॥ கீ3தகோ3வின்த3ம் ॥
॥ அஷ்டபதீ3 ॥
॥ ஶ்ரீ கோ3பாலக த்4யானம் ॥
யத்3கோ3பீவத3னேன்து3மண்ட3னமபூ4த்கஸ்தூரிகாபத்ரகம் யல்லக்ஷ்மீகுசஶாதகும்ப4 கலஶே வ்யாகோ3சமின்தீ3வரம் ।
யன்னிர்வாணவிதா4னஸாத4னவிதௌ4 ஸித்3தா4ஞ்ஜனம் யோகி3னாம் தன்னஶ்யாமல்த3மாவிரஸ்து ஹ்ருத3யே க்ருஷ்ணாபி4தா4னம் மஹ: ॥ 1 ॥
॥ ஶ்ரீ ஜயதே3வ த்4யானம் ॥
ராதா4மனோரமரமாவரராஸலீல-கா3னாம்ருதைகப4ணிதம் கவிராஜராஜம் ।
ஶ்ரீமாத4வார்ச்சனவித4வனுராக3ஸத்3ம-பத்3மாவதீப்ரியதமம் ப்ரணதோஸ்மி நித்யம் ॥ 2 ॥
ஶ்ரீகோ3பலவிலாஸினீ வலயஸத்3ரத்னாதி3முக்3தா4க்ருதி ஶ்ரீராதா4பதிபாத3பத்3மபஜ4னானந்தா3ப்3தி4மக்3னோனிஶம் ॥
லோகே ஸத்கவிராஜராஜ இதி ய: க்2யாதோ த3யாம்போ4னிதி4: தம் வன்தே3 ஜயதே3வஸத்3கு3ருமஹம் பத்3மாவதீவல்லப4ம் ॥ 3 ॥
॥ ப்ரத2ம: ஸர்க:3 ॥
॥ ஸாமோத3தா3மோத3ர: ॥
மேகை4ர்மேது3ரமம்ப3ரம் வனபு4வ: ஶ்யாமாஸ்தமாலத்3ருமை-ர்னக்தம் பீ4ருரயம் த்வமேவ ததி3மம் ராதே4 க்3ருஹம் ப்ராபய ।
இத்த2ம் நன்த3னிதே3ஶிதஶ்சலிதயோ: ப்ரத்யத்4வகுஞ்ஜத்3ருமம் ராதா4மாத4வயோர்ஜயன்தி யமுனாகூலே ரஹ:கேலய: ॥ 1 ॥
வாக்3தே3வதாசரிதசித்ரிதசித்தஸத்3மா பத்3மாவதீசரணசாரணசக்ரவர்தீ ।
ஶ்ரீவாஸுதே3வரதிகேலிகதா2ஸமேதம் ஏதம் கரோதி ஜயதே3வகவி: ப்ரப3ன்த4ம் ॥ 2 ॥
யதி3 ஹரிஸ்மரணே ஸரஸம் மனோ யதி3 விலாஸகலாஸு குதூஹலம் ।
மது4ரகோமலகான்தபதா3வலீம் ஶ்ருணு ததா3 ஜயதே3வஸரஸ்வதீம் ॥ 3 ॥
வாச: பல்லவயத்யுமாபதித4ர: ஸன்த3ர்ப4ஶுத்3தி4ம் கி3ராம் ஜானீதே ஜயதே3வ ஏவ ஶரண: ஶ்லாக்4யோ து3ரூஹத்3ருதே ।
ஶ்ருங்கா3ரோத்தரஸத்ப்ரமேயரசனைராசார்யகோ3வர்த4ன-ஸ்பர்தீ4 கோபி ந விஶ்ருத: ஶ்ருதித4ரோ தோ4யீ கவிக்ஷ்மாபதி: ॥ 4 ॥
॥ கீ3தம் 1 ॥
ப்ரலயபயோதி4ஜலே த்4ருதவானஸி வேத3ம் ।
விஹிதவஹித்ரசரித்ரமகே2த3ம் ॥
கேஶவ த்4ருதமீனஶரீர ஜய ஜக3தீ3ஶ ஹரே ॥ 1 ॥
க்ஷிதிரதிவிபுலதரே தவ திஷ்ட2தி ப்ருஷ்டே2 ।
த4ரணித4ரணகிணசக்ரக3ரிஷ்டே2 ॥
கேஶவ த்4ருதகச்ச2பரூப ஜய ஜக3தீ3ஶ ஹரே ॥ 2 ॥
வஸதி த3ஶனஶிக2ரே த4ரணீ தவ லக்3னா ।
ஶஶினி கலங்ககலேவ நிமக்3னா ॥
கேஶவ த்4ருதஸூகரரூப ஜய ஜக3தீ3ஶ ஹரே ॥ 3 ॥
தவ கரகமலவரே நக2மத்3பு4தஶ்ருங்க3ம் ।
த3லிதஹிரண்யகஶிபுதனுப்4ருங்க3ம் ॥
கேஶவ த்4ருதனரஹரிரூப ஜய ஜக3தீ3ஶ ஹரே ॥ 4 ॥
ச2லயஸி விக்ரமணே ப3லிமத்3பு4தவாமன ।
பத3னக2னீரஜனிதஜனபாவன ॥
கேஶவ த்4ருதவாமனரூப ஜய ஜக3தீ3ஶ ஹரே ॥ 5 ॥
க்ஷத்ரியருதி4ரமயே ஜக3த3பக3தபாபம் ।
ஸ்னபயஸி பயஸி ஶமிதப4வதாபம் ॥
கேஶவ த்4ருதப்4ருகு4பதிரூப ஜய ஜக3தீ3ஶ ஹரே ॥ 6 ॥
விதரஸி தி3க்ஷு ரணே தி3க்பதிகமனீயம் ।
த3ஶமுக2மௌலிப3லிம் ரமணீயம் ॥
கேஶவ த்4ருதராமஶரீர ஜய ஜக3தீ3ஶ ஹரே ॥ 7 ॥
வஹஸி வபுஷி விஶதே3 வஸனம் ஜலதா3ப4ம் ।
ஹலஹதிபீ4திமிலிதயமுனாப4ம் ॥
கேஶவ த்4ருதஹலத4ரரூப ஜய ஜக3தீ3ஶ ஹரே ॥ 8 ॥
நின்த3ஸி யஜ்ஞவிதே4ரஹஹ ஶ்ருதிஜாதம் ।
ஸத3யஹ்ருத3யத3ர்ஶிதபஶுகா4தம் ॥
கேஶவ த்4ருதபு3த்3த4ஶரீர ஜய ஜக3தீ3ஶ ஹரே ॥ 9 ॥
ம்லேச்ச2னிவஹனித4னே கலயஸி கரவாலம் ।
தூ4மகேதுமிவ கிமபி கராலம் ॥
கேஶவ த்4ருதகல்கிஶரீர ஜய ஜக3தீ3ஶ ஹரே ॥ 1௦ ॥
ஶ்ரீஜயதே3வகவேரித3முதி3தமுதா3ரம் ।
ஶ்ருணு ஸுக2த3ம் ஶுப4த3ம் ப4வஸாரம் ॥
கேஶவ த்4ருதத3ஶவித4ரூப ஜய ஜக3தீ3ஶ ஹரே ॥ 11 ॥
வேதா3னுத்3த4ரதே ஜக3ன்னிவஹதே பூ4கோ3லமுத்3பி3ப்4ரதே தை3த்யம் தா3ரயதே ப3லிம் ச2லயதே க்ஷத்ரக்ஷயம் குர்வதே ।
பௌலஸ்த்யம் ஜயதே ஹலம் கலயதே காருண்யமாதன்வதே ம்லேச்சா2ன்மூர்ச்ச2யதே த3ஶாக்ருதிக்ருதே க்ருஷ்ணாய துப்4யம் நம: ॥ 5 ॥
॥ கீ3தம் 2 ॥
ஶ்ரிதகமலாகுசமண்ட3ல! த்4ருதகுண்ட3ல! ।
கலிதலலிதவனமால! ஜய, ஜய, தே3வ! ஹரே! ॥ 1 ॥
தி3னமணீமண்ட3லமண்ட3ன! ப4வக2ண்ட3ன! ।
முனிஜனமானஸஹம்ஸ! ஜய, ஜய, தே3வ! ஹரே! ॥ 2 ॥
காலியவிஷத4ரக3ஞ்ஜன! ஜனரஞ்ஜன! ।
யது3குலனலினதி3னேஶ! ஜய, ஜய, தே3வ! ஹரே! ॥ 3 ॥
மது4முரனரகவினாஶன! க3ருடா3ஸன! ।
ஸுரகுலகேலினிதா3ன! ஜய, ஜய, தே3வ! ஹரே! ॥ 4 ॥
அமலகமலத3லலோசன! ப4வமோசன்! ।
த்ரிபு4வனப4வனநிதா4ன! ஜய, ஜய, தே3வ! ஹரே! ॥ 5 ॥
ஜனகஸுதாக்ருதபூ4ஷண! ஜிததூ3ஷண! ।
ஸமரஶமிதத3ஶக2ண்ட2! ஜய, ஜய, தே3வ! ஹரே! ॥ 6 ॥
அபி4னவஜலத4ரஸுன்த3ர! த்4ருதமன்த3ர! ।
ஶ்ரீமுக2சன்த்3ரசகோர! ஜய, ஜய, தே3வ! ஹரே! ॥ 7 ॥
ஶ்ரீஜயதே3வகவேரித3ம் குருதே முத3ம் ।
மங்க3லமுஜ்ஜ்வலகீ3தம்; ஜய, ஜய, தே3வ! ஹரே! ॥ 8 ॥
பத்3மாபயோத4ரதடீபரிரம்ப4லக்3ன-காஶ்மீரமுத்3ரிதமுரோ மது4ஸூத3னஸ்ய ।
வ்யக்தானுராக3மிவ கே2லத3னங்க3கே2த-3ஸ்வேதா3ம்பு3பூரமனுபூரயது ப்ரியம் வ: ॥ 6 ॥
வஸன்தே வாஸன்தீகுஸுமஸுகுமாரைரவயவை-ர்ப்4ரமன்தீம் கான்தாரே ப3ஹுவிஹிதக்ருஷ்ணானுஸரணாம் ।
அமன்த3ம் கன்த3ர்பஜ்வரஜனிதசின்தாகுலதயா வலத்3பா3தா4ம் ராதா4ம் ஸரஸமித3முசே ஸஹசரீ ॥ 7 ॥
॥ கீ3தம் 3 ॥
லலிதலவங்க3லதாபரிஶீலனகோமலமலயஸமீரே ।
மது4கரனிகரகரம்பி3தகோகிலகூஜிதகுஞ்ஜகுடீரே ॥
விஹரதி ஹரிரிஹ ஸரஸவஸன்தே ந்ருத்யதி யுவதிஜனேன ஸமம் ஸகி2 விரஹிஜனஸ்ய து3ரன்தே ॥ 1 ॥
உன்மத3மத3னமனோரத2பதி2கவதூ4ஜனஜனிதவிலாபே ।
அலிகுலஸங்குலகுஸுமஸமூஹனிராகுலப3குலகலாபே ॥ 2 ॥
ம்ருக3மத3ஸௌரப4ரப4ஸவஶம்வத3னவத3லமாலதமாலே ।
யுவஜனஹ்ருத3யவிதா3ரணமனஸிஜனக2ருசிகிம்ஶுகஜாலே ॥ 3 ॥
மத3னமஹீபதிகனகத3ண்ட3ருசிகேஶரகுஸுமவிகாஸே ।
மிலிதஶிலீமுக2பாடலிபடலக்ருதஸ்மரதூணவிலாஸே ॥ 4 ॥
விக3லிதலஜ்ஜிதஜக3த3வலோகனதருணகருணக்ருதஹாஸே ।
விரஹினிக்ருன்தனகுன்தமுகா2க்ருதிகேதகத3ன்துரிதாஶே ॥ 5 ॥
மாத4விகாபரிமலலலிதே நவமாலிகஜாதிஸுக3ன்தௌ4 ।
முனிமனஸாமபி மோஹனகாரிணி தருணாகாரணப3ன்தௌ4 ॥ 6 ॥
ஸ்பு2ரத3திமுக்தலதாபரிரம்ப4ணமுகுலிதபுலகிதசூதே ।
ப்3ருன்தா3வனவிபினே பரிஸரபரிக3தயமுனாஜலபூதே ॥ 7 ॥
ஶ்ரீஜயதே3வப4ணிதமித3முத3யதி ஹரிசரணஸ்ம்ருதிஸாரம் ।
ஸரஸவஸன்தஸமயவனவர்ணனமனுக3தமத3னவிகாரம் ॥ 8 ॥
த3ரவித3லிதமல்லீவல்லிசஞ்சத்பராக-3ப்ரகடிதபடவாஸைர்வாஸயன் கானநானி ।
இஹ ஹி த3ஹதி சேத: கேதகீக3ன்த4ப3ன்து4: ப்ரஸரத3ஸமபா3ணப்ராணவத்3க3ன்த4வாஹ: ॥ 8 ॥
உன்மீலன்மது4க3ன்த4லுப்3த4மது4பவ்யாதூ4தசூதாங்குர-க்ரீட3த்கோகிலகாகலீகலகலைருத்3கீ3ர்ணகர்ணஜ்வரா: ।
நீயன்தே பதி2கை: கத2ங்கத2மபி த்4யானாவதா4னக்ஷண-ப்ராப்தப்ராணஸமாஸமாக3மரஸோல்லாஸைரமீ வாஸரா: ॥ 9 ॥
அனேகனாரீபரிரம்ப4ஸம்ப்4ரம-ஸ்பு2ரன்மனோஹாரிவிலாஸலாலஸம் ।
முராரிமாராது3பத3ர்ஶயன்த்யஸௌ ஸகீ2 ஸமக்ஷம் புனராஹ ராதி4காம் ॥ 1௦ ॥
॥ கீ3தம் 4 ॥
சன்த3னசர்சிதனீலகலேப3ரபீதவஸனவனமாலீ ।
கேலிசலன்மணிகுண்ட3லமண்டி3தக3ண்ட3யுக3ஸ்மிதஶாலீ ॥
ஹரிரிஹமுக்3த4வதூ4னிகரே விலாஸினி விலஸதி கேலிபரே ॥ 1 ॥
பீனபயோத4ரபா4ரப4ரேண ஹரிம் பரிரம்ய ஸராக3ம் ।
கோ3பவதூ4ரனுகா3யதி காசிது3த3ஞ்சிதபஞ்சமராக3ம் ॥ 2 ॥
காபி விலாஸவிலோலவிலோசனகே2லனஜனிதமனோஜம் ।
த்4யாயதி முக்3த4வதூ4ரதி4கம் மது4ஸூத3னவத3னஸரோஜம் ॥ 3 ॥
காபி கபோலதலே மிலிதா லபிதும் கிமபி ஶ்ருதிமூலே ।
சாரு சுசும்ப3 நிதம்ப3வதீ த3யிதம் புலகைரனுகூலே ॥ 4 ॥
கேலிகலாகுதுகேன ச காசித3மும் யமுனாஜலகூலே ।
மஞ்ஜுலவஞ்ஜுலகுஞ்ஜக3தம் விசகர்ஷ கரேண து3கூலே ॥ 5 ॥
கரதலதாலதரலவலயாவலிகலிதகலஸ்வனவம்ஶே ।
ராஸரஸே ஸஹன்ருத்யபரா ஹரிணா யுவதி: ப்ரஶஶம்ஸே ॥ 6 ॥
ஶ்லிஷ்யதி காமபி சும்ப3தி காமபி காமபி ரமயதி ராமாம் ।
பஶ்யதி ஸஸ்மிதசாருபராமபராமனுக3ச்ச2தி வாமாம் ॥ 7 ॥
ஶ்ரீஜயதே3வகவேரித3மத்3பு4தகேஶவகேலிரஹஸ்யம் ।
வ்ருன்தா3வனவிபினே லலிதம் விதனோது ஶுபா4னி யஶஸ்யம் ॥ 8 ॥
விஶ்வேஷாமனுரஞ்ஜனேன ஜனயன்னானந்த3மின்தீ3வர-ஶ்ரேணீஶ்யாமலகோமலைருபனயன்னங்கை3ரனங்கோ3த்ஸவம் ।
ஸ்வச்ச2ன்த3ம் வ்ரஜஸுன்த3ரீபி4ரபி4த: ப்ரத்யங்க3மாலிங்கித: ஶ்ருங்கா3ர: ஸகி2 மூர்திமானிவ மதௌ4 முக்3தோ4 ஹரி: க்ரீட3தி ॥ 11 ॥
அத்3யோத்ஸங்க3வஸத்3பு4ஜங்க3கவலக்லேஶாதி3வேஶாசலம் ப்ராலேயப்லவனேச்ச2யானுஸரதி ஶ்ரீக2ண்ட3ஶைலானில: ।
கிம் ச ஸ்னிக்3த4ரஸாலமௌலிமுகுலான்யாலோக்ய ஹர்ஷோத3யா-து3ன்மீலன்தி குஹூ: குஹூரிதி கலோத்தாலா: பிகானாம் கி3ர: ॥ 12 ॥
ராஸோல்லாஸப4ரேணவிப்4ரமப்4ருதாமாபீ4ரவாமப்4ருவா-மப்4யர்ணம் பரிரம்யனிர்ப4ரமுர: ப்ரேமான்த4யா ராத4யா ।
ஸாது4 த்வத்3வத3னம் ஸுதா4மயமிதி வ்யாஹ்ருத்ய கீ3தஸ்துதி-வ்யாஜாது3த்3ப4டசும்பி3தஸ்மிதமனோஹரீ ஹரி: பாது வ: ॥ 13 ॥
॥ இதி ஶ்ரீகீ3தகோ3வின்தே3 ஸாமோத3தா3மோத3ரோ நாம ப்ரத2ம: ஸர்க:3 ॥
Browse Related Categories:
