுக்தா நானாபோதக3தாக3தை: ॥ 8 ॥
விராஜமான: பரிதஸ்தீரரத்னத்3ருமோ மஹான் ।
தது3த்தரமயோதா4துனிர்மிதோ க3க3னே தத: ॥ 9 ॥
ஸப்தயோஜனவிஸ்தீர்ண: ப்ராகாரோ வர்ததே மஹான் ।
நானாஶஸ்த்ரப்ரஹரணா நானாயுத்3த4விஶாரதா3: ॥ 1௦ ॥
ரக்ஷகா நிவஸன்த்யத்ர மோத3மானா: ஸமன்தத: ।
சதுர்த்3வாரஸமாயுக்தோ த்3வாரபாலஶதான்வித: ॥ 11 ॥
நானாக3ணை: பரிவ்ருதோ தே3வீப4க்தியுதைர்ன்ருப ।
த3ர்ஶனார்த2ம் ஸமாயான்தி யே தே3வா ஜக3தீ3ஶிது: ॥ 12 ॥
தேஷாம் க3ணா வஸன்த்யத்ர வாஹனானி ச தத்ர ஹி ।
விமானஶதஸங்க4ர்ஷக4ண்டாஸ்வனஸமாகுல: ॥ 13 ॥
ஹயஹேஷாகு2ராகா4தப3தி4ரீக்ருததி3ம்முக:2 ।
க3ணை: கிலகிலாராவைர்வேத்ரஹஸ்தைஶ்ச தாடி3தா: ॥ 14 ॥
ஸேவகா தே3வஸங்கா3னாம் ப்4ராஜன்தே தத்ர பூ4மிப ।
தஸ்மிங்கோலாஹலே ராஜன்னஶப்3த:3 கேனசித்க்வசித் ॥ 15 ॥
கஸ்யசிச்ச்2ரூயதேத்யன்தம் நானாத்4வனிஸமாகுலே ।
பதே3 பதே3 மிஷ்டவாரிபரிபூர்ணஸரான்ஸி ச ॥ 16 ॥
வாடிகா விவிதா4 ராஜன் ரத்னத்3ருமவிராஜிதா: ।
தது3த்தரம் மஹாஸாரதா4துனிர்மிதமண்ட3ல: ॥ 17 ॥
ஸாலோபரோ மஹானஸ்தி க3க3னஸ்பர்ஶி யச்சி2ர: ।
தேஜஸா ஸ்யாச்ச2தகு3ண: பூர்வஸாலாத3யம் பர: ॥ 18 ॥
கோ3புரத்3வாரஸஹிதோ ப3ஹுவ்ருக்ஷஸமன்வித: ।
யா வ்ருக்ஷஜாதய: ஸன்தி ஸர்வாஸ்தாஸ்தத்ர ஸன்தி ச ॥ 19 ॥
நிரன்தரம் புஷ்பயுதா: ஸதா3 ப2லஸமன்விதா: ।
நவபல்லவஸம்யுக்தா: பரஸௌரப4ஸங்குலா: ॥ 2௦ ॥
பனஸா ப3குலா லோத்4ரா: கர்ணிகாராஶ்ச ஶிம்ஶபா: ।
தே3வதா3ருகாஞ்சனாரா ஆம்ராஶ்சைவ ஸுமேரவ: ॥ 21 ॥
லிகுசா ஹிங்கு3லாஶ்சைலா லவங்கா3: கட்ப2லாஸ்ததா2 ।
பாடலா முசுகுன்தா3ஶ்ச ப2லின்யோ ஜக4னேப2லா: ॥ 22 ॥
தாலாஸ்தமாலா: ஸாலாஶ்ச கங்கோலா நாக3ப4த்3ரகா: ।
புன்னாகா3: பீலவ: ஸால்வகா வை கர்பூரஶாகி2ன: ॥ 23 ॥
அஶ்வகர்ணா ஹஸ்திகர்ணாஸ்தாலபர்ணாஶ்ச தா3டி3மா: ।
க3ணிகா ப3ன்து4ஜீவாஶ்ச ஜம்பீ3ராஶ்ச குரண்ட3கா: ॥ 24 ॥
சாம்பேயா ப3ன்து4ஜீவாஶ்ச ததா2 வை கனகத்3ருமா: ।
காலாகு3ருத்3ருமாஶ்சைவ ததா2 சன்த3னபாத3பா: ॥ 25 ॥
க2ர்ஜூரா யூதி2காஸ்தாலபர்ண்யஶ்சைவ ததே2க்ஷவ: ।
க்ஷீரவ்ருக்ஷாஶ்ச க2தி3ராஶ்சிஞ்சாப4ல்லாதகாஸ்ததா2 ॥ 26 ॥
ருசகா: குடஜா வ்ருக்ஷா பி3ல்வவ்ருக்ஷாஸ்ததை2வ ச ।
துலஸீனாம் வனான்யேவம் மல்லிகானாம் ததை2வ ச ॥ 27 ॥
இத்யாதி3தருஜாதீனாம் வனான்யுபவனானி ச ।
நானாவாபீஶதைர்யுக்தான்யேவம் ஸன்தி த4ராதி4ப ॥ 28 ॥
கோகிலாராவஸம்யுக்தா கு3ன்ஜத்3ப்4ரமரபூ4ஷிதா: ।
நிர்யாஸஸ்ராவிண: ஸர்வே ஸ்னிக்3த4ச்சா2யாஸ்தரூத்தமா: ॥ 29 ॥
நானாருதுப4வா வ்ருக்ஷா நானாபக்ஷிஸமாகுலா: ।
நானாரஸஸ்ராவிணீபி4ர்னதீ3பி4ரதிஶோபி4தா: ॥ 3௦ ॥
பாராவதஶுகவ்ராதஸாரிகாபக்ஷமாருதை: ।
ஹம்ஸபக்ஷஸமுத்3பூ4த வாதவ்ராதைஶ்சலத்3த்3ருமம் ॥ 31 ॥
ஸுக3ன்த4க்3ராஹிபவனபூரிதம் தத்3வனோத்தமம் ।
ஸஹிதம் ஹரிணீயூதை2ர்தா4வமானைரிதஸ்தத: ॥ 32 ॥
ந்ருத்யத்3ப3ர்ஹிகத3ம்ப3ஸ்ய கேகாராவை: ஸுக2ப்ரதை3: ।
நாதி3தம் தத்3வனம் தி3வ்யம் மது4ஸ்ராவி ஸமன்தத: ॥ 33 ॥
காம்ஸ்யஸாலாது3த்தரே து தாம்ரஸால: ப்ரகீர்தித: ।
சதுரஸ்ரஸமாகார உன்னத்யா ஸப்தயோஜன: ॥ 34 ॥
த்3வயோஸ்து ஸாலயோர்மத்4யே ஸம்ப்ரோக்தா கல்பவாடிகா ।
யேஷாம் தரூணாம் புஷ்பாணி காஞ்சனாபா4னி பூ4மிப ॥ 35 ॥
பத்ராணி காஞ்சனாபா4னி ரத்னபீ3ஜப2லானி ச ।
த3ஶயோஜனக3ன்தோ4 ஹி ப்ரஸர்பதி ஸமன்தத: ॥ 36 ॥
தத்3வனம் ரக்ஷிதம் ராஜன்வஸன்தேனர்துனானிஶம் ।
புஷ்பஸிம்ஹாஸனாஸீன: புஷ்பச்ச2த்ரவிராஜித: ॥ 37 ॥
புஷ்பபூ4ஷாபூ4ஷிதஶ்ச புஷ்பாஸவவிகூ4ர்ணித: ।
மது4ஶ்ரீர்மாத4வஶ்ரீஶ்ச த்3வே பா4ர்யே தஸ்ய ஸம்மதே ॥ 38 ॥
க்ரீட3த: ஸ்மேரவத3னே ஸுமஸ்தப3ககன்து3கை: ।
அதீவ ரம்யம் விபினம் மது4ஸ்ராவி ஸமன்தத: ॥ 39 ॥
த3ஶயோஜனபர்யன்தம் குஸுமாமோத3வாயுனா ।
பூரிதம் தி3வ்யக3ன்த4ர்வை: ஸாங்க3னைர்கா3னலோலுபை: ॥ 4௦ ॥
ஶோபி4தம் தத்3வனம் தி3வ்யம் மத்தகோகிலனாதி3தம் ।
வஸன்தலக்ஷ்மீஸம்யுக்தம் காமிகாமப்ரவர்த4னம் ॥ 41 ॥
தாம்ரஸாலாது3த்தரத்ர ஸீஸஸால: ப்ரகீர்தித: ।
ஸமுச்ச்2ராய: ஸ்ம்ருதோப்யஸ்ய ஸப்தயோஜனஸங்க்3யயா ॥ 42 ॥
ஸன்தானவாடிகாமத்4யே ஸாலயோஸ்து த்3வயோர்ன்ருப ।
த3ஶயோஜனக3ன்த4ஸ்து ப்ரஸூனானாம் ஸமன்தத: ॥ 43 ॥
ஹிரண்யாபா4னி குஸுமான்யுத்பு2ல்லானி நிரன்தரம் ।
அம்ருதத்3ரவஸம்யுக்தப2லானி மது4ராணி ச ॥ 44 ॥
க்3ரீஷ்மர்துர்னாயகஸ்தஸ்யா வாடிகாயா ந்ருபோத்தம ।
ஶுக்ரஶ்ரீஶ்ச ஶுசிஶ்ரீஶ்ச த்3வே பா4ர்யே தஸ்ய ஸம்மதே ॥ 45 ॥
ஸன்தாபத்ரஸ்தலோகாஸ்து வ்ருக்ஷமூலேஷு ஸம்ஸ்தி2தா: ।
நானாஸித்3தை4: பரிவ்ருதோ நானாதே3வை: ஸமன்வித: ॥ 46 ॥
விலாஸினீனாம் ப்3ருன்தை3ஸ்து சன்த3னத்3ரவபங்கிலை: ।
புஷ்பமாலாபூ4ஷிதைஸ்து தாலவ்ருன்தகராம்பு3ஜை: ॥ 47 ॥
[ பாட2பே4த:3- ப்ராகார: ]
ப்ரகார: ஶோபி4தோ ஏஜச்சீ2தலாம்பு3னிஷேவிபி4: ।
ஸீஸஸாலாது3த்தரத்ராப்யாரகூடமய: ஶுப:4 ॥ 48 ॥
ப்ராகாரோ வர்ததே ராஜன்முனியோஜனதை3ர்க்4யவான் ।
ஹரிசன்த3னவ்ருக்ஷாணாம் வாடீ மத்4யே தயோ: ஸ்ம்ருதா ॥ 49 ॥
ஸாலயோரதி4னாத2ஸ்து வர்ஷர்துர்மேக4வாஹன: ।
வித்3யுத்பிங்க3லனேத்ரஶ்ச ஜீமூதகவச: ஸ்ம்ருத: ॥ 5௦ ॥
வஜ்ரனிர்கோ4ஷமுக2ரஶ்சேன்த்3ரத4ன்வா ஸமன்தத: ।
ஸஹஸ்ரஶோ வாரிதா4ரா முஞ்சன்னாஸ்தே க3ணாவ்ருத: ॥ 51 ॥
நப:4 ஶ்ரீஶ்ச நப4ஸ்யஶ்ரீ: ஸ்வரஸ்யா ரஸ்யமாலினீ ।
அம்பா3 து3லா நிரத்னிஶ்சாப்4ரமன்தீ மேக4யன்திகா ॥ 52 ॥
வர்ஷயன்தீ சிபு3ணிகா வாரிதா4ரா ச ஸம்மதா: ।
வர்ஷர்தோர்த்3வாத3ஶ ப்ரோக்தா: ஶக்தயோ மத3விஹ்வலா: ॥ 53 ॥
நவபல்லவவ்ருக்ஷாஶ்ச நவீனலதிகான்விதா: ।
ஹரிதானி த்ருணான்யேவ வேஷ்டிதா யைர்த4ராகி2லா ॥ 54 ॥
நதீ3னத3ப்ரவாஹாஶ்ச ப்ரவஹன்தி ச வேக3த: ।
ஸராம்ஸி கலுஷாம்பூ3னி ராகி3சித்தஸமானி ச ॥ 55 ॥
வஸன்தி தே3வா: ஸித்3தா4ஶ்ச யே தே3வீகர்மகாரிண: ।
வாபீகூபதடா3கா3ஶ்ச யே தே3வ்யர்த2ம் ஸமர்பிதா: ॥ 56 ॥
தே க3ணா நிவஸன்த்யத்ர ஸவிலாஸாஶ்ச ஸாங்க3னா: ।
ஆரகூடமயாத3க்3ரே ஸப்தயோஜனதை3ர்க்4யவான் ॥ 57 ॥
பஞ்சலோஹாத்மக: ஸாலோ மத்4யே மன்தா3ரவாடிகா ।
நானாபுஷ்பலதாகீர்ணா நானாபல்லவஶோபி4தா ॥ 58 ॥
அதி4ஷ்டா2தாத்ர ஸம்ப்ரோக்த: ஶரத்3ருதுரனாமய: ।
இஷலக்ஷ்மீரூர்ஜலக்ஷ்மீர்த்3வே பா4ர்யே தஸ்ய ஸம்மதே ॥ 59 ॥
நானாஸித்3தா4 வஸன்த்யத்ர ஸாங்க3னா: ஸபரிச்ச2தா3: ।
பஞ்சலோஹமயாத3க்3ரே ஸப்தயோஜனதை3ர்க்4யவான் ॥ 6௦ ॥
தீ3ப்யமானோ மஹாஶ்ருங்கை3ர்வர்ததே ரௌப்யஸாலக: ।
பாரிஜாதாடவீமத்4யே ப்ரஸூனஸ்தப3கான்விதா ॥ 61 ॥
த3ஶயோஜனக3ன்தீ4னி குஸுமானி ஸமன்தத: ।
மோத3யன்தி க3ணான்ஸர்வான்யே தே3வீகர்மகாரிண: ॥ 62 ॥
தத்ராதி4னாத:2 ஸம்ப்ரோக்தோ ஹேமன்தர்துர்மஹோஜ்ஜ்வல: ।
ஸக3ண: ஸாயுத:4 ஸர்வான் ராகி3ணோ ரஞ்ஜயன்னப: ॥ 63 ॥
ஸஹஶ்ரீஶ்ச ஸஹஸ்யஶ்ரீர்த்3வே பா4ர்யே தஸ்ய ஸம்மதே ।
வஸன்தி தத்ர ஸித்3தா4ஶ்ச யே தே3வீவ்ரதகாரிண: ॥ 64 ॥
ரௌப்யஸாலமயாத3க்3ரே ஸப்தயோஜனதை3ர்க்4யவான் ।
ஸௌவர்ணஸால: ஸம்ப்ரோக்தஸ்தப்தஹாடககல்பித: ॥ 65 ॥
மத்4யே கத3ம்ப3வாடீ து புஷ்பபல்லவஶோபி4தா ।
கத3ம்ப3மதி3ராதா4ரா: ப்ரவர்தன்தே ஸஹஸ்ரஶ: ॥ 66 ॥
யாபி4ர்னிபீதபீதாபி4ர்னிஜானந்தோ3னுபூ4யதே ।
தத்ராதி4னாத:2 ஸம்ப்ரோக்த: ஶைஶிரர்துர்மஹோத3ய: ॥ 67 ॥
தப:ஶ்ரீஶ்ச தபஸ்யஶ்ரீர்த்3வே பா4ர்யே தஸ்ய ஸம்மதே ।
மோத3மான: ஸஹைதாப்4யாம் வர்ததே ஶிஶிராக்ருதி: ॥ 68 ॥
நானாவிலாஸஸம்யுக்தோ நானாக3ணஸமாவ்ருத: ।
நிவஸன்தி மஹாஸித்3தா4 யே தே3வீதா3னகாரிண: ॥ 69 ॥
நானாபோ4க3ஸமுத்பன்னமஹானந்த3ஸமன்விதா: ।
ஸாங்க3னா: பரிவாரைஸ்து ஸங்க4ஶ: பரிவாரிதா: ॥ 7௦ ॥
ஸ்வர்ணஸாலமயாத3க்3ரே முனியோஜனதை3ர்க்4யவான் ।
புஷ்பராக3மய: ஸால: குங்குமாருணவிக்3ரஹ: ॥ 71 ॥
புஷ்பராக3மயீ பூ4மிர்வனான்யுபவனானி ச ।
ரத்னவ்ருக்ஷாலவாலாஶ்ச புஷ்பராக3மயா: ஸ்ம்ருதா: ॥ 72 ॥
ப்ராகாரோ யஸ்ய ரத்னஸ்ய தத்3ரத்னரசிதா த்3ருமா: ।
வனபூ4: பக்ஷினஶ்சைவ ரத்னவர்ணஜலானி ச ॥ 73 ॥
மண்ட3பா மண்ட3பஸ்தம்பா4: ஸரான்ஸி கமலானி ச ।
ப்ராகாரே தத்ர யத்3யத்ஸ்யாத்தத்ஸர்வம் தத்ஸமம் ப4வேத் ॥ 74 ॥
பரிபா4ஷேயமுத்3தி3ஷ்டா ரத்னஸாலாதி3ஷு ப்ரபோ4 ।
தேஜஸா ஸ்யால்லக்ஷகு3ண: பூர்வஸாலாத்பரோ ந்ருப ॥ 75 ॥
தி3க்பாலா நிவஸன்த்யத்ர ப்ரதிப்3ரஹ்மான்ட3வர்தினாம் ।
தி3க்பாலானாம் ஸமஷ்ட்யாத்மரூபா: ஸ்பூ2ர்ஜத்3வராயுதா4: ॥ 76 ॥
பூர்வாஶாயாம் ஸமுத்துங்க3ஶ்ருங்கா3 பூரமராவதீ ।
நானோபவனஸம்யுக்தா மஹேன்த்3ரஸ்தத்ர ராஜதே ॥ 77 ॥
ஸ்வர்க3ஶோபா4 ச யா ஸ்வர்கே3 யாவதீ ஸ்யாத்ததோதி4கா ।
ஸமஷ்டிஶதனேத்ரஸ்ய ஸஹஸ்ரகு3ணத: ஸ்ம்ருதா ॥ 78 ॥
ஐராவதஸமாரூடோ4 வஜ்ரஹஸ்த: ப்ரதாபவான் ।
தே3வஸேனாபரிவ்ருதோ ராஜதேத்ர ஶதக்ரது: ॥ 79 ॥
தே3வாங்க3னாக3ணயுதா ஶசீ தத்ர விராஜதே ।
வஹ்னிகோணே வஹ்னிபுரீ வஹ்னிபூ: ஸத்3ருஶீ ந்ருப ॥ 8௦ ॥
ஸ்வாஹாஸ்வதா4ஸமாயுக்தோ வஹ்னிஸ்தத்ர விராஜதே ।
நிஜவாஹனபூ4ஷாட்4யோ நிஜதே3வக3ணைர்வ்ருத: ॥ 81 ॥
யாம்யாஶாயாம் யமபுரீ தத்ர த3ண்ட3த4ரோ மஹான் ।
ஸ்வப4டைர்வேஷ்டிதோ ராஜன் சித்ரகு3ப்தபுரோக3மை: ॥ 82 ॥
நிஜஶக்தியுதோ பா4ஸ்வத்தனயோஸ்தி யமோ மஹான் ।
நைர்ருத்யாம் தி3ஶி ராக்ஷஸ்யாம் ராக்ஷஸை: பரிவாரித: ॥ 83 ॥
க2ட்3க3தா4ரீ ஸ்பு2ரன்னாஸ்தே நிர்ருதிர்னிஜஶக்தியுக் ।
வாருண்யாம் வருணோ ராஜா பாஶதா4ரீ ப்ரதாபவான் ॥ 84 ॥
மஹாஜ2ஶஸமாரூடோ4 வாருணீமது4விஹ்வல: ।
நிஜஶக்திஸமாயுக்தோ நிஜயாதோ3க3ணான்வித: ॥ 85 ॥
ஸமாஸ்தே வாருணே லோகே வருணானீரதாகுல: ।
வாயுகோணே வாயுலோகோ வாயுஸ்தத்ராதி4திஷ்ட2தி ॥ 86 ॥
வாயுஸாத4னஸம்ஸித்3த4யோகி3பி4: பரிவாரித: ।
த்4வஜஹஸ்தோ விஶாலாக்ஷோ ம்ருக3வாஹனஸம்ஸ்தி2த: ॥ 87 ॥
மருத்3க3ணை: பரிவ்ருதோ நிஜஶக்திஸமன்வித: ।
உத்தரஸ்யாம் தி3ஶி மஹான்யக்ஷலோகோஸ்தி பூ4மிப ॥ 88 ॥
யக்ஷாதி4ராஜஸ்தத்ராஸ்தே வ்ருத்3தி4ருத்3த்4யாதி3ஶக்திபி4: ।
நவபி4ர்னிதி4பி4ர்யுக்தஸ்துன்தி3லோ த4னநாயக: ॥ 89 ॥
மணிப4த்3ர: பூர்ணப4த்3ரோ மணிமான்மணிகன்த4ர: ।
மணிபூ4ஷோ மணிஸ்ரக்3வீ மணிகார்முகதா4ரக: ॥ 9௦ ॥
இத்யாதி3யக்ஷஸேனானீஸஹிதோ நிஜஶக்தியுக் ।
ஈஶானகோணே ஸம்ப்ரோக்தோ ருத்3ரலோகோ மஹத்தர: ॥ 91 ॥
அனர்க்4யரத்னக2சிதோ யத்ர ருத்3ரோதி4தை3வதம் ।
மன்யுமான்தீ3ப்தனயனோ ப3த்3த4ப்ருஷ்ட2மஹேஷுதி4: ॥ 92 ॥
ஸ்பூ2ர்ஜத்3த4னுர்வாமஹஸ்தோதி4ஜ்யத4ன்வபி4ராவ்ருத: ।
ஸ்வஸமானைரஸங்க்3யாதருத்3ரை: ஶூலவராயுதை4: ॥ 93 ॥
விக்ருதாஸ்யை: கராலாஸ்யைர்வமத்3வஹ்னிபி4ராஸ்யத: ।
த3ஶஹஸ்தை: ஶதகரை: ஸஹஸ்ரபு4ஜஸம்யுதை: ॥ 94 ॥
த3ஶபாதை3ர்த3ஶக்3ரீவைஸ்த்ரினேத்ரைருக்3ரமூர்திபி4: ।
அன்தரிக்ஷசரா யே ச யே ச பூ4மிசரா: ஸ்ம்ருதா: ॥ 95 ॥
ருத்3ராத்4யாயே ஸ்ம்ருதா ருத்3ராஸ்தை: ஸர்வைஶ்ச ஸமாவ்ருத: ।
ருத்3ராணீகோடிஸஹிதோ ப4த்3ரகால்யாதி3மாத்ருபி4: ॥ 96 ॥
நானாஶக்திஸமாவிஷ்டடா3மர்யாதி3க3ணாவ்ருத: ।
வீரப4த்3ராதி3ஸஹிதோ ருத்3ரோ ராஜன்விராஜதே ॥ 97 ॥
முண்ட3மாலாத4ரோ நாக3வலயோ நாக3கன்த4ர: ।
வ்யாக்4ரசர்மபரீதா4னோ கஜ3சர்மோத்தரீயக: ॥ 98 ॥
சிதாப4ஸ்மாங்க3லிப்தாங்க:3 ப்ரமதா2தி3க3ணாவ்ருத: ।
நினத3ட்3ட3மருத்4வானைர்ப3தி4ரீக்ருததி3ம்முக:2 ॥ 99 ॥
அட்டஹாஸாஸ்போ2டஶப்3தை3: ஸன்த்ராஸிதனப4ஸ்தல: ।
பூ4தஸங்க4ஸமாவிஷ்டோ பூ4தாவாஸோ மஹேஶ்வர: ॥ 1௦௦ ॥
ஈஶானதி3க்பதி: ஸோயம் நாம்னா சேஶான ஏவ ச ॥ 1௦1 ॥
இதி ஶ்ரீதே3வீபா4க3வதே மஹாபுராணே த்3வாத3ஶஸ்கன்தே4 மணித்3வீபவர்ணனம் நாம த3ஶமோத்4யாய: ॥
Browse Related Categories:
