॥ ஸப்தம: ஸர்க:3 ॥
॥ நாக3ரனாராயண: ॥
அத்ரான்தரே ச குலடாகுலவர்த்மபாத-ஸஞ்ஜாதபாதக இவ ஸ்பு2டலாஞ்ச2னஶ்ரீ: ।
வ்ருன்தா3வனான்தரமதீ3பயத3ம்ஶுஜாலை-ர்தி3க்ஸுன்த3ரீவத3னசன்த3னபி3ன்து3ரின்து3: ॥ 4௦ ॥
ப்ரஸரதி ஶஶத4ரபி3ம்பே3 விஹிதவிலம்பே3 ச மாத4வே விது4ரா ।
விரசிதவிவித4விலாபம் ஸா பரிதாபம் சகாரோச்சை: ॥ 41 ॥
॥ கீ3தம் 13 ॥
கதி2தஸமயேபி ஹரிரஹஹ ந யயௌ வனம் ।
மம விப2லமித3மமலரூபமபி யௌவனம் ॥
யாமி ஹே கமிஹ ஶரணம் ஸகீ2ஜனவசனவஞ்சிதா ॥ 1 ॥
யத3னுக3மனாய நிஶி க3ஹனமபி ஶீலிதம் ।
தேன மம ஹ்ருத3யமித3மஸமஶரகீலிதம் ॥ 2 ॥
மம மரணமேவ வரமதிவிதத2கேதனா ।
கிமிஹ விஷஹாமி விரஹானலசேதனா ॥ 3 ॥
மாமஹஹ விது4ரயதி மது4ரமது4யாமினீ ।
காபி ஹரிமனுப4வதி க்ருதஸுக்ருதகாமினீ ॥ 4 ॥
அஹஹ கலயாமி வலயாதி3மணீபூ4ஷணம் ।
ஹரிவிரஹத3ஹனவஹனேன ப3ஹுதூ3ஷணம் ॥ 5 ॥
குஸுமஸுகுமாரதனுமதனுஶரலீலயா ।
ஸ்ரக3பி ஹ்ருதி3 ஹன்தி மாமதிவிஷமஶீலயா ॥ 6 ॥
அஹமிஹ நிவஸாமி நக3ணிதவனவேதஸா ।
ஸ்மரதி மது4ஸூத3னோ மாமபி ந சேதஸா ॥ 7 ॥
ஹரிசரணஶரணஜயதே3வகவிபா4ரதீ ।
வஸது ஹ்ருதி3 யுவதிரிவ கோமலகலாவதீ ॥ 8 ॥
தத்கிம் காமபி காமினீமபி4ஸ்ருத: கிம் வா கலாகேலிபி4-ர்ப3த்3தோ4 ப3ன்து4பி4ரன்த4காரிணி வனோபான்தே கிமு ப்4ராம்யதி ।
கான்த: க்லான்தமனா மனாக3பி பதி2 ப்ரஸ்தா2துமேவாக்ஷம: ஸங்கேதீக்ருதமஞ்ஜுவஞ்ஜுலலதாகுஞ்ஜேபி யன்னாக3த: ॥ 42 ॥
அதா2க3தாம் மாத4வமன்தரேண ஸகீ2மியம் வீக்ஷ்ய விஷாத3மூகாம் ।
விஶங்க்மானா ரமிதம் கயாபி ஜனார்த3னம் த்3ருஷ்டவதே3ததா3ஹ ॥ 43 ॥
॥ கீ3தம் 14 ॥
ஸ்மரஸமரோசிதவிரசிதவேஶா ।
க3லிதகுஸுமத3ரவிலுலிதகேஶா ॥
காபி மது4ரிபுணா விலஸதி யுவதிரதி4ககு3ணா ॥ 1 ॥
ஹரிபரிரம்ப4ணவலிதவிகாரா ।
குசகலஶோபரி தரலிதஹாரா ॥ 2 ॥
விசலத3லகலலிதானநசன்த்3ரா ।
தத3த4ரபானரப4ஸக்ருததன்த்3ரா ॥ 3 ॥
சஞ்சலகுண்ட3லத3லிதகபோலா ।
முக2ரிதரஸனஜக4னக3லிதலோலா ॥ 4 ॥
த3யிதவிலோகிதலஜ்ஜிதஹஸிதா ।
ப3ஹுவித4கூஜிதரதிரஸரஸிதா ॥ 5 ॥
விபுலபுலகப்ருது2வேபது2ப4ங்கா3 ।
ஶ்வஸிதனிமீலிதவிகஸத3னங்கா3 ॥ 6 ॥
ஶ்ரமஜலகணப4ரஸுப4க3ஶரீரா ।
பரிபதிதோரஸி ரதிரணதீ4ரா ॥ 7 ॥
ஶ்ரீஜயதே3வப4ணிதஹரிரமிதம் ।
கலிகலுஷம் ஜனயது பரிஶமிதம் ॥ 8 ॥
விரஹபாண்டு3முராரிமுகா2ம்பு3ஜ-த்3யுதிரியம் திரயன்னபி சேதனாம் ।
விது4ரதீவ தனோதி மனோபு4வ: ஸஹ்ருத3யே ஹ்ருத3யே மத3னவ்யதா2ம் ॥ 44 ॥
॥ கீ3தம் 15 ॥
ஸமுதி3தமத3னே ரமணீவத3னே சும்ப3னவலிதாத4ரே ।
ம்ருக3மத3திலகம் லிக2தி ஸபுலகம் ம்ருக3மிவ ரஜனீகரே ॥
ரமதே யமுனாபுலினவனே விஜயீ முராரிரது4னா ॥ 1 ॥
க4னசயருசிரே ரசயதி சிகுரே தரலிததருணானநே ।
குரப3ககுஸுமம் சபலாஸுஷமம் ரதிபதிம்ருக3கானநே ॥ 2 ॥
க4டயதி ஸுக4னே குசயுக3க3க3னே ம்ருக3மத3ருசிரூஷிதே ।
மணிஸரமமலம் தாரகபடலம் நக2பத3ஶஶிபூ4ஷிதே ॥ 3 ॥
ஜிதபி3ஸஶகலே ம்ருது3பு4ஜயுக3லே கரதலனலினீத3லே ।
மரகதவலயம் மது4கரனிசயம் விதரதி ஹிமஶீதலே ॥ 4 ॥
ரதிக்3ருஹஜக4னே விபுலாபக4னே மனஸிஜகனகாஸனே ।
மணிமயரஸனம் தோரணஹஸனம் விகிரதி க்ருதவாஸனே ॥ 5 ॥
சரணகிஸலயே கமலானிலயே நக2மணிக3ணபூஜிதே ।
ப3ஹிரபவரணம் யாவகப4ரணம் ஜனயதி ஹ்ருதி3 யோஜிதே ॥ 6 ॥
ரமயதி ஸத்3ருஶம் காமபி ஸுப்4ருஶம் க2லஹலத4ரஸோத3ரே ।
கிமப2லமவஸம் சிரமிஹ விரஸம் வத3 ஸகி2 விடபோத3ரே ॥ 7 ॥
இஹ ரஸப4ணனே க்ருதஹரிகு3ணனே மது4ரிபுபத3ஸேவகே ।
கலியுக3சரிதம் ந வஸது து3ரிதம் கவின்ருபஜயதே3வகே ॥ 8 ॥
நாயாத: ஸகி2 நிர்த3யோ யதி3 ஶட2ஸ்த்வம் தூ3தி கிம் தூ3யஸே ஸ்வச்ச2ன்த3ம் ப3ஹுவல்லப:4 ஸ ரமதே கிம் தத்ர தே தூ3ஷணம் ।
பஶ்யாத்3ய ப்ரியஸம்க3மாய த3யிதஸ்யாக்ருஷ்யமாணம் க3ணை-ருத்கண்டா2ர்திப4ராதி3வ ஸ்பு2டதி3த3ம் சேத: ஸ்வயம் யாஸ்யதி ॥ 45 ॥
॥ கீ3தம் 16 ॥
அனிலதரலகுவலயனயனேன ।
தபதி ந ஸா கிஸலயஶயனேன ॥
ஸகி2 யா ரமிதா வனமாலினா ॥ 1 ॥
விகஸிதஸரஸிஜலலிதமுகே2ன ।
ஸ்பு2டதி ந ஸா மனஸிஜவிஶிகே2ன ॥ 2 ॥
அம்ருதமது4ரம்ருது3தரவசனேன ।
ஜ்வலதி ந ஸா மலயஜபவனேன ॥ 3 ॥
ஸ்த2லஜலருஹருசிகரசரணேன ।
லுட2தி ந ஸா ஹிமகரகிரணேன ॥ 4 ॥
ஸஜலஜலத3ஸமுத3யருசிரேண ।
த3லதி ந ஸா ஹ்ருதி3 சிரவிரஹேண ॥ 5 ॥
கனகனிகஷருசிஶுசிவஸனேன ।
ஶ்வஸதி ந ஸா பரிஜனஹஸனேன ॥ 6 ॥
ஸகலபு4வனஜனவரதருணேன ।
வஹதி ந ஸா ருஜமதிகருணேன ॥ 7 ॥
ஶ்ரீஜயதே3வப4ணிதவசனேன ।
ப்ரவிஶது ஹரிரபி ஹ்ருத3யமனேன ॥ 8 ॥
மனோப4வானந்த3ன சன்த3னானில ப்ரஸீத3 ரே த3க்ஷிண முஞ்ச வாமதாம் ।
க்ஷணம் ஜக3த்ப்ராண விதா4ய மாத4வம் புரோ மம ப்ராணஹரோ ப4விஷ்யஸி ॥ 46 ॥
ரிபுரிவ ஸகீ2ஸம்வாஸோயம் ஶிகீ2வ ஹிமானிலோ விஷமிவ ஸுதா4ரஶ்மிர்யஸ்மின்து3னோதி மனோக3தே ।
ஹ்ருத3யமத3யே தஸ்மின்னேவம் புனர்வலதே ப3லாத் குவலயத்3ருஶாம் வாம: காமோ நிகாமனிரங்குஶ: ॥ 47 ॥
பா3தா4ம் விதே4ஹி மலயானில பஞ்சபா3ண ப்ராணான்க்3ருஹாண ந க்3ருஹம் புனராஶ்ரயிஷ்யே ।
கிம் தே க்ருதான்தப4கி3னி க்ஷமயா தரங்கை3-ரங்கா3னி ஸிஞ்ச மம ஶாம்யது தே3ஹதா3ஹ: ॥ 48 ॥
ப்ராதர்னீலனிசோலமச்யுதமுரஸ்ஸம்வீதபீதாம்ப3ரம்
ரதா4யாஶ்கிதம் விலோக்ய ஹஸதி ஸ்வைரம் ஸகீ2மண்ட3லே ।
வ்ரீடா3சஞ்சலமஞ்சலம் நயனயோராதா4ய ராதா4னநே
ஸ்வாது3ஸ்மேரமுகோ2யமஸ்து ஜக3தா3னந்தா3ய நன்தா3த்மஜ:॥ (கஸ்மிம்ஶ்சன பாடா2ன்தரே இத3ம் பத்3யம் வித்3யதே)
॥ இதி கீ3தகோ3வின்தே3 விப்ரலப்3தா4வர்ணனே நாக3னாராயணோ நாம ஸப்தம: ஸர்க:3 ॥
Browse Related Categories:
